Re:ރާބޮވިގެން އުޅޭ މައްސަލަ: ޓޫރިޒަމާ ކުޅުމަކީ، އިޤްތިޞާދާ ކުޅުމެވެ.
>> 1.3.10
ހާދަހާ ވިންކަން މަ ބޭނުން، ކެތްނުކުރެވޭ!
......ލަސްނުކޮށް އަޅުވާ ތިޔަޤަވާއިދު ގެޒެޓްގައި
ބިރުގަނޭމަ ތަކުބީރު ނުގޮވާ ކަލޭމެން ނުކުމެ
.......ފަސްވެދާނެ އެޅުވުން ތިޔަޤަވާއިދު ގެޒެޓްގައި
ހާދަހާދެރައޭ އަޅެ ދެން މި ވީގޮތް
.......އޭރުވެސް މަ ސިހޭ 'ޢަރަބި' ދެނެތިބީންދެކެ
ދެންހިނގާ ދައްކަމާ ވާހަކަ އޮޅުވުމާއެކު
.......ބަދަލުކުރުމަށް ވިސްނުމާ ފިކުރު ދިވެހިންގެ
އިސްކުރޭ ދުނިޔެއާ އިޤްތިސާދުގެ ވާހަކަ
.......ފުހެލުމަށް ދިވެހިންގެ ސިކުނޑިން އާޚިރަތް
ގުޅުވަމާ ޠާލިބާނާއި ހަނގުރާމައިގެ ވާހަކަ
.......ބަދަލު ކުރުމަށް ވިސްނުމާއި ފިކުރު މިކަމުގައި
އިތުރުވާނޭ ކަމުގާ ބުނޭ މިބިމަށް 'ދޮންކުދިން'
.......އިތުރު ކުރުމުން ބިޔަރާއި ރާ ކޭސް ކޭހުގައި
ގޮއްސިއޭ ކެނޑިގެން މިޤައުމުގެ ލޭނާރުވެސް
.......ދެންއޮތީ ހަމަ އެންމެ ގޮތެކޭ، އެއީ ފަތުރުވެރިކަން
އޮތްގޮތީ މިގޮތޭ މިދީބުގެ އިޤްތިސާދަށް
......ވިއްކުމޭ ރަލާއި ބިޔަރު ފަތުރުވެރި ކަމަށްޓަކާ
ދީނަކަސް މިޤައުމުގެ، ދެކޮޅުވެއްޖެނަމަ މިޚިޔާލާ
......ދެކޮޅުވެއްޖެ މިޤައުމުގެ ހަމައެކަނި އޮތް އިޤްދިސާދާ
---------------------------------------------------------------------------------
އޭ އަޚާ ހާދަހާވަރެކޭ ތިޔަވަނީ ރާނުވިއްކިގެން؟
.......އޮތްކަމެއް ނެތްހޭ ހަނދާނަކު އެހެން 'ދުވަހެއް'؟
ހާދަހާ ޙަސަދައޭ ތިޔައޮތީ ތަ ހިތުގާ؟
.......މުސްލިމުން ނުކުތީތީވެ މަގުމައްޗަށް ޙައްޤުޤާ؟
ރާ ނުވިއްކިޔަކަސް މި މުސްލިމް ދީބުގާ
.......'ދޮންކުދިން' އަންނާނެ އަންނަން ބޭނުމިއްޔާ
އިޤްތިސާދަށް ނުވާނެ ވިކޭކަށް ތިޔަވަރަށް
.......ގެއްލިދާނެ ދުނިޔެއާއި އާޚިރަތް ނޭނގިހުއްޓާ
ކާން ހިނގާ ހަލާލުތަކެތި ދަތިވިއަސް 'މިއަދު'
.......ނުތިބެވޭނެ މިތާކު އަބުދު އިގްތިސާދުކުރަން
ދެއްވުމަށް ކުޅަދުންވަންތަ އެކަލާނގެ އަބަދުވެސް
.......ގެންދަވަން ކުޅަދުންވަންތަ ކަންވެސް ހަނދާން ކުރޭ
ގެންދެވިގޮތަށް ދިވެހިންގެ ލޭނާރު މިއަދު
.......ގެންދަވަން ކުޅަދުންވަންތަ 'ރަންބިސް އަޅާކުކުޅު' މާދަން
ހީކުރާ ގޮތަކަށް ނުވާނެ ޤަދަރުފުޅާ ނުލާ
.......ނުލިބޭނެކަން ހަނދާން ކުރޭ އެކަލާނގެއާ ނުލާ
ހައްލަކީ ވިއްކުން، ރަލާއި އޫރުމަހެއް ނޫން
.......ހައްލަކީ އެންގެވިގޮތަށް އިޤްތިސާދު ބައްޓަންކުރުން
ހާދަހާ ދެރަވާންޖެހޭނޭ ނުވިސްނައިފިނަމަ މިއަދު
.......މާދަމާ ނުލިބޭނެ ދެވަނަ ފުރުސަތެއް ވިސްނުމަށް
ހެޔޮހިތުން މިގޮވާލަނީ ރުޖޫއަވުމަށް ދީނަށް
.......ބަންދު ވުމުގެކުރިން ތައުބާގެ ދޮރު ލަސްނުކޮށް
0 comments:
Post a Comment