tag:blogger.com,1999:blog-88285340410886727532011-11-27T23:40:15.572ZTruly, the Religion with Allâh is Islâm. (surah 'Aal imran:19)dhonvelehttp://www.blogger.com/profile/10391974428613966340noreply@blogger.comBlogger271100tag:blogger.com,1999:blog-8828534041088672753.post-6404771457348697232010-05-06T17:48:00.005+01:002010-05-11T14:19:00.878+01:003 މެއި 2010 ވީ ހޯމަ ދުވަހު "މުރާސިލުން" އަޅުގަނޑުކީ ލިޔުމެއްގެ މައުޟޫގައި ވަނީ "މޫނު ބުރުގާ ދީނުގެ ފަލްސަފާއާއި އޮޅުންއަރާ" މިހެނެވެ.<br /><br />މި ބަޔާންކުރެވުނު ސުރުޚީއަށް ލިޔެފައިވާ ލިޔުމާއިމެދު ކޮންމެވެސް ވަރެއްގެ ވާހަކައެއް ދަންނަވާލުމަށް އަޅުގަނޑުގެ މިގަސްތުކުރީ ފަހަރެއްގައިވެސް އަޅުގަނޑަކީ ދީނީ ޢިލްމުވެރިއަކަށް ވާތީއެއް ނޫނެވެ. އަދި އެކަމުގެ ޙުކުމް ބަޔާން ކުރުމަކަށްވެސް ނޫނެވެ. އަޅުގަނޑުފަދަ މުސްލިމު އަޚަކަށް ނޭނގުމެއްގެ ތެރޭގައި ނަމަވެސް ދެކޮޅުނު ނުޖެހޭ ވާހަކަތަކެއް ދެއްކިފައި ވާތީ، އަޅުގަނޑުމެންނަކީ މުސްލިމުން ކަމުގައި ވެފައި، ހެޔޮކަންކަމަށް ގޮވާލުމާއި ނުބައި ކަންކަމުން ދުރުހެލި ވުމަށް ވާޤިވެރިވާން ޖެހޭ ބަޔަކަށްވާތީވެ، އަޅުގަނޑުގެ ލަޔާޤަތާއި ޤާބިލުކަން ހުރި މިންވަރަކުން އެކަން ކުރެވޭތޯއެވެ.<br /><br />އެންމެ ފުރަތަމަ މިދެންނެވި ލިޔުމުގެ ސުރުޅީއަށް ބަލާލަމާ ހިނގާށެވެ. "މޫނު ބުރުގާ ދީނުގެ ފަލްސަފާއާއި އޮޅުންއަރާ" މިއެވެ. ފަލްސަފާއަކީ ކޮބައިތޯއެވެ؟ ފަލްސަފާއަކީ މީހުންގެ ނުވަތަ ފަލްސަފާވެރިންގެ ބުއްދިއާއި ވިސްނުމުގެ މައްޗަށް ބިނާކޮށް ކަޑައަޅާ އުސޫލުތަކަކާއި ހަމަތަކަކަށް ކިޔާ ނަމެކެވެ. އިސްލާމު ދީނަކީ ފަލްސަފާއެއް ނޫނެވެ. އިސްލާމު ދީނަކީ މީހެއްގެ ބުއްދިއަށް ވިސްނޭގޮތައް ގެނެވިފައިވާ އުސޫލުތަކެއް ނޫނެވެ. އިސްލާމު ދީނަކީ ޤާނޫނު ހަދާމަޖުލީހަކުން ފާސްކޮށްފައިވާ ޤާނޫނުތަކެއްނޫނެވެ. އެއީ ރައްބުލް ކާއިނާތު ބާވާލައްވާފައިވާ ދިރިއުޅުމުގެ ނިޒާމެކެވެ. ވަޙީއެވެ. ޤުރުއާނާއި ސުންނަތެވެ. ވީމާ ދީނީ ފަލްސަފާއޭ އެގޮތަށް ބޭނުންކުރުމަކީ އެއީ އެދެބަސް ފުށުއަރާ ކަމެކެވެ.<br /> <span id="fullpost"><br />ދެވަނައަށް ފާހަނގަކޮށްލަން ބޭނުންވާ ނުކުތާއަކީ ލިޔުންތެރިޔާ ދެކިލައްވާގޮތުގައި ޢިލްމުވެރިންގެ މެދުގައި ދީނުގެ ބައެއްކަންކަމުގައި ބޮޑެތި ޚިޔާލުތަފާތުވުންތައް ހުރިވާހަކައެވެ. އާއެކެވެ! އިސްލާމުދީނުގެ ޢިލްމުވެރިންގެ މެދުގައި ބައެއްކަންކަމުގައި ރަޢުޔު ތަފާތުވެފައި ވެއެވެ. ލިޔުންތެރިޔާ ދެކިލައްވާ ގޮތުގައި އެއީ ބޮޑެތި ޚިލާފުވުން ތަކެކެވެ. ނަމަވެސް ޙަޤީޤަތުގައި ވަރަށް ކުދި ކުދި ޚިލާފުވުން ތަކެކެވެ. އެޚިލާފުވުންތައް ބޮޑުކުރާ ބަޔަކީ އަޅުގަނޑުމެންނެވެ. ޢިލްމުވެރިންނެއް ނޫނެވެ.<br /><br />މިސާލަކަށް ލިޔުއްވާފައިވާ ސުރުހީއަށް ބަލާލަމާ ހިނގާށެވެ. "މޫނުބުރުގާ ދީނުގެ ފަލްސަފާއާއި އޮޅުންއަރާ" މިއެވެ. ޚިލާފުތައް ބޮޑުކުރާ ބަޔަކީ އަޅުގަނޑުމެންނޭ މިދަންނަވަނީ މިހެންވީމައެވެ. ސަބަބަކީ މޫނުބުރުގާ އެޅުމަކީ ވާޖިބެއް ނޫނޭ ވިދާޅުވާ އެއްވެސް ޢިލްމުވެރިޔަކު މިފަދަ ލަފްޒެއް ބޭނުން ކުރައްވާފައި ވޭތޯއެވެ؟ ނުވަތަ މި މާނަ ދޭހަވާފަދަ ލަފްޒެއްވެސް ބޭނުން ކުރައްވާފައި ވޭތޯއެވެ؟ ނުވެއެވެ. އަދިކިއެއް އެބޭފުޅުން ވާޖިބެއް ނޫނޭ ވިދާޅުވުމާއި އެކު ދެންވިދާޅުވަނީ އެއީ އިތުރުވެގެންވާ ސުންނަތެއް ކަމުގައެވެ. މުސްތަހައްބު ކަމެއް ކަމުގައެވެ. ކޮށްފި ނަމަ ސަވާބު ލިބޭނެ ވާހަކައެވެ. ރަސޫލާ ޞައްލަﷲ ޢަލައިހި ވަސައްލަމްގެ އަނބި އަނބި ކަބަލުންނާއި ޞަޙާބިއްޔާތުން ކުރެއްވި ކަމެއް ކަމުގައެވެ. އިސްލާމީ ތާރީޚްގެ އެންމެ އުޖާލާ ދުވަސްވަރު އަންހެން ކަނބަލުން އެކަން ކުރެއްވި ވާހަކައެވެ. މިއަދާހަމައަށްވެސް އެކަން އޮތީ އެގޮތަށެވެ. އެއީ 'ދީނުގެ ފަލްސަފާއާއި' އޮޅުން އަރާ ކަމެކޭ އެބޭކަލުން ވިދާޅެއް ނުވެއެވެ. ވީމާ އުފެދިފައިވާ ޚިލާފުތައް ބޮޑުކުރާ ބަޔަކީ އަޅުގަނޑުމެންނެވެ. ޢިލްމުވެރިންނެއް ނޫނެވެ.<br /><br />އަދި ހަމަ މިނޭވާގައި އަޅުގަނޑު ފާހަނގަ ކޮށްލާން ބޭނުންވާ ނުކުތާއަކީ ކުރިންވެސް ދެންނެވި ފަދައިން، ޙަޤީޤަތުގައި ޢިލްމުވެރިންގެ ރަޢުޔު ތަކަށް ބައްލަވައިފިނަމަ ޢިލްމުވެރިންގެ މެދުގައި ޚިލާފުވުންތައް ވަރަށް ކުޑައެވެ. އެގޮތަކީ ޤުރުއާނާއި ސުންނަތުގެ އަލީގައި އިސްލާމު ދީނުގެ ޢިލްމުވެރިންގެ ވާހަކަފުޅުތަކަށް ނަޒަރު ހިންގާލާއިރު، އިސްލާމީ ޝަރީޢަތުގައި ދިރިއުޅުމުގެ ކަންތައްތައް ބެހެނީ 5 ބަޔަކަށެވެ. އެއީ 1- ވާޖިބް (ކޮންމެހެން ކުރަންޖެހޭ)، 2- މުސްތަޙައްބު (ކޮއްފިނަމަ ޘަވާބު ލިބޭ ނުކުރިޔަސް ޢަޛާބު ނުލިބޭ) 3- މުބާޙު (ކުރުމާއި ނުކުރުން ހަމަހަމަ)، 4- މަކްރޫހް (ނުކޮށް ދޫކޮއްލައިފިނަމަ ޘަވާބުލިބޭ، ކުރިޔަސް ޢަޛާބު ނުލިބޭ ކަންކަމެވެ.)، އަދި 5- ޙަރާމް (ނުކޮށް ދޫކޮއްލައިފިނަމަ ޘަވާބުލިބޭ، ކޮއްފިނަމަ ޢަޛާބުލިބޭ ކަންކަމެވެ.)<br /><br />މީގެތެރެއިން ވާޖިބާއި މުސްތަޙައްބަކީ ކުރުމަށް ބާރުއަޅާ ރަނގަޅު ކަންތަކެވެ. ތަފާތަކީ ވާޖިބުކަމެއް ކޮންމެހެން ކުރަންޖެހޭކަމެވެ. އަނެއްކޮޅުން މަކްރޫހްއާއި ޙަރާމް ކަމަކީ ނުކުރުމަށް ބާރުއެޅޭ ގޯސްކަންތަކެވެ. ތަފާތަކީ ޙަރާމް ކަމެއްނަމަ ކޮންމެހެން ދުރުހެލި ވާންޖެހޭކަމެވެ.<br /><br />ފާހަނގަކޮށްލާންބޭނުންވާ ނުކުތާއަކީ ބައެއް ޢިލްމުވެރިން ވާޖިބޭ ވިދާޅުވާ ކަމެއްގައި އަނެއް ބައެއް ޢިލްމުވެރިން ޙަރާމެކޭ ވިދާޅެއް ނުވާނެއެވެ. ވިދާޅުވިއަސް ވިދާޅުވަނީ އެއީ މުސްތަޙައްބު ކަމެއް ކަމެވެ. މާނައަކީީ ކޮންމެގޮތެއްވިއަސް އެކަން ކުރުން އެއީ މޮޅުއިތުރުގޮތެވެ. މިސާލަކަށް މޫނުބުރުގާ އެޅުމުގެ މައްސަލައަށް ބަލާލަމާ ހިނގާށެވެ. ޤުރުއާނާއި ޙަދީޘްގެ އަލީގައި ބައެއް ޢިލްމުވެރިން ދެކިލައްވާގޮތުގައި އެކަން ވާޖިބެވެ. އަނެއް ބައެއް ޢިލްމުވެރިން ދެކިލައްވާ ގޮތުގައި ވާޖިބެއް ނޫން، އެކަމަކު މުތަޙައްބުކަން ބޮޑު ސުންނަތެކެވެ. އަދި ރަސޫލާ ޞައްލަﷲ ޢަލައިހި ވަސައްލަމްގެ އަނބި އަނބި ކަބަލުންނާއި، ޞަޙާބިއްޔާތުން ކުރެއްވި މަތިވެރި ކަމެކެވެ. އެއްވެސް ޢިލްމުވެރިޔަކު އެއީ ސާބިތު ނުވާކަމެކޭ ނުވަތަ މަކްރޫހް ކަމެކޭ ނުވަތަ ޙަރާމްކަމެކޭ ވިދާޅުވެފައެއް ނުވެއެވެ. ވީމާ ކޮންމެ ގޮތަކުންވެސް އެކަމަކީ ކުރުން މޮޅުއިތުރު ކަމެއްކަމާއިމެދު ޝައްކެއް ނަތެވެ. އެހެން ނޫންތޯއެވެ؟ ޢީލްމުވެރިންގެ މެދުގައި ބޮޑެތި ޚިލާފުތައް ނެތޭ މިދަންނަވަނީ މިހެންވެއެވެ.<br /><br />އަނެއްކޮޅުން، އެއް ޢިލްމުވެރިޔަކު ޙަރާމޭ ވިދާޅުވާ ކަމެއްގައި އަނެއް ޢިލްމުވެރިޔަކު ވާޖިބެކޭ ވިދާޅެއް ނުވާނެއެވެ. ވިދާޅުވާނީ މަކުރޫހަ ކަމެއް ކަމެވެ. މާނައަކީ އެއީ ނުކޮށް ދޫކޮށްލާންވީ ގޯސްކަމެކެވެ. ސުވާލު އުފެދެނީ ޙަރާމް ތޯ ނުވަތަ މަކްރޫހްތޯއެވެ. ބާރުއެޅެނީ އެކަން ދޫކޮށްލުމަށެވެ.<br /><br />ވީމާ މިކަން މިހާ ސާފުކޮށް މިހެން އޮތްއިރު، ޢިލްމުވެރިންގެ މެދުގައި ބޮޑެތި ޚިލާފުވުންތައް އެބަވެއޭކިޔައި، ކަމުގެ އަޞްލު އޮޅުވާލައި، އަޅުގަނޑުމެން ވިސްނުމާއި ބުއްދިއަށް އަންނަހައި އެއްޗެއް ލިޔުމަކީ މުސްލިމުންގެ ގޮތަކަށް ވެގެން ނުވާނެއެވެ.<br /><br />ދެންއޮތީ ޝަރީޢަތުގެ މައިދާނުގައި ނުވަތަ އައިޑެންޓީޓީގެ ގޮތުގައި މޫނުދެއްކުމުގެ ވާހަކައެވެ. ލިޔުންތެރިޔާގެ ލިޔުން ކިޔާލުމުން ދޭހަވަނީ ލިޔުންތެރިޔާއަށް އެނގިފައިވާ ގޮތުގައި މޫނުބުރުގާ އެޅުމަކީ ދީނީ ޝިޢާރަކަށް ވާނަމަ އައިޑެންޓިޓީގެ ގޮތުގައިވެސް މޫނެއް ނުދެއްކޭނެއެވެ. އެއީ ލިޔުންތެރިޔާއަށް ލިބިފައިވާ ކުށް މަޢުލޫމާތެއް ކަމުގައި ދެކެމެވެ. މޫނުބުރުގާ އެޅުމަކީ އައިޑެންޓިޓީގެ ގޮތުގައި މޫނު ދެއްކުން މަނާވުމެއް ނޫނެވެ.<br /><br />ދެންއޮތީ މޫނުބުރުގާ އަޅައިގެން ތިބޭމީހުން އެހެންމީހުންނަށް ގެއްލުންދިނަސް އެއީ ކާކުކަން ނޭނގޭނެ ވާހަކައެވެ. އަދި ލިޔުންތެރިޔާ ދެކިލައްވާ ގޮތުގައި މޫނުބުރުގާ އެޅުމަކީ މުޖުތަމައަށް އެތައްގިނަ ގެއްލުންތަކެއް ކުރިމަތިވެގެން ދާނޭ ނުރައްކާތެރި ކަމެކެވެ. އާއެކެވެ! މޫނުބުރުގާ އަޅަނީ މީހުންނަށް ގެއްލުން ދޭންކަމުގައި ވަނީނަމަ ކަންވާނީ އެގޮތަށެވެ.<br /><br />ނަމަވެސް ލިޔުންތެރިޔާއަށް އޮޅިފައިވާ ހަޤީގަތަކީ ފާއިތުވި 14 ސަތޭކަ އަރުވު ވީއިރުގައި އެފަދަ މުސްލިމު އުޚްތެއް އެމިސާލުޖައްސަވާފަދަ ގެއްލުމެއް ދީފައިވާ ކަމުގެ އެއްވެސް ރެކޯޑެއް ކުރެވިފައި ނުވާކަމެވެ. މުސްލިމު އުޚްތުން މޫނުބުރުގާ އަޅަނީކީ މީހުންނަށް ގެއްލުން ދޭކަށް ނޫނެވެ. މުސްލިމު އުޚްތުން މޫނުބުރުގާ އަޅަނީ މާތްﷲ އަންގަވާފައި ވާފަދައިން "އެކަބަނލުން އެނގިގެން ވުމަށާއި، އެކަބަލުންނަށް އުދަގޫނުލިބުމަށް އެކަން މާތްކަން ބޮޑުވީމައެވެ" (އަލްއަހްޒާބް 59)<br /><br />އަނެއްކޮޅުން މޫނުބުރުގާ އެޅުން ގިނަވުމަކީ، މުންކަރާތްތައް ގިނަވެ މުޖުތަމައަށް ގެއްލުންހުރި ނުރައްކަލަކަށް ވާނަމަ، މުންކަރާތް އެންމެގިނަ އަދި ނުރައްކާތެރިކަން އެންމެބޮޑު ޤަެއުމަކަށް ވާންޖެހޭނީ ސައުދީ އަރަބިޔާއެވެ. އަދި ޢަރަބި ޤައުމުތަކެވެ. އަދި އެންމެ އަމަން އަމާންކަން އޮންނާންޖެހޭނެ ޤައުމުތަކަކީ އެމެރިކާއާއި ޔޫރަޕުގެ ޤައުމުތަކުގައެވެ. ޚާއްސަކޮށް ފުރާންސެވެ.<br /><br />ނަމަވެސް ރެކޯޑްތައް ދައްކަނީ ދިމާ އިދިކޮޅަށެވެ. ސައުދީ ޢަރަބިޔާއާއި އަރަބި ޤައުމުތަކަކީ ދުނިޔޭގެ އެންމެ މަދުން މުންކަރާތަށް ހިނގާ ޤައުމުތަކެވެ. އެހެން ޤައުމުތަކާ އަޅާބަލާއިރު އެންމެ އަމާން ޤައުމުތަކެވެ. އަނެއްކޮޅުން އެމެރިކާއާއި ޔޫރަޕުގެ ޤައުމުތައް ބެލެވިފައިވަނީ އެންމެ ގިނަ މުންކަރާތްތައް ހިނގާ ޤައުމުތައް ކަމުގައެވެ. އަދި އެއްވެސް އަމަން އަމާންކަމެއް ނެތްޤައުމުތަކެއްގެ ގޮތުގައެވެ.<br /><br />މިއީ އަޅުގަނޑު ދައްކާ ވާހަކަތަކެއް ނޫނެވެ. އެމީހުންގެ ރެކޯޑްތައް ބުނާގޮތެވެ. އެމެރިކާގެ އެފް ބީ އައި އިން 2000 ވަނަ އަހަރު ނެރިފައިވާ ރިޕޯޓެއް ބުނާގޮތުން؛ އެމެރިކާގައި ކޮންމެ 100000 މީހުންގެ ނިސްބަތުން 5510 މީހުންނަކީ އަނިޔާވެރި ގޮތުގައި މަރާލެވޭ މީހުނެވެ. ހަމަ އެ ނިސްބަތުން ސައުދީ އަރަބިއްޔާގައި މަރާލެވޭމީހުންގެ އަދަދަކީ 710 އެވެ. އަދިވެސް އެ ރިޕޯޓްގައި ވެއެވެ.. 100000 މީހުންގެ ނިސްބަތުން އެމެރިކާގައި 23050 އަންހެން ކުދިން ރޭޕުކޮށްލެވެއެވެ. ސައުދީ އަރަބިޔާގައި 140 ކުދިންނެވެ. އަދި މީގެއިތުރުން ވައްކަން ކުރުންފަދަ ކަންތައްތަކުގެ ތަފާސްހިސާބު ވެއެވެ. ނަތީޖާ ހަމަ އެއްގޮތެވެ.<br /><br />ސުވާލަކީ މޫނުބުރުގާ އެޅުމަކީ މުޖުތަމައަށް އެހާ ނުރައްކާހުރި ކަމަކަށް ވާކަމުގައި ވާނަމަ، އެންމެ ގިނައިން މޫނުބުރުގާ އަޅާގައުމުގައި ކުށްކުރުން އެންމެ މަދުވެފައި، މޫނުބުރުގާ އަޅާ އަންހެނުން ނިސްބަތުން 'ނަލިފައި' ގައުމުތަކުގައި އެހާ ކުށްކުރުން ގިނަވަނީ ކީއްވެބާއެވެ؟ ޝައްކެއްވެސް ނެތްގޮތުގައި އެއިން ދޭހަވާކަމަކީ ނުރައްކާތެރިކަން ބޮޑުވުމާއި މޫނުބުރުގާއާއި ގުޅުމެއް ނެތްކަމެވެ. އަދި އަމަން އަމާންކަމާއި މޫނުބުރުގާއާއި ގުޅުން އޮތްކަމެވެ.<br /><br />މީގެއިތުރުން މޫނުބުރުގާ އެޅުން މަނާކޮށްފައިވާ ފުރާންސްގެ 'އަމަން އަމާންކަން'ހުރި މިންވަރަކީ އަހަރަކު 25000 އަންހެން ކުދިން ރޭޕުކޮށްލެވެއެވެ. އެއީ އެވްރެޖްކޮށް ދުވާލަކު 65އަށްވުރެ ގިނަ ކުދިންނެވެ. ވިސްނަވާށެވެ! މިއީ މޫނުބުރުގާ އެޅުން މަނާކޮށްފައިވާ ފުރާންސްގެ ޖަމްއިމިއްޔާއަކުން ނެރެފައިވާ ރިޕޯޓެއް ބުނާގޮތެވެ. އެގައުމުތަކުގައި މިފަދަ އަނިޔާވެރި ޢަމަލުތައް ކުރަނީކީ މޫނުބުރުގާއެޅި އަންހެން ކުދީންނެއް ނޫނެވެ. އަދި މިފަދަ އަނިޔާތަކުގެ ޝިކާރައަކަށްވަނީވެސް މޫނުބުރުގާއެޅި އަންހެން ކުދީންނެއް ނޫނެވެ.<br /><br />އާއެކެވެ! އަޅުގަނޑުވެސް ޤަބޫލުކުރަމެވެ. މޫނުބުރުގާ އަޅާފައިވާ މީހަކު ކުށެއް ކޮށްފާނެއެވެ. ކުރާނެއެވެ. އޭގެމާނައަކީ ހެދުމުގެ މައްސަލައެކޭ ނޫނެވެ. މިއަދު އެންމެ ގިނައިން މަގުފޭރޭ މީހުންގެ އުޞޫލަކީ، ސައިކަލުގައި ދަމުން އަންހެން ކުދިންގެ ދަބަސް ޖަހައިގަތުމެވެ. ދެން އެއަންހެން ކުއްޖާ ފަހަތުން ދުވިއަސް އެމީހުން އަތުވާގޮތެއް ނޯވެއެވެ. އެހެނޭ ކިޔާފައި ސައިކަލު ދުއްވުން މަނާކުރަންވީތޯއެވެ؟ މިއީ ރެކޯޑް ކުރެވިފައިވާ ދިރިހުރި މިސާލެކެވެ.<br /><br />ކޮންމެއަކަސް ކުރުކޮށްލަމުން ޚުލާޞާކޮށްލާހިއްވަނީ އިސްލާމުދީނުގެ ޙުކުމްތަކަކީ ފަލްސަފާއެއް ނޫނެވެ. ރައްބުލް ކާއިނާތު އިންސާނުންނަށް ކަނޑައަޅުއްވާފައިވާ ދިރިއުޅުމެގެ ނިޒާމެކެވެ. މޫނުބުރުގާ އެޅުމަކީ ފަލްސަފާއެއްގެ މައްޗަށް ބިނާވެފައިވާ ކަމެއް ނޫނެވެ. އެއީ ރަސޫލާ ޞައްލަﷲގެ އަނބި އަނބި ކަބަލުންނާއި ޞަޙާބިއްޔާތުން ކުރައްވާފައިވާ، ޤުރުއާނާއި ސުންނަތުން ޘާބިތު ކަމެކެވެ. އެކަމުގެ ޙުކުމަކީ ވާޖިބެއް ކަމުގައި ވިއަސް އަދި މުސްތަޙައްބު ކަމެއް ކަމުގައި ވިއަސް، އެކަމަކީ ޝަރީއަތުގެ ތެރޭގައި ވާކަމެކެވެ. އިސްލާމީ ޝިޢާރެކެވެ. ފަހުން އުފެދިފައިވާ ކަމެއް ނޫނެވެ.<br /><br />ވީމާ، ޤުރުއާނާއި ސުންނަތުގެ އަލީގައި ޢިލްމުވެރިން ކިބައިން އެކަމުގެ ޙުކުމް ބަޔާންވުމަށް ފަހުގައި، އެކަމަކީ ފައިދާ ހުރިކަމެއްތޯ ނުވަތަ ނޫންތޯ ބަހުސްކޮށް ދެކޮޅުވެރި ވުމަކީ، އަޅުގަނޑުމެންނާއި އެކަށީގެންވާ ކަމެއް ނޫނެވެ. އަޅުގަނޑުމެންގެ ވަޒީފާއެއް ނޫނެވެ. މުސްލިމުންގެ ވަޒީފާ ބަޔާނުގައި ހިމެނޭކަމެއް ނޫނެވެ. ﷲގެ އެންގެވުންތަކުގެ ކުރިމަތީގައި މުސްލިމުންގެ ގޮތަކީ "އަހަރުމެން އަޑުއަހާ ކިޔަމަން ވެއްޖައީމެވެ."</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-640477145734869723?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-88094265455787700522010-05-06T17:45:00.002+01:002010-05-06T17:47:31.019+01:00<span style="font-size:130%;">ލިޔުނީ: އައްޝެއިޚް އަބޫ އަރްބަޢު<br />އިސްލާމްދީނުގައި އެންމެ ބޮޑަށް ޙަރާމް ކުރެއްވި ތަކެތީގެ ތެރޭގައި ރިޝްވަތުހިމެނެއެވެ. ރިޝްވަތަކީ ފައިސާދިނުމަކާނުލާ ކޮށްދޭންޖެހޭ ކަމެއްގައި ތިމާގެ އަމިއްލަ މަޞްލަޙަތެއް ފުރިހަމަ ކުރުމުގެ ބޭނުމުގައި މަސްއޫލުވެރިންނަށް ދެވޭ އެއްޗަކަށް ކިޔޭނަމެކެވެ. ރިޝްވަތުދެވެނީ ޙައްގު ގޮތް ބާޠިލްކޮށް، ނުވަތަ ބާޠިލް އެއްޗެއް ޙައްގު އެއްޗެއްކަމުގައި ހެދުމަށް، ނުވަތަ މީހަކަށް އަނިޔާވެރިވުމަށް ކަމަށްވަނީނަމަ ޙަރާމްކަން އިތުރަށް ބޮޑުވެގެންދެއެވެ.<br /> </span><span id="fullpost" style="font-size:130%;"><br />އިބްނުޢާބިދީން-ރަޙިމަހުﷲ- އެކަލޭގެފާނުގެ "ޙާޝިޔާ" އޭ ކިޔުނުފޮތުގައި ލިޔުއްވާފައިވެއެވެ. "ރިޝްވަތަކީ: ޙާކިމާއަށް ނުވަތަ އެނޫންވެސް ފަރާތަކަށް ތިމާއާއި އެއްކޮޅަށް މައްސަލަ ނިންމުމަށް، ނުވަތަ އޭނާ ބޭނުން ގޮތަކަށް މައްސަލަ އަނބުރާލުމަށްޓަކައި ދެވޭ އެއްޗަކަށްކިޔޭ ނަމެކެވެ". މިތަނުގައި ޙާކިމް އޭ އޮތް ބަހުގެ މުރާދަކީ ގާޟީ ނުވަތަ އެނޫންވެސް ރިޝްވަތުދޭމީހާގެ މަޞްލަޙަތު އަނބުރާލުމުގެ ބާރު ލިބިގެންވާ މީހާއެވެ. އެއީ ސަރުކާރުގެ މަސްއޫލުފަރާތެއް ނަމަވެސް ނުވަތަ އަމިއްލަ މަސައްކަތުގައި އުޅޭ ވިޔަފާރި އެޖެންޓުން ފަދަ މީހުން ކަމުގައިވީ ނަމަވެސް އެވެ.<br /><br />ރިޝްވަތަކީ މާތް ﷲ ޙަރާމް ކުރައްވާފައިވާ ކަމެކެވެ. އަދި އެއީ ބޮޑެތިފާފަ ތަކުގެ ތެރޭގައި ހިމެނޭވެސް ކަމެކެވެ. އެކަމުގައި އުޅޭ އެންމެންެގެ މައްޗަށް މާތް ﷲ ގެ ލަޢުނަތް ޙައްގުވެންވާ ކަމަށް ކީރިތި ރަސޫލާ -ޞައްލަﷲ އަލައިހި ވަސައްލަމަ- ޙަދީޘް ކުރައްވާފައިވާ އެއްޗެކެވެ. އެހެންކަމުން ކޮންމެ މުސްލިމެއްގެ މައްޗަށް ވާޖިބުވެގެންވަނީ މިކަމުންދުރުހެލިވެ، އެހެންމީސްތަކުންވެސް މިކަމުންދުރުހެލިކުރުވުމަށް މަސައްކަތްކޮށް، އަދި އެކަމުގެ ނުބައިކަން މީސްތަކުންނަށް ބުނެދީ ހެދުމެވެ. އެކަމުގެ ނުބައިކަމުގެ ބޮޑުކަމާއި، އެކުލެވިގެންވާ ފަސާދައިގެ ބޮޑުކަން، އަދި އެކަމުގެ ސަބަބުން ފަހުންދިމާވެދާނެ ހިތިނަތީޖާ ތަކުގެވާހަކައިން މީސްތަކުން ހޭލުންތެރި ކުރުވުމެވެ. މިފަދަ ނުބައި ކަންތައްތަކުގައި އެކަކު އަނެކަކަށް އެހީތެރިވެ ނޫޅުމަށް ކީރިތި ގުރްއާނުގައި ވަނީ އަންގަވާފައެެވެ. މާތްﷲ ވަޙީ ކުރެއްވިއެވެ. (وتعاونوا على البر والتقوى ولا تعاونوا على الإثم والعدوان) މާނައަކީ: "ތިޔަބައިމީހުން ހެޔޮކަންތަކުގައި އެކަކު އަނެކަކަށް އެހީތެރިވެ އުޅޭށެވެ. އަދި ނުބައިކަންތަކުގައި އެކަކު އަނެކަކަށް އެހީތެރިވެ ނޫޅޭށެވެ". (ސޫރަތުލް މާއިދާ ގެ 2 ވަނަ އާޔަތް).<br /><br />މީސްތަކުންގެ މުދާ ނަހަމަ ގޮތުގައި ކައި އުޅުން އިސްލާމްދީން ވަނީ ޙަރާމް ކުރައްވާފައެވެ. މާތް ﷲ ވަޙީ ކުރެއްވިއެވެ. (يأيها الذين ءامنوا لا تأكلوا أموالكم بينكم بالباطل إلا أن تكون تجارة عن تراض منكم) މާނައަކީ: "އޭ އީމާންވެއްޖެ މީސްތަކުންނޭވެ. ތިޔަބައިމީހުންގެ ތެރެއިން ދެފަރާތުގެ ރުހުމުގެ މައްޗަށް އޮންނަ ވިޔަފާރިއަކުން ފިޔަވައި، އެހެން ބާޠިލްގޮތްގޮތަށް ތިޔަބައިމީހުންގެ މުދާތައް ތިޔަބައިމީހުންގެ މެދުގައި ކައި ނޫޅޭށެވެ". (ސޫރަތުއްނިސާ ގެ 29 ވަނަ އާޔަތް).<br /><br />އަދިވެސް ވަޙީ ކުރެއްވިއެވެ.(ولا تأكلوا أموالكم بينكم بالباطل وتُدلوا بها إلى الحُكّام لتأكلوا فريقاً من أموال النّاس بالإثْمِ وأنْتُم تعلمون)، މާނައަކީ: "އަދި ތިޔަބައިމީހުންގެ މުދާތައް، ތިޔަބައިމީހުންގެ މެދުގައި ކައި ނޫޅޭށެވެ. އަދި ތިޔަބައިމީހުން ދެނެތިބެގެންމެ، މީސްތަކުންގެ މުދަލުގެތެރެއިން ބައެއް، ފާފަވެރިގޮތުގައި ކެއުމަށްޓަކައި، ތިޔަބައިމީހުންގެ މުދާތައް ޙުކުމްކުރާމީހުންނަށް ނުދޭށެވެ". (ސޫރަތުލް ބަގަރާ ގެ 188 ވަނަ އާޔަތް).<br /><br />މީސްތަކުންގެ މުދާ ބާޠިލްގޮތުގައި ކެވޭނެ އެންމެ ބޮޑުގޮތަކީ ރިޝްވަތުގެ ގޮތުގައި ބޭނުންކުރުމެވެ. ސަބަބަކީ ޙައްގު މަގުން ކަމެއް އެއްކިބާ ކުރުމުގެ ގޮތުން ފައިސާދެވޭތީއެވެ.<br /><br />ރިޝްވަތުގައި ޝާމިލްވާ ތިން ރުކުންވެސް ވަނީ ޙަރާމް ކަންތައްތަކުގެ ތެރޭގައެވެ. އެއީ ރިޝްވަތުދޭމީހާއާއި، ހިފާމީހާއާއި، އެކަމުގައި މެދުވެރިއަކަށްވާ މީހާއެވެ. ރަސޫލާ -ޞައްލަﷲ އަލައިހި ވަސައްލަމް- ގެ ކިބައިން ރިވާވެގެންވެއެވެ. (لعن الله الراشي والمرتشي والرائش) މާނައަކީ: "ރިޝްވަތުދޭމީހާއާއި، ހިފާމީހާ، އަދި މެދުވެރިއަކަށްވާ މީހާއަށް މާތް ﷲ ލަޢުނަތް ލައްވައެވެ".<br /><br />މާތްﷲ ގެ ލަޢުނަތްލެއްވުމޭ ބުނެވޭބަހުގެ މާނައަކީ: އެމީހަކު މާތް ﷲ ގެ ރަޙްމަތުން ބޭރުކޮށްލެވުމެވެ. މިފަދަ ބޮޑު ޢުގޫބާތެއް މީހަކަށް ލިބުމުގެ މާނައަކީ އޭނާއަށް އަރައިގަނެވުނު ކުށުގެ ބޮޑުކަމެވެ. އެހެންކަމުން މިފަދަ ކަންތަކުން ދުރުހެލިވެތިބުމަށް އަޅުގަޑުގެ އަމިއްލަ ނަފްސަށާއި އެންމެ އަޚުންނާއި އުޚްތުންނަށް ނަޞޭޙަތްތެރިވަމެވެ.<br /><br />ރިޝްވަތަކީ "ސުޙްތު" ގެ ބާވަތެކެވެ. ކީރިތި ގުރްއާނުގައި ޔަހޫދީން ސުހްތު ކެއުމުގެ ސަބަބުން އެބައިމީހުންނަށް ވަނީ ބަދު ބަސް ރައްދުކުރައްވާފައެވެ. ވަޙީ ކުރެއްވިއެވެ. (سَمّاعُونَ لِلكَذِبِ أَكّالُونَ للسُّحت) މާނައަކީ: "އެއީ ދޮގުބަސް އަހާމީހުންނެވެ. އަދި އެއީ ޙަރާމް މުދާ ކާމީހުންނެވެ". (ސޫރަތުލް މާއިދާ ގެ 42 ވަނަ އާޔަތް).<br /><br />އަދިވެސް ވަޙީކުރެއްވިއެވެ. (وَتَرى كثيراً منهم يُسارعُونَ في الإثْمِ والعُدْوانِ وأكلهِمُ السُّحْتَ لبِئْسَ ما كانوا يعْملون ، لولا ينهاهُمُ الربَانيون والأحبارُ عن قولِهِمُ الإثْمَ وأكْلِهِمُ السُّحتَ لبئس ما كانوا يَصْنعون) މާނައަކީ: "އޭގެ ތެރެއިން ގިނަބަޔަކު، ފާފަވެރިވުމަށާއި ދެކޮޅުވެރިވުމަށާއި، ޙަރާމް މުދާ ކެއުމަށް އަވަސްވެގަންނަތަން ކަލޭގެފާނު ދެކެވަޑައިގަންނަވާނެއެވެ އެބައިމީހުން ކުރަމުންދިޔަ ޢަމަލުތަކުގެ ނުބައިމާއެވެ!". (ސޫރަތުލް މާއިދާގެ 62-63).<br /><br />އަދިވެސް ވަޙީކުރެއްވިއެވެ. (فَبِظُلمٍ من الذين هادوا حرّمنا عليهم طيّباتٍ أُحِلّتْ لهم وبِصَدّهم عن سبيلِ الله كثيراً ، وأَخْذِهِمُ الرّبا وقَدْ نُهُوا عَنْهُ وأكلهِم أموالَ النّاسِ بالباطلِ). މާނައީ: "ޔަހޫދީންނަށް ޙަލާލު ކުރެއްވިފައިވާ ރަނގަޅު އެއްޗެހިތަކެއް، އެބައިމީހުންގެ މައްޗަށް ތިމަންﷲ ޙަރާމްކުރެއްވީ، އެޔަހޫދީންގެ ފަރާތުން އަނިޔާވެރިވެ، ނުބައިކަންތައްކުރުމުގެ ސަބަބުންނެވެ. އަދި އެބައިމީހުން މާތް ﷲގެ މަގުގައި ހުރަސްއަޅައި، އެމަގު ފިޔަވައި ގިނަފަހަރަށް މަނާކުރުމުގެ ސަބަބުންނެވެ. އަދި އެބައިމީހުންނަށް ނަހީވެގެންވުމާއިއެކު އެބައިމީހުން ރިބާ ހިފިކަމުގެ ސަބުންނެއވެ. އަދި މީސްތަކުންގެ މުދާތައް، ބާޠިލްގޮތުގައި އެބައިމީހުން ކެއުމުގެ ސަބަބުންނެވެ. އެބައިމީހުންގެ ތެރެއިން ކާފިރުންނަށްޓަކައި ވޭންދެނިވި ޢަޛާބު ތިމަން ﷲ ތައްޔާރުކުރައްވާހުށީމެވެ". (ސޫރަތުއްނިސާ ގެ 160 ވަނަ އާޔަތް).<br /><br />މިނުބައި ޢަމަލުން ސަލާމަތްވެތިބުމަށް އަންގަވައި އެެތައް ޙަދީޘް ތަކެއް ވާރިދުވެފައިވެއެވެ. އެގޮތުން އިބްނު ޢުމަރު-ރަޟިޔަﷲ ޢަންހު- ކީރިތި ރަސޫލާ-ޞައްލަﷲ އަލައިހިވަސައްލަމަ- ގެ ކިބައިން ރިވާކުރެއްވި ޙަދީޘެއްގައިވެއެވެ. (كل لحم أنبته السحت فالنار أولى به ، قيل: وما السحت؟ قال: الرشوة في الحكم) މާނައަކީ: "ސުޙްތުކައިގެން ހަށިގަޑުގައި ޖަހާފައިވާމަހަށް އެންމެ އައުލާކަންބޮޑީ ނަރަކައިގެ އަލިފާންގަނޑެވެ". ދެންނެވުނެވެ. "ސުޙްތަކީ ކޮބައިތޯއެވެ؟" ޙަދީޘް ކުރެއްވިއެވެ. "ޙުކުމްގައި ރިޝްވަތު ދިނުމެވެ".<br />އިބްނުމަސްޢޫދު-ރަޟިޔަﷲ ޢަންހު-ގެ ކިބައިން ރިވާވެގެންވެއެވެ. "ސުޙްތަކީ ދީނުގެކަންތަކުގައި ރިޝްވަތުދިނުމެވެ".<br /><br />އަބޫހުރައިރާ-ރަޟިޔަﷲ ޢަންހު-ގެ ކިބައިން އަލްއިމާމް މުސްލިމް ރިވާކުރެއްވި ޙަދީޘެއްގައިވެއެވެ. (إن الله تعالى طيب لا يقبل إلا طيباً وإن الله أمر المؤمنين بما أمر به المرسلين » فقال تعالى: { يا أيّها الرُّسُلُ كُلُوا من الطيّباتِ وَاعْمَلُوا صالحاً ) وقال تعالى( يا أيها الذين آمنوا كُلُوا من طيّباتِ ما رزقْناكُم)البقرة: 172] ثم ذكر الرجل يطيل السفر أشعث أغبر يمد يديه إلى السماء يا رب، يا رب، ومطعمه حرام، ومشربه حرام، وملبسه حرام، وغُذّي بالحرام فأنّى يُستجابُ له؟ މާނައަކީ: "ހަމަކަށަވަރުން ﷲ ތަޢާލާ އަކީ ހުރިހާ ރަގަޅުކަމެއްގެ ޞިފަލިބިގެންވާ އިލާހެވެ. އެއިލާހު ރަގަޅު ކަންތައް ފިޔަވާ އެހެން ކަމެއް ގަބޫލެއް ނުކުރައްވައެވެ. މާތް ﷲ މުއުމިނުންނަށް އަމުރުކުރައްވަނީ ހުރިހާ ރަސޫލު ބޭކަލުންނަށްވެސް އަމުރު ކުރެއްވިފަދައިންނެވެ. ވަޙީކުރެއްވިއެވެ. "އެންމެހައި ރަސޫލު ބޭކަލުންނޭވެ. ޙަލާލު ރަގަޅުތަކެތި ކައިހަދާށެވެ. އަދި ހެޔޮ ޢަމަލު ކުރާށެވެ". (ސޫރަތުލް މުއުމިނޫން ގެ 51 ވަނަ އާޔަތް). އަދި މުއިމުނުންނާ މުޚާޠަބު ކުރައްވާ ވަޙީ ކުރެއްވިއެވެ. "އޭއީމާންވެއްޖެ މީސްތަކުންނޭވެ. ތިޔަބައިމީހުންނަށް ޙަލާލު ކުރެއްވި ރަގަޅު ތަކެތިން ކައިބޮއި އުޅޭށެވެ. އަދި ހެޔޮ ޢަމަލު ކުރާހުށިކަމެވެ". (ސޫރަތުލް ބަގަރާ ގެ 172 ވަނަ އާޔަތް)، އެއަށްފަހު ޙަދީޘް ކުރެއްވިއެވެ. "މީހަކު ދިގުދަތުރެއްގެ މަތީގައި ހުރެ، ދަތުރުގެ ވަރުބަލިކަންމަތީގައި ހުރެ ހައްދަވާގެންގުޅުއްވާ އިލާހޭ ދަންނަވާ، ދެއަތްމައްޗަށްނަގައި، ގިނަ ގިނައިން ދުޢާ ކުރި ކަމުގައިވީނަމަވެސް އޭނާގެ ކާއެއްޗިއްސާއި، ބޯއެއްޗެތި އަދި އަންނައުނަކީ ޙަރާމްގޮތުގައި ހޯދާފައިވާ ތަކެތި ކަމަށްވަނީ ނަމަ އޭނާގެ ދުޢާ އިޖާބަ ކުރައްވާނީ ކޮންގޮތަކުންތޯއެވެ؟!".<br />މިޙަދީޘް އިން ދޭހަވާ ގޮތުގައި ދުޢާ އިޖާބަ ކުރެއްވުމުގެ ސަބަބުތަކުގެ ތެރޭގައި ދަތުރުވެރިއަކަށްވުން، ގިނަގިނައިން ދެންނެވުން، ދެއަތްމައްޗަށްނަގާ ދެންނެވުން، އަދި ﷲ ގެ ރުބޫބިއްޔަތުގެ ޞިފަ (ﷲ އީ އިންސާނުން ހައްދަވާ ގެންގުޅުއްވާ އިލާހުކަން) ބޭނުންކުރުން، އަދި ޙަލާލުތަކެތިކެއުން ބުއިމުގައި އަދި ލިބާސްއެޅުމުގައި ބޭނުންކުރުން ހިމެނެއެވެ. އެހެންކަމުން ރިޝްވަތުގެ ޙަރާމް ލާރިކައިބޮއި، އަދި އެފައިސާއިން ހޯދާފައިވާ ހެދުމެއްލައިގެން ހުރެ މާތް ﷲ ގެ ޙަޟްރަތުގައި ދަންނަވާ ދުޢާ މާތް ﷲ އިޖާބަ ނުކުރައްވާނެއެވެ.<br /><br />އެއްދުވަހަކު ކީރިތި ރަސޫލާ-ޞައްލަﷲ އަލައިހިވަސައްލަމަ އަންނަނިވި އާޔަތް ކިޔަވާ ވިދާޅުވިއެވެ. (يا أيّها النّاسُ كُلُوا ممّا في الأرضِ حلالاً طيّباً ) މާނައަކީ: "އޭމީސްތަކުންނޭވެ. ތިޔަބައިމީހުން ބިމުގައިވާ ޙަލާލު ރަގަޅުތަކެތިން ކައި އުޅޭށެވެ"، (ސޫރަތުލް ބަގަރާގެ 168 ވަނަ އާޔަތް)، އެހިނދުގައި ސަޢުދު ބިން އަބީ ވައްގާޞް-ރަޟިޔަﷲ ޢަންހު- ކޮޅަށް ތެދުވެވަޑައިގެން ދެންނެވިއެވެ. " އޭ ﷲ ގެ ރަސޫލާއެވެ. ތިމަން ކަލޭގެ ފާނަކީ ދުޢާ މުސްތަޖާބު ބޭފުޅެއްކަމުގައި ލެއްވުން އެދި މާތް ﷲ ގެ ޙަޟްރަތުގައި ދުޢާ ކޮށް ދެއްވާށެވެ" ، ރަސޫލާ-ޞައްލަﷲ އަލައިހި ވަސައްލަމަ- ޙަދީޘް ކުރެއވިއެވެ. " އޭ ސަޢުދު އެވެ. ތިބާގެ ކާނާއަކީ ޙަލާލު އެއްޗެއް ކަމުގައި ހަދާހުށިކަމެވެ. އޭރުން ތިބާއަކީ ދުޢާ މުސްތަޖާބު ބޭފުޅަކަށްވާނެއެވެ. މުޙައްމަދުގެފާނުގެ ނަފްސު އެފަރާތެއްގެ އަތުގައިވާ ފަރާތް ގަންދެއްވާ ވިދާޅުވަމެވެ. މީހަކު ޙަރާމް ތަކެތިން ކޯވަރެއްގެ މިންވަރަށް އަގަޔަށްލީކަމުގައިވީ ނަމަވެސް ސާޅީސް ދުވަސް ވަންދެން އެމީހެއްގެ ޢަމަލު ތައް މާތް ﷲ ގަބޫލު ނުކުރައްވާނެއެވެ. އެއްވެސް މީހެއްގެ ހަށިގަޑުގައި ޙަރާމް އެއްޗެއްކައިގެން މަސްޖަހާފައިވާނަމަ، އެމަސްތަކަށް އެންމެ އައުލާކަން ބޮޑީ ނަރަކައިގެ އަލިފާންގަނޑެވެ".<br /><br />އެހެންކަމުން އަޅުގަޑުމެން ކޮންމެ މީހެއްގެ ޒިންމާ އެއްކަމުގައިވާންވީ ތިމާގެ އަމިއްލަ ނަފްސަށާއި ތިމާގެ ބާރުފޯރާ އެންމެން، އަދި ތިމާގެ ބަސްއަހާ އެންމެންނަށް މިނުބައިވަބާ އިން ރައްކާތެރިވުމަށް ނަޞޭޙަތްތެރި ވުމެވެ. މާތް ﷲ އަޅުގަޑުމެން އެންމެންނަށް ހެޔޮ ތައުފީގް ދެއްވާށިއެވެ. އާމީން.<br /></span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-8809426545578770052?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-69603774090869533202010-04-30T17:29:00.004+01:002010-05-02T17:25:06.725+01:00<span class="artdetails" dir="RTL" style="font-size:130%;">28އޭޕްރީލް ވީ ބުދަ ދުވަހު މުރާސިލުން އަޅުގަނޑުކީ 'ޢިލްމީ' ލިޔުމެއްގެ މައުޟޫގައި ވަނީ "އިސްލާމީ ޢިލްމުގެ ތަރާދުގައި، މަޝްހޫރު މުރަނގަ ގަސްދޮށު މާލިމީ، ބޭސްފަރުވާގެ ޑޮކްޓަރ، ޑރ ޒާކިރު ނައިކް" މިހެނެވެ.</span><span style="font-size:130%;"><br /></span><span style="font-size:130%;">މި ބަޔާންކުރެވުނު ސުރުހީއަށް ލިޔެފައިވާ ލިޔުމާއިމެދު ކޮންމެވެސް ވަރެއްގެ ވާހަކައެއް ދަންނަވާލުމަށް އަޅުގަނޑުގެ ގަލަން މިއުފުލާލީ ފަހަރެއްގައިވެސް، އެލިޔުމުގެ މުއައްލިފާއި ދެކޮޅުވެރި ކަމެއްފެށުމަކަށް ނޫނެވެ. އަޅުގަނޑުމެންނަކީ މުސްލިމުން ކަމުގައި ވެފައި، ހެޔޮކަންކަމަށް ގޮވާލުމާއި ނުބައި ކަންކަމުން ދުރުހެލި ވުމަށް ވާޤިވެރިވާން ޖެހޭ ބަޔަކަށްވާތީވެ، އަޅުގަނޑުގެ ލަޔާޤަތާއި ޤާބިލުކަން ހުރި މިންވަރަކުން އެކަން ކުރެވޭތޯއެވެ.<br /></span><span id="fullpost" style="font-size:130%;"><br />ތެދެކެވެ! ޢިލްމަކީ ނަބީބޭކަލުން ވާރުތަކޮށްފައިވާ އަގުހުރި މުދަލެވެ. ޢިލްމުވެރީންގެ ޒިންމާއަކަށް ވާންޖެހޭނީ އެމުދަލަށް ރައްކާތެރިވެ، އޭގެ އަސްލު ސޫރާގައި އެންމެހާ މީސްތަކުންނަށް އެ ޢިލްމު ވާރުތަކޮށް ދިނުމެވެ. އަދި ހަމަ އެއާއިއެކު، ޢިލްމުވެރިންގެ ހެދުން ތުރުކޮށްގެންތިބެ، ޢިލްމުގެ އަސްލު ސޫރަ ގެއްލުވާލައި، މީސްތަކުންނަށް ޢިލްމު ފޯރުކޮށްދިނުމުގައި ހިޔާނަތްތެރިވާނަމަ، އެފަދަ މީހުންގެ ބިތުފަންގި ފިލާ އުފުލާލައި ހަޤީޤަތް މީސްތަކުންނަށް ހާމަކޮށްދިނުމަކީވެސް ދަންނަމީހުންގެ ވާޖިބެކެވެ.<br /><br />އެހެން ނަމަވެސް މިދެންނެވި ފަދައިން ބިތުފަންގިފިލާ އުފުލާލައި މީސްތަކުންނަށް ހައްޤާއި ބާތިލް ވަކިކޮށްދިނުމުގައި އުސޫލުތަކަކާއި ހަމަތަކެއް އޮންނަން ވާނެއެވެ. ޚާއްޞަކޮށް އަޅުގަނޑުމެންނަކީ މުސްލިމުން ކަމަށްވާއިރު، އަޅުގަނޑުމެން ތަބާވާންޖެހެނީ، ﷲގެ ވަޙީބަސްފުޅުތަކަށާއި މޫރިތި ސުންނަތަކަށް ކަމަށްވާއިރު، އޭގައި ކަނޑައަޅުއްވާފައިވާ އުސޫލުތަކާއި އަޚްލާޤީ މިންގަޑުތަކަށް ތަބާވާންޖެހޭނެއެވެ. އެހެން ނުވާނަމަ ހަޤީޤަތް ހާމަކުރުމަށް ކުރެވުނު ބުރަ މަސައްކަތަކީ، އޭގެ ސަބަބުން މީސްތަކުންނަށް ފައިދާލިބުމުގެ ބަދަލުގައި ގެއްލުން ހުރި ކަމަކަށް ވެދާނެއެވެ. އެއީ މީސްތަކުންގެ މެދުގައި ފިތުނަފަސާދައަށް މަގުފަހިކޮށް ހުޅުވޭ ދޮރެއްކަމުގައި ވެގެން ހިނގައިދާނެއެވެ. ވީމާ ޙައްޤު ބަޔާންކުރުމަށް ފޫގަޅާއިރުގައި އިސްލާމު ދީނުގެ ތަރަހައިގެ ތެރޭގައި ތިބުމަކީ ވަރަށްވެސް މުހިންމު ކަމެކެވެ.<br /><br />މިގޮތުން ބަލާއިރު އެންމެ ފުރަތަމަ ދެނެގަންނަންވީ ނުކުތާއަކީ، ގިނަމުސްލިމުން ދީނީގޮތުން ޤަބޫލުކުރާ ޝަޙްސިއްޔަތަކާއި ދެކޮޅަށް "މަގުފުރެދިފައިވާ" މީހެއްގެ ލަޤަބުދީ، މީސްތަކުންނަށް 'ޙައްޤު' އޮޅުންފިލުވައި ދެއްވާއިރުގައި، ތިމާއަކީ އެކަމަށް އެކަށޭނަ މީހަކަށް ވާންޖެހޭނެއެވެ. ނުވަތަ ޢިލްމުވެރިޔަކަށް ވާންޖެހޭނެއެވެ. މިސާލަކަށް ޝެއިޚް އަލްބާނީ ރަޙިމަހުﷲގެ ފިކުރަކަށް ނުވަތަ ފަތުވާއަކަށް ރައްދުދީ ލިޔާމީހަކީ، އެބޭފުޅާއަށް ލިބިފައިވާ ޢިލްމާއި އެއްވަރު ނުވަތަ އެޔައްވުރެ ބޮޑު ޢިލްމުވެރިޔަކަށް ވާންޖެހޭނެއެވެ. އެޔާއި ޚިލާފަށް އަޅުގަނޑުމެންފަދަ ތަނެއްދޮރެއް ނުދަންނަމީހުން އެފަދަ ބޭފުޅެއްގެ ފަތުވާއަށް ރައްދުދީ 'ލޭބަލް' ކުރުމަކީ ހެޔޮ ޢަމަލަކަށް ނުވާނެއެވެ. އެއީ އެއްވެސް މީހަކު ޤަބޫލުކުރާނެ ކަމެއް ނޫނެވެ. އެހެން ނޫންތޯއެވެ؟<br /><br />މީގެއިތުރުން އަޅުގަނޑު ފާހަނގަކޮށްލަން ބޭނުންވާ އަނެއް ނުކުތާއަކީ އަޚްލާގީ މިންގަނޑެވެ. ޙައްޤު ބަޔާންކުރައްވާއިރު ބަހުރުވަ ހުންނަންވާނީ، ސުންނަތާއި ސަލަފުއް ސާލިހުން މުއާމަލާތުކުރުމުގައި ދައްކަވާފައިވާ ރިވެތި ނަމޫނާގެ މައްޗަށް ބިނާވެފައެވެ. އެއާއި ޚިލާފަށް "ޑރ ޒާކިރުމެންފަދަ އުޑެއް ބުޑެއް ވަކިނުވާ، ތޯތޯ ޢިލްމުވެރީން، އެމީހުންގެ މުޑުދާރު އޯލަޔޯލަ ވާހަކަތަކުން ކޮޅުފައިންޖަމުންދާ މަންޒަރަކީ.." ނުވަތަ "ޑރ ޒާކިރުގެ ޖާހިލުކަމާއި މަގުފުރެދުން..." މިފަދަ ލަފްޒުތައް ބޭނުންކުރާނަމަ، އޭގެން ދޭހަވަނީ ލިޔުން ތެރިޔާގެ އިމޯޝަނަލް ކަމެވެ. އަޚްލާޤީ މިންގަޑާއި ދުރުވެފައިވާ މިންވަރެވެ. ދީނީވާހަކަތައް ދައްކަވަންޖެހޭނީ އިމޯޝަނަލް ވުމެއްނެތި، މާތްﷲއަށް ޚާލިސްކޮށް، އަޚްލާޤީ މިންގަޑުގެ ތެރޭގައިކަން އެންމެ އާދައިގެ މުސްލިމަކަށްވެސް އެނގޭނެއެވެ.<br /><br />ތިންވަނައަށް ފާހަގަކޮށްލަން ބޭނުންވާ ނުކުތާއަކީ، ހައްޤާއި ބާތިލް ބަޔާންކޮށްދިނުމުގައި ހަމައެކަނި ﷲއަށް ޚާލިސްކޮށް އެކަންކުރުމެވެ. އެހެންކަމަށް ވާނަމަ، ތިމާގެ ބަހަކީ ތެދުބަހެއްތޯ ނުވަތަ ނޫންތޯ ޔަޤީންކުރަންޖެހޭނެއެވެ. އަދި ދެއްކިފައިވާ ވާހަކަތަކަކީ ޢަދުލެވެރި އޭގައި އޮޅުމެއްނެއް ވާހަކަތަކަށް ވާންޖެހޭނެއެވެ. އެހެން ނޫންކަމުގައި ވާނަމަ، އެހެދެނީ ދޮގެކެވެ. ވެގެންދާނީ މުސްލިމެއްގެ މައްޗަށް އުފުލޭ ބުހުތާނަކަށެވެ. އެއީ ﷲގެ ހަޟުރަތުގައި ކުޑަކަމެއް ނޫނެވެ. ވަރަށް ބޮޑު ކަމެވެ.<br /><br />ކޮންމެއަކަސް މިދަންނަވާ ލިޔުމުގައިވާ މައިގަނޑު ވާހަކަތަކަކީ ޑރ ޒާކިރު ނައިކް ވިދާޅުވެފައިވާ "ބާތިލް" ބަސްތަކެއްގެ ވާހަކަ ކަމުގައި ވެއެވެ. އެލިޔުމުގެ ރިފަރެންސްގައި ބަޔާންކޮއްފައިވާ ހުރިހާ ތަޤްރީރެއް ކަހަލަ ގޮތަކަށް އަޅުގަނޑު އަޑުއެހީމެވެ. ކޮންމެ ތަޤްރީރަކީ ސުވާލާއި ޖަވާބު ސެޝަނަކާއި އެކީގައި 2 ގަޑިއިރަށްވުރެ ދިގުކޮށް ދީފައިވާ ތަޤުރީރު ތަކެކެވެ. އޭގައި ޑރ ޒާކިރު ވިދާޅުވެފައިވާ އެންމެ ޖުމްލައެއް ނުވަތަ ދެޖުމްލައެއް ނެގުމަށްފަހު 'ލޭބަލް' ޖެހުމަކީ ވަރަށްވެސް ދެކޮޅުނުޖެހޭ ޢިލްމާއި ދުރު ޢަމަލެކެވެ. މިހެން މިކަން ކޮށްފައި ވުމުން، މިދަންނަވާ ލިޔުމުގައި ކަނޑައެޅިގެން ދޮގުވާހަކަތައްވެސް ލިޔެވިފައިވާކަން ފާހަނގަކުރަންޖެހެނީ ހިތާމައާއި އެކުގައެވެ. އަދި ހަމަ އެއާއިެކު ޑރ ޒާކިރު ވިދާޅުވެފައިވާ ވާހަކައިގެ އަސްލު އޮޅޭގޮތަށް ބަޔާން ކޮށްދެވިފައިވެސް ވެއެވެ. މިގޮތުން އޭގައި ބަޔާން ކޮށްފައިވާ 3 ނުކުތާއެއް ފާހަނގަކޮށްލާނަމެވެ. މިސާލަކަށް އެ ލިޔުމުގައި ބުނެފައި ވެއެވެ.<br /><br />"-ޒާކިރު ނައިކް(ބާޠިލު): ތުނބުޅި ދިގުކުރުމަކީ ފަރްޟެއް ނޫނެވެ. އެއީ؛ ސުންނަތެކެވެ."<br />މިއީ ޙަޤީޤަތެއް އޮތް ވާހަކައެއް ކަމަކަށް ނުބެލެވެއެވެ. ސަބަބަކީ ޑރ ޒާކިރު ވިދާޅުވާ ގޮތުގައި ތުބުޅި ބެހެއްޓުމަކީ އެއީ ފަރްޟެކެވެ. ޔަޤީންކޮށްލެއްވުމަށް ލިންކް ބައްލަވާލައްވާށެވެ.<br />http://www.youtube.com/watch?v=XYe-CXxgTRk<br /><br />އަދިވެސް އެލިޔުމުގައި އިތުރަށް ބުނެފައިވެއެވެ.<br />"ޒާކިރު ނައިކް(ބާޠިލު): ތިބާ ބޭނުން ކޮންމެ ނަމެއް الله تعالىއަށް ކިޔެދާނެއެވެ. އެކަމަކު، އެނަމަކީ ރަނގަޅު، ރީތި ނަމަކަށް ވާންވާނެއެވެ."<br />މިއީވެސް އޮޅުމެކެވެ. ސަބަބަކީ ﷲ ސުބުޙާނަހު ވަތަޢާލާއަށް އިސްމުފުޅު ނިސްބަތްކުރެވޭނެ ގޮތްތައް މިސާލާއެކު ވަރަށް ތަފްސީލުކޮށް ޑރ ޒާކިރުވަނީ ބަޔާން ކޮއްދެއްވާފައެވެ. ތިރީގައި މިވާ ލިންކު ބައްލަވާލައްވާށެވެ.<br />http://www.youtube.com/watch?v=4F9MP0c-uMU<br /><br />އަދިވެސް އެ ލިޔުމުގައި ވެއެވެ.<br />"-ޒާކިރު ނައިކް(ބާޠިލު): ހިންދޫ ދީނުގައި އަޅުކަންކުރާ ތަކެތީގެ ނަމުން الله تعالىއަށް ނަންދެވިދާނެއެވެ."<br />ޙަޤީޤަތުގައި ވިދާޅުވެފައިވަނީ ބަހުގެގޮތުން ކަލާނގެއަށް ނިސްބަތްކުރެވޭ ބަސްކިޔިދާނެ ކަމުގައެވެ. (މިސާލަކަށް ދިވެހިން ﷲއަށް ނިސްބަތްކޮށް "މާތްކަލާނގެ" ކިޔުން) ނަމަވެސް ހިންދީން އެމީހުންގެ ކަލާނގެއަށް ނިސްބަތްކޮށް ކިޔޭނަންތައް އެއުސޫލުން ނުކިޔޭނެކަމަށް ވަރަށް ސާފުކޮށް ވިދާޅުވެފައި ވެއެވެ. ލިންކު ބައްލަވާލައްވާށެވެ.<br />http://www.youtube.com/watch?v=39VlMFn4DA8<br /><br />އަދި މީގެއިތުރުންވެސް ޑރ ޒާކިރުގެ ބާތިލް ވާހަކަތައްކަމަށް މިދަންނަވާ ލިޔުމުގައި ގެނެސްފައިވާ ގިނަ ވާހަކަ ތަކަކީ ތެދުވާހަކަތަކެއް ނޫނެވެ. އަދި ގިނަ ވާހަކަތައް ގެނެވިފައި ވަނީ ވަރަށް ދިގުކޮށް ވާހަކަ ދައްކާފައިވާ މައުޟޫއެއްގެތެރެއިން އެންމެ ޖުމްލައެކެވެ. ތަފްސީލު އަޑުއެހުމުން އޭގައި އެއްވެސް އޮޅުމެއް އޮތްކަމަކަށް ނުބެލެވެއެވެ.<br /><br />މިސާލަކަށް ޤުރުއާނުގައި، (ސޫރަތުލް މާޢުންގެ 4 ވަނަ އާޔަތުގައި) ނަމާދު ކުރާ މީހުނަށް ހަލާކު ހުރިވާހަކަ އޮވެއެވެ. އެހިސާބަށް ކިޔާފައި ހުއްޓާލައިފި ކަމުގައި ވަނީނަމަ، ނުވަތަ ޙުކުމް ނަގަންވެއްޖެ ކަމުގައި ވަނީނަމަ، ނަމާދު ނުކުރަންވީއެވެ. އެހެން ނޫންތޯއެވެ؟ އެހެން ނަމަވެސް ޖެހިގެން އޮތް އާޔަތް ކިޔުމުން އެއީ ކޮންގޮތަކަށް ނަމާދުކުރާ ބަޔެއްކަން ބަޔާންކޮށް ތަފްސީލު ދެއްވާފައި ވެއެވެ. ހަމައެގޮތަށް އެއްގަޑި އިރު ނުވަތަ 2 ގަޑިއިރުގެ ދިގު ތަޤުރީރެއްގެ އެންމެ ޖުމްލައެއް ނަގާފައި ޙުކުމެއް ކަޑައެޅުމަކީ އަދުލުވެރި އުސޫލެއް ނޫނެވެ. ޖެހިގެން ދީފައިވާ ތަފްސީލުތައްވެސް ބެލުމަކީ، ދީނުގެ ނަމުގައި ޙައްޤު ބަޔާން ކުރެއްވުމުގައި ބަލާލާންޖެހޭނެ ކަމެކެވެ. އެހެން ނޫންތޯއެވެ؟<br /><br />އަޅުގަނޑުވެސް ޤަބޫލުކުރަމެވެ. ޑރ ޒާކިރުގެ ތަޤްރީރެއްގައި ކުށެއް ހުރެދާނެއެވެ. ކުށެއް ނުހުންނަނަމަ އެއީ އިންސާނަކަށް ނުވާނެއެވެ. އަދިހަމަ އެއާއިއެކު، ބައެއް މައްސަލަތަކަކީ ޢިލްމުވެރިންގެ މެދުގައި އެއް ރައުޔައްވުރެ ގިނަ ރައުޔު ހުރި މައްސަލަތައް ކަމަށްވާއިރު، ބަޔެއް ޢިލްމުވެރިންގެ ރައުޔުގައި ހިފައިފިނަމަ، އަނެއްބަޔެއް ޢިލްމުވެރިންގެ ރައުޔާއި އެކަމުގައި ޚިލާފުވެދާނެއެވެ. ނަމަވެސް އިސްލާމީ އުސޫލުތަކަށް ބަލާއިރު އެއީކީ، 'މަގުފުރެދިފައިވާ' މީހުންގެ ލަޤަބުދޭން ޖެހޭ ސަބަބެއްކަމަށް ނުބެލެވޭނެއެވެ. ތަފާތު ފަހަރުތަކުގެ މަތިން މުސްލިމުންގެ ތިން ޙަރަމުގެ ޢިމާމުން ޑރ ޒާކިރުގެ ތަޤްރީރުތަކަށް ހާޒިރުވެ އަޑުއައްސަވާފައި ވާކަމުންވެސް އެނގެނީ، އެފަދަ ދާޢީން މަގުފުރެއްދުމަކީ އަޅުގަނޑުމެންފަދަ މީހުންގެ ވަޒީފައެއް ނޫންކަމެވެ.<br /><br />ވީމާ، ތެދުވެރި މުސްލިމުންގެ ގޮތަކަށް ވާންޖެހޭނީ، ރަސޫލާ ޞައްލަﷲ ޢަލައިހި ވަސައްލަމައާއި ސަލަފުއް ސާލިހުންގެ އުޅުއްވުން ހުރިގޮތް ދިރާސާކޮށް، އެބޭފުޅުންގެ ސީރަތުން އިބްރަތް ލިބިގަތުމެވެ. ތިމާމެންގެ އުޅުމާއި ގުޅުން އެ ސީރަތާއި އެއްގޮތައް ބައްޓަންކުރުމެވެ. </span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-6960377409086953320?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-77272506900421697312010-04-17T12:02:00.001+01:002010-04-17T12:05:41.453+01:00<span style="font-size:130%;">ލިޔުނީ: އައްޝެއިޚް އަބޫއަރްބަޢު<br /><br />ޣީބަބުނުމުން ސަލާމަތްވާނީ ކިހިނެއް؟<br /><br />1. ﷲ އަށް ތަގްވާވެރިވުން. އަދި ﷲ އަށް ލަދުވެތިވުން.<br />މިކަން ޙާޞިލް ކުރެވޭނީ ގިނަގިނައިން ގުރްއާން ކިޔަވާ އަދި އެއަޑުއަހާ ހެދުމުންނެވެ. އަދި ކީރިތި ރަސޫލާ ޞައްލަﷲ އަލައިހިވަސައްލަމް ގެ ކިބައިން ޣީބަބުނުމުގެ ނުބައިކަމާއި މެދު ވާރިދެވެފައިވާ ޙަދީޘް ތައް މުދާރަސާކޮށް، އެންމެހައި ކުށްފާފަ ތަކުން ދުރުހެލިވުން. ﷲ ވަޙީ ކުރެއްވިއެވެ.<br />(أَمْ يَحْسَبُونَ أَنَّا لَا نَسْمَعُ سِرَّهُمْ وَنَجْوَاهُمْ بَلَى وَرُسُلُنَا لَدَيْهِمْ يَكْتُبُونَ) الزخرف: ٨٠ މާނައަކީ: "ނުވަތަ އެބައިމީހުން ހީކުރަނީ އެމީހުން ކުރާ ސައްލާތަކާއި ސިއްރުން ރާވާރޭވުންތަކުގެ އަޑު ތިމަން ﷲ އައްސަވާ ވޮޑިގެން ނުވާ ކަމަށް ހެއްޔެވެ. އެހެނެއް ނުވާނެއެވެ. އެމީހުންގެ ގާތަށް ތިމަން ﷲ ލައްވާފައިވާ މަލާއިކަތުން އެކަންތައް ލިޔުއްވައެވެ".<br />ރަސޫލާ ޞައްލަﷲ އަލައިހިވަސައްލަމަ ޙަދީޘް ކުރެއްވިއެވެ. (استحيوا من الله عز وجل حق الحياء، قلنا: يا رسول الله، إنا نستحيي والحمد لله، قال: ليس ذلك، ولكن من استحيى من الله حق الحياء فليحفظ الرأس وما حوى، وليحفظ البطن وما وعى). މާނައަކީ: "ތިޔަބައިމީހުން މާތް ﷲ އަށް ޙައްގު ގޮތުގައި ލަދުވެތިވާށެވެ. ޞަޙާބީން ދެންނެވިއެވެ. ތިމަންމެން ﷲ އަށް ލަދުވެތިވަމެވެ. އެކަމަށްޓަކައި ﷲ އަށް ޙަމްދު ހުއްޓެވެ. ޙަދީޘް ކުރެއްވިއެވެ. ތިޔަބުނާ ކަންތަކެއް ނޫނެވެ. އެހެންނަމަވެސް ﷲ އަށް ޙައްގު ގޮތުގައި ލަދުވެތިވެއްޖެމީހާ އޭނާގެ ބޮލާއި އެޔާއި ގުޅިފައިވާ ތަންތަން ރައްކައުތެރި ކުރާށެވެ. އަދި ބަނޑާއި އެޔާއި ގުޅިފައިވާ ތަންތަން ރައްކައުތެރި ކުރާށެވެ".<br /></span><span id="fullpost" style="font-size:130%;"><br /><br />2. ޣީބަބުނުމުގެ ސަބަބުން ތިމާގެ ހެޔޮކަންތަކުން އުނިވެގެންދާ މިންވަރު ހަނދުމަ ކުރާށެވެ. އަދި އޭނާ ޣީބަ ބުނީ މީހާއަށް އަމިއްލަ ހެޔޮކަންތައް ހަދިޔާ ކުރެވެނީ ކަމާއިމެދު ވިސްނާ ފިކުރުކުރާށެވެ. ރަސޫލާ ޞައްލަﷲ އަލައިހި ވަސައްލަމަ ގެ ޙަދީޘް އެއްގެ މާނާގައިވެއެވެ. "ތިމަންކަލޭފާނުގެ އުއްމަތުގެ މީހުންގެ ތެރެއިން މުފްލިސަކީ ކާކުކަން ތިޔަބައިމީހުންނަށް އެގޭތޯއެވެ؟ ޞަޙާބީން ދެންނެވިއެވެ. ތިމަންމެންގެ ތެރޭގައި މުފްލިސަކީ އޭނާގެ އަތުގައި ދިރްހަމެއް ވަންނާނެ ތަނެއް ނެތް މީހާއެވެ. ޙަދީޘް ކުރެއްވިއެވެ. ތިމަންކަލޭގެފާނުގެ އުއްމަތުގެ މުފްލިސަކީ ގިޔާމަތްދުވަހުން ނަމާދާއި ޒަކާތާއި ރޯދަ ހިފައިގެން މާތް ﷲ ގެ ޙަޟްރަތަށް އަންނަހިނދު، މީހަކާއި ދިމާލަށް އެއްޗެތިކިޔާ، އެހެންމީހަކަށް ގޯނާކޮށް، އެހެންމީހެއްގެ މުދާކައި ހަދާފައިވާ މީހާއެވެ. އެފަދަމީހުންގެ ހެޔޮކަންތައް އަނިޔާލިބުނު މީހާއަށް ދެވޭނެއެވެ. އޭނަގެ ހެޔޮކަންތައް ހުސްވެއްޖެނަމަ އަނިޔާލިބުނުމީހާގެ ނުބައިކަންތަކުން ނަގައި އަނިޔާވެރިވިމީހާ އަށް ބަދަލު ކުރެވޭނެއެވެ. އެޔަށްފަހު އޭނާ ނަރަކަ އަށް އެއްލައިލެވޭނެއެވެ".<br /><br />3. ތިމާގެ އަމިއްލަ ނަފްސުގެ ޢައިބުތަކާއި މެދުގައި ވިސްނާފިކުރުކޮށް، އެހެންމީހުންގެ ޢައިބު ހޯދަން މަސައްކަތް ނުކުރުން. މިފަދަކަންތަކަށް އަރައިގަނެވެނީ ނަމަ، މާތް ﷲ ތިމާ އިމްތިޙާނު ކުރެއްވުމުގެ ގޮތުން އެހެންމީހުންގެ ހުންނަ ޢައިބު ޞިފަތައް ތިމާގެ ކިބައިގައި ލައްވަފާނެކަން ހަދުމަކުރުން.<br /><br /><br />4. ޞާލިޙް ރަގަޅު އެކުވެރިންނާއި އެކުގައި އުޅުން، އަދި ނުބައި އެކުވެރިންނާއި އެކުގައި އުޅުން ދޫކޮށްލުން.<br /><br />5. ސަލަފުއްޞާލިޙުންގެ ސީރަތު ދިރާސާކުރުން. އެބޭކަލުން ހަވާނަފްސާ ދެކޮޅަށް ހަނގުރާމަ ކުރެއްވިގޮތް ދަސްކުރުން.<br />އަބޫޢާޞިމުއް ނަބީލް ވިދާޅުވިއެވެ. "ޣީބަބުނުމަކީ ޙަރާމް ކަމެއްކަން އެނގުނު ދުވަހުން ފެށިގެން ދުވަހަކުވެސް ތިމަންކަލޭގެފާނު ޣީބައެއް ނުބުނަމެވެ".<br /><br />6. ތިމާއަށް ޣީބައެއް ބުނެވިއްޖެނަމަ އަމިއްލަ ނަފްސަށް އަދަބުދިނުން.<br />އިބްނުވަހުބް ކަންތައް ކުރެއްވިގޮތްކަމަށްރިވާވެގެންވެއެވެ. އެކަލޭގެފާނަށް މީހެއްގެ ޣީބަ ބުނެވިއްޖެ ކޮންމެ ހިނދެއްގައި އަނެއްދުވަހު ރޯދަހިއްޕަވައެވެ. މިގޮތަށް ގޮސް އެކަލޭގެފާނަށް އުނދަގޫވާ ވަރުވުމުން ޣީބަބުނުން އެއްކޮށް ހުއްޓަވާލެއްވިއެވެ. އަދި ޣީބަބުނެވޭ ކޮންމެ ހިނދެއްގައި ދިރްހަމެއްގެ މިންވަރުން ޞަދަގާތް ކުރެއްވުމަށް އެކަލޭގެފާނު ޢަޒުމް ކަނޑައެޅުއްވިއެވެ. ދެން ދިރްހަމްދެކެވާ ލޯތްބެއްގެ ސަބަބުން ޣީބަ ބުނުމާ ދުރުހެލިވެލައްވަން ޖެހިވަޑައިގަތެވެ.<br /><br />ޣީބަބުނުމުގެ ޖަޒާ:<br /><br />1. ދުނިޔެމަތީގައި އޭނާ ފަޟީޙަތްކުރެއްވުން. ކީރިތި ރަސޫލާ ޞައްލަﷲ އަލައިހި ވަސައްލަމަ އެއްދުވަހެއްގައި މިންބަރަށް އަރައިވަޑައިގެން އަޑުހަރުކޮށް ގޮވާލެއްވިއެވެ. "އެބައިމީހުންގެ ދޫތަކުން އީމާންވެ، ހިތްތަކަށް އީމާންކަން ނުވަންނަ މީހުންނޭވެ. ތިޔަބައިމީހުން މުސްލިމުންނަށް ގޯނާ ނުކުރާށެވެ. އަދި އެބައިމީހުންނަށް މަލާމާތް ނުކުރާށެވެ. އަދި އެބައިމީހުންގެ ޢައުރަތައް (ޢައިބުތައް) ހޯދަން ނޫޅޭށެވެ. މުސްލިމުންގެ ޢައިބު ހޯދަން އުޅޭ މީހެއްގެ ޢައިބު މާތް ﷲ ފާޅުކުރައްވާނެތެވެ. އެމީހަކު ގޭ ތެރޭގައި ފިލާއޮތްނަމަވެސް މާތް ﷲ އޭނާގެ ޢައިބު ފާޅުކުރައްވައި ފަޟީހަތް ކުރައްވަފާނެއެވެ.<br /><br />2. ކައްވަޅުގައި ޢަޛާބު ލިބުން. އަބީބަކްރާގެ ކިބައިން ރިވާވެގެންވެއެވެ. ކީރިތި ރަސޫލާ ޞައްލަﷲ އަލައިހިވަސައްލަމަ ދެގަބުރެއްގެ ކައިރިން ހުރަސްކުރައްވާ ޙަދީޘް ކުރެއްވިއެވެ. "މިދެގަބުރަށް އެބަ ޢަޛާބު ލިބެއެވެ. އެހެންނަމަވެސް މާކަށް ބޮޑު ކަމަކު އެއް ނޫނެވެ. އޭގެތެރެއިން އެކަކީ ކުޑަކަމުދާތަކެތިން ސާފުނުވާމީހެކެވެ. އަނެކަކީ ޣީބަބުނުމުގެ ސަބަބުން ޢަޛާބު ލިބެމުންދާ މީހެކެވެ".<br />އަލްޚައްޠާބީ ވިދާޅުވިއެވެ. "މިޙަދީޘް ގައި އެމީހުންނަށް ޢަޛާބުލިބެނީ މާބޮޑު ކަމަކު އެއް ނޫނޭ ޙަދީޘް ކުރެއްވުމުގެ މާނައަކީ އެމީހުންނަށް އެކަމެއްެގެ ސަބަބުން ޢަޛާބުލިބެމުން އެދާ ކަމަކީ ދުރުހެލިވާން ބޭނުންވެއްޖެނަމަ، ދުރުހެލިވާކަށް އެހާ އުނދަގޫ ކަމެއް ނޫނެވެ".<br /><br />3. ނަރަކައިގައި ޢަޛާބު ލިބުން. ކީރިތި ރަސޫލާ ޞައްލަﷲ އަލައިހި ވަސައްލަމަ ޙަދީޘް ކުރެްވިއެވެ. ތިމަންކަލޭގެފާނައިގެން މިޢުރާޖަށް އަރައިގަޑައިގެންނެވުނު ރޭގައި މީސްތަކުންގެ ތެރެއިން ބަޔަކު އެބައިމީހުން ގެ ނިޔަފަތިތަކުން މޫނުގައި ވަކިއަޅާތަން ދެކިލިެެއްވީމެވެ. އެެއިީ ކޮންބަޔެއްތޯ ސުވާލުދެންނެވުމުން ޖިބްރީލްގެފާނު ވިދާޅުވިއެވެ. އެބަިމީހުންނަކީ ޣީބަބުން މީސްތަކުންގެ އަބުރަށް އަރައިގަންނަމުން ދިޔަ މީހުންނެވެ.<br /><br />ޣީބައިގެ ކައްފާރާ:<br /><br />އެހެންވެސް ބޮޑެތިފާފަތަކެކޭވެސް އެއްފަދައިން ޣީބަބުނުން ފަދަ ކަމަކަށް އަރައިގަނެވިފައިވާ މީހާ އެކަމުން ތައުބާވެ ﷲ ގެ މަގަށް ރުޖޫޢަވާން ޖެހޭނެއެވެ. ތައުބާވެވޭނީ އަންނަނިވި ކަންތައްތައް ފުރިހަމަ ކިޮށްގެންނެވެ.<br />1. ތިމާއަށް ކުރެވުނު ކަންތަކާއި މެދު ހިތާމަކުރުން. ރަސޫލާ ޞައްލަﷲ އަލައިހި ވަސައްލަމަގެ ޙަދީޘްއެއްގެ މާނާގައިވެއެވެ. "ކުރުވުނު ކުށަށް ހިތާމަ ކުރުމަކީ ތައުބާވުމެކެވެ".<br />2. ކުރެވުނު ކުށުން ދުރުހެލިވެ އެއްކިބައިވުން. ސަބަބަކީ ކުށަށް އަރައިގަތުން މަތީ ދެމިހުރިހާ ހިނދަކު ތައުބާނުވެވޭނެކަން.<br />3. އެފަދަ ކުށަކަށް ދެންދުވަހަކުވެސް އަރައިނުގަތުމަށް ހިތުގެ އަޑިން ޢަޒުމް ކަނޑަ އެޅުން.<br />4. މީހެއްގެ ޙައްގަކަށް އަރައިގަނެވިފައިވަނީ ނަމަ އެމީހެއްގެ ކިބައިން މާފަށް އެދުން. ރަސޫލާ ޞައްލަﷲ އަލަިއހިވަސައްލަމަ ޙަދީޘް ކުރެއްވިއެވެ. "ތިޔަބައިމީހުންގެ ތެރެއިން މީހަކަށް އެހެންމީހެއްގެ ޙައްގަކަށް ނުވަރަ އަބުރަށް އަރައިގަނެވި އަނިޔާވެރިވެވިފައިވަނީ ނަމަ ދީނާރެއް ދިރްހަމެއް ނުވާ ދުވަހު އެމީހެއްގެ ހެޔޮކަމުން ނެގި އަނެއްމީހާ އަށް ލިބުނު އަނިޔާވެރިކަމާއި ގުޅޭވަރަށް އޭނާގެ ހެޔޮކަމުން ދެވޭ ދުވަސް އައުމުގެ ކުރިން އެކަމެއް އަވަހަށް ނިންމާށެވެ. އެމީހެއްގެ ހެޔޮކަމެއްވާނަމަ އަނިޔާލިބުނު މީހާއަށް އަނިޔާ އަށްވާވަރަށް ލިބިދެވޭނެއެވެ. ހެޔޮކަމެއް ނުވާނަމަ އަނިޔާލިބުނުމީހާގެ ނުބައިމަކުން އަނިޔާއަށްވާ ވަރަށް ކެނޑި އެބައި ބޮލު އަޅަން ޖެހިދާނެއެވެ".<br /><br />ސުފްޔާން ބިން ޢުޔައިނާ ވިދާޅުވިއެވެ. "ޣީބަބުނުމަކީ މާތް ﷲ ގެ ޙަޟްރަތުގައި ޒިނޭކުރުމާއި ބަނގުރާބުއިމަށްވުރެވެސް ނުބައިކަން ބޮޑުކަމެކެވެ. އެހެނީ އެފަދަ ކަމަކަށް އަރައިގަނެވިއްޖެނަމަ ތައުބާވުމުން މާތް ﷲ އެމީހެއްގެ ތައުބާ ގަބޫލު ކުރައްވައެވެ. އެހެންނަމަވެސް، ޣީބަބުނާ މީހާ އޭނާގެ އަޚާ މާފް ކުރުމަށް ދާންދެން މާތް ﷲ އެމީހަކަށް މާފު ނުކުރައްވާނެ އެވެ".<br />ޙުޛައިފާވިދާޅުވިއެވެ. "ޣީބަބުނެވުނު މީހާގެ ފާފަ ފުއްސެވުން އެދި ދުޢާ ކުރުމަކީ އެކަމުގެ ކައްފާރާއެވެ".<br />މުޖާހިދް ވިދާޅުވިއެވެ. "ތިބާގެ އަޚާގެ މަސްކެއުމުގެ ކައްފާރާއަކީ އޭނާ އށް ޘަނާކިޔާ އަދި ހެޔޮ ދުޢާ ކޮށްދިނުމެވެ".<br />އިބްނުލް މުބާރަކް ވިދާޅުވިއެވެ. "ޣީބަބުނުމުން ތައުބާވުމަށް ޣީބަބުނެވުނު މީހާގެ ފާފަ ފުއްސެވުން އެދި ދުޢާކޮށްދޭށެވެ".<br /><br />ޣީބަ ބުނުން ހުއްދަވާ ޙާލަތް ތައް:<br /><br />1. ގާޟީ އެއްގެ ކައިރީގައި އަނިޔާވެރި މީހެއްގެ އަނިޔާވެރިކަމުގެ ހެކިބަސް ދިނުން. ނުވަތަ އަނިޔާ ލިބުނުމީހާ އަނިޔާވެރިޔާގެ އަނިޔާވެރިކަމުގެ ވާހަކަ އެހެންމީހުން ގެ ޢިބްރަތަށް ޓަކައި ދެއްކުން.<br />2. މުންކަރާތެއް މަނާ ކުރުމުގެ ގޮތުން މީހެއްގެ ވާހަކަ ދެއްކުން. މީހެއްގެ ކިބައިން ނުބައިކަމެއްފެނި، އެހެންމީހެއްގެ އެހީތެރިކަންނެތި އެކަން މަނާ ނުކުރެވޭނެ ކަމަށް ވަނީ ނަމަ އެވާހަކަދެއްކުން.<br />3. މީހެއްގެ ނުބައިކަމުން މީހުން ރައްކާތެރި ކުރުމަށްަޓަކައި އެވާހަކަ ދެއްކުން.<br />4. ފާޅުގައި ނުބައިކަންތައް ކުރާ މީހުންގެ ނުބައިވާހަކަ ދެއްކުން.<br />5. މީހެއްގެ އަިއިޑެންޓިޓީ ބަޔާންކޮށްދިނުމުގެ ގޮތުން. މިޘާލަކަށް "މުޙައްމަދު" ކިޔާ ބައިވަރު މީހުންތިބެ، ވަކި މުޙައްމަދެއް ބަޔާން ކޮށް ދިނުމުގެ ގޮތުން އެމީހެއްގެ ކިބާގައި ހުރި ފާހަގަ ކުރެވޭ ޞިފައެއްގެ ވާހަކަ ބުނުން.<br /><br />-ނިމުނީ-<br /></span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-7727250690042169731?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-25428371622962198232010-04-17T12:01:00.001+01:002010-04-17T12:05:29.247+01:00<span style="font-size:130%;">ލިޔުނީ: އައްޝެއިޚް އަބޫއަރްބަޢު<br /><br />ޣީބަ ޙަރާމް ކުރެއްވިކަމަށް ދޭހަވާ ސުންނަތުގެ ދަލީލުތައް:<br /><br />1. ރަސޫލާ ޞައްލަﷲ އަލައިހިވަސައްލަމަ ޙަދީޘް ކުރެއްވިއެވެ. (إن دمائكم وأموالكم وأعراضكم عليكم حرام كحرمة يومكم هذا في شهركم هذا في بلدكم هذا). މާނައަކީ: "ތިޔަބައިމީހުންގެ ލެޔާއި މުދަލާއި އަބުރަކީ ޙުރްމަތްތެރިވެގެންވާ އެއްޗެކެވެ. މިއަދުގެ (ޢަރަފާތް ދުވަސް) ޙުރުމަތްތެރިވީފަދައިންނެވެ. މިމައްސަރު(ޛުލްޙިއްޖާ މަސް) ޙުރުމަތްތެރިވީފަދައިންނެވެ. މިރަށް (މައްކާ) ޙުރުމަތްރެރިވީފަދައިންނެވެ".<br />މިޙަދީޘްގެ ޝަރަޙާގައި އިބްނުލް މުންޛިރު ވިދާޅުވިއެވެ. "ކީރިތި ރަސޫލާ ޞައްލަﷲ އަލައިހި ވަސައްލަމަ ޣީބަބުނުމަކީ ޙަރާމް ކަމެއްކަން އުއްމަތަށް ބަޔާންކޮށްދެއްވައިފިއެވެ، އެކަން ޙަރާމް ކުރެއްވުން ގުޅިފައިވަނީ ލެޔާއި މުދަލާއެވެ. އެހެނީ ޙައްގަކާނުލާ މީހަކު މަރާނުލެވޭނެ ފަދައިން އަދި މީހެއްގެ މުދާ އަތުލައިނުގަނެވޭނެ ފަދައިން ޣީބަ ބުނުމަކީ ވެސް ޙަރާމް ކަމެކެވެ. އެކަން (ޣީބަބުނުން) ޙަރާމްކަން އިތުރަށް ޔަގީންކޮށްދެއްވުމުގެ ގޮތުން މައްކާގެ ޙުރްމަތާއ(މާތްކަން) ޛުލްޙިއްޖާމަހުގެ ޙުރްމަތާއި ގުޅުއްވައިލެއްވިއެވެ. އެހެނީ މައްކާގެ ބިމުގެ ޙުރުމަތްކެޑުމާއި ޛުލްޙިއްޖާމަހުގެ ޙުރުމަތް ކެނޑުން ޙަރާމްވީފަދައިން ޣީބަބުނުންވެސް ޙަރާމްވެއްޖެއެވެ.<br />އަލްއިމާމް ނަވަވީ މުސްލިމްގެ ޝަރަޙާގައި ލިޔުއްވާފައިވެއެވެ. މިޙަދީޘް ގެ މުރާދަކި ބަޔާން ކުރެވުނު ކަންތަކުގެ ބޮޑުކަން ބަޔާންކޮށްދެއްވާ، އެފަދަކަމަކަށް އަރައިނުގަތުމަށް އުއްމަތަށް އިންޛާރުދެއްވުމެވެ.</span><span id="fullpost" style="font-size:130%;"><br />2. ރަސޫލާ ޞައްލަﷲ އަލައިހިވަސައްލަމަ ޙަދީޡް ކުރެއްވިއެވެ. (من أربي الربا الإستطالة في عرض المسلم بغير حق). وفي رواية ( إن من أكبر الكبائر استطالة المرء في عرض رجل مسلم بغير حق). މާނައަކީ: "އެންމެ ނުބައި ރިބާގެ ތެރޭގައި ޙައްގަކާނުލާ މުސްލިމެއްގެ އަބުރަށް އަރައިގަތުން ހިމެނެއެވެ". އެހެން ރިވާޔަތެއްގައިވެއެވެ. "އެންމެ ބޮޑެތިފާފަ ތަކުގެ ތެރޭގައި ޙައްގަކާއި ނުލައި މުސްލިމެއްގެ އަބުރަށް އަރައިގަތުން ހިމެނެއެވެ".<br /><br />3. ޢައިޝާ ރަޟިޔަﷲ ޢަންހާގެ ކިބައިން ރިވާވެގެންވެއެވެ. ތިމަންކަމަނާ ރަސޫލާ ޞައްލަﷲ އަލައިހި ވަސައްލަމަ އަށް ދެންނެވީމެވެ. ޞަފިއްޔާގެ ކިބައިން ކަލޭގެފާނަށްފުދިއްޖެއެވެ، އެކަމަނާ ހާދަކުރެވެ. އެހިނދު ރަސޫލާ ޞައްލަﷲ އަލައިހި ވަސައްލަމަ ޙަދީޘް ކުރެއްވިއެވެ. "ކަމަނާ ތިޔަވިދާޅުވި ކަލިމަ މޫދުގެ ލޮނުގަނޑާ އެކުވެގެން ހިނގައިދާނެއެވެ".<br />މިޙަދީޘް ގެ ޝަރަޙަގައި މުބާރިކްފޫރީވިދާޅުވިއެވެ. މީގެ މާނައަކީ "ޣީބަ" އަކީ ކަނޑުގެ ލޮނުގަނޑާ އެއްކޮށްލެވޭނެ އެއްޗެއްނަމަ އޭގެ ސަބަބުން ކަނޑުގެ ލޮނުގަނޑުގެ ކުލަބަދަލުވެގެން ހިނގައިދާފަދަ އެއްޗެކެވެ.<br />މިއިން ދޭހަވަނީ "ޣީބަ" ބުނުމުގެ ނުބައިކަންބޮޑު ކަމެވެ. ކަމުގެ ޚުޠޫރަތްތެރި ކަމެވެ. ކުޑަކަމެއްގެ ގޮތުގައި ހީވިނަމަވެސް، ކަމަކީ އާދައިގެ ކަމެއް ނޫން ކަމެވެ.<br /><br />4. މާޢިޒް-ރަޟިޔަﷲ ޢަންހު- ޒިނޭގެ ކުށައް އިޢުތިރާފްވި ހިނދު އެކަލޭގެފާނު ރަޖަމް ކުރެވުނެވެ. ރަޖަމް ކުރުމުގެ ޙާދިޘާ ނިމުނު ތަނުން ޞަޙާބީ ބޭކަލަކު ވިދާޅުވި އެވެ. މާތް ﷲ އޭނާ އަށް އެކަން(ޒިނޭކުރިކަން) ސިއްރުކޮށްދެއްވި ހިނދު އޭނާ އަމިއްލަ އަށް އެވާހަކަ ދެއްކުމުން މިއަދު ކުއްތާއެއް ރަޖަމް ކުރާފަދައިން ހިލައިންތަޅާ އޭނާ ރަޖަމް ކުރެވިއްޖެއެވެ. މިއަޑު ކީރިތި ރަސޫލް ޞައްލަﷲ އަލައިހި ވަސައްލަމަ އަށް އިވިވަޑައިގެން މަރުވެފަިއވާ ޙިމާރެއްގެ މަސްގަނޑުގެނެސް އެވާހަކަގައި ބައިވެރިވި ޞަޙާބީންނަށް ދެންނެވިއެވެ. "މަރުވެފައިމިވާ ޙިމާރުގެ މަސްގަނޑު ތިޔަބައިމީހުން ކާށެވެ". އެހިނދު ޞަޙާބީން ދެންނެވިއެވެ. "އޭ ﷲ ގެ ނަބިއްޔާ އެވެ. މަރުވެފައިވާ ޙިމާރެއްގެ މަސްގަނޑު ކާނީ ކޮންބައެއް ހެއްޔެވެ؟"، ޙަދީޘް ކުރެއްވިއެވެ. "ތިޔަބައިމީހުންގެ އަޚާގެ އަބުރަށް އަރައިގަތުމުން ތިޔަ ކުރެވުނީ މި މުޅަމަސްގަނޑު ކެއުމަށްވުރެވެސް ނުބައިކަން ބޮޑު ކަމެކެވެ".<br /><br />ޣީބަ ބުނުމާއި ބެހޭ ގޮތުން ސަލަފުންގެ ކިބައިން ވާރިދުވެފައިވާ ބަސްތައް:<br /><br />- އެއްދުވަހަކު ޢަމްރު ބިން އަލް ޢާޞް އެކަލޭގެފާނުގެ އަޞްޙާާބުންނާއި އެކު ވަޑައިގަންނަވަނި ކޮށް މަރުވެ ފުފިފައިވާ ބަޣްލެއް، ދިވެހިބަހުން ކިޔާގޮތުން ނަމަ "އޮށް" (ޙިމާރާއި އަހުގެ ދަރި) ފެނިވަޑައިގަތެވެ. އެކަލޭގެފާނުވިދާޅުވިއެވެ. ތިޔަބައިމީހުންގެ އަޚެއްގެ މަސްކެއުމަށްވުރެ މި ޖަނަވާރުގެ މުޅަމަސްގަނޑު ކެއުންވެސް މާރަނގަޅެވެ.<br />- ސުފްޔާން ބިން ޢުޔައިނާވިދާޅުވިއެވެ. "ޣީބަބުނުމަކީ ދަރަންޔަކަށްވުރެ ބޮޑުކަމެކެވެ. ދަރަނި އަދާކުރެވެއެވެ. އެހެން ނަމަވެސް ޣީބަބުނުމުން އެއަދާކުރެވޭނެ ގޮތެއް ނޯވެއެވެ".<br />- ސުފްޔާނުއް ޘައުރީވިދާޅުވިއެވެ. "ނަމަ ނަމަ ޣީބަ ބުނުމާ ކައިރި ނުވާށެވެ. ނަމަ ނަމަ މީސްމީހުންގެ އަބުރަށް އަރައިނުގަންނާށެވެ. އޭގެ ސަބަބުން ތިބާގެ ދީން ހަލާކުވެގެން ހިނގައިދާނެއެވެ".<br />- އަބޫޢާޞިމުއްނަބީލް ވިދާޅުވިއެވެ. "އެމީހެއްގެ ކިބައިގައި ދީނަށް ޙުރުމަތްތެރިކޮށް ހިތުމުގެ ކުޑަވެސް އަޘަރެއް ހުރިމީހަކު މީސްތަކުން ނުރުހޭ ވާހަކަ އެއް ނުދައްކާނެއެވެ".<br />- އެއްދުވަހަކު މީހަކު ޙަސަނުލް ބަޞްރީ ނެތްތަނުގައި މީހަކު އެކަލޭގެފާނަށް އެއްޗެތިކިޔެވެ. އެޚަބަރު އެކަލޭގެފާނަށް ލިބުމާއި އެކު އެންމެ އަގުބޮޑު ވައްތަރުގެ ކަދުރު ޓުކުރިއެއް އެމީހަކަށް ވެދުމަށް އެރުވިއެވެ. އަދި ވިދާޅުވިއެވެ. ތިބާއަށް މި އަގުބޮޑު ހަދިޔާ މިދީނީ ތިބާ އަހަންނަށް ކޮށްދިން ހެޔޮކަމުގެ ބަދަލުގައެވެ. އެމީހަކު ދެންނެވިއެވެ. އެއީ ކޮންކަމެއްތޯއެވެ. ވިދާޅުވިއެވެ. ތިމަންނާ ނެތްތަނުގައި ތިމަންނާގެ ނުބައިވާހަކަ ދެއްކުމެވެ. އޭގެ ސަބަބުން ތިިބާގެ ހެޔޮކަންތައްތަކުން ބަޔެއް އަޅުގަޑަށް ލިބޭނެއެވެ. ތިވަރުގެ ބޮޑު ހެޔޮކަމެއް މީހަކަށް ކޮށްދެވޭނެތޯއެވެ".<br /><br />ޣީބަ ބުނުމަށް މެދުވެރިވާ ބައެއް ސަބަބުތައް:<br /><br />1. ތަގްވާވެރިކަމާއި އީމާންކަން ބަލިކަށިވުން. މިކަމުގެ ސަބަބުން މީސްތަކުންގެ އަބުރަށް އަރައިގަނެ، ނެތިނުބައިކޔެން މެދުވެރިވެއެެވެ.<br />އަލްފަޟްލު ބިން ޢިޔާޟް ވިދާޅުވިއެވެ. ތަގްވާގެ އެންމެ ވަރުގަދަބައި ވަނީ ދުލުގައެވެ.<br />އަލްފަގީހް އައްސަމަރްގަންދީ ވިދާޅުވިއެވެ. "ޚާލިޞް ތަގްވާއަކީ ޙަރާމް ތަންތަނަށް ބެލުމުން ލޯތިރި ކުރުމާއި، ޣީބަބުނުމާއި ދޮގުހެދުމުން ދޫރައްކާތެރިކުރުމާއި، ހުރިހާ ގުނަވަންތަކެއް ޙަރާމް ކުރެއްވި ކަންތަކުން ދުރުހެލިކުރުވުމެވެ".<br /><br />2. ނުބައިރަޙްމަތްތެރިންނާއެކު ބޭކާރުވާހަކަ ދެއްކުމުގައި ވަގުތު ހޭދަކުރުން. (وَكُنَّا نَخُوضُ مَعَ الْخَائِضِينَ) المدثر: ٤٥ މާނައަކީ: "ތިމަންމެން ދޮގުވެރިންނާއިއެކު، ބާޠިލް ދޮގު ވާހަކަ ދެއްކީމެވެ".<br />މިއާޔަތުގެ ތަފްސީރުގައި ގަތާދާ ވިދާޅުވިއެވެ. "ބޭކާރުވާހަކަ ދައްކާ ކޮންމެ މީހަކާއި އެކު ތިމަންމެން ބައިވެރިވެ، ބާޠިލް ވާހަކަ ދައްކައި އުޅުނީމެވެ".<br />އަދިވެސް ﷲ ވަޙީ ކުރެއްވިއެވެ. (فَوَيْلٌ يَوْمَئِذٍ لِلْمُكَذِّبِينَ. الَّذِينَ هُمْ فِي خَوْضٍ يَلْعَبُونَ) الطور: ١١ – ١٢ މާނައަކީ: "ދޮގުކުރި މީހުންނަށް އެދުވަހުން ގަދަވެގެންވާ ޢަޛާބު ހުއްޓެވެ. އެމީހުންނަކީ ބާޠިލް ވާހަކަތަކުގެ ތެރޭގައި ދުނިޔެއާއި މަޝްޣޫލުވެ، ކުޅެކުޅެތިބި މީހުންނެވެ".<br />މިއާޔަތުގެ ތަފްސީރުގައި އިބްނު ކަޘީރު ވިދާޅުވިއެވެ. "އެމީހުންނަކީ ބާޠިލް ވާހަކަ ދެއްކުމުގައި ދުނިޔޭގެ ވަގުތުތައް ހޭދަކުރި މީހުންނެވެ".<br /><br />3. އަނެއް މުސްލިމް އަޚާއާއި މެދުގައި ޙަސަދަވެރިވުން، ނަފްރަތު ކުރުން.<br />އިބްނުތައިމިއްޔާ ވިދާޅުވިއެވެ. "މީސްތަކުންގެ ތެރޭގައިބަޔަކުވެ އެވެ. އެމީހުން ބަޔަކުމީހުންނާއި މެދުގައި އޮންނަ ޙަސަދަވެރިކަމެއްގެ ސަބަބުން ޣީބަ ބުނުމަށް މެދުވެރިވެއެވެ. އެފަދަ މީހުން މީހެއްގެ ވާހަކަ ދެއްކިނަމަވެސް އެމީހެއްގެ އެއްވެސް ރަގަޅުވާހަކަ އެއް ނުދައްކާނެއެވެ".<br /><br />4. ދުނިޔޭގެ ވަގުތީ އަރާމަށް ހެއްލުން.<br />އަލް ފުޟައިލް ބިން ޢިޔާޟް ވިދާޅުވިއެވެ. "ރިޔާސަތު އެދިއްޖެމީހަކު އެހެންމީހުންނާއި މެދު ޙަސަދަވެރިވެ، ނެތިނުބައި ކިޔަންފަށާނެއެވެ. އަދި މީސްތަކުންގެ ޢައިބު ޞިފަ ހޯދަން މަސައްކަތް ފަށާނެއެވެ. އަދި އެއްވެސް މީހަކާއި މެދު ހެޔޮ ބަހެއް ނުބުނާނެއެވެ".<br /><br />-ނުނިމޭ-<br /></span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-2542837162296219823?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-78848844271962001932010-04-17T12:00:00.001+01:002010-04-17T12:05:10.132+01:00<span style="font-size:130%;">ލިޔުނީ: އައްޝެއިޚް އަބޫއަރްބަޢު<br /><br />ދުލުގެ ނުބައިކަމުގެ ތެރެއިން އަޅުގަޑުމެންގެ މުޖްތަމަޢު ގައި އެންމެ ބޮޑަށް ފެތުރިފައިވާ އެއް ކަމަކީ ޣީބަބުނުމެވެ. އެހެންކަމުން ޣީބަބުނުމަކީ ކޮބައިކަމާއި އެކަމުގެ ހުރި ނުރައްކާތެރިކަން ބަޔާންކޮށް ދެވޭތޯ ބަލާނަމެވެ. އިންޝާﷲ.<br /><br />...ޣީބަބުނުމަކީ ކޮބާ؟<br />"ޣީބަ" މިލަފްޡް ނެގިފައިވަނީ "ޣައިބު"އިން ނެވެ. އެއީ ލޮލަށް ފެންނަން ނެތް އެއްޗިއްސެވެ. "ޣީބަ" އަށް ޣީބަޔޭ ކިޔުނީ ވާހަކަދެކެވުނު މީހާ އެހިނދުގައި އެތަނުގައި ޙާޟިރުވެ ނެތުނީމައެވެ. ނުވަތަ މީހަކު ނެތް ތަނުގައި އޭނާ ނުރުހޭ ބާވަތުގެވާހަކައެއް ދެއްކުމެވެ.<br />"ޣީބަ" އަކީ ކޮބައިކަން ކީރިތި ރަސޫލާ ޞައްލަﷲ އަލައިހި ވަސައްލަމަ ބަޔާންކޮށްދެއްވައި ޙަދީޘް ކުރެއްވި އެވެ. "ތިޔަބައިމީހުންނަށް ޣީބަ އަކީ ކޮންއެްޗެއްކަން އެނގޭ ހެއްޔެވެ؟" ޞަޙާބީން ދެންނެވިއެވެ. ﷲއާއި ރަސޫލާ މޮޅަށްދެނެވޮޑިގެންވެއެވެ. އެހިދު ޙަދީޡް ކުރެއްވިއެވެ. "އެއީ ތިބާގެ އަޚާ ނެތްތަނުގައި އޭނާ ނުރުހޭ ވާހަކަ ދެއްކުމެވެ". އެހިނދު ޞަޙާބީން ދެންނެވިއެވެ. "އެމީހާގެ ކިބައިގައި ހުރި ކަމެއްގެ ވާހަކަދެއްކިނަމަވެސްތޯއެވެ؟" ޙަދީޘް ކުރެއްވިއެވެ. "އޭނާގެ ކިބައިގައި ހުރި ކަމެއްކަމަށްވަނީނަމަ އެއީ ޣީބައެކެވެ. އޭނާގެ ކިބައިގައި ނެތް ކަމެއްގެ ވާހަކަދައްކައިފިނަމަ އެހެދުނީ ބޮޑުވެގެންވާ ދޮގެކެވެ".</span><span id="fullpost" style="font-size:130%;"><br />...ޣީބަބުނުމުގެ ޙުކުމް:<br />ޣީބަބުނުމަކީ ޙަރާމް ކަމެއްކަމަށް އުއްމަތުގެ ދަންނަބޭކަލުން އިޖްމާޢުވެލައްވައެވެ.<br />އެކަމަކީ ބޮޑުފާފައެއްތޯ ނުވަތަ ކުޑަފާފަ އެއްތޯ މިކަމާއި މެދުގައި ކުޑަ ޚިލާފެއް ހުއްޓެވެ. އަލްއިމާމް ގުރްޠުބީ ވިދާޅުވަނީ ޣީބަބުނުމަކީ ބޮޑުފާފައެއް ކަމަށެވެ. ސަބަބަކީ ގުރްއާނާއި ސުންނަތުގައި ވަޢީދުގެ ބަސްފުޅުތައް މިކަމާއި ގުޅިގެން އައިސްފައިވާތީއެވެ. އެހެންކަމުން ގުރްޠުބީ ދެކިލައްވާގޮތުގައި މިކަމުގައި ޚިލާފްއުފެދެންވީ ސަބަބެއްނެތެވެ.<br />އަލްއިމާމް ޣަޒާލީގެ ކިބައިން އައިސްފައިވާ ގޮތުގައި ޣީބަބުނުމަކީ ކުދިފާފަތަކުގެ ތެރޭގައި ހިމެނޭކަމެކެވެ.<br />މިދެގައުލު ޖަމްޢު ކުރައްވާ އިބްނު ޙަޖަރު ރަހިމަހުﷲ ވިދާޅުވަނީ ޞާލިޙް ތަގްވާވެރި ރަގަޅު އަޅަކު ނުވަތަ ޢިލްމުވެރިއެއްގެ ޣީބަބުނުމާއި އާދައިގެ އިންސާނެއްގެ ޣީބަބުނުމާއި ތަފާތުކަމަށެވެ. އެހެނީ ތަގްވާވެރިންގެ ޣީބަބުނުމަކީ ބޮޑުފާފަ އެކެވެ. އަދި އާދައިގެ މީހެއްގެ ޣީބަ ބުނުމަކީ ކުޑަފާފަ އެކެވެ.<br /><br />...ޣީބަބުނުމަކީ ޙަރާމް ކަމެއްކަމަށް ކީރިތި ގުރްއާނުގައި އައިސްފައިވާ ދަލީލުތައް:<br /><br />1. މާތް ﷲ ވަޙީ ކުރެއްވިއެވެ. (يَا أَيُّهَا الَّذِينَ آَمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَبْ بَعْضُكُمْ بَعْضًا أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ) الحجرات: ١٢ މާނައަކީ: "އޭއީމާންވެއްޖެ މީސްތަކުންނޭވެ. ތިޔަބައިމީހުން ގިނަ ހީތަކާ ދުރުވެގަންނާށެވެ. ހަމަކަށަވަރުން ބައެއް ހީއަކީ ފާފައެކެވެ. އަދި، ތިޔަބައިމީހުން އަކަކު އަނެކަކަށް ޖާސޫސު ނުކުރާށެވެ. އަދި އެއްބަޔަކު އަނެއްބަޔަކަށް ޣީބަ ނުބުނާށެވެ. ތިޔަބައިމީހުންގެ ތެރެއިން އަކުކުވެސް އޭނާގެ އަޚުގެ މަސް މުޅަކޮށް ކެއުމަށް ލޯބިކުރާނޭހެއްޔެވެ؟ ތިޔަބައިމީހުން އެކަމަށް ނުރުހޭނެތެވެ. ތިޔަބައިމީހުން މާތް ﷲ އަށް ތަގްވާވެރިވާށެވެ. ހަމަކަށަވަރުން މާތް ﷲ އީ ތައުބާގަބޫލުކުރައްވާ ރަޙްމަތްވަންތަ އިލާހެވެ".<br />މިއާޔަތުގެ ތަފްސީރުގައި އިބްނު ޢައްބާސްވިދާޅުވިއެވެ. "މާތް ﷲ މުޅަތަކެތި ޙަރާމް ކުރެއްވިފަދައިން ޣީބަބުނުން ވެސް ޙަރާމް ކުރެއްވިއެވެ".<br />އަލްގާޟީ އަބޫޔަޢުލާ ވިދާޅުވިއެވެ. "މިއާޔަތުގައި ޣީބަބުނުން މުޅަތަކެތި ކެއުމުގެ މިޘާލް ޖައްސަވާފައިވަނީ ޣީބަބުނުމަކީ ޙަރާމް ކަމެއްކަން އިތުރަށް ޔަގީންކޮށްދެއްވުމުގެ ގޮތުންނެވެ. ސަބަބަކީ މުސްލިމެއްގެ މަސްގަނޑު ކެއުމަކީ ޙަރާމް ކަމެކެވެ. އަދި މީސްތަކުންގެ ޠަބީޢަތު އެކަމާ ނުރުހޭނެ ކަމެކެވެ. އަދި އެފަދަކަންތައް ކުރާމީހުން ދެކެ މީހުން ނަފްރަތު ކުރާނެއެވެ. އެހެންކަމުން ޣީބަބުނުމަކީވެސް މިދަރަޖާގައި ނުރުހުންތެރިކަންފާޅު ކުރަން ޖެހޭ ކަމެކެވެ.<br />އައްޒައްޖާޖް ވިދާޅުވިއެވެ. "ތިޔަބައިމީހުން މުޅަމަސް ކެއުމަށް ނުރުހޭނެ ފަދައިން މީސްތަކުންގެ ނުބައިވާހަކަ ދެއްކުމަށްވެސް ނުރުހޭށެވެ".<br />މިއާޔަތުގައި ޣީބަބުނުން މައްޔިތާގެ މުޅަމަސް ކެއުމާ ވައްތަރުކުރައްވާފައިވާ ސަބަބަކީ: މަރުވެފައި އޮންނަ މައްޔިތެއްގެ މަސްގަނޑު މީހަކު ކަނޑައިގެން ކޭނަމަވެސް މައްޔިތާއަށް އޭނާގެ ދިފާޢުގައި އެއްވެސް ކަމެއް ނުކުރެވޭނެއެވެ. ހަމައެފަދައިން މީހަކު ނެތް ތަނުގައި އޭނާގެ ނުބައިވާހަކަ ނުވަތަ އޭނާ ނުރުހޭ ވާހަކަ އެއް ދެއްކި ކަމުގައިވީނަމަވެސް އޭނާގެ ނަފްސުގެ ދިފާޢުގައި ކުރެވޭނެ ކަމެއްނުތުނީމައެވެ.<br /><br />2. މާތް ﷲ ވަޙީ ކުރެއްވިއެވެ. (وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ) الحجرات: ١١ މާނައީ: "އަދި ތިޔަބައިމީހުން އެކަކުއަނެކަކަށް އަނެކަކުގެ އައިބު ނުކިޔާށެވެ. އަދި އެއްބަޔަކު އަނެއްބަޔަކަށް ނުރުހޭކަހަލަ ލަގަބުތަކުން ނުގޮވާށެވެ. އީމާންވުމަށްފަހު މިނަންގަނެވުނުކަންތައްކުރުމުން ފާސިގުވުމަކީ ނުބައިކަން ބޮޑުވެގެންވާ ކަމެކެވެ. މިކަންތަކުން ތައުބާނުވީ މީހުންނަކީ އަމިއްލަ ނަފްސަށް އަނިޔާކުރާމީހުންނެވެ".<br />މިއާޔަތުގައިމިވާ "ލަމްޒު" ގެ މާނަ ކުރައްވަމުން އިބްނުޢައްބާސް ވިދާޅުވިއެވެ. "ތިޔަބައިމީހުން އެކަކު އަނެކަކަށް އެއްޗެތިކިޔާނުހަދާށެވެ". މިފަދައިން މުޖާހިދް، ސަޢީދު ބިން މުސައްޔިބް، ގަތާދާ، އަދި މުގާތިލް ބިން ޙައްޔާންގެ ކިބައިންވެސް ނަގުލުވެގެންވެއެވެ.<br />އިބްނުކަޘީރު ވިދާޅުވިއެވެ. "ހަމްޒު" އަކީ ޢަމަލުން މީސްތަކުންނަށް ގޯނާކުރުމެވެ. އަދި "ލަމްޒު" އަކީ ބުނާބަހަކުން މީހުންނަށް ގޯނާ ކުރުމެވެ.<br />އިބްނުކަޘީރުގެ ބަހަށް އައްޝައިޚް ޝަންގީތީ ތާއީދުކުރައްވާވިދާޅުވިއެވެ. "ހަމްޒު" ގެ ތެރެއަށް "ޣީބަ" ބުނުންވެސް ވަންނާނެއެވެ.<br /><br />3. މާތް ﷲ ވަޙީކުރެއްވިއެވެ. (وَيْلٌ لِكُلِّ هُمَزَةٍ لُمَزَةٍ) الهمزة: ١ މާނައަކީ: "ނެތިނުބައި ކިޔުމާއި ޣީބަބުނާ ކޮންމެ މީހަކަށް ހަލާކާއި ޢަޛާބު ހުއްޓެވެ".<br />"ހަމްޒު" އާއި "ލަމްޒު" ގެ މާނަ އިސްވެ ހިނގައްޖެއެވެ. އެއީ ޣީބައިގެ ތެރޭގައި ހިމެނޭ ދެކަމެކެވެ.<br />މިއާޔަތުގެ ތަފްސީރުގައި ގަތާދާ ވިދާޅުވިއެވެ. "މީސްތަކުންގެ މަސްކަމުން ގޯނާކުރަމުން ދިޔުމެވެ".<br />(ويل) އަކީ ނަރަކައިގެ ވާދީ އަކަށް ކިޔޭނަމެކެވެ.<br />އަލްއިމާމް އައްސަޢުދީ ވިދާޅުވިއެވެ. މިއާޔަތްތައް ބާވާލެއްވުނީ މުޝްރިކުންގެ މައްޗަށްކަމުގައިވީނަމަވެސް މިއާޔަތްތަކުގައި ބުނެވިފައިވާ ޞިފަޖެހިފައިވާ އެންމެންގެ މައްޗަށް ޢާއްމެވެ. ސަބަބަކީ ގުރްއާން ބާވާލެއްވުނީ ޚަލްގުތަކުންނަށް ހިދާޔަތް ދެއްކެވުމަށެވެ. އެހެންކަމުން އުއްމަތުގެ އެންމެން ޝާމިލުވެއެވެ.<br /><br />4. (وَلَا تُطِعْ كُلَّ حَلَّافٍ مَهِينٍ. هَمَّازٍ مَشَّاءٍ بِنَمِيمٍ) القلم: ١٠ – ١١ މާނައަކީ: "އަދި ބާޠިލްގޮތުގައި ހުވާކޮށްހަދާ، ދެރަނިކަމެތި ކޮންމެ މީހަކަށް ކިޔަމަންވެވަޑައި ނުގަންނަވާށެވެ. އެއީ މީހުންނަށް ޢައިބުބުނެ ނުބައިވާހަކަތައް ދައްކަމުން ހިނގާ މީހެކެވެ".<br />އިމާމް ޝައުކާނީ ވިދާޅުވިއެވެ. "ހައްމާޒު" ގެ މާނައަކީ މީސްތަކުންނަށް ޣީބަބުނާ މީހާއެވެ.<br />ޝައިޚުލް އިސްލާމް އިބްނުތައިމިއްޔާ ވިދާޅުވިއެވެ. ގަލަމް ސޫރަތުގެ 8 ވަނަ އާޔަތުން ފެށިގެން 16 ވަނަ އާޔަތުގެ ނިޔަލަށް މިވާ އާޔަތްތަކުގައި ވަރަށް މުހިންމުކަމެއް ހިމެނިގެންވެއެވެ.<br />އެއީ: މިދެވައްތަރުގެ މީހުން (ދޮގުވެރިންނާއި ޣީބަބުނާ މީހުން) ނަށް ކިޔަމަންތެރި ނުވުމަށް އެންގެވުން. މިކަމުގައި އެކުލެވިގެންވާ ފައިދާއަކީ: މީހަކަށް ކިޔަމަން ނުވުމަށް އެންގެވުމުގެ މާނަ އަކީ އޭނާގެ ކިބައިގައި ހުރި ޞިފަތަކުންވެސް ދުރުހެލިވުމަށް އެންގެވުމެވެ. އެހެންކަމުން ދޮގުބުނާމީހުންނާއި ޣީބަބުނާ މީހުންނަށް ކިޔަމަންތެރިވާކަށް ނުޖެހެއެވެ. އަދި އެފަދަމީހުންގެ އަޚްލާގުންވެސް ދުރުހެލިވާންޖެހެއެވެ.<br /><br />-ނުނިމޭ-<br /></span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-7884884427196200193?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-4934646173640043222010-04-09T07:36:00.004+01:002010-04-09T08:58:41.854+01:00<span style="font-size:130%;">ލިޔުނީ: އައްޝައިޚް އަބޫއަރްބަޢު<br /><br />މިމައްސަލައަކީ އަޅުގަޑުމެންގެ މުޖްތަމަޢުގައި ވަރަށް ބޮޑުވެފައިވާ މީސްތަކުންނަށް އެކަމުގައި ހުރި ނުބައިކަން އެނގިފައިނުވާ ނުވަތަ ފަރުވާކުޑަކުރެވިފައިވާ ކަމެކެވެ. ވުމާއިއެކު، މިކަމުގެ މައްޗަށް ކޮންމެވެސް އެއްޗެއް ބުނެނުލާ ހުރުމަކީ ފާފަވެރިވެދާނެ ކަމެއްކަމަށް ހީވެގެން ކުރިޔަށް ދެވޭތޯ ގަސްތުކުރީމެވެ. ވަބިﷲ އައްތައުފީގް.<br />ޝައްކެތްނެތް ގޮތުގައި މާތް ﷲ އިންސާނުންނަށް ދެއްވާފައިވާ ނިޢުމަތްތައް ގިނަގުނައެވެ. ގުނާ ޢަދަދު ނުކުރެވޭހާ ގިނައެވެ. މިއިންކޮންމެ ނިޢުމަތެއްދެއްވި ކަމަށް ޓަކައި މާތް ﷲ އަށް ޙަމްދާއި ޝުކުރުކުރަންޖެހެއެވެ. އެގޮތުން އެއިން ކޮންމެ ނިޢުމަތެއްގެ ބޭނުން ކުރަންވާނީ އެކަލާނގެ ރުހިވޮޑިގެންވާ ގޮތުގެ މަތީންނެވެ. <br /></span><span id="fullpost" style="font-size:130%;"><br />މިގޮތުން އިންސާނުންނަށް ދެއްވި އެއް ނިޢުމަތަކީ ދުލުގެ ނިޢުމަތެވެ. އިންސާނުން ހިތުގައި އުފެދޭ ޝުޢޫރުތައް ބޭރުކުރުމަށާއި ކާބޯތަކެތީގެ ރަހަބެލުމަށް ދޫ ދެއްވިއެވެ. އެކަލާންގެ ވަޙި ބަސްފުޅުގައިވެއެވެ. (ألم نجعل له عينين، ولسانا وشفتين) البلد: ٨ – ٩ މާނައަކީ: "ތިމަން ﷲ އެއިންސާނާ އަށް ދެލޯނުދެއްވަމުހެއްޔެވެ. އަދި ދުލަކާއި ދެތުންފަތެވެ".<br /><br />އީމާންކަމާއި ކުފުރު ތަފާތުކޮށްދެނީ ދުލުން ބުނާބަހަކުންނެވެ. އިންސާނާ ސުވަރުގެވަންތަވެރިއަކަށްވުމާއި ނުވުން ގުޅިފައިވަނީ ދުލާއެވެ. ރަސޫލުﷲ ޞައްލަﷲ އަލައިހި ވަސައްލަމަ ޙަދީޘްކުރެއްވިއެވެ. (إن العبد ليتكلم بالكلمة ما يتبين فيها يزل بها إلى النار أبعد ما بين المشرق والمغرب) މާނައަކީ: "އަޅާ ތެދުދޮގުބެލުމެއްނެތި ވާހަކަދެއްކުމުގެ ސަބަބުން ނަރަކައަށް ވައްޓައިލެވެއެވެ". އެހެންކަމުން މިދޫ ރައްކާތެރިކުރަން އެބަޖެހެއެވެ. އެކަންނުކުރެވިއްޖެނަމަ އެމީހަކު ނަރަކައިގެ އަލިފާންގަނޑުގެ ތެރެއަށް ވައްޓައިލެވެއެވެ.<br /><br />އަނެއްކޮޅުން ދޫ ފުރިހަމަ ގޮތުގައި ރައްކާކުރެވިއްޖެނަމަ އެމީހަކަށް ސުވަރުގެލިބޭނެ ކަމުގެ އުފާވެރި ޚަބަރު ކީރިތި ރަސޫލާ ޞައްލަﷲ އަލައިހި ވަސައްލަމްވަނީ ދެއްވާފައި ވެއެވެ. ޙަދިޘް ކުރެއްވިއެވެ. (من يضمن لي ما بين لحييه وما بين رجليه أضمن له الجنة)، މާނައަކީ: "އެމީހެއްގެ ދެކޯދޭތެރޭގައިވާތަނާއި)އަނގަ) ދެފައިދޭތެރޭގައިވާތަން(ފަރުޖު) ރައްކާތެރިކުރާނެ ކަމުގެ ގެރެންޓީދީފި މީހަކަށް ސުވަރުގެ ލިބޭނެކަމުގެ ގެރެންޓީ ތިމަންކަލޭގެފާނު ދެއްވަމެވެ".<br /><br />މުޢާޛް ބިން ޖަބަލު ރަޟިޔަﷲ ޢަންހު އަށް ކީރިތި ރަސޫލާ ޞައްލަﷲ އަލައިހިވަސައްލަމް އެކިވައްތަރުގެ ހެޔޮކަންތައްތައް ބުނެދެއްވުމުން މުޢާޛް ސުވާލުދެންނެވިއެވެ. ތިމަންކަލޭގެފާނަށް ސުވަރުގެއަށްވަދެވި ނަރަކައިން ދުރުހެލިވާނެ ކަމެއްދަސްކޮށްދެއްވާށެވެ. ޙަދީޘް ކުރެއްވިއެވެ. "ހުރިހާ ހެޔޮކަމެއްގެ މައިގަނޑު ބުނެދެއްވަން ހެއްޔެވެ". މުޢާޛް ދެންނެވިއެވެ. "އާދޭހެވެ"، އެހިނދު ކީރިތި ރަސޫލާ ޞައްލަﷲ އަލައިހިވަސައްލަމަ އެކަލޭގެފާނުގެ ދޫކޮޅުގައި ހިއްޕަވައި ޙަދީޘް ކުރެއްވިއެވެ. "މިއެތި ހިފަހައްޓާށެވެ"، އެހިނދު މުޢާޛް ދެންނެވިއެވެ. "އަހަރުމެން ދައްކާވާހަކައެއްގެ ސަބަބުން ފާފަލިބޭތޯއެވެ؟"، ޙަދީޘް ކުރެއްވިއެވެ. "މީސްތަކުން މޫނުވަތަށް ނަރަކައަށް ވައްޓައިލެވެނީ އެމީހުންގެ ދުލުން ބޭރުކުރި ބަސްތަކެއްގެ ސަބަބުން ނޫން ކޮން ކަމަކުން ހެއްޔެވެ؟!". ދޫރައްކާތެރިކުރުމަކީ އީމާންކަމާއި ގުޅިފައިވާ ކަމެކެވެ. ޙަދީޘް ކުރެއްވިއެވެ، (من كان يؤمن بالله واليوم الآخر فليقل خيرا أو ليصمت) މާނައަކީ: "ﷲ އާއި އާޚިރަތްދުވަހަށް އީމާންވާމީހާ ހެޔޮބަސްބުނާހުށިކަމެވެ. ނޫންނަމަ ހަނުހުންނާށެވެ".<br /><br />އަޅުގަޑުމެންގެ ކަންތައް ހުންނަގޮތާއި މެދު ނަޘަރުހިންގާލައިފި މީހަކަށް ޢަޖައިބު ކަންތައްތަކެއްފެނިގެންދެއެވެ. މީސްތަކުން ދުލާއިމެދު ކުޑަވެސް ފަރުވާތެރިކަމެއް ބަހައްޓާތަނެއް ނުފެނެއެވެ. ޙަގީގަތާއި ޚިލާފުވާހަކަ ދެއްކުމާއި، ޣީބަބުނުމާއި، ދެބައޮޑުވުން ފަދަ ނުރައްކާތެރި ކަންތައްތައް އަޅުގަޑުމެންގެ މުޖްތަމަޢުގައިވަނީ ޢާއްމުވެފައިވަނީ ބިރުގަންން ދަރަޖައަށެވެ. މިކަމަކީ ކިހާވަރެއްގެ ނުރައްކާތެރިކަމެއް ކަމާއިމެދު ކުޑަކޮށްވެސް ވިސްނައެއް ނުލައެވެ. ދުލުންބޭރުކުރާ ކޮންމެ ލަފްޡަކީ ރަގީބް އާއި ޢަތީދް ލިޔުއްވާނެ އެއްޗެއްކަމާއިމެދު ވިސްނައިނުލައެވެ. (ما يلفظ من قول إلا لديه رقيب عتيد) ق: ١٨ މާނައަކީ: "އޭނާގެ ދުލުންބޭރުކުރާ ކޮންމެ ބަހެއް ރަގީބް އާއި ޢަތީދް ލިޔުއްވައެވެ".<br /><br />-ނުނިމޭ-<br /></span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-493464617364004322?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-1817381481956328332010-04-09T07:09:00.001+01:002010-04-09T07:23:35.969+01:00<span style="font-size:130%;">ޑރ. ޒާކިރު ނައިކް އަކީ މިހާރު ދުނިޔޭގައި ތިއްބެވި އެންމެ ފުސްނާބުއުސް ޢިލްމުވެރިންގެ ތެރެއިން ބޭފުޅެއް ކަމުގައި ދެންނެވުމަކީ ކުށަކަށް ނުވާނެއެވެ. މެޑިކަލް ދާއިރާއިން ތަޢުލީމު ހާސިލް ކުރެއްވުމަށްފަހު، ޝެއިޚް އަޙްމަދު ދީދާތުގެ އަރިހުން ދަރިވަރުވެ ދީނީ ތަޢުލީމު އުގެނިވަޑައިގެން، ދީނަށްޓަކައި ނުކުތް ޑރ. ޒާކިރު ވަނީ އިސްލާމު ދީނަށްޓަކައި މިޒަމާނުގައި އެހެން ފަރާތަކުން ނުކުރާފަދަ ފާހަގަ ކޮއްލެވޭ ބޮޑެތި މަސައްކަތްތަކެއް ކުރައްވާފައެވެ. އިސްލާމިކް ރިސާޗް ފައުންޑޭޝަނާއި، އިސްލާމިކް ޗެނަލް ޕީސްޓީވީއާއި އަދި އިންޓަނޭޝަނަލް އިސްލާމިކް ސްކޫލް އެކަނިވެސް މިކަމަށް ހެކިދެއެވެ.<br /> </span><span id="fullpost" style="font-size:130%;">އެހެންކަމުން އަންނަމަހު 31 އިން ޖޫން 6 އަށް ޑރ ޒާކިރު ނައިކް ރާއްޖެވަޑައިގަތުމަށް ހަމަޖެހިފައިވާކަން ރަސްމީކޮށް ހާމަކުރުމާއި އެކު ވަރަށް ގިނަބަޔަކު ވަނީ އެކަމަށް މަރުހަބާ ކިޔައި އެކަމާ އުފާކޮށްފައެވެ. އަނެއްކޮޅުން ދީނުގެ އަދާވާތްތެރިންނަށް މިކަން ވެގެން ދިޔައީ އެމީހުންގެ ހިތަށް ހެރުނު ތޫނު ތީރެއް ކަމުގައެވެ. ހަމައެއާއިއެކު ތަނެއް ދޮރެއް ނުދަނެތިބެ، ތެދެއް ދޮގެއް ބެލުމެއް ނެތި، ސިޔާސީ ބޭނުމަކަށްޓަކައި ކަމުގެ ޙަޤީގަތް އޮޅުވާލައި ފިތަނަފަސާދަ އުފެއްދުމަށް ލިޔާލިޔުންތެރިންވެސް އުޅޭކަން ފާހަނގަކޮށްލަން ޖެހެނީ ހިތާމައާއި އެކުގައެވެ.<br /><br />އެގޮތުން ރާއްޖޭގައި އިސްލާމު ދީން ކުރިއަރުވަން މަސައްކަތް ކުރައްވާ ޖަމްއިއްޔާތަކާއި އިސްލާމިކް މިނިސްޓަރީއާއި ދެމެދު އިތުރަށް ރުޅިވެރިކަން އުފެދޭގޮތަށް ބައެއް މީހުން ލިޔަމުން އެބަދެއެވެ. މި އިވެންޓާއި ގުޅުވައިގެން އެއްބަޔަކު އަނެއްބަޔަކުގެ މެދުގައި ދެކޮޅުވެރި ކަމުގެ ރޫޙެއް އުފެއްދުމަށެވެ. މަޤްސަދަކީ އާންމުން މި އިވެންޓަށް ނަފްރަތު ކުރުވުމެވެ. މިއިވެންޓްގެ ސަބަބުން އާންމުންނަށް ލިބިގެންދާނޭ ފައިދާއާއި މަންފާ ކުޑަކުރުމަށެވެ.<br /><br />މިގޮތުން ދައްކަމުންދާ އެއްވާހަކައަކީ ޝެއިޚް އަބްދުއްރަޙީމް ގްރީން ގެނައުމަށް ޖަމިއްޔަތުއް ސަލަފުން އެދުމުން އޭރުގައި އެހުއްދަ ނުދެއްވާފައި ޑރ. ޒާކިރު ނައިކް އެއްވެސް ހުއްދައަކާއި ނުލާ ގެނައުމަށް އުޅޭވާހަކައެވެ. މިއީ ވަރަށް ބޮޑު އޮޅުވާލުމެކެވެ. ޙަޤީޤަތަކީ ޖަމިއްޔަތުއްސަލަފުން ރާއްޖެ ގެނައުމަށް މަސައްކަތް ކުރެއްވި ޝެއިޚް އަބްދުއްރަޙީމް ގްރީން ގެނައުމުގެ ހުއްދަ ވަނީ ދެއްވާފައެވެ. އަދި އެބޭފުޅުން ޝެއިޚް ގެނައުމަށް ޝެޑިއުލް ކޮއްފައިވައިވާ ތާރީޚަށް ޝެއިޚް ގެނައުމުގެ ތައްޔާރިތައް ދަނީވަމުންނެވެ. އެހެން ކަމުން ޑރ ޒާކިރު ނައިކްއަށްވެސް ރާއްޖޭގައި ތަޤްރީރު ކުރުމުގެ ހުއްދަ ދެއްވާފައިވަނީ ޝެއިޚް އަބްދުއްރަޙީމް ގްރީންއަށްވެސް ހުއްދަ ދެއްވި ޤަވާއިދުގެ ދަށުން ކަމުގައި ބެލެވެއެވެ.<br /><br />އަދި މިކަމާގުޅުވާފައި ދެއްކޭ ޙަޤީގަތެއް ނެތް އަނެއް ވާހަކައަކީ، ޝެއިޚް އަބްދުއް ރަޙީމް ގްރީންއަށް ތަޤްރީރު ކުރުމުގެ ހުއްދަ ނުދެއްވައި، ޑރ ޒާކިރު ނައިކްގެ އަނބިކަބަލުންނަށާއި ދަރިކަލުންނަށްވެސް ތަޤްރީރު ކުރުމުގެ ހުއްދަ ދެއްވި ވާހަކައެވެ. މިކަމުގައި ވެސް އެންމެ ފުރަތަމަ އަޅުގަނޑުމެން ހަނދާން ކުރަންވީ ނުކުތާއަކީ ޝެއިޚް އަބްދުއްރަޙީމް ގްރީންއަށް ތަޤްރީރު ކުރުމުގެ ހުއްދަ ނުދޭވާހަކައަކީ ދޮގުވާހަކައެއް ކަމެވެ. ވީމާ އެކަމާއި މިކަމާއި ގުޅުވުމަކީ އޮޅުވާލުމެކެވެ.<br /><br />ދެންއޮތީ ޑރ. ޒާކިރު ނައިކްގެ އަނބިކަބަލުންނާއި ދަރިކަލުންގެ ވާހަކައެވެ. އިސްލާމް ދީނުގެ ޢިލްމު ވެރިޔަކަށް ވެވެނީ ހަމަ އެކަނި ސެޓްފިކެޓެއް ހާސިލް ކޮށްގެނެއް ނޫނެވެ. އަދި ކިއެއް ސެޓްފިކެޓަކީ ހަމައެކަނި މީހާ ޢިލްމުވެރިޔަކަށްވާ ސަބަބެއްވެސް ނޫނެވެ. އިސްލާމު ދީނުގައި ޢިލްމުވެރިޔަކަށް ވުމަށް ދީނީ ތަޢުލީމު ހާސިލް ކުރެވޭ މައިގަނޑު 2 ގޮތެއް އޮވެއެވެ. އެއްގޮތަކީ ކުރީޒަމާނުގައި މީހުން ދީނީ ތަޢުލީމު ހާސިލް ކުރެއްވި ގޮތަށް ޢިލްމުވެރިންގެ އަރިހުން ދީނީ ތަޢުލީމު އުގެނުމެވެ. ދެވަނަ ގޮތަކީ މިޒަމާނުގައި ގިނަމީހުން ތަޢުލީމު ހާސިލްކުރާ ފަދައިން ޔުނިވާސިޓީ ފަދަ ތަނަކުން ތައުލީމު ހާސިލް ކުރުމެވެ.<br /><br />މިގޮތުންބަލާއިރު ޑރ ޒާކިރު ނައިކްގެ އަނބިކަބަލުންނަކީ މި 2 އުސޫލުންވެސް ތަޢުލީމު ހާސިލްކުރައްވައިގެން ހުންނެވި ބޭކަނބަލެކެވެ. އަދި މިއަދު ދުނިޔޭގައި ހިންގޭ އެންމެ ފާހަގަ ކޮއްލެވޭ އެއް އިންޓަނޭޝަނަލް އިސްލާމިކް ސްކޫލްގެ ސުޕަވައިޒަރުވެސް މެއެވެ. އަނެއްކޮޅުން ދަރިކަލުން ފާރިޤް ނައިކް އަކީވެސް މަތީގައި ބަޔާން ކުރެވުނު ދެގޮތުންވެސް ތަޢުލީމު ޙާސިލްކޮށްގެން އަދި ކުރައްވަމުން ގެންދަވާ ޒުވާނެކެވެ. މިހެން މިކަން އޮތްއިރު ޢަބްދުއްރަހީމް ގްރީން އަށް ހުއްދަ ނުދިނޭ އެކަމަކު ޑރ ޒާކިރުގެ އަނބިކަބަލުންނަށާއި ދަރިކަލުންނަށްވެސް ހުއްދަ ދިނީއޭ ކިޔުމުގެ ޖާގައެއް ނެތެވެ. އަދި ކިއެއް އެފަރާތްތަކަށްވެސް ހުއްދަ ދެވިފައިވަނީ އުސޫލުތަކާއި ހަމަތަކުގެ މަތިން، ޑރ. ޒާކިރު ނައިކައާއި އެކުގައި މަސައްކަތް ކުރައްވާ ޝެއިޚް އަބްދުއްރަޙީމް ގްރީންއަށްވެސް ހުއްދަ ދެއްވިފަދައިންނެވެ.<br /><br />އެހެންކަމުން މިފަދަ ފިތުނަވެރި ވާހަކަތަކީ އަޅުގަނޑުމެން މުސްލިމުން މިކަމަށް ވަރަށް ސަމާލުވެ ތިބެންޖެހޭ ވާހަކަތަކެއް ކަމުގައި ދަންނަވަމެވެ. މުސްލިމުންގެ ތެރޭގައި އުޅޭ އެއްބަޔަކު އަނެއްބަޔަކު ފިތުނަވެރި ކުރުވައި އެއްބަޔަކު އަނެއްބަޔަކުގެ މެދުގައި ރުޅިވެރިކަން އުފައްދަން، އިސްލާމު ދީނުގެ އަދުއްވުން މަސައްކަތް ކުރަމުންދާކަން މިފަދަ ދަޑިވަޅުތަކުގައި އަޅުގަނޑުމެން ދަންނަން ޖެހެއެވެ. އެބައިމީހުންގެ ބޭނުމަކީ މުސްލިމުންގެ މެދުގައި ރުޅިވެރިކަމާއި ފިތުނަ ފަސާދަ އުފެއްދުމެވެ. އިސްލާމު ދީން ބަލިކަށިކޮށްލުމެވެ. ދީނީ ދައުވަތު ފެތުރިގެން ދިއުމަށް ހުރަސް އެޅުމެވެ. ވީމާ މިކަމަށް ހޭއަރައި މުސްލިމުން އެކަތިގަނޑަކަށްވެ ތިބުމަށް ގޮވާލަމެވެ.</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-181738148195632833?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-44886049199905405962010-04-08T12:15:00.001+01:002010-04-09T07:24:41.672+01:00<span style="font-size:130%;">އެއީ އިނގެރޭސިން އިންޑިޔާގައި ވެރިކަންކުރި ދުވަސްވަރެވެ. ނަސާރާއިން ދިޔައީ އިންޑިޔާގައި ނަސާރާދީން ފެތުރުމަށްޓަކައި ވަރަށް ބުރަ މަސައްކަތްތަކެއް ކުރަމުންނެވެ. އެމީހުންގެ ކަޅި އެންމެ ބޮޑަށް އަމާޒުވެފައިވާ ބަޔަކީ މުސްލިމުންނެވެ. އެހެންކަމުން މުސްލިމުން ވާހަކަދައްކަމުންދިޔަ ބަސްކަމުގައިވާ އުރުދޫބަސްވެސް އެމީހުން ދަސްކުރިއެވެ. އަދި ފާޅުގަޔާއި ސިއްރުގައި އެމީހުންގެ ދައުވަތު ފަތުރަން މަސައްކަތް ކުރަމުން ދިޔައެވެ. އެގޮތުން ނަސާރާއިންނާއި އެކުގައި އާންމު ބަހުސްތައް ކުރުމަށް މުސްލިމުންގެ ކިބައިން އެދެމުން ދިޔައެވެ. އެހެންކަމުން އިންޑިޔާގައި ދިރިއުޅެމުންދިޔަ ވަރަށްގިނަ މުސްލިމުންގެ އެދުމުގެމަތިން ދިއްލީގައި އުޅުއްވި މައުލާނާ ޢަބްދުލް އަޒީޒު (މައުލާނާ ސާހިބު) ނަސާރާއިންނާއި ބަހުސެއްކުރަން އެއްބަސްވިއެވެ.<br /></span><span id="fullpost" style="font-size:130%;">ބަހުސް ކުރުމަށް ދެފަރާތުންވެސް ބޭފުޅަކު ހަމަޖައްސައި ބަހުސްކުރާނެ ދުވަހެއް ކަޑައަޅައިފިއެވެ. ނަސާރާއިންގެ ފަރާތުން އެންގީ މުސްލިމުންގެ ފަރާތުން ފުރަތަމަ ވާހަކަ ދެއްކުމަށެވެ. އެހެންނަމަވެސް މުސްލިމުންގެ ފަރާތުން މައުލާނާ ސާހިބު އެދުނީ ނަސާރާއިންގެ ފަރާތުން ފުރަތަމަ ވާހަކަ ދެއްކުމަށެވެ. އެއީ 2 ސަބަބަކަށް ޓަކައެވެ. ފުރަތަމަ ސަބަބަކީ އެމީހުނަކީ އިންޑިޔާއަށް ބޭރުން އަރައި ތިބި 'މެހެމާނުން' ކަމުގައި ވާތީ, މެހެމާނުންނަށް އިސްކަން ދިނުމުގެ ގޮތުންނެވެ. ދެވަނަ ސަބަބަކީ އެމީހުން ޤަބޫލުކުރާ ގޮތުގައި އެމީހުންގެ ދީނަކީ އިސްލާމުދީނަށް ވުރެ ކުރިން އުފަންވި އިސްލާމު ދީނަށްވުރެ މުސްކުޅި ދީނަކަށް ވާތީ، ކުރިން އުފަންވި މުސްކުޅިންނަށް އިސްކަން ދިނުމުގެ ގޮތުންނެވެ. ނަސާރާއިންގެ ފަރާތުން އެވާހަކަތައް ގަބޫލުކޮށް ބަހުސްގައި ފުރަތަމަ ވާހަކަ ދައްކާނީ އެމީހުން ކަމުގައި އެއްބަސް ވެއްޖެއެވެ.<br /><br />ބަހުސް ފެށިއްޖެއެވެ. ފުރަތަމަ ވާހަކަ ދައްކަނީ ނަސާރާއިންގެ ފަރާތުން ޖޯން (އަސްލު ނަމެއް ނޫން) އެވެ. ވަޑައިގެންނެވީ ވަރަށްވެސް ތައްޔާރު ވެގެންނެވެ. ވާހަކަ ފެއްޓެވުމަށް ފަހު ފުރަތަމަވެސް ފެއްޓެވީ މައުލާނާ ސާހިބާއި ސުވާލު ކުރައްވާށެވެ. ޖޯން ސުވާލު ކުރެއްވިއެވެ.<br />"މައުލާނާ ސާހިބު! ތިޔަބައިމީހުން ރަސޫލެއްކަމަށް ޤަބޫލުކުރާ މުޙަންމަދު (ޞައްލަﷲ އަލައިހި ވަސައްލަމް) މިހާރު ކޮބާތަ؟ ބުނެބަލަ! ކޮންތާކުތަވީ؟" މިގޮތަށް ސުވާލު ކުރުމަށްފަހު، މައުލާނާ ސާހިބުގެ ޖަވާބަކަށް ޖޯން އިންތިޒާރު ކުރެއްވިއެވެ.<br /><br />އެހެންކަމުން ކުޑައިރުކޮޅަކު ވިސްނާލަން އިންނެވުމަށްފަހު ފަޚުރުވެރި ރާގެއްގައި މައުލާނާ ސާހިބު ޖަވާބު ދިނެވެ. "އެކަލޭގެފާނު ޞައްލަﷲ ޢަލައިހި ވަސައްލަމް މިހާރު ހުންނެވީ މާތްﷲގެ ޙަޟުރަތުގައި (ކައިރީގައި) ސުވަރުގޭގައެވެ.<br /><br />ސުވާލުގެ ޖަވާބު ހަމަ ލިބުމާއެކު، ވިދިގެން ދެވަނަސުވާލެއްވެސް ކުރިއެވެ. "އެންމެ ރަގަނޅެވެ! އެހެންވީއިރު، އެކަލޭގެފާނުގެ ކާފަދަރިކަލުން ޙުސެއިން (ރަޟިއަﷲ އަންހު) ކަރުބޮލާގައި އަނިޔާކުރެވި އަވާހާރަކޮށްލެވުނުއިރު އެކަލޭގެފާނު ހުންނެވީ ކޮންތާކު ހެއްޔެވެ؟"<br /><br />އަނެއްކާވެސް މައުލާނާ ސާހިބު ކުޑައިރުކޮޅަކު ވިސްނާލަން އިންނެވުމަށްފަހު، ވަރަށް ޔަގީންވެހުންނެވި ބީދައިން ޖަވާބު ދެއްވިއެވެ. "އޭރުވެސް މުޙަންމަދު ޞައްލަﷲ ޢަލައި ވަސައްލަމް ހުންނެވީ ﷲގެ ޙަޟުރަތުގައި (ކައިރީގައި) ސުވަރުގޭގައެވެ."<br /><br />ޖަވާބު ލިބޭއިރަށް ހަމަ އެއާއި ވިއްދާފައި، ކުރިންސުރެ ރޭވި ތައްޔާރުކުރެވިފައިވާ 3 ވަނަ ސުވާލުވެސް ކުރިއެވެ. ވަރަށް ޔަޤީންކަމާއެކު މަލާމާތުގެ ރާގަކަށެވެ. "އެންމެ ރަގަނޅެވެ! އެންމެ ރަގަނޅެވެ! މައުލާނާ ސާހިބު ތިވިދާޅުވާފަދައިން، މުޙަންމަދު (ޞައްލަﷲ ޢަލައިހި ވަސައްލަމް) ހުންނެވީ ﷲގެ ޙަޟުރަތުގައި (ކައިރީގައި) ސުވަރުގޭގައިނަމަ، އެކަލޭގެފާނުގެ ކާފަދަރިކަލުން އެހާ ނިކަމެތިކޮށް އަދި އެހާމެ އަނިޔާވެރި ގޮތަކަށް އަވަހާރަކޮށްލެވުނުއިރު، ﷲގެ ޙަޟުރަތުގައި (ކައިރީގައި) ޙުސެއިންގެފާނު އެ އަނިޔާވެރި މަރުން ސަލާމަތް ކޮށްދެއްވުމަށްއެދި ނުދެންނެވީ ކީއްވެ ހެއްޔެވެ؟... 'ތިމަންކަލޭގެފާނުގެ ކާފަދަރިކަލުން ސަލާމަތް ކޮށްދެއްވާށޭ' ނުދެއްވީ ކީވެހެއްޔެވެ؟"<br /><br />މައުލާނާ ސާހިބު ބަސްހުއްޓުފައިވާ ބީދައިން އިންނެވިއެވެ. ހޯލުތެރެ ވަނީ ހަމަހިމޭންވެފައެވެ. އެންމެންވެސް ތިބީ މައުލާނާ ސާހިބުގެ ޖަވާބުގެ އިންތިޒާރުގައެވެ. ޚާއްސަކޮށް އެތަނަށް އެއްވެތިބި މުސްލިމުން ކަންބޮޑުވެފައިވާޙާލު ތިއްބެވެ. މަލާމާތުގެ ރާގަކަށް އެސުވާލު ތަކުރާރު ކުރެވިއްޖެއެވެ.<br />އެހެންކަމުން މައުލާނާ ސާހިބު އިރުކޮޅަކު ހަނު ހުންނެވުމަށްފަހު ޖަވާބު ދެއްވިއެވެ. މިފަހަރު ވަރަށް މަޑުމައިތިރި ގޮތަކަށެވެ. "އެކަލޭގެފާނު، ﷲ ޙަޟުރަތުން ޙުސެއިންގެފާނު ސަލާމަތް ކޮށްދެއްވުމަށް އެދުނެވެ. އެކަމަކު..."<br /><br />ޖޯން ކެއްމަދުވެފައިވަނީ، މުޙަންމަދު ޞައްލަﷲ ޢަލައިހި ވަސައްލަމް އަކީ މާތްﷲގެ ފަރާތުން ރަޙްމަތެއް ވާޤިވެރިކަމެއް ނުވާ ބޭކަލެއްކަމަށް އެއްވެތިބި މީހުންނަށް ސާބިތު ކޮށްދިނުމެވެ. އެހެންކަމުން މައުލާނާސާހިބުގެ ޖަވާބު އެހިސާބައް ދާއިރަށް ޖޯންގެ އަޑަށް އިތުރު ބާރެއް ލެއްވުމަށް ފަހު މައުލާނާ ސާހިބާއި ސުވާލު ކުރެއްވިއެވެ. "އެދުނޭ؟ ކީކޭ ﷲ ވަޙީކުރެއްވީ؟ ޙުސެއިންގެފާނު އެއަނިޔާއިން ސަލާމަތްނުވެ އަވަހާރަވިކަން ނޭނގޭތަ؟"<br /><br />މައުލާނާ ސާހިބު ވަރަށް ދެރަވެފައި ހިތާމަވެރި ރާގަކަށް ޖަވާބު ކުރިޔަށް ގެންދެވިއެވެ. "އެނގޭ!.... އެކަމަށް އެދުމުން ﷲ ކީރިތި ކުރައްވަން ފެއްޓެވީ!"<br /><br />ކުއްލިއަކަށް މުޅި ހޯލުތެރެ ހަމަހިމޭން ވެއްޖެއެވެ. މައުލާނާ ސާހިބުގެ 'ތާކުންތާކުނުޖެހޭ' އެޖަވާބާއިމެދު އެންމެން ހައިރާންވެއްޖެއެވެ. ހައިރާންވެފައިވާ ހާލު ޖޯން ސުވާލުކުރިއެވެ. "ކީކޭ؟؟؟؟؟ ﷲ ފެއްޓެވީ ކީރިތި ކުރައްވާށޭ؟"<br /><br />މައުލާނާ ސާހިބު ވަރަށް ދެރަވެ ހުންނަވައި ޖަވާބު ދެއްވިއެވެ. "އާދެ! ކީރިތި ކުރައްވަން ފެއްޓެވީ... އަދި އެކަލާނގެ މުޙަންމަދުގެފާނަށް ވަޙީކުރެއްވި.... 'އެނގިވަޑައިގަންނަވާތޯއެވެ؟ ޔަހޫދީންގެ އަނިޔާވެރިކަމުގައި ތިމަންރަސްކަލާނގެ އަމިއްލަ 'ދަރިކަލުން' ޢީސާގެފާނު ސޮލީބަށް އެރުވި އަވަހާރަކޮށްލެވުނުއިރުވެސް ތިމަންރަސްކަލާނގެއަކަށް ސަލާމަތެއް ނުކުރެވުނެވެ. ދެން ކަލޭގެފާނުގެ ކާފަދަރިކަލުން ޙުސެއިން ސަލާމަތްކުރައްވާނީ ކިހިނަކުންތޯއެވެ؟'"<br /><br />ނަސާރާއިން ޤަބޫލުކުތާގޮތުގައި ޢިސާ ޢަލައިހި ސަލާމްއަކީ، އިލާހު ވަންތަކަން ލިބިގެންވާ މާތްﷲގެ ދަރިކަލެކެވެ. އަދި އެބައިމީހުނަކީ އެކަލޭނގެފާނަށް އަޅުކަންކުރާވެސް ބައެކެވެ. އަދި ހަމަ އެއާއިއެކު އަނިޔާވެރި ޔަހޫދީން އެކަލޭގެފާނު ސޮލީބަށް އަރުވައި ނިކަމެތިގޮތެއްގައި އަވަހާރަ ކޮށްލެވުނު ކަމަށްވެސް އެމީހުން ޤަބޫލުކުރެއެވެ.<br />އެހެންކަމުން ޖޯންއަށް އިތުރަށް ކުރާނެ ސުވާލެއް އެނގިވަޑައެއް ނުގަތެވެ. އަދި ބަސްހުއްޓި އިތުރަށް ދައްކަވާނެ ވާހަކައެއްވެސް ވިސްނި ވަޑައެއްނުގަތެވެ. އެހިސާބުން އެބަހުސްވެސް ހުއްޓާލާފައި އެމީހުން ހިނގައްޖެއެވެ.<br /><br />ނޯޓް: މިއީ އިންޑިޔާގައި އިނގިރޭސިން ވެރިކަންކުރި ދުވަސްވަރު ހިނގާފައިވާ ޙަޤީޤީ ހާދިސާއެއްގެ މައްޗަށް ބިނާކޮށް ލިޔެފައިވާ ލިޔުމެކެވެ. މީގައި މައުލާނާ ސާހިބު ދީފައިވާ ޖަވާބުތަކަކީ، އެބޭފުޅާ ނުވަތަ އެއްވެސް މުސްލިމަކު ޤަބޫލުކުރާ ގޮތެއްގެ މައްޗަށް ބިނާކޮށް ދީފައިވާ ޖަވާބުތަކެއް ނޫނެވެ. އެއީ، ބަހުސް ރައްދުކުރެވޭ ފަރާތަށް ވިސްނައިދެވޭނެ އެހެންގޮތެއް ނެތުމުން (ނުވަތަ ފަސޭހަ ގޮތަކުން ވިސްނައިދިނުމަށް ޓަކައި) ދީފައިވާ ޖަވާބު ތަކެކެވެ. ރައްދު ތަކެކެވެ.<br /></span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-4488604919990540596?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-52609608550990585112010-04-08T12:06:00.002+01:002010-04-09T07:25:02.170+01:00<span style="font-size:130%;">ވަތަން އެދޭ ގުޅުމުގެ އިއްތިހާދު ވެރިކަމަށް އައުމަށްފަހު އުފެއްދި 14 މިނިސްޓްރީގެ ތެރެއިން، ދިވެހިން އެންމެ ބަލައިގަތް އެއް މިނިސްޓްރީއަކީ އިސްލާމިކް މިނިސްޓްރީއެވެ. އެމިނިސްޓްރީ އުފެދުނީންސުރެ މިއަދާޖެހެންދެން، ދިވެހިންގެ މެދުގައިވާ އިސްލާމީ އަޤީދާ ހަރުދަނާ ކުރުމަށްޓަކައި އެމިނިސްޓްރީއިން ދަނީ ތަފާތު ގިނަގުނަ މަސައްކަތްތަކެއް ކުރަމުންނެވެ.<br /><br />ދީނީ ނަސޭހަތްދިނުމުގެ ފުރުސަތު ފުޅާ ދާއިރާއެއްގައި ހުޅުވާލެވިފައި ވެއެވެ. ކުރީގެ 'ބޯދާ' ޚުތުބާތައް ބަދަލުކުރެވިއްޖެއެވެ. އިތުރު މިސްކިތްތައް އެޅުމާއި މަރާމާތު ކުރުމަށް ބޭނުންވާ ފަންޑު ހޯދުމާއި ، އަމަލީގޮތުން އެކަންކަން ކުރެވެމުން އެބަދެއެވެ. ސްކޫލު ތަކުގައި ނަމާދުކުރުމުގެ ފުރުސަތު ދަނީ ތަނަވަސް ކުރެވެމުންނެވެ. ސްކޫލްތަކުގެ ދަރިވަރުންނާ ޢާންމުންނަށް ދީން އުނގަންނައި ދިނުމަށް ވޯކްޝޮޕްތަކާއި ސެމިނާތައްދަނީ ބޭއްވެމުންނެވެ. އަތޮޅުތަކުގައި ނަޞޭޙަތްދީ ވައުޒު ވިދާޅުވުމަށް ސިލްސިލާ ޕްރޮގްރާމްތައް ހިންގެމުން އެބަދެއެވެ. އިސްލާމިކް މިނިސްޓްރީއިން އިސްނަންގަވައިގެން ޤައުމީ ޓީވީ އާއި ރޭޑިއޯގެ ޒަރީޢާއިން މުހިންމު މަޢުލޫމާތުތަކެއް ފޯރުކޮށް އެބަދެއްވައެވެ. ދިވެހި ރާއްޖޭގެ 800 އަހަރުވީ ދިގު އިސްލާމީ ތާރީޚުގައި ފުރަތަމަ ފަހަރަށް ދީނީ ފެއަރ އެއް ވަނީ ބައްވާފައެވެ....މިހެންގޮސް އެތައްކަމެކެވެ. <br /></span><span id="fullpost" style="font-size:130%;">އެމިނިސްޓްރީއިން ކުރަމުންދާ މަސައްކަތް ތަކުގެ ފޮނި ނަތީޖާ، މިވީ ކުޑަ ދުވަސް ކޮޅުގެ ތެރޭގައިވެސް ވަނީ ފެނިފައެވެ. ފާއިތުވި އަހަރު ރަމަޟާން މަހުގެ ދަމުނަމާދުގައި ބައިވެރި މީހުންގެ އަދަދުން މިކަން ސާބިތު ވެއެވެ. އަދި އެންމެ ފަހުން އިރުކޭތަ ހިފިދުވަހު އިރުކޭތަނަމާދުގައި ބައިވެރިވި މީހުންގެ އަދަދުން މިކަން ހާމަވެއެވެ. އެއީ ދިވެހި ރާއްޖޭގެ އިސްލާމީ ތާރީޚްގައި މީގެކުރިން ފެނިފައިވާ ކަންތައްތަކެއް ނޫނެވެ. ހަމައެއާއެކު އިސްލާމިކު މިނިސްޓްރީއަށް ދިވެހިން އިތުބާރު ކުރާ މިންވަރު، ފާއިތުވި އަހަރުގެ މުދަލު ޒަކާތް އަދާކުރި މީހުންގެ އަދަދުންވެސް އެނގެއެވެ. ކުރީ އަހަރުތަކާ އަޅާބަލާއިރު މުދަލު ޒަކާތް އަދާކުރި މީހުންގެ އަދަދު 152 އިންސައްތަ އިތުރުވެފައިވެއެވެ. މިކަންކަމުން ދޭހަކޮށްދެނީ ދިވެހިރާއްޖޭގެ 800 އަހަރުވީ އިސްލާމީ ތާރީޚުގައި ސަރުކާރުގެ އިދާރާއަކުން އިސްލާމު ދީނަށްޓަކައި ދުވަހަކު ހަތަކާތްތެރި ނުވާމިންރަށް އިސްލާމިކް މިނިސްޓްރީން ދީނައްޓަކައި ހަރަކާތްތެރި ވެފައިވާކަމެވެ.<br /><br />އެހެން ނަމަވެސް، މިކަންކަން ބަޔެއް ބޭފުޅުންނަށް ހަޖަމު ނުކުރެވޭކަން ފާހަގަ ކުރަންޖެހެނީ ހިތާމަޔާ އެކުއެވެ. އެއީ ވަކިފަރާތަކަށް 'ވިކިފައި' ތިބޭވަރުން ވާގޮތެއް ކަމުގައި ވެދާނެއެވެ. ނުވަތަ ގަސްތުގައި ހަޖަމު ކުރަން ބޭނުން ނުވަނީކަމަށްވެސް ވެދާނެއެވެ. އެފަދަ ބޭފުޅުންނަށް ކުރީގެ ސަރުކާރުން ކުރާ ކޮންމެ ކަމަކީ ރަގަނޅުކަމެކެވެ. އަދި މިސަރުކާރުން ކުރާ ކޮންމެ ކަމަކީ ކަމުނުދާ ކަމެކެވެ. އެހެންކަމުން ކަމުގެ އަސްލު އޮޅުވާލައި އިސްލާމިކު މިނިސްޓްރީ ބަދުނާމުކުރުމަށާއި، އެމިނިސްޓްރީގައި މަސައްކަތް ކުރައްވާ ބޭފުޅުން ބަދުނާމުކުރުމަށް ދަނީ މަސައްކަތްތަކެއް ކުރެވެމުންނެވެ.<br /><br />މިގޮތުން "އިސްލާމިކް މިނިސްޓްރީ އުވާލަން ޖެހިފައި" އަދި "މިނިސްޓްރީގެ ސިޔާސީ ބޭފުޅުންގެ މުސާރައިގެ ހައްޤުކަމާމެދު ސުވާލު އުފެދޭ" މި ސުރުހީގެ ދަށުން މުރާސިލްގައި ބޭފުޅަކު ލިޔުއްވާފައިވާ 'ދެކޮޅުނުޖެހޭ' ލިޔުމަކަށް ކޮންމެވެސް އެއްޗެކޭ ދަންނަވާލާ ހިތް ވެއެވެ. ދެކޮޅުނުޖެހޭ ލިޔުމެކޭ ދަންނަވަން މިޖެހުނީ އެލިޔުމުގައި ލިޔުންތެރިޔާ ދެކިލައްވާގޮތް ބަޔާންކުރެވިފައިވާ ގޮތުން ދޭހަވަނީ، ޒިންމާ އަދާ ކުރާ މިނިސްޓްރީތައް އުވާލުމެވެ. އަދި މަސްއޫލިއްޔަތު އަދާ ނުކުރާ ބޭފުޅުންގެ މުސާރައާއިމެދު ޝައްކު ނުކުރެވޭއިރު މަސްއޫލިއްޔަތު އަދާކުރާ ފަރާތްތަކުގެ މުސާރައާއިމެދު ޝައްކު ކުރެވޭ ވާހަކައެވެ.<br /><br />އިސްލާމިކު މިނިސްޓްރީ އުވާލަން ޖެހޭނެކަމަށް ބަޔާންކޮށް މިދަންނަވާ ލިޔުމުގައި ފާހަގަކޮށްފައިވާ މައިގަނޑު 3 ކަމަކަށް ބަލާލަމާ ހިނގާށެވެ. އެ ލިޔުމުގައި ބުނެފައި ވެއެވެ. "ރައީސް ނަޝީދު ވެރިކަމާ ހަވާލުވެވަޑައިގަތުމަށް ފަހު ފުރަތަމަ ދެއްވި ރިޔާސީ ބަޔާނުގައި ރާއްޖޭގެ އިސްލާމީ ސިޔާސަތެއް އޮތްކަމަކަށް ހާމަކުރައްވާފައެއް ނުވެއެވެ. އަދި ދެވަނައަށް އިއްވި ބަޔާނުގައިވެސް ފާއިތުވި އަހަރު އިސްލާމީ ސިޔާސަތުން ހާސިލު ކުރެވުނު މިންވަރަކާއި، ކުރިއަށް އޮތް އަހަރުގެ ސިޔާސަތެއް ހާމަ ކުރައްވާފައެއްވެސް ނުވެއެވެ."<br /><br />ފުންކޮށް ވިސްނާލަމާ ތޯއެވެ! ކޮންމެ މިނިސްޓްރީ އަކީވެސް ވަކި ދާއިރާއަކުން ވަކި ޒިންމާތަކަކާއި މަސްއޫލިއްޔަތު ތަކެއް ޙަވާލުކުރެވޭ އިދާރާއެކެވެ. އެ އިދާރާއިން ކުރަންޖެހޭނެ ކަމަކީ ކަޑައެޅިފައިވާ މެންޑޭޓާއި އެއްގޮތަށް މަސަކަތްތައް ކުރުމެވެ. މެންޑޭޓް ކަނޑައަޅަނީ ދިވެހި ދައުލަތުގެ ވެރިޔާ، ރައީސުލް ޖުމްހޫރިއްޔާއެވެ. މެންޑޭޓް ފާސްކުރަނީ ދިވެހި ދައުލަތުގެ ދުސްތޫރީ ބާރު، ރައްޔިތުންތެ މަޖިލީހުންނެވެ. އަދި މިނިސްޓްރީތަކުން އެ އިދާރާތަކުގެ މެންޑޭޓާ އެއްގޮތަށް ކުރާމަސައްކަތްތައް އަންގަންޖެހެނީ ރައީސުލް ޖުމްހޫރިއްޔާއަށެވެ. މިގޮތުން އިސްލާމިކު މިނިސްޓްރީގެ މަސްއޫލިއްޔަތަކަށް ވާނީ އެވުޒާރާއަށް ކަޑައެޅިފައިވާ ޒިންމާތައް ފުރިހަމައަށް އަދާކުރުމަށްފަހު އެކަމުގެ މަޢުލޫމާތު ރައީސް އޮފީހަށް ފޮނުވުމެވެ.<br /><br />ރިޔާސީ ބަޔާން އެކުލަވާލުމާއި، ރިޔާސީ ބަޔާން ލިޔުމާއި، ރިޔާސީބަޔާން އިއްވުމަކީ އިސްލާމިކު މިނިސްޓްރީގެ މަސްއޫލިއްޔަތެއް ނޫނެވެ. އެހެން ނޫންތޯއެވެ؟ އެހެންކަމަށް ވާނަމަ އުވާލަން ޖެހެނީ ކޮންއޮފީހެއް ތޯއެވެ؟ މަސްއޫލިއްޔަތު އަދާ ކުރާ އޮފީސް ތޯއެވެ؟ ނުވަތަ މަސްއޫލިއްޔަތު އަދާ ނުކުރާ އޮފީސް ތޯއެވެ؟ ތިބާގެ ވިސްނުމަށް ފެންނަނީ މަސްއޫލިއްޔަތު އަދާކުރި ވުޒާރާ އުވާލަންޖެހޭ ކަމުގައި ވާނަމަ، އަޅުގަނޑު ހިތުން ތިބާގެ އަދުލުވެރި ކަމާމެދު ސުވާލު އުފެދެއެވެ. އަދި މިކަމުގައި މަސްއޫލިއްޔަތު އަދާކުރި ފަރާތުގެ މުސާރަ ސައްހަ ނުވާނެކަމަށް ޝައްކު ކުރުމުން ދޭހަވަނީ މީހާ ވަކިކޮޅަކަށް 'ވިކިފައިވާލެއް' ބޮޑުކަމުން ޙައްޤު ނުހައްޤުވެސް އޮޅިފައިވާކަމެވެ.<br /><br />އަދިވެސް މިދަންނަވާ ލިޔުމުގައި ބުނެފައި ވެއެވެ. "އިސްލާމިކް މިނިސްޓްރީއަކީ އިސްލާމީ ސިޔާސަތުތައް ބަލަހައްޓާ މިނިސްޓްރީކަމުގައި ވަނަމަ، އިސްލާމިކް މިނިސްޓްރީން ދީނީ އެއްވެސް ކަމެއްގައި ލިޔާ ސިޓީއަކަށް ރައީސު އޮފީހުން ޖަވާބެއް ނުދެނީ ކީއްވެ ހެއްޔެވެ. އިޒްރޭލު މައްސަލައިގައިވެސް އިސްލާމިކް މިނިސްޓްރީން ވަރަށް ސިޓީ ފޮނުވިކަމަށް ވެއެވެ. އިހަކަށް ދުވަހު މީހުން ދިރިއުޅޭ ރަށްރަށުގައި ބަނގުރާ ވިއްކުން ހުއްދަކުރަން ސަރުކާރުން އުޅުމުންވެސް އިސްލާމިކް މިނިސްޓްރީން ސީޓީ ލިޔުނުކަމަށް ވެއެވެ. ނަމަވެސް އެއިން އެއްވެސް ސިޓީއަކަށް ޖަވާބު ލިބިފައި ނުވާކަމަށް..."<br /><br />އާއެކެވެ! ރައީސް އޮފީހުން ޖަވާބެއް ފޮނުވާފައި ނުވާނަމަ އެއީ ވަރަށް ބޮޑު މައްސަލައެކެވެ. އަނެއްކޮޅުން އެފަދަ މައްސަލަތަކުގައި އިސްލާމިކް މިނިސްޓްރީން ކަމާބެހޭ ފަރާތްތަކަށް ދީނުގައި އެކަން އޮންނަގޮތް ބަޔާންކޮށް، ރަގަނޅުގޮތަށް ރުޖޫއަވުމަށް ގޮވާލުމަކީ، އެ މިނިސްޓްރީން ކަނޑައެޅިފައިވާ މަސްއޫލިއްޔަތުތައް އަދާކުރާކަމުގެ އަލިގަދަ ހެއްކެކެވެ. އެހެންކަމުން ރައީސް އޮފީހުން އެ އޮފީހުގެ ޒިންމާއަކަށް އިހުމާލުވުމުން އިސްލާމިކް މިނިސްޓްރީ އުވާލަންޖެހޭ ކަމަށް ބުނުމަކީ ވަރަށް ދެކޮޅު ނުޖެހޭ ވާހަކައަކަށް ނޫނީ ނުވާނެއެވެ. ހަމަ އެއާއިއެކު ކުރިންވެސް ބުނިހެން ޒިންމާ އަދާ ނުކުރާ ފަރާތްތަކުގެ މުސާރައިގެ ޙައްޤު ކަމާމެދު ސުވާލު ނުއުފެދުނުއިރު، ކަނޑައެޅިފައިވާ ޒިންމާތައް އަދާކުރާ ފަރާތްތަކުގެ މުސާރައިގެ ޙައްޤުކަމާމެދު ސުވާލު އުފެއްދުމަކީ ކޮންފަދަ އަދުލު އިންސާފެއް ބާއޭ ހިތަށް އަރައެވެ؟<br /><br />އަދިވެސް އެލިޔުމުގައި ބުނެފައި ވެއެވެ. "ޚުތުބާ ކިޔުއްވުމަކީވެސް އެ މިނިސްޓްރީގެ މަސްއޫލިއްޔަތެވެ.... ޚުތުބާއަކީ އެއިރެއްގައި ހިނގާ މުހިންމު ކަންތަކަކަށް ހޭލުންތެރިކޮށް ވާހަކަދެއްކުމަށް އޮންނަ ފުރުސަތެއްކަމަށް ބުނަމުން ގޮސްފައި، ބަނގުރާ ހުއްދަކުރަން އުޅުމުން އެ ދުވަހު ހުކުރު ޚުތުބާގައި އިސްލާމިކް މިނިސްޓްރީގެ ސްޓޭޓް މިނިސްޓަރު ޚުތުބާ ވިދާޅުވަމުން އެންމެ ކުޑަމިނުން ބަނގުރަލުގެ ހުކުމްވެސް ވިދާޅުވެއެއް ނުލެއްވުނެވެ.....އެހެންކަމުން، ކުރިން ލިޔެގެން ކިޔުނު ބޯދާ ޚުތުބާވެސް މިހެން ނުބަލައި ކިޔުމަށްވުރެ މާ ރަނގަޅެއް ނޫންތޯއެވެ."<br /><br />އާއެކެވެ! ވަކިކޮޅަކަށް މީހާ ގޮސް ހުސްވެއްޖެ ކަމުގައިވާނަމަ ވާނީ މިކަހަލަ ގޮތެކެވެ. ނިމިދިޔަ ވެރިކަމުގައި ކުރެވުނު ކޮންމެ ކަމަކީވެސް ތިމާއަށް ރަނގަޅުކަމެކެވެ. ވީމާ 'ބޯދާ' ޚުތުބާތައް ކޮންމެހެންވެސް ރަނގަޅުވާން އެބަޖެހެއެވެ. އަނެއްކޮޅުން ޚުތުބާތައް ބަރާބަރަށް އަޑުއައްސަވާނަމަ މިފަދަ ސުވާލުތަކެއް ނުކުރީހެވެ. އިޝާރާތް ކުރައްވާފައިވާ ހުކުރުގެ ކުރީ ހުކުރުގައިވެސް ރަލުގެ ޙުކުމް ވަރަށް ސާފުކޮށް ބަޔާންކޮށް އެކަން ނުކުރުމަށް ވެރިންނަށާއި އާންމުންނަށް ވަނީ ގޮވާލެވިފައެވެ. (ހުތުބާގެ ލިންކު މި ލިޔުމުގެ ތިރީގައި ދެވިފައި ވާނެއެވެ.)<br /><br />ވީމާ ހަޤީޤަތުގައި މިދަންނަވާ ލިޔުމުގައި ބަޔާން ކުރެވިފައިވަނީ އިސްލާމިކު މިނިސްޓްރީއިން އިހުމާލުވެފައިވާ ޒިންމާ ތަކެއްގެ ވާހަކައެއް ނޫނެވެ. އަޅުގަނޑުވެސް އެއްބަހެވެ. އިސްލާމިކު މިނިސްޓްރީން ކަމުނުދާ ކަންތައްތަކެއް ކޮށްފައި ހުރެދާނެއެވެ. އަދި ޒިންމާއަކަށް އިހުމާލުވެފައި އޮތުންވެސް އެކަށީގެން ވެއެވެ. އެހެން ނަމަވެސް ރިޔާސީ ބަޔާނުގައި މިނިސްޓްރީން ކޮއްފައިވާ ކަންތައްތައް ނުވަތަ ކުރާނެ ކަންތައްތައް ހާމަ ނުކުރުމަކީ އިސްލާމިކު މިނިސްޓްރީގެ އިހުމާލެއް ނޫނެވެ. އަދި ސަރުކާރުގެ އޮފީސްތަކަށް އިސްލާމިކް މިނިސްޓްރީއިން ފޮނުވާ ސިޓީތަކުގެ ޖަވާބު އެ އޮފީސްތަކުން ނުފޮނުވުމަކީ އިސްލާމިކު މިނިސްޓްރީގެ އިހުމާލެއް ނޫނެވެ. ވީމާ މަސްއޫލިއްޔަތު އަދާކުރާ ފަރާތްތަކުގެ މުސާރައިގެ ޞައްހަކަމާމެދު ޝައްކުކުރުމާ، މަސްއޫލިއްޔަތު އަދާކޮށް ދިވެހި ޤައުމަށް ފައިދާކުރަނިވި މިނިސްޓްރީތައް އުވާލަން ޖެހޭކަމަށް ގޮވާލުމުން ދޭހަވަނީ ޤައުމުގެ ކުރިމަގާމެދު ނުވިސްނާކަމާއި ޤައުމުދެކެ ލޯބި ނުވާކަމެވެ.<br /></span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-5260960855099058511?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-58672888449122597682010-03-05T18:20:00.000Z2010-03-05T18:21:14.953Z<span style="font-size:130%;">އަމަލު ނުކުރުމަށް ނިންމާފައިވާ ރަލާބެހޭ ޤަވާއިދަށް ސަޕޯޓްކޮށް މިބައިމީހުން ބުނާ އަނެއް ވާހަކައަކީ، 1400 އަހަރު ކުރިން ޓޫރިޒަމެއް ނެތެވެ. އޭރާއި މިހާރާއި ތަފާތެވެ. ރާވިއްކުމުގެ ބޭނުމަކީ ޙަރާމް ކަމަކަށް އަރައިގަތުމެއް ނޫނެވެ. ރާވިއްކުމުގެ މަޤްޞަދަކީ ފަތުރުވެރިކަން ކުރިއެރުވުމެވެ. ޤައުމަށް މަންފާއިތުރު ކުރުމެވެ. މިވަރުގެ އިޤްތިސާދެއް ނުދަންނަ 'މުއްލާއިންގެ' ބަސްޤަބޫލުކޮށްގެން ޤައުމު ކުރިއަރުވާނީ ކިހިނެއްތޯއެވެ؟<br /></span><span id="fullpost" style="font-size:130%;"> ޙަޤީޤަތަކީ، މިބައި މީހުންނަކީ މަންފާއަށް އެކަނި ވިސްނާބައެކެވެ. އަދި ދުނިޔެއާއިމެދު އެކަނި ވިސްނާ ބައެކެވެ. 'މުއްލާއިން' ބަލާފަދައިން ކަމުގެ ދެކޮޅުބަލާ ބައެއް ނޫނެވެ. ކީރިތި ޤުރުއާނުގައި ރާ ޙަރާމް ކުރެއްވި އިރު، ރާ ބުއިމަކީ ނުވަތަ ވިއްކުމަކީ މަންފާ ނުލިބޭ ކަމެކޭ ވަޙީއެއް ނުކުރައްވައެވެ. އަދި ކިއެއް އެއީ މަންފާ ލިބޭކަމެއް ކަމުގައި ބަޔާން ކުރައްވާފައި ވެއެވެ. ނަމަވެސް، އެއިން ލިބޭ އެކިކަހަލަ ގެއްލުމާ ލިބޭ މަންފާއާއި އަޅާ ކިރާއިރު މަންފާއަށްވުރެ ލިބޭގެއްލުންތައް މާބޮޑުކަމުގައި ބަޔާންކުރައްވާފައި ވެއެވެ.<br /><br />"އޭ މުޙައްމަދުގެފާނެވެ! ބަނގުރާއާއި މައިސިރު (ޖުވާ)ގެ ކުޅިވަރާމެދު އެބައިމީހުން ކަލޭގެފާނާއި ސުވާލު ކުރެއެވެ. ކަލޭގެފާނު ވިދާޅުވާށެވެ! އެދެކަމުގައިމެ ބޮޑުވެގެންވާ ފާފަ ވެއެވެ. އަދި އޭގައި މީސްތަކުންނަށް ފައިދާ ވެސް ވެއެވެ. ނަމަވެސް އެއިން ލިބޭ މަންފާއަށްވުރެން ލިބޭ ފާފަ މާބޮޑެވެ..." (ސޫރަތުލް ބަގަރާ 219ވަނަ އާޔަތް)<br /><br />ވީމާ 'މުއްލާއިން'ގެ ވިސްނުމާއި ފިކުރު ފޯރުވާހާއި ދުރަށް މިމީހުންގެ ވިސްނުމާއި ފިކުރުވެސް ފޯރުވާނަމަ، އެކަހަލަ އެއްކޮޅަށް ބުރަވާ ވިސްނުމެއް ނުގެންގުޅޭނެކަން ޔަޤީނެވެ. އަނެއްކޮޅުން، ފަތުރުވެރިން ރާއްޖެއަންނަނީ ރާބޯކަށް ނޫނެވެ. ނުވަތަ އޫރުމަސް ކާކަށް ނޫނެވެ. އެތަކެތި ނުވިއްކިޔަސް ފަތުރުވެރިން ރާއްޖެ އަންނާނެކަން ޔަޤީނެވެ. ފަތުރުވެރިން ރާއްޖެ އަންނަނީ ރާއްޖޭގެ ރީތިކަން ދެކިލުމަށެވެ. ގޮޑުދޮށްތަކުގައި ހިތްއުފާކުރުމަށެވެ. ކަނޑުތަކުގައި ފީނާލުމަށެވެ. ދުނިޔޭގެ ފަތުރުވެރި ކަމުގެ ގާތްގަޑަކަށް %10 ހިއްސާކުރާ މިޑުލް އީސްޓްގައި ފާހަގަކޮއްލެވޭ މަތީފަންތީގެ އެތަކެއް ސަތޭކަ ހޮޓަލެއް ރަލާއި އޫރުމަސް ނުވިއްކައި ހިންގަމުން ދެއެވެ. ފަތުރުވެރިން ދުނިޔޭގެ އެކިމަންޒިލް ތަކަށް ޒިޔާރާތްކުރަނީ ރާބޯކަށް ނުވަތަ އޫރުމަސް ކާކަށެއް ނޫނެވެ. އެމީހުން އެހެން ޤައުމުތަކަށް ޒިޔާރާތްކުރަނީ އެޤައުމުތަކުގެ ތާރީޚައި، ދީނާއި އާދަކާދަތައް ދެނެގަތުމަށެވެ. އެތަކެތި މުގުރާކަށެއް ނޫނެވެ. ދުނިޔެވީ އެދުމަކަށްޓަކައި ދީނާއި ތަރިކަ ވިއްކަން މަސައްކަތް ކުރަނީ އަހަރުމެންނެވެ.<br /><br />ދެން މިމީހުން ބުނާ އެންމެ ދެކޮޅުނުޖެހޭ ވާހަކައަކީ، މިފަދަ ގަވާއިދެއްގެ ސަބަބުން އަޅުގަނޑުމެންގެ އަގީދާ އަށް އަސަރު ކުރަންވީ ކީއްވެތޯއެވެ؟ މަގުމަތީގަ ރާ ހިލޭ ބެހިއަސް އަގީދާ ވަރުގަދަ ބަޔަކު ހަމަ ގައިމުވެސް ނުބޯނެއެވެ. ވީމާ، މިފަދަ ޤަވާއިދުތަކާއި ދެކޮޅަށް އަޑުއުފުލަނީ އަޤީދާ ބަލިކަށި މީހުންނެވެ.<br /><br />އާއެކެވެ. މަގުމަތީގައި ބަނގުރާ ހިލޭ ބެހިޔަސް އަޤީދާ ހަރުދަނާ އަޅަކު އެ ނުބޯނެއެވެ. ސަބަބަކީ މާތްﷲ އެކަން ޙަރާމް ކުރެއްވީތީއެވެ. ހަމަ އެގޮތަށް ޓޫރިސްޓަކު ދިވެހި ޤައުމަށް ނަޔަސް އަޤީދާ ހަރުދަނާ މުސްލިމަކު ރާވިއްކައިގެން ފައިސާއެއް ނުހޯދާނެއެވެ. އެއީވެސް މާތްﷲ ޙަރާމްކުރައްވާފައި ވާތީއެވެ. އެހާހިސާބަށް ވިސްނުން ނުފޯރީތޯއެވެ؟ ނުވަތަ ތިޔަ ވިދާޅުވާ އަޤީދާއަކީ ކޮބާތޯއެވެ؟ އެއީ ފާފަތަކަށް ހުޅުވިފައިވާ ދޮރުތައް މަދުކަމުން އަދިވެސް އިތުރު ދޮރުތައް ހުޅުވާލުންތޯއެވެ؟ ނުވަތަ ތިޔަ އަޤީދާއަކީ ރަލަކީ އިންސާނާގެ ހަށިގަނޑަށާއި ފުރާނައަށް ގެއްލުންވާ އެއްޗެއްކަން ތިމާ ޤަބޫލުކުރާތީވެ ތިމާ އެކަން ނުކޮށްހުރެ، ތިމާގެ އަމިއްލަ އެދުމަކަށްޓަކައި، ފައިސާ ކޮޅަކަށްޓަކައި އެހެންއިންސާނުން 'މަރުގެ' ތެރެއަށް ވެއްޓިގަތަސް ތިމާ އެކަން 'އޯކޭ'ކޮށްގެން ބަލަން ހުރުންތޯއެވެ؟ ނުވަތަ ތިޔައަޤީދާއަކީ ކާއިނާތުގެ ވެރި އިލާހު ނަހީކުރައްވާފައިވާ ކަންތައްތައް ކުރުންތޯއެވެ؟ ނުވަތަ އެކަންކަމަށް ސަޕޯޓްކުރުންތޯއެވެ؟ އެހެންކަމަށް ވާނަމަ ތިޔަފަދަ އަޤީދާއަކަށް އަޅުގަނޑުމެން ދިވެހި މުސްލިމުން 'ސަލާ'މެވެ. އަލްވަދާއެވެ.<br /><br />ދިވެހި ވިސްނުންތެރި ރައްޔިތުންނޭވެ! މިބައިމީހުންގެ މިވާހަކަތަކުގެ ފަހަތުގައި ފޮރުވިފައިވާ މަޤްސަދުތަކެއްވެއެވެ. އެއީ މިހާރުވެސް މުއްސަދިން އިތުރަށް މުއްސަދި ވުމެވެ. އަދި އެމީހުންގެ ތެރޭގައިތިބި ބޯ މީހުން އަމާންކަމާއި އޮމާންކަމާއެކުތިބެ ބުއިމަށް އިތުރު ދޮރުތައް ހުޅުވުމެވެ. ޤައުމަށާއި މުޖުތަމައަށް ކޮންމެކަހަލަ ގެއްލުމެއް ލިބުނަސް އެމީހުނަށް ފަރުވާލެއްނެތެވެ. އަދި ކިއެއް އެމީހުންނަކީ މަރަކަށް އާޚިރަތަކަށް ފަރުވާލެއްބަހައްޓާ ބައެއްނޫނެވެ. ވީމާ މިއީ ދިވެހި ރައްޔިތުން އެކަމަށް ސަމާލުވެ ވިސްނަންޖެހޭނެ ކަމެއްކަން ޔަޤީނެވެ. ތިމާމެންގެ ދެދުނިޔޭގެ ފަލާހާ ކާމިޔާބަށްޓަކައެވެ.<br /><br />-ނިމުނީ-<br /></span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-5867288844912259768?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-2260399419927575192010-03-05T18:19:00.000Z2010-03-05T18:20:15.058Z<span style="font-size:130%;">ދިވެހި ރާއްޖޭގެ މީހުންދިރިއުޅޭ ރަށްރަށުގައި އިމާރާތްކުރެވޭ ވަކިފަންތީގެ ހޮޓާތަކުގައި ރާވިއްކުން ހުއްދަކުރުމަށް ސަޕޯޓްކޮށް މިބައިމީހުން ދައްކާ އަނެއްވާހަކައަކީ، އެ ބޯނީ ބޯން ބޭނުންވާ މީހުންނެވެ. ބޭނުން ނުވާމީހަކު ނުބޯނެއެވެ. އެއީ އެބަޔެއްގެ މިނިވަންކަމާއި ގުޅިފައިވާ ކަމެކެވެ. 'ހައްދުފަހަނަ' އަޅާފައިވާ 'މުއްލާއިންނަށް' މި މިނިވަންކަން ހަޖަމު ނުކުރެވެނީ ތޯއެވެ؟<br /><br />މިބައިމީހުންގެ މި 'އިމޯޝަނަލް' ވާހަކަތަކާއިމެދު އަޅުގަނޑު ދަންނަވާނެ ވާހަކައަކީ، ރާބުއިމަކީ ނުވަތަ ވިއްކުމަކީ ވަކިބައެއްގެ މިނިވަންކަމޭ ކިޔާފައި ދޫކޮއްލެވޭވަރުގެ ކުޑަކަމެއް ނޫނެވެ. އެއީ މައިގަނޑު 2 ސަބަބަކަށްޓަކައެވެ. </span><span id="fullpost" style="font-size:130%;"><br />ފުރަތަމަ ސަބަބަކީ އެއިންލިބޭ ނޭދެވޭ އަސަރުތަކާއި ގެއްލުންތަކާއި ގުޅިފައިވަނީ ރާބޯމީހާއަށް އެކަންޏެއް ނޫނެވެ. އެއީ އެއްވެސް ކުށެއްނެތް އެތައްބަޔަކަށް އެކަމުގެ ނޭދެވޭ އަސަރުތައް ކުރާކަމެކެވެ. ރާބުއިމަކީ ނުވަތަ ތަނެއްގައި ރާ އާންމުވުމަކީ، އެހެނިހެން ޖަރީމާތަކަށްވުރެ ނުރައްކާތެރިކަން ބޮޑު ޖަރީމާއެކެވެ. ސަބަބަކީ ރާބުއިމަށްފަހު ބުއްދިއެއް ނުހުރެއެވެ. ކުރެވޭ ނުކުރެވޭ ކަމެއް ނޭނގެއެވެ. މަސްތުގެ އެހާލަތުގައިތިބެ ވައްކަން ކުރެއެވެ. ރޭޕްކުރެއެވެ. ވަޅިއަޅައެވެ. މިހެންގޮސް ކިޔާނެކަމެއް ނެތެވެ. އަނިޔާލިބެނީ ހަމައެކަނި މަސްތުވެގެން ތިބޭ މީހުންނަކަށް ނޫނެވެ. ކުށެއްނެތް އެތައްހާސް ބަޔަކަށެވެ. ދުނިޔޭގައި ރާބޯ ބަޔެއް ޤައުމުތަކުގައި ކުރެވިފައިވާ ބަޔެއް ސަރވޭތަކުގެ ރިޕޯޓްތަށް ބުނާގޮތުން 2.1 މިލިޔަންމީހުން ރާ ބޯކަމަށް ރިޕޯޓްކުރެވޭނަމަ، އެމީހުންގެ ސަބަބުން 4 ނުވަތަ 5 މިލިޔަން މީހުނަށް އެކަމުގެ ނުރައްކާތެރިކަން ތަހައްމަލް ކުރަންޖެހޭކަމުގައި ވެއެވެ.<br /><br />ޤަވާއިދެއް ހެދިދާނެއެވެ. ނަމަވެސް މަސްތުވުމަށްފަހު ޤަވާއިދު ހަދާނެއް ނުހުރެއެވެ. ބަނގުރާ އާންމުކޮށް ވިއްކާ ޤައުމުތަކުގައި މިހާރުވެސް 'ހަރުދަނާ' ޤަވާއިދުތައް ހެދިފައި އެބަހުއްޓެވެ. މިސާލަކަށް ރާ ބޮއިގެން ހުރެ ދުއްވާ އެއްޗެހި ދުއްވުން މަނަލެވެ. ނަމަވެސް، ރާވިއްކުން އާންމުކުރެވިފައިވާ ޤައުމެއް ކަމުގައިވާ އެމެރިކާގައި، ރާބޮއި މަސްތުވުމުގެ ސަބަބުން ދުއްވާއެއްޗެހި ދުއްވުމުން ހިނގާ އެކްސިޑެންތަކުގައި އެވްރެޖްކޮށް އަހަރަކު 25000 މީހުން މަރުވެއެވެ. އެފަދަ އެކްސިޑެންޓްތަކުގައި މަރުވާ ގިނަ މީހުންނަކީ އެއްވެސް ކުށެއްނެތް މީހުންނެވެ. ރޭޕްކުރުމާއި މީހުންމެރުންފަދަ ޖަރީމާތައްވެސް ހަމަ އެފަދައެވެ. އަނިޔާގެ ޝިކާރަވެރިންނަކީ ގިނަފަހަރު ކުށެއްނެތް މީހުންނެވެ. ވީމާ މިއީ އެބައިމީހުން އެބުނާފަދަ ބޯ މީހުންގެ ނުވަތަ ހިއްޕަވާ ބޭފުޅުންގެ މިނިވަންކަމޭ ކިޔާފައި ދޫކޮށްލެވެން އޮތް ކަމެއް ނޫނެވެ.<br /><br />ދެވަނަ ސަބަބަކީ ރަލަކީ އެހެން ހުރިހާ ނުބައިކަމަކަށް މަގުފަހިކުރުވާ އެންމެހާ ނުބައިކަމެއްގެ މަންމައެވެ. ރާވިއްކުން ތަނެއްގައި އާންމުވެއްޖެނަމަ އެތަނެއްގައި އެހެން ހުރިހާ ނުބައި އަމަލުތައް ފެތުރެއެވެ. ރާވިއްކުން އާންމުވެފައިވާ ޤައުމުތަކުގެ ކްރިމިނަލް ރިކޯޑްތައް މިކަމަށް ހެކިވެއެވެ. ރާވިއްކުން އާންމުވެފައިވާ ޤައުމުތަކުގައި، އެޤައުމުތަކުގައި ރިޕޯޓްކުރެވޭ ލާއިންސާނީ ޖަރީމާތަކުގެ %73 ޖަރީމާތަކާއި ރަލާއި ގުޅިފައިވާ ކަމުގައި ރިޕޯޓްތަކުން ދައްކައެވެ. މިފަދަ ބައެއް ޤައުމުތަކުގެ ކޯޓްތަކުން ހާމަކުރާގޮތުގައި ބަޔެއް ކޯޓްތަކަށް ހުށައެޅޭ އާއިލީ، ސިވިލް އަދި ކްރިމިނަލް މައްސަލަތަކުގެ %95 މައްސަލައަކީ ސީދާކޮށް ނުވަތަ ނުސީދާކޮށް މަސްތުވުމާއި ގުޅިފައިވާ މައްސަލަތަކެވެ.<br /><br />މިސާލަކަށް އެމެރިކާގައި ދުވާލަކު 1870 އަންހެން ކުދިން ރޭޕްކޮށްލެވޭއިރު ގާތްގަޑަކަށް 1365 ކުދިން (%73) ރޭޕްކުރުމާއި ރަލާއި ގުޅިފައި ވެއެވެ. ދުވާލަކު 45 މީހުން ޙައްޤަކާނުލާ މަރާލެވޭކަމަށް އެޤައުމުގައި ރިޕޯޓްކުރެވޭއިރު 37 މީހުން (%83) މަރާލުމާއި ރާބޮއިގެން މަސްތުވުމާއި ގުޅިފައި ވެއެވެ. ކޮންމެ މަހަކު އެތައްލައްކަ އިންސެސްޓް (މަންމަ-ދަރިފުޅު، ބައްޕަ-ދަރިފުޅު ނުވަތަ ބޭބެ-ދައްތަ ޖިންސީ ގުޅުންހިންގުން) ހިނގާއިރު އޭގެ %95 ހާދިސާތަކާ ގުޅިފައިވަނީ ރާބޮއިގެން މަސްތުވެފައި ތިބުމެވެ. މީގެއިތުރުން ރާބުއިމާއި ރާވިއްކުމާމެދު ކަންބޮޑުވުންފާޅުކޮށް ދުނިޔޭގެ ސިއްޙަތު ޖަމިއްޔާ ޑަބްލިއު.އެޗް.އޯ އިން 2005 އަހަރު ޖެނީވާގައި ނެރިފައިވާ ރިޕޯޓެއް ބުނާގޮތުގައި، ރާވިއްކުން އާންމުވެފައިވާ ޤައުމުތަކުގައި ވައްކަން ކުރުމާއި، ފޭރުމާއި، އެއްޖިންސުން ގުޅުން ހިންގުމާއި، ރޭޕުކުރުމާއި މީހުންމެރުމާއި އަދިވެސް މިފަދަ ޖަރީމާތައް އެންމެ ގިނައިން ހިނގާފައިވަނީ ރާ ވިއްކާ ބާރ ނުވަތަ 'ބްލެކް ރޫމް' ނުވަތަ ނައިޓްކުލަބު ތަކުގައި ކަމުގައެވެ. ނުވަތަ އެތަންތަނާއި ކައިރި ހިސާބުތަކުގައެވެ.<br /><br />ވީމާ ޚުލާސާކޮށް ދަންނަވާލެވޭނީ ރާވިއްކުމުގެ ސަބަބުން ނުވަތަ ބުއިމުގެ ސަބަބުން އޭގެ އަނިޔާ ލިބެނީ ހަމައެކަނި އެ ބޯމީހާއަކަށް ނޫނެވެ. އެއީ މުޖުތަމައުގެ ކުށެއްނެތް އެތައްބަޔެއް މިދުނިޔެއާއި އަލްވަދާއު ކިޔަންޖެހޭ ސުންޕާ ބައްޔެކެވެ. ކުށެއްނެތް އެތައް ބަޔަކު ދާއިމީ ނުކުޅެދުންތެރިންނަށް ހަދާލާކަމެކެވެ. އެތައް އާއިލާއެއްގެ ދިރިއުޅުން ބަރުބާދު ކޮއްލާކަމެކެވެ. އަދި ހަމައެއާއިއެކު ތަނެއްގައި ރާ އާންމުވުމަކީ މުޖުތަމައުގައި ހުރިހާ ނުބައި ބައްޔެއް ފެތުރުމުގެ ޢަލާމާތެވެ. ވީމާ މިއީ ބޯ މީހުންގެ ނުވަތަ ހިއްޕަވާ ބޭފުޅުންގެ މިނިވަންކަމޭ ކިޔާފައި ދޫކޮށްލެވޭވަރުގެ ކުޑަކުޑަ ކަމެއް ނޫނެވެ. މުޖުތަމައުގައި ދިރިއުޅޭ އެހެން އަފްރާދުންގެ މިނިވަންކަންވެސް ރައްކާތެރި ކުރެވެންޖެހޭނެއެވެ. ވީމާ މިނިވަންކަމާއިމެދު 'މުއްލާއިންގެ' ވިސްނުންހުރިގޮތް މާތަނަވަސްވެފައި 'ފެއަރ' ކަމުގައި ދަންނަވަންޖެހެއެވެ.<br /><br />ހެދިފައިވާ ޤަވާއިދުން ނުކުންނާނޭ ނޭދެވޭ ނަތީޖާއަށް ރިޢާޔަތްކުރުމެއްނެތި އެބައިމީހުން ބުނާ އަނެއް ވާހަކައަކީ، ރާވިއްކުން ނޫނަސް އެހެން ފާފަތައްވެސް ދިވެހިން ކުރެއެވެ. ވީމާ ރާ ބުއިމުގެ ނުވަތަ ވިއްކުމުގެ ފާފައާމެދު މިހާ ދެކޮޅުވެ 'ފޯރިއެއް' އަރައިގެން އެއުޅެނީ ކީއްވެބާއެވެ؟<br /><br />މިބައިމީހުންގެ މިވާހަކަތަކައް ނިކަން ފުންކޮށް ވިސްނަވާށެވެ. އެމީހުންގެ މަޤްސަދަކީ ކޮބައިކަން ވަރަށް ސާފުކޮށް އެބަ ހާމަވެއެވެ. އެއީ ފާފަތައް އަދިވެސް އިތުރުކުރުމެވެ. އެކަމަށްޓަކައި އިތުރު ދޮރުތައް ހުޅުވާލުމެވެ. މިއީ ޤައުމަށާއި ދިވެހިންނަށް ލާބަޔާއި މަންފާއެދޭ ބައެއް ބާވައެވެ؟ ލާބައާއި މަންފާ އެދޭ ބައެއްނަމަ މަސައްކަތްކުރާނީ އަދި ބުނާނީ ދިވެހިން އެހެން ފާފަތައްވެސް ކުރުން މިދަނީ އިތުރުވަމުންނެވެ. ވީމާ އެކަން އިތުރުވުމަށް ހުޅުވިފައިވާ ދޮރުތައް ބަންދު ކުރާށެވެ. އެހެން ނޫންތޯއެވެ؟<br /><br />ކުރިންވެސް ދެންނެވިފަދައިން ރަލަކީ ހުރިހާ ނުބައި ކަމެއްގެ މަންމައެވެ. ތަނެއްގައި ރާ އާންމުވެއްޖެނަމަ އެތަނެއްގައި އެހެނިހެން ނުބައި އަމަލުތައް އާންމު ނުވެނުދާނެއެވެ. އެހެންކަމުން ރާއްޖޭގައި އެހެނިހެން ނުބައި އަމަލުތައް އާންމުވެފައި ވުމުންވެސް ދޭހަވާކަމަކީ ރާއްޖޭގައި ރަލާއި މަސްތުވާތަކެތި އާންމުވެފައިވާލެއް ފުޅާކަމެވެ. ވީމާ، ދީނާއި ޤައުމަށް ހެޔޮއެދޭބަޔަކު، ރާވިއްކުން އަދިވެސް އިތުރަށް ފުޅާކޮށް އެކަން އިތުރަށް އާންމުކުރާކަށް މަސައްކަތެއް ނުކުރާނެއެވެ. ސަޕޯޓެއް ނުކުރާނެއެވެ. ނުވަތަ ވީމާ މިހާރަށްވުރެ ފުޅާކޮށް ރާވިއްކުން ހުއްދަކުރުމުގެ ޤަވާއިދަށް ތާއީދުކޮށް މީހުންގެ އީމާންތެރިކަން އެ ގޯސްކުރަނީ، އަދިވެސް އެފަދަ ފާފަތައް މިމުޖުތަމައުގައި ކުރިޔަށްދާވަރު މަދުކަމުން އެކަމާ ހިތްޕުޅާ ހަމަ ނުކުރައްވާތީ ތޯއެވެ؟<br /><br />-ނުނިމޭ-<br /></span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-226039941992757519?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-85023502877940084352010-03-05T18:16:00.002Z2010-03-05T18:23:24.159Z<span style="font-size:130%;">ދިވެހިރާއްޖޭގެ މީޑިއާގައި އެންމެ އަޑު ހަރުކޮށް މިއަދު ދެކެވެމުންދާ އެއްވާހަކައަކީ ރަލުގެވާހަކައެވެ. ދިވެހިރާއްޖޭގައި ރާވިއްކުމުގެ ޤަވާޢިދު އިސްލާޙުކޮށް، ކުރިއަށްވުރެ ފުޅާދާއިރާއެއްގައި ރަލާއި އޫރުމަސް މީހުން ދިރިއުޅޭ ރަށްރަށުގައި ވިއްކުން ސަރުކާރުން ހުއްދަކުރަން މަސައްކަތްކުރި ވާހަކައެވެ. މިކަމާއިގުޅިގެން ދިވެހި ރައްޔިތުންގެ ތެރެއިން ވަރަށްގިނަ ބަޔަކު މިކަމާއިދެކޮޅަށް އަޑުއުފުލައި ދެކޮޅުވެރިކަމުގެ ޝުޢޫރުތައްވަނީ ފާޅުކޮށްފައެވެ. އެހެންނަމަވެސް ދިވެހިންގެ ތެރެއިން މަދުބައެއްގެ ވިންދުހުރީ ރާވިއްކުމާއި އެއްކޮޅަށެވެ. އިސްލާމްދީނުގައި އެކަން ޙަރާމް ކުރެވިފައި ވާއިރުގައިވެސް، އަދި ރާވިއްކުން އާންމުވެފައިވާ ޤައުމުތަކުގެ ކްރިމިނަލް ރެކޯޑްތައް ރަލުގެ ނުރައްކާތެރިކަމުގެ ސިގްނަލްތައް ދެމުންދާއިރުގައިވެސް އެފަދަ މީހުންނަކަށް ފަރުވާލެއްނެތެވެ. ޤައުމާއި ރައްޔިތުންނަށް ހެޔޮއެދޭ ބައެއްކަމަށް ހެދިގެންތިބެ ކަމުގެ ޙަޤީޤަތް އޮޅުވާލައި، މިވަބާ އާންމު ކުރުމަށްޓަކައި އެތަކެއް ވާހަކަތަކެއްދައްކައި ދިވެހިންގެ ވިސްނުމާއި ކުޅެލަން މަސައްކަތް ކުރަމުން އެބަދެއެވެ. އެހެންކަމުން އެބައިމީހުންގެ އޮއްޓަރެއްނެތް މިވާހަތަކާމެދު ފުންކޮށް ވިސްނައި ޙަޤީޤަތަށް ވާސިލުވުމަކީ މުހިންމު ކަމެއްކަމުގައި ދެކެމެވެ.</span><span id="fullpost" style="font-size:130%;"><br /><br />ދިވެހިރާއްޖޭގައި މިހާރަށްވުރެ ފުޅާކޮށް ރާވިއްކުމަށް މަގުފަހިވާގޮތަށް ހެދިފައިވާ ޤަވާއިދަށް ތާއީދުކޮށް މިބައިމީހުން ބުނާ އެއްވާހަކައަކީ، ދިވެހިރާއްޖެ ނޫނަސް އެހެން މުސްލިމު ޤައުމު ތަކުގައިވެސް ރަލާއި އޫރުމަސް ވިއްކުން ހުއްދަ ކޮށްފައި ވެއެވެ. ވީމާ ރާއްޖޭގައި އެކަން ހުއްދަ ކުރުމުން ދިވެހި ޢިލްމުވެރިންތަކަށް ހަޖަމު ނުކުރެވެނީ ކީއްވެބާއެވެ؟<br /><br />މިމީހުންގެ މި ކޮންސެޕްޓްގެ މިސާލަކީ، ހައްވާގެ ދަރިފުޅުގެ ގަޔަށް ވަޅިހަރައި މަރާލުމުން، ހައްވަވެސް ބުނާށެވެ. މައްސަލައެއް ނެތެވެ. ކުރީދުވަހު މަރިޔަމްގެ ދަރިފުޅުވެސް ވަޅިހަރައި މަރާލާފައި ވެއެވެ. އެހެން ނޫންތޯއެވެ؟ އަދިވެސް ތަންކޮޅެއް ފުންކޮށް ވިސްނަމާ ހިނގާށެވެ. ހަޤީޤަތަކީ ބަޔަކު ގޯސްކަމެއް ކުރުމަކީ، އެހެންމީހުން އެގޯސްކަންތައް ކުރުން 'އޯކޭވާ' ހުއްޖަތެއް ނޫނެވެ. އިސްލާމްދީނަކީ މުސްލިމު ޤައުމުތަކެއް ނޫނެވެ. އިސްލާމްދީނަކީ ކާއިނާތުގެވެރި ﷲގެ ޙަޟުރަތުން ބާވާލައްވާފައިވާ ދިރިއުޅުމުގެ ނިޒާމެވެ. ވީމާ ކަމެއް ރަނގަޅުތޯ ނުވަތަ ގޯސްތޯ ޔަޤީންކުރަން ބަލަންޖެހެނީ މުސްލިމު ޤައުމުތަކަކަށް ނޫނެވެ. ބަލަންޖެހެނީ އިސްލާމްދީނަށެވެ. ޤުރުއާނަށެވެ. ސުންނަތަށެވެ. ވީމާ ޢިލްމުވެރިންނަށް ހަޖަމްނުކުރެވޭ ވާހަކަ ދެއްކެވުމުގެ ކުރިން، ތިމާމެން ކަންތައްތަކުގެ 'ޕްރިންސިޕަލް' ދަނެގެން ވާހަކަދެއްކުން މާރަނގަޅުވާނެ ކަމުގައި ފެނެއެވެ.<br /><br />ރާބުއިމާ ރާވިއްކުމުގެ ނުރައްކާތެރިކަމަށް ވިސްނާލުމެއްނެތި މިމީހުން ބުނާ އަނެއްވާހަކައަކީ، ރާހުއްދަ ކުރީ ދިވެހި ގޭބިސީތަކަކަށް ނޫނެވެ. ހުއްދަ ކުރީ މީހުން ދިރިއުޅޭ ރަށްރަށުގައި މިނިސްޓްރީ އިން ގަބޫލުކުރާ ފެންވަރަށް ހަދައި ރަޖިސްޓްރީ ކޮށްފައިވާ، ވަކިވަރަކަށްވުރެ މުއްސަދި ހޮޓާތަކުގައި ހިންގާ ބާރ ތަކުގައެވެ. މައްސަލައަކީ ކޮބާތޯއެވެ؟<br /><br />އަޖައިބެކެވެ! ރަޖިސްޓްރީ ކުރުމަކީ ޙަރާމްކަމެއް ހަލާލުކަމަކަށް ބަދަލުވާނެ ކަމެއް ނޫނެވެ. ނުވަތަ ރަޖިސްޓްރީ ކުރުމުން އެކަމުން ލިބޭނެ ސިއްޙީގެއްލުން ކުޑަވޭބާވައެވެ؟ ނުވަތަ މަސްތު ނުވަނީ ބާވައެވެ؟ ދުނިޔޭގެ ބޮޑެތި ހޮޓާތަކުގައި "ޕްރޮފިޝަނަލް ޕްރޮސްޓިޓިއުޓުން" ނުވަތަ ހުނަރުވެރި ކަސްބީ އަންހެނުން ރަޖިސްޓްރީ ކޮއްގެން ތިބެއެވެ. އެއީ ޒިނޭކުރުމަށް ސަރުކާރުން ލައިސަންސް ނަގައިގެން އިންތިހާރުކޮށް ފާޅުގައި އެކަން 'ކަސްބީން' ނެވެ. އެއީވެސް ފަތުވެރިނަންނަށްޓަކައި ބަޔެއް ޤައުމުތަކުގައި ޤަވާއިދެއްގެ ދަށުން ދޭ ހުއްދައެކެވެ. މާދަމާ މިޤައުމުގައެވެސް ފަތުރުވެރިކަމަށްޓަކައޭ ބުނެ އެހުއްދަ ދޭންވީ ތޯއެވެ؟<br /><br />އާއެކެވެ. ދިވެހިން މިއަދު ރާބޮނީ މީހުން ދިރިއުޅޭ ރަށްރަށުގައި ރާވިއްކުން ހުއްދަކޮށްގެނެއް ނޫނެވެ. ނަމަވެސް މިކަމުގެ އަސްލަށް އަޅުގަނޑުމެން ރުޖޫޢަވަމާ ހިނގާށެވެ. އަސްލަކީ މީހުން 'ދިރިނޫޅޭ' ރިސޯޓްތަކުގައި ރާވިއްކުން ހުއްދަކުރުމެވެ. ރިސޯޓްތަކުގައި ރާވިއްކުން ހުއްދަކުރުން ވެގެންދިޔައީ ދިވެހިރާއްޖޭގައި ރަލާއި މަސްތުވާތަކެތި އާންމުވުމަށް ހުޅުވުނު ދޮރެއްކަމުގައެވެ. އޭރުވެސް ހުއްދަކުރެވުނީ ޤަވާއިދެއްގެ ދަށުންނެވެ. ދިވެހި ގޭބިސީތަކަކަށް ނޫނެވެ. އެޤަވާއިދު ބުނާގޮތުންވެސް ދިވެހިންނަށް ރާވިއްކުން ހުއްދައެއް ނޫނެވެ. ނަމަވެސް ކަންވަމުން ދިޔައީ އެގޮތަށް ތޯއެވެ؟ ރިސޯޓްތަކަށް ހިތްއުފާކޮށްލާން ވަޑައިގަންނަވާ ދިވެހި ސައުދާގަރުންނަށާއި، 24 ގަޑިއިރު ހަމަހޭގައި ތިއްބަވަން ބޭނުންފުޅުނުވާ ބޭފުޅުންނަށް އެރިސޯޓްތަކުން ރާ ނުވިއްކާ ތޯއެވެ؟ އަދި މިއުޒިކް ޝޯފަދަ ޝޯތައް ހުށައަޅައިދޭންދާ ފަންނާނުންނަށް ރާ ނުވިއްކާ ތޯއެވެ؟ ޖަވާބު އެންމެނަށްވެސް އެނގެއެވެ. ޤަވާއިދު އޮތީ އޮތްތާނގައެވެ. މާގިނަދުވަހެއްނުވެ ދިވެހިގޭބިސީތަކުންވެސް ކޭސްތައް ފެންނަންފެށިއެވެ. އެހެން ނޫންތޯއެވެ؟<br /><br />އެދުވަހު އެހުޅުވައިދިން ދޮރުގެ ސަބަބުން މިއަދު މިކުޑަކުޑަ ދިވެހި މުޖުތަމައު މިވަނީ އެތައް ވޭނެއް ތަހައްމަލު ކުރަންޖެހިފައެވެ. ޒުވާނުންގެ ތެރެއިން އެތައް ބަޔަކު އެވަނީ މަސްތުގެ ހާލުގައެވެ. މީހުން ދިރިއުޅޭ ރަށްރަށުގައި ރާގެންގުޅުން ހުއްދަ ނޫންއިރުގައިވެސް މީހުންދިރިއުޅޭ ރަށްރަށުގައި އާންމުން ރާބުއިން މިވަނީ އާންމުވެފައެވެ. އަސްލަކީ އެދުވަހު ހުޅުވައިދިން ދޮރެވެ. ވީމާ، އަޅުގަނޑުމެން މާޒިން އިބްރަތް ހާސިލްކޮށް، ދެވަނަ ފަހަރަށް އެކަން ތަކުރާރު ނުކުރަމާ ތޯއެވެ! މިހާރު އާންމުކުރަން މަސައްކަތްކުރާ ޤަވައިދު ބުނާގޮތުންވެސް އެތަނަށް ވަންނަނީ ކޮންބައެއްތޯ ބަލަން ފުލުހުން ނުތިބޭނެއެވެ. އެހެންކަމަށްވާނަމަ، ދިވެހިންނަށް ރާނުވިއްކައެއް ނުހުންނާނެކަން ޔަޤީނެވެ. އެންމެހާ ކަންތައްތަކެއް ބައްލަވާ ވޮޑިގެންވާ ﷲގެ ޙުކުމްފުޅުގައި ކޮޅުފައިންޖަހައި، އިތުރަށް ފައިސާ ހޯދުމަށްޓަކައި ރާވިއްކާ ވިޔަފާރި ވެރިއަކު އިކޮނޮމިކްސް މިނިސްޓްރީގެ ގަވައިދުގައި އެގޮތަށް އޮތީތީއޭ ކިޔާފައި، ފައިސާދައްކާފައި ބޯން އަންނަ ދިވެއްސަކު ހުއްޓުވާނެތޯއެވެ؟ މާޒީއިން ކަންހިނގާފައިވާ ގޮތަށް ބަލާއިރު ނުހުއްޓުވާނެއެވެ.<br /><br />-ނުނިމޭ-<br /></span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-8502350287794008435?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-91918419283581258952010-03-05T18:05:00.004Z2010-04-10T07:29:53.076+01:00<object width="384" height="313"><param name="movie" value="http://www.youtube.com/v/f5Hc4Ea3nTY&hl=en_US&fs=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/f5Hc4Ea3nTY&hl=en_US&fs=1" type="application/x-shockwave-flash" width="384" height="313" allowscriptaccess="always" allowfullscreen="true"></embed></object><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-9191841928358125895?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-78038707324679636022010-03-01T20:14:00.001Z2010-03-01T20:23:00.407Z<span style="font-size:130%;">އިންސާނުން ނެތުމުގެ ތެރެއިން ވުޖޫދަށް ގެންނެވި، ކާއިނާތުގެ ވެރިއިލާހުގެ ހަޟުރަތުގައި ރަލަކީ ނުވަތަ މަސްތުވާ ތަކެއްޗަކީ އިންސާނުން ބޭނުން ކުރުން ޙަރާމް ކުރައްވާފައިވާ އެއްޗެކެވެ. ނަމަވެސް އެއިލާހުގެ ޙުކުމްފުޅަށް ގޮންޖަހާލުމަށްފަހު، މުސްލިމުން ކަމުގައި ދައުވާކުރާބަޔަކު ރާއްޖޭގައި ރާވިއްކުމުގެ ޤަވާއިދެއް ހަދައި މިހާރަށްވުރެ ފުޅާކޮށް ރާވިއްކުން ހުއްދަކޮށްފިއެވެ. ދިވެހިރާއްޖޭގެ ރައްޔިތުންގެ ގިނަބަޔަކު އެކަމާ ދެކޮޅަށް ތެދުވެ އެކަމާ ނުރުހުންފާޅުކުރަމުން ދަނިކޮށް ރައްޔިތުންގެ އާދޭސްތަކަށް ބީރުކަންފަތެއް ދީފައެވެ. ތިމާމެން ޤަބޫލުކުރާ ޑިމޮކްރަސީގެ ހަމަތަކާ އަސާސުތައްވެސް މުގުރަމުންނެވެ. ވާނީވެސް އެހެންތާއެވެ. މާތްﷲގެ ޙުކުމްފުޅުތަކުގައި ކޮޅުފައިން ޖަހަންކެރުނު ބަޔަކަށް ޑިމޮކްރެސީގެ އަސާސުތައް ވާނީ ކޮންއެއްޗަކަށް ތޯއެވެ؟<br /></span><span id="fullpost" style="font-size:130%;"><br />ރާވިއްކަން ހުއްދަކުރުމަށް މިބައިމީހުން ދަށްކަމުން މިދަނީ މައިގަނޑު އެއްބަހަނާއެކެވެ. އެއީ ފަތުރުވެރިކަން ދެމެހެއްޓުމަށްޓަކައެވެ. ރާއްޖޭގެ މާލީހާލަތު ރަގަޅުކުރުމަށްޓަކައެވެ. ފައިސާވަންނާނޭ އިތުރު ދޮރުތަކެއް ހުޅުވުމަށްޓަކައެވެ. އަޅުގަނޑު ދެކޭގޮތުގައި އަދި އެހެން ސަބަބެއްވެސް ފަހަތުގައި ފޮރުވިފައި ވެއެވެ. އެއީ މިއަދުގެ ސަރުކާރުގެ ވެރިންގެ ތެރޭގައި ތިއްބެވި ބަޔެއް ބޭފުޅުންނަކީ 24 ގަޑިއިރު ހަމާގައި ތިއްބަވަން ބޭނުންފުޅު ނުވާ ބޭފުޅުންކަމުގައިވާތީއެވެ. އަމާންކަމާ އޮމާންކަމާއެކު އެބޭފުޅުންނަށްވެސް އެކަން ކުރެވޭނީ ޤާނޫނަކުން އެކަން ހުއްދަކޮށްގެނެވެ. އެހެން ނޫންތޯއެވެ؟ ނަމަވެސް އެވާހަކަ 'ސިއްރުކޮށްފައި' ބާއްވަމާ ހިނގާށެވެ.<br /><br />އަޅުގަނޑުވެސް އެއްބަހެވެ. ރަލަކީ ނުވަތަ ރާވިއްކުމަކީ އޭގެސަބަބުން މަންފާތަކެއް ކުރާނޭ ކަމެކެވެ. އެކަން ކީރިތި ޤުރުއާނުގައިވެސް ބަޔާންކުރައްވާފައި ވެއެވެ. ހަމަ އެއާއި ވިދިގެން ރާ ޙަރާމްކުރެވުނު ސަބަބުވެސް ވަނީ ބަޔާންކުރައްވާފައެވެ. އެއީ އޭގެން އެލިބޭ ވަގުތީ މަންފާއަށްވުރެ އޭގެންލިބޭ ދާއިިމީ ގެއްލުން ބޮޑުވީމައެވެ. ރަލާބެހޭގޮތުން މާތްﷲ އެކަލާނގެ ކަލާމްފުޅުގައި ވަޙީކުރެއްވި ބަސްފުޅެއްގެ މާނައިގައި ވެއެވެ.<br />"އޭ މުޙައްމަދުގެފާނެވެ! ބަނގުރާއާއި މައިސިރު (ޖުވާ)ގެ ކުޅިވަރާމެދު އެބައިމީހުން ކަލޭގެފާނާއި ސުވާލު ކުރެއެވެ. ކަލޭގެފާނު ވިދާޅުވާށެވެ! އެދެކަމުގައިމެ ބޮޑުވެގެންވާ ފާފަ ވެއެވެ. އަދި އޭގައި މީސްތަކުންނަށް ފައިދާ ވެސް ވެއެވެ. ނަމަވެސް އެއިން ލިބޭ މަންފާއަށްވުރެން ލިބޭ ފާފަ މާބޮޑެވެ..." (ސޫރަތުލް ބަގަރާ 219ވަނަ އާޔަތް)<br /><br />ވީމާ މިއީ ވަރަށް ފުންކޮށް ވިސްނާލަންޖެހޭ ނުކުތާއެކެވެ. އެބޭފުޅުން އެވިދާޅުވަނީ ރާވިއްކުން ހުއްދަކުރަނީ ފަތުރުވެރިކަން ކުރިއެރުވުމަށެވެ. ނުވަތަ މަންފާ އިތުރުކުރުމަށް ކަމަށެވެ. އެނެއްކޮޅުން އަރުށީގެ ވެރި އިލާހު އެވަޙީކުރައްވަނީ، މަންފާކުރާނެ ކަމަށެވެ. ނަމަވެސް ކުރާ މަންފާއަށްވުރެ، އޭގެން ކުރާނޭ ނޭދެވޭ އަސަރުތަކާ ލިބޭ ގެއްލުންތައް މާބޮޑުވާނޭ ކަމުގައެވެ. މިއީ ޔަޤީން ކަށަވަރު ކަމެކެވެ. ރާ ވިއްކުމުންލިބޭނެ ނޭދެވޭ އަސަރުތަކަކީ އެކަމާމެދު އެއްވެސް މީހަކު ދެބަސްވާނެ ކަމެއް ނޫނެވެ. އެއީ އިޖްތިމާއީ އެތަށް ބައްޔެއްގެ ފެށުމެވެ. ހުރިހާ ނުބައިކަމެއްގެ މަންމައެވެ. ރާވިއްކުން އާންމުވެފައިވާ ހުޅަގުގެ ޤައުމުތަކުން ވެސް މިއަދު އެކަން ޤަބޫލުކުރެއެވެ. އަދި އެކަމަށް ހައްލެއް ބޭނުންވެއެވެ. ސަބަބަކީ އެކަމުން ޤައުމަށާއި މުޖުތަމައަށް ލިބެމުންދާ ގެއްލުމުގެ ބޮޑުކަމުންނެވެ. ގެއްލުން ތަހައްމަލް ނުކުރެވޭތީއެވެ.<br /><br />މިސާލަކަށް، އެމެރިކާގައި ކޮއްފައިވާ ބަޔެއް ސަރވޭތައް ދައްކާގޮތުން އެޤައުމުގައި ކޮންމެ އަހަރަކު އެވްރެޖުކޮށް 25000 މީހުން ރާބުއިމާއި ގުޅިގެން ދިމާވާ އެކި ހާދިސާތަކުގައި މަރުވެފައި ވެއެވެ. އަދި މީގެއިތުރުން އެމެރިކާގައި ދުވާލަކު 1870 އަންހެން ކުދިން ރޭޕުކުރެވޭއިރު، އެމެރިކާގެ އެފް ބީ އައި އިން ނެރިފައިވާ ރިޕޯޓެއް ބުނާގޮތުން ރޭޕްކޮއްލެވިގެން ރިޕޯޓްކުރެވޭ 60-85% ހާދިސާތަކާއި ގުޅިފައިވަނީ ރާބުއިމެވެ. އެއީ އަންހެން ކުއްޖާ ރާބޮއިގެން ހުރުން ނުވަތަ ރޭޕުކުރާމީހާ ރާބޮއިގެން ހުރުމެވެ.<br /><br />އަނެއްކޮޅުން ދުނިޔޭގެ ސިއްހަތު ޖަމިއްޔާ ޑަބްލިޔު އެޗް އޯ އިންވެސްވަނީ ރާބުއިމާއި ރާވިއްކުމާއިމެދު ކަންބޮޑުވުން ފާޅުކޮށްފައެވެ. "ރާބުއިމާ ޖިންސީހާނިިއްކަ" މި މައުޟޫގެ މައްޗަށް ދުނިޔޭގެ ތަފާތު 8 ގައުމެއްގައި ހަދާފައިވާ ރިސާޗެއްގެ ރިޕޯޓް 2005ވަނަ އަހަރު ޖެނީވާގައި ނެރިފައި ވެއެވެ. މި ރިޕޯޓްގެ 7ވަނަ ސަފްހާގައި ބުނެފައިވާގޮތުން 'ގްރޫޕް ސެކްސް' އާއި އެދުން ފުއްދުމުގައި ފުރަގަސްފަރާތް ބޭނުންކުރުމާއި، އެއްޖިންސުން ގުޅުންހިންގުންފަދަ ނޭދެވޭ ޖިންސީ ގުޅުންތަށް އެޤައުމުތަކުގައި ހިންގާފައިވަނީ ރާބޮއިގެން ތިބެ ކަމުގައެވެ. ނުވަތަ ކުދިންނަށް ރާދީ މުސްތު ކުރުވައިގެން ކަމުގައެވެ. އަދިވެސް އެ ރިޕޯޓްގެ 8ވަނަ ސަފުހާގައި ބުނެފައިވާ ގޮތުން ރޭޕުކުރުމާއި، އެހެންވެސް ޖިންސީ ގޯނާކުރުންތައް އެންމެ ގިނައިން ހިނގާފައިވަނީ ރާ ވިއްކާ ބާރ ނުވަތަ 'ބްލެކް ރޫމް' ނުވަތަ ނައިޓްކުލަބު ތަކުގައި ކަމުގައެވެ. ނުވަތަ އެތަންތަނާއި ކައިރި ހިސާބުތަކުގައެވެ. އެހެންކަމުން މިފަދަ ކަންކަމާއި އެ ޖަމިއްޔާއިން ކަންބޮޑުވާކަމުގައި އެރިޕޯޓްގައި ބުނެފައި ވެއެވެ.<br /><br />އަދި މީގެއިތުރުން ރާބުއިމަކީ އެބުއިމުގެ ސަބަބުން އިންސާނާއަށް އެކިކަހަލަ ބަލިތައް ޖެހޭ ނުބައި ވަބާއެކެވެ. މިއީ އެއްވެސް ޑޮކްޓަރަކު އެކަމާ ދެބަސްވާނެ ކަމެއް ނޫނެވެ. މިއަދު އެކަމުން ލިބޭ ގެއްލުން ބޮޑުކަމުން ހުޅަނގުގެ ޤައުމުތަކުންވެސް ދަނީ ރާބުއިން ހުއްޓުވާނެ މަގެއްފެނޭތޯ ބަލަމުންނެވެ. މިގޮތުން އިނގިރޭސިވިލާތުގެ ސްކޫލްތަކުގައި ކިޔަވާ ދަރިވަރުންނަށް ރާބުއިމުން ލިބޭ ގެއްލުން ސްކޫލްތަކުގައި ކިޔަވައި ދިނުމަށް އެޤައުމުގެ ބަޔެއް ޑޮކްޓަރުންވަނީ 7 ފެބްރުއަރީގައި 'މެޓްރޯ' ނޫހުގައި ގޮވާލާފައެވެ.<br /><br />މިއީ ދުނިޔޭގެ ސިއްޙަތު ޖަމިއްޔާއާއި، އެމެރިކާއާއި އަދި ހުޅަނގުގެ ޤައުމުތައް އެކަމާމެދު ކޮންބޮޑުވާކަން ސާބިތުކޮށްދޭ ހެކިތަކެކެވެ. އެހެންކަމުން އަޅުގަނޑުމެންގެ އެދީނަކަށް ތަބާވާ އިސްލާމް ދީން ރާބައިމާ ރާވިއްކުން މަނާކޮށްފައިވަނީ އެކަމުގެ ނޭދެވޭ އަސަރުތަށް ބޮޑުކަމުންކަން ޝައްކުކުރާނޭ އެއްވެސް ޖާގައެއް ނެތެވެ. އެކަމުގެ ސަބަބުން ލިބޭ މަންފާއަކަށްވުރެ، އެކަމުން މުޅިޤައުމަށާއި މުޖުތަމައަށް ލިބޭނޭ ނުރައްކާތެރިކަމާ ގެއްލުންތަށް މާބޮޑެވެ. އެކަމުގެ ނޭދެވޭ އަސަރު ކުރާނީއަކީ ހަމައެކަނި އެ ބޯ މީހާއަކަށް ނޫނެވެ. މުޖުތަމައުގެ އެހެނިހެން އަފްރާދުންނަށްވެސް މެއެވެ. އެ ބޮއިގެން ހުންނަ މީހަކު ވަޅިއަޅާނީ ނުވަތަ ރޭޕުކުރާނީ ތިބާގެ ދަރިފުޅުގެ ނޫންކަމެއްވެސް ނޭނގެއެވެ. މިފަދަ ނުބައި ކަންކަމަށް މަގުފަހި ކުރުވާކަމެއް އިސްލާމު ދީނުގައި މަނާކޮށްފައި ވަނިކޮށް އަދި ދުނިޔޭގައި ރާވިއްކުން ހުއްދަ ކޮށްފައިވާ ޤައުމުތަކުން އެކަމުގެ ބިރުވެރިކަމުގެ ސިގުނަލްތައް ދެމުންދާއިރުގައިވެސް އަޅުގަނޑުމެންގެ ޤައުމުގައި އެވަނީ މިވަބާ އިތުރަށް އާންމުވާނެފަދަ ގޮތަކަށް ހުއްދަކޮށްފައެވެ. ބުނެފާނެއެވެ. ހުއްދަކުރަނީކީ ދިވެހިންނަކަށް ނޫނެވެ. ހަމައެކަނި ފަތުރުވެރިންނަށެވެ.<br /><br />ނަމަވެސް މާޒީއިން އަޅުގަނޑުމެން އިބްރަތް ހާސިލްކުރުން މުހިންމެވެ. މިހާރު މީހުން ދިރިއުޅޭ ރަށްރަށުގައި ރާވިއްކުން ހުއްދަ ނުކުރާއިރުގައިވެސް، މަސްތުވާ ތަކެއްޗާއި ރަލުގެ ކަންތައް މިވަނީ އިންތިހާއަށް ގޮއްސައެވެ. އެކަންފެށުނީ ރިސޯޓްތަކުގައި ރާވިއްކުން ހުއްދަކުރި ހިސާބުންނެވެ. ދެން މިއަދު މީހުން ދިރިއުޅޭ ރަށްރަށުގައި ޤަވައިދެއްގެދަށުން އެކަން ހުއްދަ ކުރެވުމުން ދެން އެކަން އާންމުވެގެން ދާނެ މިންވަރު އިޙްސާސް ކޮށްލައްވާށެވެ. ހެދިފައިވާ ޤަވައިދު ބުނާގޮތުން އެތަނަށް ވަންނަނީ ކޮންބަޔެއްތޯ ބަލަން ފުލުހުންނެއް ނުތިބޭނެއެވެ. އެންމެހާ ކަންތަށް ތަކެއް ބައްލަވާ ވޮޑިގެންވާ ﷲގެ ޙުކުމްފުޅުގައި ކޮޅުފައިންޖަހައި، އިތުރަށް ފައިސާ ހޯދުމަށްޓަކައި ރާވިއްކާ ވިޔަފާރި ވެރިއަކު އިކޮނޮމިކްސް މިނިސްޓްރީގެ ގަވައިދުގައި އެގޮތަށް އޮތީތީއޭ ކިޔާފައި، ފައިސާދައްކާފައި ބޯން އަންނަ ދިވެއްސަކު ހުއްޓުވާނެތޯއެވެ؟<br /><br />ކޮންމެއަކަސް ވިޔަފާރީގެ މަންފާއަކަށްޓަކައި ވަކިވަރަކަށްވުރެ މުއްސަދި މީހުނަށް ރާވިއްކުން މިވަނީ ހުއްކޮށްފައެވެ. ޤައުމަށް ނަފާ އިތުރުކުރުމުގެ މަޤްސަދުގައެވެ. ނަމަވެސް އެންމެހާ ޚަޒާނާއެއް މިލްކުވެވޮޑިގެންވާ މާތްﷲ ވަޙީކުރައްވަނީ ތިލިބޭ މަންފާއަށްވުރެ ލިބޭގެއްލުން މާބޮޑުވާނެ ކަމަށެވެ. ފާފަ ބޮޑުކަމަށެވެ. ވިސްނާ ފިކުރު ކުރައްވާށެވެ. ކުޅަދުންވަންތަ އިލާހުގެ ޙުކުމްފުޅުތަކުގައި ކޮޅުފައިންޖަހައި، ދުނިޔެވީ ވަގުތީ ފައިދާއަކަށްޓަކައި އާޚިރަތް ވިއްކާލުމަކީ ހާދަހާވާ ހިތާމަކުރަންޖެހޭނެ ކަމެކެވެ. </span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-7803870732467963602?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com1tag:blogger.com,1999:blog-8828534041088672753.post-50233740185465828522010-03-01T20:11:00.003Z2010-03-01T20:24:43.750Z<span style="font-size:130%;">ހާދަހާ ވިންކަން މަ ބޭނުން، ކެތްނުކުރެވޭ!<br />......ލަސްނުކޮށް އަޅުވާ ތިޔަޤަވާއިދު ގެޒެޓްގައި<br /><br />ބިރުގަނޭމަ ތަކުބީރު ނުގޮވާ ކަލޭމެން ނުކުމެ<br />.......ފަސްވެދާނެ އެޅުވުން ތިޔަޤަވާއިދު ގެޒެޓްގައި<br /><br />ހާދަހާދެރައޭ އަޅެ ދެން މި ވީގޮތް<br />.......އޭރުވެސް މަ ސިހޭ 'ޢަރަބި' ދެނެތިބީންދެކެ<br /></span><span id="fullpost" style="font-size:130%;"><br />ދެންހިނގާ ދައްކަމާ ވާހަކަ އޮޅުވުމާއެކު<br />.......ބަދަލުކުރުމަށް ވިސްނުމާ ފިކުރު ދިވެހިންގެ<br /><br />އިސްކުރޭ ދުނިޔެއާ އިޤްތިސާދުގެ ވާހަކަ<br />.......ފުހެލުމަށް ދިވެހިންގެ ސިކުނޑިން އާޚިރަތް<br /><br />ގުޅުވަމާ ޠާލިބާނާއި ހަނގުރާމައިގެ ވާހަކަ<br />.......ބަދަލު ކުރުމަށް ވިސްނުމާއި ފިކުރު މިކަމުގައި<br /><br />އިތުރުވާނޭ ކަމުގާ ބުނޭ މިބިމަށް 'ދޮންކުދިން'<br />.......އިތުރު ކުރުމުން ބިޔަރާއި ރާ ކޭސް ކޭހުގައި<br /><br />ގޮއްސިއޭ ކެނޑިގެން މިޤައުމުގެ ލޭނާރުވެސް<br />.......ދެންއޮތީ ހަމަ އެންމެ ގޮތެކޭ، އެއީ ފަތުރުވެރިކަން<br /><br />އޮތްގޮތީ މިގޮތޭ މިދީބުގެ އިޤްތިސާދަށް<br />......ވިއްކުމޭ ރަލާއި ބިޔަރު ފަތުރުވެރި ކަމަށްޓަކާ<br /><br />ދީނަކަސް މިޤައުމުގެ، ދެކޮޅުވެއްޖެނަމަ މިޚިޔާލާ<br />......ދެކޮޅުވެއްޖެ މިޤައުމުގެ ހަމައެކަނި އޮތް އިޤްދިސާދާ<br />---------------------------------------------------------------------------------<br /><br />އޭ އަޚާ ހާދަހާވަރެކޭ ތިޔަވަނީ ރާނުވިއްކިގެން؟<br />.......އޮތްކަމެއް ނެތްހޭ ހަނދާނަކު އެހެން 'ދުވަހެއް'؟<br /><br />ހާދަހާ ޙަސަދައޭ ތިޔައޮތީ ތަ ހިތުގާ؟<br />.......މުސްލިމުން ނުކުތީތީވެ މަގުމައްޗަށް ޙައްޤުޤާ؟<br /><br />ރާ ނުވިއްކިޔަކަސް މި މުސްލިމް ދީބުގާ<br />.......'ދޮންކުދިން' އަންނާނެ އަންނަން ބޭނުމިއްޔާ<br /><br />އިޤްތިސާދަށް ނުވާނެ ވިކޭކަށް ތިޔަވަރަށް<br />.......ގެއްލިދާނެ ދުނިޔެއާއި އާޚިރަތް ނޭނގިހުއްޓާ<br /><br />ކާން ހިނގާ ހަލާލުތަކެތި ދަތިވިއަސް 'މިއަދު'<br />.......ނުތިބެވޭނެ މިތާކު އަބުދު އިގްތިސާދުކުރަން<br /><br />ދެއްވުމަށް ކުޅަދުންވަންތަ އެކަލާނގެ އަބަދުވެސް<br />.......ގެންދަވަން ކުޅަދުންވަންތަ ކަންވެސް ހަނދާން ކުރޭ<br /><br />ގެންދެވިގޮތަށް ދިވެހިންގެ ލޭނާރު މިއަދު<br />.......ގެންދަވަން ކުޅަދުންވަންތަ 'ރަންބިސް އަޅާކުކުޅު' މާދަން<br /><br />ހީކުރާ ގޮތަކަށް ނުވާނެ ޤަދަރުފުޅާ ނުލާ<br />.......ނުލިބޭނެކަން ހަނދާން ކުރޭ އެކަލާނގެއާ ނުލާ<br /><br />ހައްލަކީ ވިއްކުން، ރަލާއި އޫރުމަހެއް ނޫން<br />.......ހައްލަކީ އެންގެވިގޮތަށް އިޤްތިސާދު ބައްޓަންކުރުން<br /><br />ހާދަހާ ދެރަވާންޖެހޭނޭ ނުވިސްނައިފިނަމަ މިއަދު<br />.......މާދަމާ ނުލިބޭނެ ދެވަނަ ފުރުސަތެއް ވިސްނުމަށް<br /><br />ހެޔޮހިތުން މިގޮވާލަނީ ރުޖޫއަވުމަށް ދީނަށް<br />.......ބަންދު ވުމުގެކުރިން ތައުބާގެ ދޮރު ލަސްނުކޮށް</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-5023374018546582852?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-30699440994245465402009-11-28T22:44:00.002Z2009-11-30T01:10:43.623Z<span style="font-size:130%;">މި މައުޟޫއަށް ދެވަނަ ލިޔުމެއް ލިޔަން އަޅުގަނޑު މި ގަސްތުކުރީ މި މައުޟޫއަށް އަޅުގަނޑު ލިޔުނު ފުރަތަމަ ލިޔުމުގައި ވާ ވާހަކަތައް ދިވެހި ބަޔެއް ދަރިންނަށް ހަޖަމުނުކުރެވުނީތީއެވެ. އެ ލިޔުމުގައި 20 ވަނަ ގަރުނުގެ ފަހުކޮޅުގައި ޝާއިއުކުރި ބައިބުލް އެއްގެ ވާހަކަ ދަންނަވާފައި ވާނެއެވެ. އެ ބައިބުލް އެކުލަވާލާފައިވަނީ ދުނިޔޭގެ އެކިޤައުމުތަކުން ނަސާރާއިންގެ ޢިލްމުވެރިން ގެނެސްގެން ކަމުގައި ދެންނެވިފައި ވާނެއެވެ. އަދި ކުރީގެ ބައިބުލްތަކުގައިވާ 17 ވާސް ފަހުން މި ޝާއިއުކުރި ބައިބުލްގައި ފުހެލެވިފައިވާ ވާހަކަވެސް ދެންނެވިފައި ވާނެއެވެ. އަދި އެ ވާސްތައް ފުހެލެވުނު ސަބަބެއްކަމަށް އެބައިބުލް އެކުލާވާލި ޢިލްމުވެރިން ވިދާޅުވެފައިވާ ސަބަބުވެސް ބަޔާންކޮއްދެވިފައި ވާނެއެވެ. އަދި ދިވެހި ބަހަށް ތަރުޖަމާ ކޮށްފައިވާ ބައިބުލްގެ ބައެއްކަމުގައިވާ ލޫކަސްއިންވެސް އެ ބަދަލުތައް ފެނަން ހުންނާނެ ވާހަކަ ދެންނެވިފައިވާނެއެވެ. (އެލިޔުން ބައްލަވާލެއްވުމަށް މި ލިންކަށް ވަޑައިގަންނަވާށެވެ: http://www.muraasil.com/details/view/3/4115)<br /><br />ނަމަވެސް ހިތާމައަކީ ބައިބުލްގެ ޢިލްމުވެރިން އެކަމަށް އެއްބަސްވާއިރު ދިވެހި ބައެއް ދަރިންނަށް އެކަން ހަޖަމުކުރަން އުދަގޫވާތީއެވެ. އަދި ކަމުގެ ޙަޤީޤަތް އޮޅުވާލުމަށް ނުވަތަ ނޭނގިތިބެ ނަމަވެސް ބައިބުލްއިން ފުހެލެވިފައިވަނީ ހަމައެކަނި ނަންބަރު ކަމުގަޔާއި ކޮންޓެންޓް ނޫންކަމުގައި ބަޔެއް ކުދިން ދައުވާ ކުރަމުން އެބަ ގެންދެއެވެ. ނަމަވެސް ޙަޤީގަތަކީ ފުހެލެވިފައިވަނީ ނުވަތަ އުނިކޮށްލެވިފައިވަނީ ކޮންޓެންޓް ކަމެވެ. ހަމައެކަނި ވާސް ނަންބަރެއް ނޫނެވެ. ބައިބުލްގެ ކިންގްޖޭމްސް ވާޝަންއާއި ނިއު އިންޓަނޭޝަނަލް ވާޝަންއާއި ނުވަތަ ދިވެހި ތަރުޖަމާއާއި އަޅާކިޔުއްވާށެވެ. މިގޮތުން ދިވެހިބަހަށް ތަރުޖަމާކުރެވިފައިވާ ލޫކަސްގެ 17ވަނަ ބައިގެ 36ވަނަ އާޔަތް ވަނީ އެއްކޮށް ފުހެލެވިފައެވެ. 35ވަނަ އާޔަތާ ޖެހިގެން އިންނާނީ 37ވަނަ އާޔަތެވެ. ނިއު އިންޓަނޭޝަނަލް ވާޝަންގައި ވާގޮތަށެވެ. އެހެންނަމަވެސް ނިއު އިންޓަނޭޝަނަލް ވާޝަންއިން ފުހެލެވިފައިވާ ލޫކަސް 23ވަނަ ބައިގެ 17 ވަނަ އާޔަތް ދިވެހިތަރުޖަމާގައި ހިމަނާފައި ވެއެވެ. މިއީ މާތްކަލާނގެ ބަސްފުޅުތަކާމެދު އަމަލުކުރަން އަންގަވާފައިވާ ގޮތްބާވައެވެ؟<br /></span><span id="fullpost" style="font-size:130%;">ކޮންމެއަކަސް ބައިބުލްގެ ދިވެހި ތަރުޖަމާއިން ލޫކަސްގެ 17ވަނަ ބައިގެ 36ވަނަ ވާސްގެ ކޮންޓެންޓްގެ ވާހަކަ ދައްކަމާ ހިނގާށެވެ. އެގޮތުން 35 ވަނަ ވާސްގައި ވަނީ "ގޮވާން މުގުރަން ދެއަންހެނުން ތިބިކަމުގައިވާނަމަ އޭގެތެރެއިން އެކަކު ބަހައްޓާފައި އަނެކަކު ގެންދެވޭނެއެވެ." 36ވަނަ ވާސްގައި ފުހެލެވިފައިވާ ކޮންޓެންޓަކީ "ދަނޑުގައި ދެފިރިހެނުން ވާނެއެވެ. އޭގެތެރެއިން އެކަކު ބަހައްޓާފައި އަނެކަކު ގެންދެވޭނެވެ" މިބައި ދިވެހި ތަރުޖަމާގައިވަނީ ފުހެލެވިފައެވެ. (ދިވެހި ތަރުޖަމާގެ 95 ވަނަ ޞަފުޙާ)<br /><br />ދެން ދިވެހި ތަރުޖަމާގެ 23ވަނަ ބައިގެ 17ވަނަ އާޔަތްވެސް ބައްލަވާށެވެ. އޭގަައި ވެއެވެ. "ޢީދުލް ޕަސްކާގެ މުނާސުބަތުގައި ރޫމުގެ ސަރުކާރުން ބަނީ އިސްރާއީލުގެ މީހުން ހިތްހަމަޖެއްސުމުގެ ގޮތުން ކުށްވެރިންގެ ތެރެއިން މީހަކު ދޫކޮށްލައެވެ." (ދިވެހި ތަރުޖަމާގެ 124ވަނަ ޞަފުޙާ) މި ވާސް ނިއު އިންޓަނޭޝަނަލް ވާޝަންގައިވަނީ ފުހެލެވިފައެވެ. (އަދި ނިއު އެމެރިކަން ސްޓޭންޑަޑް ބައިބުލްގައި މި ވާސް ފުހެލުމަށްފަހު ފުޓްނޯޓްގައި ލިޔެފައި ވެއެވެ. "ކުރީގެ ފަތްފޮތްތަކުގައި މި ވާސް ނެތެވެ") ނަމަވެސް ދިވެހި ތަރުޖަމާގައިވަނީ ހިމަނާފައެވެ. ސުވާލަކީ މިހުރިހާ ވާޝަންތަކާއި ފޮތްތަކަކީވެސް މާތްރަސްކަލާނގެ ބަސްފުޅު ހެއްޔެވެ؟ އިސްސާނުންނަށް ތެދުމަގު ދެއްކެވުމަށް އިލާހީ ހަޟުރަތުން ބާވައިލެއްވި ވަޙީ ބަސްފުޅު ހެއްޔެވެ؟<br /><br />އަދި އެހިސާބުން ނިމުނީކީ ނޫނެވެ. މިގޮތަށް މިބަދަލުތައް ގެނެވިފައިވާކަން ބަޔާން ކޮށްދިނުމުން ދެން އެވިދާޅުވަނީ ފުހެލެވުނު ވާސްގައި އެއްވެސް ޙުކުމެއް ނެތްކަމުގައެވެ. ވީމާ އެ ވާސް ފުހެލެވުމުން މައްސަލައެއް ނެތްކަމުގައިގައެވެ. އަދި އެއީ ބަދަލަކަށްވެސް ނުވާނެކަމުގައެވެ. ސުބްޙާނަﷲ އެވެ. މާތްކަލާނގެ ވަޙީބަސްފުޅުތަކުގައިވާ މުހިންމު ނޫންތަކެއްޗާއި މުހިންމު ތަކެތި ވަކިކޮށް ފުހެ އިތުރުކުރަން އަޅުގަނޑުމެންމިއީ ކޮންބަޔެއްތޯއެވެ؟ މާތްކަލާނގެ ވަޙީގެ އެންމެ އަކުރަކީވެސް އެންމެ ފިއްޔަކީވެސް އޭގައި ބޭނުމަކާއި ހިކުމަތެއް އޮވެގެން ބާވާލައްވާފައި ވާ ތަކެތިކަން ކަށަވަރެވެ. އިންސާނީ ބުއްދިއަށް ކުރެވޭ ފާޅުވެގެންވާ ބޮޑު މަލާމާތަކަށް ނުވާނެތޯއެވެ؟<br /><br />ކުރިއަށް ދަމާ ހިނގާށެވެ! ނަސާރާއިންނާއި ގުޅުންހުރި ޙުކުމްތަކެއް ނުފުހެވެއޭ ބުނުމަކީވެސް ތެދުވާހަކައެއް ނޫނެވެ. ސަބަބަކީ ނަސާރާއިން، އެމީހުން އަމިއްލައަށް ހަދައިގެން އުޅޭ އަޤީދާތަކާއި ގުޅުންހުރި ބަޔެއް ވާސްތައް ނުވަތަ ބަސްތައްވެސް ފުހެލެވިފައި ވެއެވެ. މިސާލަކަށް ޓްރިނިޓީގެ ވާހަކަ ނަގަމާހިނގާށެވެ. ޓްރިނިޓީ ނުވަތަ 'ޓްރައިން ގޯޑް' މި ބަހަކީ ބައިބުލްގެ އެއްވެސް ވާޝަންއެއްގައި ވާބަހެއް ނޫނެވެ. ނަމަވެސް މިއީ ނަޞާރާއިންގެ އަޤީދާގެ އަސްލެވެ. މި އަސްލު ނުވަތަ އެވެރިންގެ އީމާންކަމުގެ ބިންގާ އެވެރިން ގަބޫލުކުރާ އިލާހީ ފޮތުން ފެންނާކަށް ނެތެވެ. އެކަމާމެދު އައިސްފައިވާ އިލާހީ ވަޙީ ބަސްފުޅެއް ނެތެވެ. މިދަންނަވާ އަޤީދާއާ އެންމެ ކައިރިކުރާ ވާސްއަކަށް ބައިބުލްގައި ވަނީ 1ޖޯން 5ވަނަ ބައިގެ 7 ވަނަ ވާސް އެވެ. ނަމަވެސް، މި ވާސްވެސް ވަނީ ފަހުން ނެރުނު ނިއު އިންޓަނޭޝަނަލް ވާޝަންއިން ފުހެލާފައެވެ. މި ވާސް ފުހެލުމަށްފަހު ބައިބުލްގެ ފުޓްނޯޓްގައި ލިޔެފައި ވެއެވެ. "16ވަނަ ގަރުނުގެ ކުރީން އެއްވެސް ފަތްފޮތަކުން ފެންނާކަށް ނެތެވެ" މާނައަކީ މިވާސްއަކީ އެއީ ޢިސާގެފާނު އުޑަށް އުފުއްލެވިތާ ފަނަރަ ސަތޭކަ އަހަރުފަހުން ހަދާފައިވާ ވާސް އެއްކަމެވެ. އެ ވާސްގައިވާކަމުގައިވަނީ މިފަދައިންނެވެ.<br /><br />“For there are three that bear record in heaven, the Father, the Word, and the Holy Ghost: and these three are one” (1john 8:7)<br />"އުޑުގައިވާ ރެކޯޑުތައް އެނގިގެންވާ ތިން ފަރާތެއްވެއެވެ. އެއީ ދަ ފާދަރ، ބަސްފުޅު އަދި މާތްވެގެންވާ ރޫޙެވެ؛ މި ތިންފަރާތަކީ އެއްފަރާތެވެ."<br />Footnote: (not found in any Greek manuscript before the sixteenth century)<br />ފުޓްނޯޓުގެ ތަރުޖަމާ: "16ވަނަ ގަރުނުގެ ކުރީން ގުރީކުގެ އެއްވެސް ފަތްފޮތަކުން ފެންނާކަށް ނެތެވެ."<br /><br />މުޅި ބައިބަލްގައިވާ ހުރިހާ ވާހަކަތަކެއްގެ ތެރެއިން (އޯލްޑް ޓެސްޓްމަންޓާއި ނިއު ޓެސްޓްމަންޓް ހިމެނޭގޮތަށް) ޓްރިނިޓީ އޭ މިކިޔާ ކޮންސެޕްޓާ އެންމެ ގާތްކުރާ މާނަދޭހަވާ ވާސްއަކީ މިއީއެވެ. ނަމަވެސް މި ވާސްއަކީވެސް ހަދައި އިތުރުކޮށްފައިވާ ވާސްއެއްކަމަށް ބައިބުލްގެ ޢިލްމުވެރިން އެވިދާޅުވަނީއެވެ. ނިއު އިންޓަނޭޝަނަލް ވާޝަން ބައްލަވާށެވެ. މީގެ އިތުރުން ފުހެލެވިފައިވާ ވާސްތަކުގެ ތެރޭގައި ތިރީގައި މިބަޔާންކުރާ ވާސްތައް ހިމެނެއެވެ.<br /><br />- މެތިއުއިން ފުހެލެވިފައިވަނީ: 17 ވަނަ ބައިގެ 21 ވަނަ ވާސް، 18 ވަނަ ބައިގެ 11 ވަނަ ވާސް، 23 ވަނަ ބައިގެ 14 ވަނަ ވާސް މިއެވެ.<br /><br />- މާރކްއިން ފުހެލެވިފައިވަނީ: 7 ވަނަ ބައިގެ 16 ވަނަ ވާސް، 9 ވަނަ ބައިގެ 44 ވަނަ ވާސް، އަދި 46 ވާސް، 11 ވަނަ ބައިގެ 26ވަނަ ވާސް، 15 ވަނަ ބައިގެ 28 ވަނަ ވާސް މިއެވެ.<br /><br />- ލޫކްއިން ފުހެލެވިފައިވަނީ: 17 ވަނަ ބައިގެ 36 ވަނަ ވާސް، 23 ވަނަ ބައިގެ 17 ވަނަ ވާސް މިއެވެ.<br /><br />- ޖޯންއިން ފުހެލެވިފައިވަނީ: 5 ވަނަ ބައިގެ 4 ވަނަ ވާސް މިއެވެ.<br /><br />- އެކްޓްސްއިން ފުހެލެވިފައިވަނީ: 8 ވަނަ ބައިގެ 37 ވަނަ ވާސް، 15 ވަނަ ބައިގެ 34 ވަނަ ވާސް، 24 ވަނަ ބައިގެ 7 ވަނަ ވާސް، 28 ވަނަ ބައިގެ 29 ވަނަ ވާސް މިއެވެ.<br /><br />- ރޯމަންސްއިން ފުހެލެވިފައިވަނީ: 16ވަނަ ބައިގެ 24ވަނަ ވާސް މިއެވެ.<br /><br />އަދި މިނޫނަސް ނަސާރާއިންގެ އަޤީދާއާއި ގުޅުންހުރި ބައެއް ބަސްތައްވެސް ފުހެލެވިފައި ވެއެވެ. މިސާލަކަށް 'ބިގޮޓަން ސަން' މިބަސްވެސް ވަނީ ނިއު އިންޓަނޭޝަނަލް ވާޝަންއިން ފުހެލެވިފައެވެ. ލިޔުން ކުރުކޮއްލުމުގެގޮތުން ތަފްސީލަކަށް ނުގޮސް ކުރިއަށްދާނަމެވެ. ކޮންމެއަކަސް އަޅުގަނޑު މި ބަޔާންކުރީކީ އަޅުގަނޑު އަމިއްލައަށް ހަދައިގެން ދައްކާ ވާހަކަތަކެއް ނޫނެވެ. ނުވަތަ މުސްލިމުން ދައްކާފައިވާ ވާހަކަތަކެއްވެސް ނޫނެވެ. ނުވަތަ މުސްލިމުންގެ ވެބްސައިޓެއްގައި ޝާއިއުކޮއްފައިވާ ވާހަކަތަކެއްވެސް ނޫނެވެ. މިއީ ނަސާރާއިންގެ މުގައްދަސް ފޮތްކަމުގައިބުނާ ބައިބުލް (ނިއު އިންޓަނޭޝަނަލް ވާޝަން) އެކުލަވާލި ޢިލްމުވެރިންގެ ބަހެވެ. އެ ފޮތުގެ ފުޓް ނޯޓްގައިވާ ވާހަކައެވެ. އެވެރިންގެ ރަސްމީ ވެބްސައިޓްތަކުގައިވާ ވާހަކަތަކެވެ.<br /><br />ލޮބުވެތި އަޚުންނާއި އުޚުތުންނޭވެ! ޢީސާ އަލައިހި ސަލާމްގެ މައްޗަށް މާތްކަލާނގެ ބާވާލެއްވި ފޮތަކީ މީހަކު ލިޔުނު ތޯތޯ ވާހަކައެއް ނޫނެވެ. ނަސާރާއިން ބޭނުންވީމާ އުނިކޮށް ބޭނުންވީމަ އިތުރުކުރާއިރު މާތްކަލާނގެ ކިބައަށް ބިރުވެތިކަމެއް ހަމަ ނެތީތޯއެވެ؟ އެވެރިން އިލާހީ ޙަޟުރަތަށް ކިޔަމަންތެރިކަން އަދާކުރަނީ މިދަފައިން ހެއްޔެވެ؟ މާތްރަސްކަލާނގެ ބަސްފުޅުތަކަކީ އެއްދުވަހު އެކަލާނގެ ބަސްފުޅެއްގެ ގޮތުގައި ސާބިތުވާން އޮވެފައި، އަނެއްދުވަހު އެކަލާނގެ ބަސްފުޅެއްގެ ގޮތުގައި ސާބިތުވާން ނެތުން ނޫންކަން، ކިރިޔާވެސް ބުއްދިއެއްހުރި (ކަމުގެ ދެކޮޅުބަލާ) އިންސާނަކަށްވިއްޔާ އެގޭނެއެވެ. އެގޮތަށް އެއްދުވަހު އިތުރުކޮށްފައި އަނެއްދުވަހު އުނިކުރުމުން ސާބިތުކޮށްދެނީ އެއީ މާތްކަލާނގެ ފުރިހަމަ ކަލާމްފުޅެއް ނޫންކަމެވެ. މިއީ މާތްކަލާނގެ ކަލާމްފުޅުގެ ތެރެއަށް އެބައި މީހުން ބޭނުންވާ ތަކެތި އުނިކޮށް އިތުރުކުރާ މީހުނެވެ. އެމީހުންގެ އަމިއްލަ އެދުމާ ފައިދާއަކަށްޓަކައެވެ.<br /><br />ޢިސާ އަލައިހިސަލާމް އެފަރާތަކަށް އަޅުކަންކޮށް ދުޢާދެންނެވި ފަރާތް ވަޙީކުރައްވާފައި ވެއެވެ.<br />"ފަހެ، އެއުރެންގެ އަމިއްލަ އަތުން ފޮތްލިޔެ، މިއީ މާތްކަލާނގެ ޙަޟުރަތުން ބާވާލެއްވި ފޮތެކޭ ބުނާމީހުންނަށް ގެއްލުމާއި ހަލާކު ހުއްޓެވެ. (އެބައި މީހުން އެކަންކުރަނީ) ދުނިޔޭގެ ފަނާދަނިވި އެދުމަކަށް ޓަކައެވެ. އެމީހުންގެ އަމިއްލައަތުން އެލިޔުނު ބާތިލު ތަކެތީގެ ސަބަބުން އެމީހުނަށް ގެއްލުމާ ހަލާކު ހުއްޓެވެ. އަދި އޭގެބަދަލުގައި އެމީހުން ހޯދައިގަންނަ ތަކެތީގެ ސަބަބުންވެސް އެމީހުނަށް ހަލާކު ހުއްޓެވެ." (ސޫރަތުލް ބަގަރާ، 79ވަނަ އާޔަތް)</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-3069944099424546540?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com1tag:blogger.com,1999:blog-8828534041088672753.post-86540838154225256112009-11-28T22:40:00.001Z2009-11-30T01:09:29.950Z<span style="font-size:130%;">އަދިވެސް ލެކްޗަރަރ ނާދެއެވެ. އެހެންކަމުން އަޅުގަނޑުހުރީ ކޮލެޖުގެ ގޯތިތެރޭގައިވާ އަނބުގަހެއްގެ ދަށުގައިހުރި ގޮޑިޔެއްގައި އިށީންދެލައިގެނެވެ. އެކަނި މައިއެކަންޔެވެ. ކުއްލިއަކަށް އަޅުގަނޑުގެ ކައިރިޔަށް އައިސް ހުއްޓުނީ، އެއްކަލަ ނަސާރާދީނުގެ ކުއްޖާއެވެ. ދެފަރާތުންމެ 'ހައެ' ޖަހާލުމަށްފަހު އިތުރު މާގިނަ ވާހަކަތައް ނުދައްކާ ފެށީ ޢިސާގެފާނުގެ ވާހަކައެވެ. އޭނާގެ ޢަމަލުތައް ހުންނަގޮތުން، މިފަދަ ފުރުސަތެއް ލިބިއްޖެނަމަ ނަސާރާ ދީނުގެ ވާހަކަ ދައްކާނޭކަން އަޅުގަނޑަށް އެނގެއެވެ. އެހެންކަމުން އަޅުގަނޑު ހުރީ ކޮންމެވެސް ވަރަކަށް ތައްޔާރުވެގެންނެވެ. އެގޮތުން އޭނާއަށް ވާހަކަ ދައްކާނޭ ފުރުޞަތުނުދީ ސުވާލެއް އެތްކަމުގައި ބުނީމެވެ. އެ ސުވާލުތަކާއި، ސުވާލުތަކުގެ 'ރެސްޕޮންޑް' މިލިޔުމުގެ 2ވަނަ ބައިގައި ހިމަނާފައިވާނެ ވާހަކަ ދަންނަވަމުން މައުޟޫއާއިގެން ކުރިޔަށް ދާނަމެވެ.<br />މަސީހު ޢީސާގެފާނަކީ ކޮންބޭކަލެއް ތޯއެވެ؟ އެކަލޭގެފާނުގެ ދަޢުވަތަކީ ކޮބައިތޯއެވެ؟ މިއީ މިއަދު ކޮންމެ ބޭފުޅަކުވެސް އަމިއްލަ ނަފްސާ ކުރަންޖެހިފައިވާ ސުވާލުތަކެއްކަމުގައި އަޅުގަނޑު ދެކެވެ. ސަބަބަކީ އެކަލޭނގެފާނާމެދު މައިގަނޑު ދެގޮތަކަށް ނުވަތަ ތިންގޮތަކަށް އިންސާނުން ޤަބޫލުކުރަމުން ދާތީއެވެ. ބަޔެއްމީހުން ޤަބޫލުކުރާ ގޮތުގައި އެކަލޭގެފާނަކީ މާތްކަލާނގެއެވެ. ނުވަތަ މާތްކަލާނގެ ދަރިކަލެކެވެ. އަނެއްބަޔަކު ޤަބޫލުކުރާ ގޮތުގައި އެކަލާގެފާނަކީ މާތްކަލާނގެ ފޮނުއްވި ރަސޫލެކެވެ. ވީމާ، އެކަލޭގެފާނުގެ ދަޢުވަތުގެ އަސްލަކީ ކޮބައިތޯބަލަން ބޭނުންނަމަ މިސުވާލުގެ ޖަވާބު ހޯދަން އެބަޖެހެއެވެ. އެއީ އެކަލޭގެފާނަކީ މާތްކަލާނގެ ބާވައެވެ؟ ނުވަތަ މާތްކަލާނގެ ދަރިކަލެއްބާވައެވެ؟ ނުވަތަ މާތްކަލާނގެ ރަސޫލެއްބާވައެވެ؟<br /></span><span id="fullpost" style="font-size:130%;">ސުވާލުތަކުގެ ޖަވާބަށް ޢިލްމީ ނަޒަރަކުން އަދި ބުއްދީގެ ހަމަތަކުން ބަލާލުމަކީ ވަރަށްވެސް މުހިންމު ކަމެއްކަމުގައި ދެކެމެވެ. ވަކިބަޔަކާ ދެކޮޅުހެދުމަކަށް ނޫނެވެ. އަދި ވަކިބަޔަކާ އެއްކޮޅުވުމަކަށްވެސް ނޫނެވެ. ކަމުގެ ޙަޤީގަތަކީ ކޮބައިތޯ ބަލާލުމަށެވެ. ސަބަބަކީ، ކަމުގެ ޙަޤީގަތް ނޭނގިތިބެ، ޢީސާގެފާނުންގެ އަސްލު ދައުވަތާ ދުރަށް ބަޔަކު މިސްރާބު ޖަހަމުންދާތީއެވެ. ޢީސާގެފާނުގެ ނަމުގައި އިންސާނުން ހަދާފައިވާ 'ކޮންސެޕްޓް' ތަކަކަށް މީސްތަކުން ނޭނގިތިބެ ތަބާވަމުން ދާތީއެވެ. އެހެންކަމުން، ޢިލްމީ ނަޒަރަކުންނާއި ބުއްދީގެ ހަމަތަކުން މި ސުވާލުތަކަށް ޖަވާބެއް ހޯދޭތޯ ބަލަމާހިނގާށެވެ.<br />ބައިބުލިކަލް ދަލީލުތަކުގެ އަލީގައި:<br />1- ޢީސާގެފާނަކީ މާތްކަލާނގެބާ؟<br />ނަސާރާއިން އިލާހީ ކަލާމްފުޅުކަމުގައި ޤަބޫލުކުރާ ބައިބުލް އިން މިސުވާލަށް ޖަވާބެއް ލިބޭތޯ ބަލަމާ ހިގާށެވެ. އެގޮތުންބަލާއިރު އޮޅުމެއްނެތް ސާފު ސަރީހަ ޢިބާރާތުން، ޢިސާގެފާނަކީ ކަލަކުކަމުގައި ޤަބޫލުކުރުމަށް ގޮވާލާފައިވާ އެއްވެސް އާޔަތެއް ބައިބުލްގައި ނުވެއެވެ. ނުވަތަ އެކަލޭގެފާނު އަމިއްލަފުޅަށް، ތިމަންކަލޭގެފާނަކީ ތިޔަބައިމީހުންގެ ކަލާނގެ ކަމަށް ޤަބޫލުކުރާށޭ މިހެންވެސް އަންގަވާފައެއް ނުވެއެވެ. އަދި އެކަލޭގެފާނުގެ ސަރީހަ ޢިބާރާތަކުން، އެކަލޭގެފާނަށް އަޅުކަންކުރުމަށް ގޮވާލާފައިވާ އެއްވެސް އާޔަތެއް ބައިބުލްގައި ފެންނާކަށް ނެތެވެ. އަޅުގަނޑު މިދެންނެވި ފަދައިން އޮޅުމެއްނެތް ސާފު ޢިބާރާތުން އެފަދައިން ބައިބަލްގައި ބަޔާންވެފައެއް ނުވެއެވެ. އެކަމަށް ނަސާރާދީނުގެ ބަޔެއް ޢިލްމުވެރިންވެސް އެއްބަސްވެއެވެ.<br />އަނެއްކޮޅުން، އެއްވެސް އޮޅުމެއްނެތި ސާބިތުވާކަމެއް އެބައޮތެވެ. އެއީ ޢީސާގެފާނު ދުނިޔޭގައި އުޅުއްވިއިރު ކީރިތި ވަންތަ އިލާހަށް އަޅުކަންކުރެއްވި ކަމެވެ. އެއީ ނަސާރާއިންވެސް އަދި މުސްލިމުންވެސް ޤަބޫލުކުރާ ކަމެކެވެ. ނަސާރާއިންނަށް އެގޮތަށްޤަބޫލުކުރަން މަޖުބޫރުވާ ސަބަބަކީ ބައިބުލްގެ އެތަށް އާޔަތްތަކެއްގައި ވަރަށް ސާފު ސަރީހަ އިބާރާތުން އެކަންސާބިވުވާން އޮތީމައެވެ. މިސާލަކަށް އޭގެތެރެއިން 3 އާޔަތެއް ގެންނާނަމެވެ. އެއީ މެތިއުގެ 26ވަނަ ބައިގެ 36ވަނަ އާޔަތާއި، 39ވަނަ އާޔަތާއި، އަދި މެތިއުގެ 2ވަނަބައިގެ 2ވަނައާޔަތެވެ.<br />Matthew 26:36 "Then Jesus went with his disciples to a place called Gethsemane, and he said to them, "Sit here while I go over there and pray.""<br />"އެއަށްފަހު ޢީސާގެފާނު އެކަލޭނގެފާނުންގެ ސަހާބީންނާއި އެކުގައި ގެތުސިމެން (ޖެރުސަލަމްގެ ރަށަކަށް) ދިޔައެވެ. އަދި އެކަލޭނގެފާނު އެމީހުނަށް ބުންޏެވެ. 'ތިމަންކަނލޭގެފާނުން އެދިމާލަށްގޮސް ނަމާދު (ދުޢާ) ކުރައްވައިގެން ވަޑައިގަންނަވަންދެން ތިޔަބައިމީހުން މިތާނގައި އިށީދެގެން (ނުވަތަ އިށީނދެލައިގެން) ތިބޭށެވެ.'" އަދިވެސް ބައިބުލްގައި އައިސްފައިވާކަމުގައި ވެއެވެ.<br />Matthew 26:39 "Going a little farther, he fell with his face to the ground and prayed"<br />"ތަންކޮޅެއް ދުރަށް ދިއުމަށްފަހު، އެކަލޭނގެފާނުންގެ މޫނުފުޅު ބިންމައްޗައް ތިރިކޮށް (ސަޖިދަކޮށް) ނަމާދު ކުރިއެވެ." އަދި ވެސް އައިސްފައި ވާކަމުގައި ވެއެވެ.<br />Matthew 2:2 "After fasting forty days and forty nights, he was hungry."<br />"ސާޅީސް ދުވަހާއި ސާޅީސް ރޭ ރޯދަ ހިއްޕެވުމަށްފަހު އެކަލޭގެފާނަށް (ޢީސާގެފާނަށް) ވަނީ ހައިހޫނުކަން އިޙުޞާސް ކުރެވިފައެވެ."<br />ކުރިންވެސް ދެންނެވި ފަދައިން މިނޫނަސް އެތަށް އާޔަތްތަކެއްގައި އެކަނލޭގެފާނު އަޅުކަން ކުރެއްވި ކަމަށް އައިސްފައި ވެއެވެ. ވީމާ، ސުވާލަކީ އެކަނލޭގެފާނަކީ ކަލަކު ކަމުގައި ވާނަމަ، އެކަނލޭގެފާނު އަޅުކަންކުރެއްވީ ކޮންފަރާތަކަށް ބާވައެވެ؟ ނުވަތަ އެކަލޭގެފާނު ދުޢާކޮށް އާދޭސް ދެންނެވީ ކޮންފަރާތަކަށް ބާވައެވެ؟ ޝައްކެއް ނެތް ގޮތުގައި އެއީ އެކަނލޭގެފާނު ރަސޫލެއްގެ ގޮތުގައި ފޮނުއްވި މާތްﷲ އަށެވެ.<br />ބަޔެއް ނަސާރާއިން ބުނެއެވެ. އެކަނލޭގެފާނުގެ އަޅުކަން ކުރެއްވުމަކީ އެއީ ހަމައެކަނި އެހެން މީސްތަކުންނަށް ދަސްކޮށްދެއްވުމަށް ކުރައްވާފައިވާ ކަމެކެވެ. އެހެންނަމަވެސް އެއީ އޮޅުވާލުމެކެވެ. ސަބަބަކީ އެކަނލޭގެފާނު އަޅުކަންކުރައްވާފައިވަނީ ހަމައެކަނި މީސްތަކުންގެ ތެރޭގައެއް ނުވަތަ މީސްތަކުންގެ ޙާޒިރުގައެއް ނޫނެވެ. އެކަހެރިވެ ވަޑައިގެންވެސް އަޅުކަން ކުރައްވާފައިވެއެވެ. މިސާލަކަށް އަޅުގަނޑު އެންމެ ފަހުން ގެނެސްފައި އެވާ އާޔަތުގެ ކުރީ އާޔަތް ކިޔައިފިނަމަ އެކަލޭގެފާނު ރޯދަ ހިއްޕެވީ ސަހަރާއެއްގައި (ޑެޒާޓެއްގައި) އެކަނި ހުންނަވައިގެންކަން އެގިލައްވާނެއެވެ. މީގެއިތުރުން، މީސްތަކުން ނުވަތަ ޢާންމު މީހުން ނިދާފައި ވަނިކޮށް އެކަނލޭގެފާނުން ނަމާދު (ދުޢާ) ކުރެއްވިކަމަށް މެތިއުގެ 26ވަނަ ބައިގެ 43 އާއި 44 ވަނަ އާޔަތުގައި އައިސްފައި ވެއެވެ.<br />އާއެކެވެ! އެކަނލޭގެފާނަކީ ރަސޫލުބޭކަލަކަށްވާއިރު ރަސޫލުބޭކަލުންގެ ވަޒީފާއަކީ މީސްތަކުންނަށް އަޅުކަން ކުރަންވީ ގޮތާ ދިރިއުޅެންވީގޮތް ދަސްކޮށްދެއްވުމެވެ. ވީމާ އެކަނލޭގެފާނުންގެ އަޅުކަން ކުރެއްވުމަކީ މީސްތަކުންނަށް ދަސްކޮށްދެއްވުން ކަމުގައިވިއަސް، އެއީ އިލާހެއްކަމަކަށް ސާބިތުކޮށްދެވޭނެ ކަމެއް ނޫނެވެ. އަދި ކިއެއްތަ! އެކަމުންވެސް ސާބިތުކޮށްދެނީ އެއީ ރަސޫލެއްކަމެވެ. ވީމާ ޢީސާގެފާނަކީ ކަލަކު ކަމަށް ކުރެވޭ ދަޢުވާއަކީ ބާތިލް ދަޢުވާއެއްކަން ބައިބުލްއިންވެސް ސާބިތުވެއެވެ.<br />2- ޢީސާގެފާނަކީ މާތްކަލާނގެ ދަރިކަލެއްބާ؟<br />ނަސާރާދީނުގެ ބައެއްމީހުން ޤަބޫލުކުރާ ގޮތުގައި، ޢީސާގެފާނަކީ މާތްރަސްކަލާނގެއެއް ނޫނެވެ. އެހެން ނަމަވެސް އެކަނލޭގެފާނަކީ އިލާހުވަންތަކަން ލިބިގެންވާ މާތްރަސްކަލާނގެ ދަރިކަލެކެވެ. އެމީހުން ޤަބޫލުކުރާ ގޮތުގައި އިލާހަކީ 3 ފަރާތެއް އެކުލެވުނީމައި ކިޔޭ 1 ފަރާތެކެވެ. އިގެރޭސި ބަހުންކިޔަނީ ޓްރިނިޓީ (1=3) އެވެ. އެތިންފަރާތަކީ، ބައްޕަ (މާތްރަސްކަލާނގެ)، ދަރިކަލުން(ޢީސާގެފާނު)، އަދި ހޯލީ ސްޕިރިޓް (ޖިބުރީލުގެ ފާނުކަމުގައި ނުވަތަ 3 ވަނަފަރާތަކީ މަރިޔަމްގެފާނު ކަމުގައިވެސް ނަސާރާދީނުގެ ބަޔެއް ފާދިރީން ޤަބޫލުކުރެއެވެ.)<br />މިކަމަކީވެސް ސީދާ ސަރީހަ އިބާރާތުން ބައިބުލްއިން ސާބިތުކުރެވެން އޮތްކަމެއް ނޫނެވެ. ސަބަބަކީ:<br />ހ- ބައިބުލްގައި ބައްޕަ “father” ބޭނުންކޮށްފައިވަނީ މާތްރަސްކަލާނގެއަށް ނިސްބަތް ކޮށެވެ. އަދި ދަރިފުޅު ނުވަތަ ދަރިން ނުވަތަ ދަރިކަލުން “son(s)” ބޭނުންކޮށްފައިވަނީ އެކިމާނަ ތަކުގައެވެ. ހުލާސާކޮށް ބުނާނަމަ “father” ބޭނުން ކުރެވިފައިވަނީ 'މާތްރަސްކަލާނގެ' އަދި “son(s)” ބޭނުން ކުރެވިފައިވަނީ އެކަލާނގެ 'އަޅުން' ގެ މާނާގައެވެ. އެއީ އެކަލާނގެއާއި އެކަލާނގެ އަޅުތަކުންނާއި ދެމެދުގައިވާ ގާތްކަން ހާމަކުރުމުގެ ގޮތުންނެވެ. މިއީވެސް ނަސާރާއިދީނުގެ ޢިލްމުވެރިން އެއްބަސްވާ ކަމެކެވެ. ސަބަބަކީ ޚާއްސަކޮށް އެކިއެކި ރަސޫލުބޭކަލުންނަށާ ޞާލިހު ޢަމަލުކުރާ މީހުންނާއި މުޚާތަބު ކުރާއިރު އެދެބަސް ބޭނުންކޮށްފައި ވާތީއެވެ. މިގޮތުން މިސާލަކަށް ބައިބުލްގެ އެގްސްއޮޑަސް 4 ވަނަބައިގެ 22ވަނަ އާޔަތުގައި ޔާޤުބުގެފާނަކީ މާތްކަލާނގެ ދަރިކަލެއް ކަމުގައި އައިސްފައި ވެއެވެ. އަދި ބައިބުލްގެ ސާމްސް 2ބައިގެ 7ވަނަ އާޔަތުގައި ދާއޫދުގެފާނަކީ މާތްކަލާނގެ ދަރިކަލެއްކަމުގައި އައިސްފައި ވެއެވެ. އަދި މީގެއިތުރުން މެތިއުގެ 5 ވަނަބައިގެ 9ވަނަ އާޔަތާއި 45ވަނަ އާޔަތަށް ބަލާލަމާހިގާށެވެ.<br />Matthew 5:9 "Blessed are the peacemakers, for they will be called sons of God."<br />"އަދުލު އިންސާފު ޤާއިމްކުރާ މީހުނަށް ބަރަކާތް ލެއްވިގެން ވެއެވެ! އެބައިމީހުންވާހުށީ މާތްރަސްކަލާނގެ 'ދަރިން' (ރުހިވޮޑިގެންވާ އަޅުން) ކަމުގައެވެ." މީގެއިތުރުން، މީސްތަކުންނަށް ހެޔޮނަސޭހަތްތައް ދެއްވުމަށްފަހު އެނަސޭހަތް ޤަބޫލުކުރުމުން ލިބޭނެ ދަރަޖަ ބަޔާންކުރެއްވަމުން އެކަލޭގެފާނު ވިދާޅުވިކަމުގައި ބައިބުލްގައި އައިސްފައި ވެއެވެ.<br />Matthew 5:45 “that you may be sons of your Father in heaven”<br />"އެއީ ތިޔަބައިމީހުންނަކީ އުޑުގައި ވޮޑިގެންވާ 'ބައްޕަގެ' (މާތްރަސްކަލާނގެ)، 'ދަރިން' (ރުހިވޮޑިގެންވާ އަޅުން) ކަމުގައި ވުމަށްޓަކައެވެ." މާނައަކީ، އެފަދަ މީހުން ޤިޔާމަތްދުވަހުގައި ވާހުށީ މާތްރަސްކަލާނގެ ރުހިވޮޑުގެންވާ އަޅުންކަމުގައެވެ.<br />ވީމާ، ކުރިންވެސް ދެންނެވި ފަދައިން، އާންމުކޮށް، “Son(s)” މި ލަފްޒު ބޭނުންކުރެވިފައިވަނީ މާތްރަސްކަލާނގެ ރުހިވޮޑިގެންވާ އަޅުން ނުވަތަ އަޅުތަކުންނާއި މުޚާތަބުކުރެވޭ ޙާލަތްތަކުގައެވެ. އެހެންކަމަށްވާނަމަ، އޭރު އެޒަމާނުގައި، މަރިޔަމްގެފާނުގެ ދަރިކަލުން ޢީސާ އަލަހިސަލާމަށްވުރެ ބޮޑަށް އެ ލަފްޒު މުޚާތަބުކުރުން ޙައްޤުވާނެ އެހެން އިންސާނަކު ނުވާނެކަމަށް އަޅުގަނޑުވެސް ޤަބޫލުކުރަމެވެ. ސަބަބަކީ އެކަލޭގެފާނަކީ ހަމައެކަނި މާތް ޞާލިހު އަޅެއްނޫނެވެ. ހަމައެކަނި ނަބިއްޔެއް ނޫނެވެ. އެކަލޭގެފާނަކީ ނަބިއްޔުންނާއި ރަސޫލުންގެ ތެރެއިންވެސް އެންމެ މާތް 5 ބޭކަލުންގެ ތެރެއިން އެއްބޭކަލެވެ. އެހެންކަމުން އެމާނައިގައި މުޚާތަބުކުރެވޭ ލަފުޒެއް އެޒަމާނުގައި އެންމެ ޙައްޤީ އެކަލޭގެފާނަށެވެ. އެއީކީ ދަރިކަލަކަށްވާތީއެއް ނޫނެވެ. މަތިވެރިވެގެންވާ އިލާހު ރުހިވޮޑިގެންވާ ރަސޫލަކަށް ވާތީއެވެ.<br />އެހެންނަމަވެސް އަދިވެސް ނަސާރާއިން ބުނެއެވެ. ޢީސާގެފާނާއިމެދު މާތްކަލާނގެ ވަޙީކުރައްވާފައިވަނީ މުޅިންތަފާތު ގޮތަކަށެވެ. އެއީ މާތްކަލާނގެއަށް އުފަން ނުވަތަ 'ބިގޮޓަން' ދަރިކަލެއް ކަމުގައެވެ. އެއީ ޖޯން 3ވަނަބައިގެ 16ވަނަ އާޔަތުގައި ވާގޮތުގެމަތިންނެވެ. އެހެންނަމަވެސް، 20ވަނަ ގަރުނުގެ ފަހުކޮޅުގައި ޝާއިއުކުރި، އެންމެ ޞައްޙަކަމަށް ބުނާ ބައިބުލްގެ ވާޝަން، 'ނިއު އިންޓަނޭޝަނަލް ވާޝަން'ގައި މިބަސް 'ބިގޮޓަން' ވަނީ ފުހެލެވިފައެވެ. މިދަންނަވާ ބައިބުލްގެ ވާޝަންގައި ކުރީގެ ބައިބުލްގެ ވާޝަންތަކުގައިވާ އެތަކެއް އާޔަތްތަކެއް ފުހެލެވިފައި ވެއެވެ. އިތުރު މަޢުލޫމާތު ހޯއްދެވުމަށް އަޅުގަނޑު ލިޔެފައިވާ "ބައިބުލްއަށް ގެނެވިފައިވާ ބަދަލުތަކުގެ އަސަރު ދިވެހިބަހަށް ތަރުޖަމާކުރި ގޮސްޕެލް އޮފް ލޫކް ގައިވެސް!" މި ލިޔުމުގެ 1ވަނަ ބަޔާއި 2ވަނަ ބައި ކިޔުއްވާށެވެ.<br />ށ- މިހެންމިކަން އޮތްއިރުވެސް ވަރަށްގިނަ ނަސާރާއިން ހަޤީޤަތް ޤަބޫލުކުރަން ބޭނުންނުވެއެވެ. އެހެންކަމުން އަދިވެސް އެމީހުން ބުނެއެވެ. ޢީސާގެފާނަކީ މާތްރަސްކަލާނގެ 'ބަސްފުޅެވެ'. އަދި އެބަސްފުޅު ވީ މާތްރަސްކަލާނގެ ޙަޟުރަތުގައެވެ. ނުވަތަ އެބަސްފުޅަކީ މާތްރަސްކަލާނގެ (ހަށިކޮޅަށް) ނިސްބަތްވާ ބަޔެކެވެ. އަދި އެބަސްފުޅަށް (ފުރާނަ)އެޅުވި މަސްލެވުނެވެ. އެއީ ޢީސާގެފާނެވެ. ވީމާ އެއީ އިލާހުވަންތަކަން ލިބިގެންވާ މާތްރަސްކަލާނގެ ދަރިކަލުންނެވެ.<br />ނަސާރާއިންނަށް މިކަންވެސްވަނީ އޮޅިފައެވެ. ނުވަތަ ޙަޤީޤަތް ބަލަން ބޭނުން ނުވަނީ އެވެ. އާއެކެވެ! ޢީސާގެފާނަކީ މާތްﷲގެ ބަސްފުޅުގެ ބާރުން އުފަންވެޑައިގެތް ބޭކަލެކެވެ. ޠާހިރު، ބިކުރުވެރި މަރިޔަމްގެފާނުންގެ ބަޑުފުޅުންނެވެ. ބަފާކަލަކާ ނުލައެވެ. އެބަސްފުޅަކީ އާދަމް އަލައިހިއްސަލާމް، މަޔަކާއި އަދި ކިއެއް ބަފަޔަކާވެސް ނުލައި އުފެއްދެވުމަށްވެސް މާތްﷲ ވަހީކުރެއްވި ބަސްފުޅެވެ. އަދި އެބަސްފުޅަކީ އިބްރާހީމްގެފާނަށް އަލިފާނަކީ ފިނިއެއްޗެއް ކަމުގައި ހަދައިދިނުމަށްވެސް މާތްﷲ ވަޙީކުރެއްވި ބަސްފުޅެވެ. އެބަސްފުޅަކީ ދިވެހި ބަހުން ބުނާނަމަ 'ވާށޭ' މިއެވެ. ޢިސާގެފާނުގެ ޚަބަރު މަރިޔަމްގެފާނަށް ދެއްވިވަގުތު އެކަމަނާ އެކަމާ ހައިރާންވެފައިވާ ހާލު އެއީ ކިހިނަކުން ވާނޭކަމެއްތޯ ސުވާލުކުރެއްވިއެވެ. އެވަގުތު އެ ޚަބަރު ގެނެސްދެއްވި މަލާއިކަތާ އެކަންވީގޮތް ބަޔާންކޮށްދެއްވިއެވެ. ކީރިތި ޤުރުއާނުގައި އައިސްފައި ވެއެވެ.<br />" އެކަމަނާ ދެންނެވިއެވެ. އަޅުގެ ވެރިއިލާހެވެ! އެއްވެސް އާދަމުގެ ދަރިޔަކު މިއަޅާގެ ގައިގާ ބީހިފައި ނުވަނީސް އަޅަށް ދަރިޔަކު ލިބޭހުށީ ކޮންފަދައަކުން ތޯއެވެ؟ އެހިނދު މަލާއިކަތާ ވިދާޅުވިއެވެ. (ކަންހުރީ) އެފަދައިންނެވެ. ﷲ އެ އިލާހު އިރާދަކުރައްވާ އެއްޗެއް ހައްދަވަތެވެ. އެހެނީ އެއްވެސް ކަމެއް ވުމަށް އެ އިލާހު އިރާދަކުރައްވައިފި ހިނދެއްގައި އެކަމަކަށް "ވާށޭ" ވަޙީކުރެއްވުމުން، އެކަން އެގޮތަކަށް ވެގެންދެއެވެ." (އާލްއިމްރާނު، 47 ވަނަ އާޔަތް)<br />މާތްﷲގެ މިބަސްފުޅު 'ވާށޭ' އެއީ ޢީސާގެފާނަށް ޚާއްޞަ ބަސްފުޅެއް ނޫންކަން ނުވަތަ އެފަދަ ގޮތަކަށް އިންސާނަކު އުފެއްދުމަކީ މާތްﷲ އަށް ބޮޑުކަމެއް ނޫންކަން ބަޔާންކޮށްދެއްވުމުގެ ގޮތުން އިތުރަށް ވަޙީކުރައްވާފައި ވެއެވެ.<br />"ހަމަކަށަވަރުން ﷲގެ ޙަޟްރަތުގައި، ޢީސާގެފާނު އުފެއްދެވުމަކީ ހަމަ އާދަމްގެފާނު އުފެއްދެވުމާ އެއްފަދަ ކަމެކެވެ. އެކަލާނގެ އާދަމުގެފާނު ހެއްދެވީ (ބައްޕައަކާއި މަންމައަކާއި ނުލައި) މަށިންނެވެ. ދެން، އެކަލޭގެފާނަށް (އިންސާނަކަށް) "ވާށޭ" ވަޙީކުރެއްވިއެވެ. ދެން، (ﷲ ވަޙީކުރެއްވި ފަދައިން) ވެއްޖެއެވެ." (އާލްއިމްރާން 59 ވަނަ އާޔަތް)<br />ވީމާ، އެއްވެސް އެއްޗެއް އުފެއްދެވުމަކީ، މާތްﷲއަށް ބޮޑުކަމެއް ނޫނެވެ. އެއީ އާދަމް އަލައިހިއްސަލާމް ބަފަޔަކާއި އަދި މަޔަކާއި ނުލައި އުފަންކުރެއްވި ކުޅަދުންވަންތަ އިލާހެވެ. އެއީ ހައްވާގެފާނު މަޔަކާނުލާ އުފަންކުރެއްވި ކުޅަދުންވަންތަ އިލާހެވެ. އެއީ ނޫހުގެފާނާއި އެކަލޭގެފާނުގެ ނައުކޮޅު ސަލާމަތްކުރެއްވި އިލާހެވެ. އެއީ އިބްރާހިމްގެފާނާއި އެކަލޭގެފާނުގެ އަބިކަމަނާ މުސްކުޅިވެ، ދަރިން ނުލިބޭ އުމުރަށް ގޮސްފައިވަނިކޮށް ދަރިން ދެއްވި ކުޅަދުންވަންތަ އިލާހެވެ. އެއީ މޫސާގެފާނަށްޓަކައި ކަނޑުން މަގުތަކެއް ހައްދަވައި، ފިރުއައުނުގެ ލަޝްކަރުގެ ކިބައިން އެކަލޭގެފާނު ސަލާމަތް ކުރެއްވި ކުޅަދުންވަންތަ އިލާހެވެ. އެއީ ޢީސާގެފާނު އަވަހާރަކޮށްލުމަށް ޔަހޫދީން ރޭވިހިދު، ޢީސާގެފާނު އުނޑަށް އުފުއްލެވި ކުޅަދުންވަންތަ އިލާހެވެ. އެއީ މުޙަންމަދު (ޞައްލަﷲ ޢަލައިހި ވަސައްލަމް)، މައްކާގެ ހަރަމްފުޅުން މަސްޖިދުލް އަޤްސާއަށް، އަދި އެއަށްފަހު މަސްޖިދުލް އަޤްސާއިން އުޑަށް އުފުއްލަވާ މަތިވެރި އިސްރާއާއި މިއުރާޖުގެ ޝަރަފު އެކަލޭގެފާނަށް ދެއްވި ކުޅަދުންވަންތަ އިލާހެވެ. މިފަދަ ކުޅަދުންވަންތަ އިލާހަކަށް ބަފަޔަކާނުލާ ދަރިޔަކު އުފަންކުރުން އެއީ ބޮޑުކަމެއް ކަމުގައި ދެކުމަކީ އިލާހުގެ އިލާހުވަންތަކަމާމެދު ޝައްކު ކުރުމެވެ. އެހެންނޫންތޯއެވެ؟<br />ނ. ޢީސާގެފާނަކީ އިލާހުވަންތަކަން ލިބިގެންވާ މާތްރަސްކަލާނގެ ދަރިކަލެއް ނޫންކަމަށްވާ ތިންވަނަ ދަލީލަކީ، އެކަލޭގެފާނަށް އިލާހުވަންތަކަން ލިބިގެންވާކަމަށް ބައިބުލްގައިވެސް އެއްވެސް އާޔަތެއްގައި އޮޅުމެއްނެތް ސަރީހަ ޢިބާރާތުން ފެންނަންނެތިފައި، އަދި ހުދު އެކަލޭގެފާނުގެ ސަރީހަ ބަސްފުޅުން އެކަލޭނގެފާނަކީ އިލާހުވަންތަކަން ލިބިގެންވާ ބޭފުޅެއްނޫންކަމާއި، އެކަލޭގެފާނުގެވެސް އިލާހަކުވާކަން، އެތައް އާޔަތެއްގައި ސަރީހަ ޢިބާރާތުން ބައިބުލްގައި ފެންނަން ހުރުމެވެ. މިގޮތުން މާރކްގެ 12ވަނަ ބައިގެ އަންނަނިވި އާޔަތްތަކުން އެކަން ސާބިތުވާނެއެވެ.<br />Mark 12:28 “he asked him, 'Of all the commandments, which is the most important?'"<br />"އޭނާ ޢީސާގެފާނާއި ސުވާލުކުރިއެވެ. '(މާތްރަސްކަނލާނގެ) އެންގެވުންތަކުގެ ތެރެއިން އެންމެ މުހިންމު އެންގެވުމަކީ ކޮބާތޯއެވެ؟'"<br />މި ސުވާލަށް ޖަވާބު ދެއްވަމުން، އެންމެ މުހިންމު އެންގެވުމެއް ކަމަށް ޢީސާގެފާނު ވިދާޅުވިކަމުގައި ބައިބުލްގައި އައިސްފައިވަނީ ތިޔަބައިމީހުން ތިމަން ކަނލޭގެފާނަކީ އިލާހުކަމަށް ޤަބޫލު ކުރުމެކޭ ނޫނެވެ. ނުވަތަ ތިމަން ކަނލޭގެފާނަކީ އިލާހުގެ ދަރިކަލުން ކަމުގައި ޤަބޫލުކުރާށޭވެސް ނޫނެވެ. ނުވަތަ ތިމަންކަލޭގެ ފާނަކީ އިލާހުގެ 3 ފަރާތުންކުރެ 1 ފަރާތް ކަމުގައި ޤަބޫލުކުރާށޭވެސް ނުމެ ނޫންމެއެވެ. އެކަމަކު އެކަނލޭގެފާނު ވިދާޅުވީ، ތިމަންކަނލޭގެފާނާއި ތިޔަބައި މީހުންގެ އިލާހަކީ 1 އިލާހެއް ކަމަށް ޤަބޫލުކޮށް، އެހެން ހުރިހާފަރާތަކާއި އެއްޗަކަށްވުރެ އެފަރާތްދެކެ ލޯބިކުރުން ކަމުގައެވެ. ބައްލަވާށެވެ.<br />Mark 12:29-30 "The most important one," answered Jesus, "is this: 'Hear, O Israel, the Lord our God, the Lord is one.' Love the Lord your God with all your heart and with all your soul and with all your mind and with all your strength."<br />"'އެންމެ މުހިންމު އެންގެވުމަކީ' ޢީސާގެފާނުން ޖަވާބު ދެއްވަމުން ވިދާޅުވިއެވެ. 'މިއީއެވެ. އޭ އިޒުރޭލުގެ މީހުންނޭވެ! ރައްބަކީ (އަހަރުމެން ނެތުމުގެ ތެރެއިން އުފައްދަވާ، ބަލަހައްޓަވާ، ރިޒްގުތަނަވަސްކޮށްދެއްވާ ފަރާތަކީ އެއީ) އަހަރުމެން (އަޅުކަންކުރަންޖެހޭ) އިލާހެވެ. އެ ރައްބަކީ 1 ފަރާތެކެވެ. ތިޔަބައިމީހުންގެ ހިތާއި ފުރާނައާއި ސިކުޑިން (އެންމެހާ ހިއްސުތަކުން) ކުޅަދާނަވީ އެންމެ މަތީ ދަރަޖައަކަށް އެ ރައްބަށް، ތިޔަބައިމީހުން އަޅުކަންކުރަންޖެހޭ އިލާހުއަށް ލޯބިކުރާށެވެ.'"<br />އެއަށްފަހު މާރކްގެ 12ވަނަ ބައިގެ 32ވަނަ އާޔަތުގައި އެ ސުވާލުކުރިމީހާ އެކަލޭގެފާނުގެ ޖަވާބު ތަކުރާރު ކުރައްވާފައި ވެއެވެ.<br />Mark 12:32 " ...the man replied. "You are right in saying that God is one and there is no other but Him."<br />"...އެނާ ޖަވާބުގައި ބުންޏެވެ. 'މާތްކަލާނގެ އަކީ އެއްކައުވަންތަ ފަރާތްކަމާއި، އެކަލާނގެ ފިޔަވާ އެހެން ފަރާތެއް ނުވާކަމަށް ބުނުމުން، ކަލޭގެފާނުގެ ފަސްފުޅު ދެތެދެވެ.'"<br />[ﷲގެ ކުޅަދުންވަންތަ ކަމާއެވެ. މި ބަސްފުޅަކީ، ކީރިތި ޤުރުއާނުގެ އިޙްލާސް ސޫރަތުގެ ފުރަތަމަ އާޔަތާއި، ޝަހާދަތުގެ ދެކަލިމައިގެ ފުރަތަމަ ކަލިމަނޫން ދެން އެހެން ކޮށް އެއްޗެއްބާވައެވެ؟]<br />މިހިރީ މިއަދުގެ ބައިބުލްގައިވެސް ޢީސާގެފާނުގެ ގޮވާލެއްވުންތައް ކަމުގައިބުނެ ގެނެސްފައިވާގޮތެވެ. އިނގިރޭސިބަސް ކިރިޔާވެސް އެނގޭ ބޭފުޅަކަށް ނަމަ ‘our’ ނުވަތަ 'އަހަރަމެން' މިލަފުޒުގެ މާނަ އެނގިލައްވާނެއެވެ. ޢީސާގެ ފާނު އެވިދާޅުވަނީ ތިމަންކަނލޭގެފާނާއި ތިޔަބައިމީހުންގެ ވެރި އިލާހަކީ އެއްފަރާތެއްކަމެވެ. 3 ފަރާތެއް ނޫންކަމެވެ. އަދި ޚުދު އެކަލޭނގެފާނު 'ތިމަންމެންގެ ނުވަތަ އަހަރުމެންގެ ވެރިއިލާހު' މި ލަފުޒު ބޭނުން ކޮށްފައިވުމުން އެކަލޭގެފާނުގެ ވެރިއިލާހެއް ވާކަމާއި، އެކަލޭގެފާނަކީ އިލާހުވަންތަކަން ލިބިގެންވާ ބޭކަލެއް ނޫންކަން ވަރަށް ސާފުކޮށް ސަރީހަކޮށް ސާބިތުކުރެވެއެވެ.<br />މިތާނގައި ފާހަގަކޮށްލަން ޖެހޭ ނުކުތާއެއް އެބައޮތެވެ. އެއީ ކުރިންވެސް ދެންނެވި ފަދައިން ޢީސާގެފާނަކީ އިލާހުކަން ނުވަތަ އިލާހުވަންތަކަމުގެ ބަޔެއް ލިބިފައިވާ ބޭކަލެއްކަން ސާބިތުކުރެވޭނެ ސަރީހަ އިބާރާތެއް ބައިބުލްގެ އެއްވެސް އާޔަތެއްގައި އައިސްފައެއް ނުވެއެވެ. އެންމެ ކައިރިކުރާ އިބާރާތެއް އައިސްފައިވާ އާޔަތަކީ 1ޖޯންގެ 5ވަނަބައިގެ 7ވަނަ (1John 5:7) އާޔަތެވެ. އެހެންނަމަވެސް، 20ވަނަ ގަރުނުގެ ފަހުކޮޅުގައި ޝާއިއުކުރި، އެންމެ ޞައްޙަކަމަށް ބުނާ ބައިބުލްގެ ވާޝަން، 'ނިއު އިންޓަނޭޝަނަލް ވާޝަން'ގައި ވަނީ މިއާޔަތްވެސް ފުހެލެވިފައެވެ. ފުހެލެވުނު ސަބަބެއްކަމަށް ބައިބުލްގެ ޢިލްމުވެރިން ވިދާޅުވަނީ، ގުރީކުބަހުން ހުރި ބައިބުލްގެ އަސްލު ފަތްފޮތްތަކުން އެ އާޔަތް ސާބިތުވާން ނެތުމެވެ. އޭގެ މާނައަކީ އެއާޔަތަކީ ހަދައި އިތުރުކޮށްފައިވާ އާޔަތެކެވެ. މިއާޔަތުގެ އިތުރުން، ކުރީގެ (ކިންގް ޖޭމްސް ވާޝަން)ފަދަ ބައިބުލްގެ ވާޝަންތަކުގައިވާ 17 އާޔަތްވަނީ އެއްކޮށްފުހެލެވިފައެވެ. މިކަމުގެ އިތުރު މަޢުލޫމާތު ހޯއްދެވުމަށް އަޅުގަނޑު ލިޔެފައިވާ "ބައިބުލްއަށް ގެނެވިފައިވާ ބަދަލުތަކުގެ އަސަރު ދިވެހިބަހަށް ތަރުޖަމާކުރި ގޮސްޕެލް އޮފް ލޫކް ގައިވެސް!" މި ލިޔުމުގެ 1ވަނަ ބަޔާއި 2ވަނަބައި ބައްލަވާށެވެ.<br />-ނުނިމޭ-<br />(މިލިޔުމުގެ ދެވަނަބައިގައި، 3 ވަނަ ސުވާލުކަމުގައިވާ 'ޢީސާގެފާނަކީ ރަސޫލެއްބާ؟' މިސުވާލުގެޖަވާބު ބައިބުލިކަލް ދަލީލުތަކުގެ އަލީގައި ދެވިފައިވާނެއެވެ. އަދި ކުރެވިފައިވާ 3 ސުވާލުގެ ޖަވާބަށް ބުއްދީގެ ހަމަތަކުން ބަލާލެވިފައިވާނެއެވެ.)</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-8654083815422525611?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-4277041961612536182009-11-25T11:22:00.001Z2009-11-30T01:06:36.574Z<span style="font-size:130%;">މިއަދާހަމަޔަށްވެސް ޖާރިޔާގެ ވާހަކައަކީ ވަރަށްގިނަ ނޫސްތަކުން 'ފޫގަޅާފައި' ދައްކަމުންއައި ވާހަކައެކެވެ. މިކަމަކީމިއީ އަލަށް ދިވެހި އަންހެން ކުއްޖެއްގެ އިއްފަތްތެރިކަން ފޭރިގަނެފައިވާތީވެ، އިންސާނީ ޙައްޤުތަކަށް މަސައްކަތްކުރާ ޖަމާއަތްތަކުން 'މަޖުނޫނު ކުރިވި' ކަމެކެވެ. ރައްޔިތުންނަށް ކަމުގެ ހަޤީޤަތް ފޯރުކޮއްދިނުމަށް ނޫސްކޮންފަރެންސްތައް ބާއްވަންޖެހޭވަރުން އޮފީހުގައި 'ފޫހަރުލައިގެން' ނުތިބެވުނު ކަމެކެވެ. ދީނާމެދު ނަފުރަތުކުރާ 'ހީލަތްތެރިންގެ' ބުލޮގުތައް މަޝްހޫރުކުރުވި ކަމެކެވެ. ދީނާއިމެދު ތަނެއްދޮރު ނުދަންނަ ނޫސްވެރިންތަށް، އެމީހުންގެ ގަލަމުގެ ދެލި މައިތިރި ނުކުރެވިގެން އުޅުނުކަމެކެވެ.<br /><br />ސުވާލަކީ މިއީ ދީނާއި ޤައުމަށް ލޯބިކުރާ އަދުލުވެރި ބަޔެއް ތޯއެވެ؟ ނުވަތަ ތިމާމެންގެ ނޫސް މަޝްހޫރުކުރުމާއި ދެއްކުންތެރިކަމަށް މަސައްކަތްކުރާ ލާދީނީ ބަޔެއް ތޯއެވެ؟ ނުވަތަ ސިޔާސީ ކޮންމެވެސް މަޤްސަދެއް ހާސިލުކުރުމަށް މަސައްކަތްކުރާ ބަޔެއްތޯއެވެ؟ ނުވަތަ އިސްލާމުދީނުގެ އަދުއްވުންގެ ދަލުގައި ޖެހި ސަލާމަތް ނުވެވިގެންއުޅޭ ބަޔެއްތޯއެވެ؟ މިބައިމީހުން 'މިޖާރިޔާގ'ެ މައްސަލާގައި އަމަލުކުރަމުން އައިގޮތަށް ބަލައި ދިރާސާކޮއްލުމުން މި ސުވާލުތަކުގެ ޖަވާބު ލިބިދާނެއެވެ. </span><span id="fullpost" style="font-size:130%;">ރަތްކުލައިން ހައިލައިޓްކޮށް ޖާރިޔާގެ ވާހަކަ ސުރުހީގައި ޖެހުމަށްފަހު، ދެން ޖަހަނީ މޫނުބުރުގާއެޅި ކޮންމެވެސް މީހެއްގެ ފޮޓޯއެކެވެ. ނުވަތަ ތުބުޅިލީ މީހެއްގެ ފޮޓޯއެކެވެ. ނުވަތަ އެހެން ކޮންމެވެސް ދީނީ ޝިއާރެކެވެ. ލިޔެވިފައި ހުންނަނީ ތިމާގެ ހިތުގައި ދީނަށްކުރާ ނަފުރަތުގެ ވާހަކައެވެ. އަރަބިން އަންޑަވެޔަރ ނުލާވާހަކައާއި، ޖަމަލުގައި ދަތުރުކުރި ވާހަކައެވެ. މިކަމާގުޅިގެން ނޫސްކޮންފަރެންސެއް ބާވައިފިނަމަ އުޅެނީ ދީނަށްޓަކައި މަސައްކަތްކުރާ ކޮންމެވެސް ޝޭޚަކަށް ހަޖޫޖެހުމަށެވެ. ނުވަތަ ދީނީ ވުޒާރާއެއް ބަދުނާމު ކުރާށެވެ. އަދި އެންމެ ހިތާމަކުރަންޖެހޭ ކަމަކީ ދައްކަންޖެހޭ އަސްލުވާހަކަ ދައްކަން ހަނދާންނެތިފައިވާތީއެވެ. ޖާރިޔާއަކީ ކޮބާކަން ބުނެއެއް ނުދެއެވެ. އެފަދަ ނުބައި އަމަލެއް ހިންގާފައިވާނަމަ އެކަމެއްކުރީ ކާކުކަމެއް އަންގައެއް ނުދެއެވެ. އެއީ ކިހިނެއް ކޮންގޮތަކުން ހިނގާފައިވާ ކަމެއްކަން ހާމަކޮށެއް ނުދެއެވެ. އެންމެ ގާތަކަށްވެސް ލިޔެވިފައި ހުންނަނީ "މީހަކު ބުންޔޭ...13 އަހަރުގެ ކުއްޖެކޭ...އަޅެކޭ...ޖާރިޔާއެކޭ...ކަށަވަރޭ...ކަށަވަރޭ.." މިފަދަ ވާހަކަތަކެކެވެ. ހެއްކެއް ގަރީނާއެއް ނުދައްކައެވެ.<br /><br />އާއެކެވެ. ކަމެއް ނުހިގާނަމަ ދައްކާނެ ހެއްކެއް ގަރީނާއެއް ނުވެސް އޮންނާނެއެވެ. ކަމުގެ ޙަޤީޤަތް ހާމަވިއިރު އެއީ ކައިވެނިކޮށްގެން އުޅުނު ދެމަފިރިންގެ ވާހަކައެކެވެ. 12 ނުވަތަ 13 އަހަރުކަމަށް ބުނި 'ޖާރިޔާއަކީ' މިހާރު 18އަހަރު ވެފައިވާ ކުއްޖެކެވެ. މީހެއްޤެ އަތްބެކެވެ. ހިތާމައަކީ ކަމުގެ ހަޤީޤަތް ސާބިތުވެ، އެއީ ކިހިނެއް ހިނގިކަމެއްކަން އެނގުމުން، 'ފޯރިނަގާފައި' އުޅުނު ނޫސްވެރިންތަކާއި އިންސާނީ ޙައްޤަށް މަސައްކަތްކުރާ ޖަމާއަތްތައް 'ފިލާފައި' ވާތީއެވެ. އެހިސާބުން އިންސާނީ ޙައްޤުތަކަށް މަސައްކަތް ކުރާ ޖަމްއިއްޔާ ތަކުގެ ލޯތައް ކަނުވިފަދައެވެ. ދޫތަށް ބުރިވިފަދައެވެ. ނޫސްވެރިންގެ ޤަލަމުގެ ދެލިތަށް ހިކުނުފަދައެވެ. ކުޑަމިނުން ތިމަންނަމެންނަށް ދެއްކުނީ ޙަޤީޤަތެއް ނެތް ވާހަކައެކޭ ބުނާކަށްވެސް އެބޭފުޅުންގެ 'ތެދުވެރިކަން' ތަނެއް ނުދިނެވެ. ކުރެވުނު ތުހުމަތުތަކަށް އިތުބާރުހުރި ހެއްކެއް ދައްކައި ސާބިތު ނުކުރެވިގެން އުޅުނުއިރަކު މިބޭފުޅުން ހީވަނީ އެހެން ކަމެއްވެގެން އުޅޭބަޔެއް ހެނެވެ. "ޖާރިޔާ ކަށަވަރު ވެއްޖެ....ޖާރިޔާ ކަށަވަރުވެއްޖެ..." މިހެން ގޮވާއިރަކު ހީވަނީ ދުނިޔޭގައި އަލަށް ކަމެއްހިނގައިގެން އުޅޭހެނެވެ. ޙަޤީޤަތް ހާމަވެ ސާބިތުވުމުން، ތެދުހަދަން ލަދުގަތެވެ. ރައްތިޔުންނަށް ކަމުގެ އަސްލު އޮޅުންފިލުވައި ދިނުމަށް ފަސްޖެހުނެވެ. މިއީ އިންސާނީ ޙައްޤު ދިފާއުކުރަން އުޅޭ ބަޔެއްބާވައެވެ؟ މިއީ ޞައްޙަ މަޢުލޫމާތު ދިވެހިންނަށް ފޯރުކޮށްދޭން އުޅޭބަޔެއްބާވައެވެ؟ އަބުރާ ބެހުމުގެ ކުށަކީ މަދަނީ ކުށަކަށް ހަދަން އެބޭފުޅުން އެ ގޮވަނީ މަފަދަކަންތައްތައް ނުކުރޭވޭތީ ކަމައް ވެދާނެއެވެ.<br /><br />އެހިސާބުން އެ ނިސްބަތްކުރި އަންހެން ކުއްޖާގެ ޙައްޤަކީ ކޮބައިތޯއެވެ؟ އެކުއްޖާއަށް ލިބުނު ނަފްސާނީ ގެއްލުންތައް ކޮބައިތޯއެވެ؟ އެކުއްޖާގެ މައްޗަށް ކުރި ޒިނޭގެ ތުހުމަތުތައް ކޮބައިތޯއެވެ؟ މިއީ ދިވެހި ރާއްޖޭގެ ކޯޓެއްގައި ރަޖިސްޓްރީ ނުކޮށް ބަޔަކު ކައިވެނި ކުރި ފުރަތަމަ ފަހަރެއް ނޫނެވެ. ވީމާ، ޒިނޭނުކުރާ އަންހެން ކުއްޖެއްގެ ބޮލުގައި ޒިނޭގެ ތުހުމަތު އެޅުވުމަކީ ކުޑަ ޖަރީމާއެއް ނޫނެވެ.<br /><br />އާއެކެވެ. މިއީކީ އަޅުގަނޑަކާ ބެހޭކަމެއް ނޫނެވެ. ނަމަވެސް، އެވިދާޅުވާ އިންސާނީ ޙައްޤަކީ މިއީތޯއެވެ؟ އެވިދާޅުވާ މިނިވަން ނޫސްވެރިކަމަކީ މިއީތޯއެވެ؟ ކަންކަމުގެ ޙަޤީޤަތް އޮޅުވާލުންތޯއެވެ؟ ވަރުވަރުން ޒިނޭކުރާ ކުދިން އެތިބީ ތިބިތާނގައެވެ. ވަރުވަރުން ޅަ އަންހެން ކުދިންގެ އިއްފަތް ފޭރިގަންނަ މީހުނާ ފިރިހެން ކުދިންނާއެކު ޖިންސީގުޅުން ހިންގާމީހުން އެތިބީ ތިބިތާނގައެވެ. އައި ޖީ އެމް އެޗްގެ ރިޕޯޓްތަށް ދައްކާގޮތުން މިއަހަރުގެ މިހާހިސާބައް އައިއިރު 18 އަހަރު ނުފުރޭ 85 ކުއްޖަކު ޕްރެގްނެންސީ ޓެސްޓަށް ޕޮސިޓިވް ވެފައިވެއެވެ. އެކަންތަށް ތަހުގީގު ނުކުރެވެންވީ ކީއްވެތޯއެވެ؟ އިންޑިޔާގައާއި ލަންކާގެ ހޮސްޕިޓަލް ތަކުގައި 18 އަހަރު ނުފުރޭ ނުވަތަ ކައިވެނި ނުކޮށް ނަހަލާލަށް ބަލިވެއިދެފައިވާ ދިވެހި އެތަށް އަންހެން ކުދިންނެއް އެބޯޝަން ހެއްދުމަށް ގޮސްތިބިކަން އެފަދަ ބޭފުޅުންނަށްވެސް އެނގިލައްވާނެއެވެ. އެއިޑްސްގެ ވަބާގައި ޖެހިފައިވާ ފިރިހެނަކު އެތަކެއް އަންހެން ކުދިންނަކާއިއެކު ޖިންސީގުޅުން ހިންގަމުން ގޮސްފައިވާކަން ހަމަ މިބޭފުޅުންނަށް އެނގިނުލައްވަނީ ތޯއެވެ؟ ނަމަވެސް އެހުރިހާކަމެއް އެހެން އޮއްވައި ބޮޑުވެގެން މި އުޅުނީ ކައިވެނި ކޮއްގެން އުޅުނު ބަޔަކާ ހެދިއެވެ. ހީވާގޮތުން މައްސަލައަކަށްވަނީ ކައިވެނި ކުރީމައެވެ. ކައިވެނި ނުކޮށް ކޮންމެކަމެއް ކުރިއަސް އެންމެ ރަނގަޅެވެ.<br /><br />އަޚުންނާއި އުޚުތުންނޭވެ! އަޅުގަނޑު މިދަންނަވަން އުޅޭވާހަކަ އޮޅުވައި ނުލާށެވެ. ކައިވެނި ކުރުމަކާނުލައި ޖާރިޔާއިންގެ ނަމުގައި ކުދިން ގެންގުޅޭނަމަ އެކަން ކުށްވެރި ކުރެވެންޖެހޭނެއެވެ. އަޅުގަނޑުވެސް އެކަމާ އެއްބަހެވެ. ނަމަވެސް އެހިސާބުން ނިންމައި ނުލާށެވެ. ޖާރިޔާއިންގެ ނަމުގައި ނޫނަސް ކައިވެނިން ބޭރުގައި ހިންގޭ ޖިންސީގުޅުންތަށް ކުއްވެރި ކުރެވެން ޖެހޭނެއެވެ. އަނބިމީހާގެ އިތުރުން ސައިޑް ބިޓުންތައް ގެންގުޅޭމީހުން ކޮބާތޯއެވެ؟ އެ އަނބިމީހާގެ ޙައްޤެއް ނެތީތޯއެވެ؟ ނަހަލާލަށް ބަލިވެއިންނަ ދިވެހި އަންހެން ކުދިންތައް ކޮބާތޯއެވެ؟ ކަށަވަރުންވެސް 85 ކުދިން އައިޖީއެމް އެޗުން ހާމަކޮއްފައިވާއިރު، ފޯރިނަގާފައި އުޅެންވާނީ އެންމެ ކުއްޖެއްގެ ކަމަކާ އެކަންޏެއް ނޫނެވެ. އެހެން ނޫންތޯއެވެ؟ ހުރިހާ ކުދިންގެ މައްސަލަވެސް ބެލެންޖެހޭނެއެވެ. ޒިންމާވާ ފަރާތްތަކަށް އަދަބުވެސް ދެވެންޖެހޭނެއެވެ.<br /><br />ނަމަވެސް މިފަހަރު މިބޭފުޅުން މިއުޅެގަތީކީ ރަނގަޅު ވިސްނުމެއްގައެއް ނޫނެވެ. މިކަމުގައިވަނީ މުޅިން އެހެން މަޤްސަދެއްކަން މިބޭފުޅުންގެ އަމަލުތައް ހުރިގޮތުން އެނގެއެވެ. ހިއްތަކަށް 'ރަހުމު' ވަދެގެން އެއުޅެނީ އަންހެން ކުދިންގެ އިއްފަތްތެރިކަން ފޭރިގަންނާތީކީ ނޫނެވެ. ނުވަތަ އެހާ ކޮންބޮޑުކަމެއް އެފާޅުކުރަނީ ޤައުމުގައި ބޮޑެތި ޖަރީމާތަކާއި ބަދުއަޚްލާޤީ އަމަލުތަށް ކުރާމީހުން ގިނަވާތީއަކީ ނޫނެވެ. ވީމާ މިފަހަރު މިމައްސަލާގައި ޖަރީމާ ހިންގީ 'ޖާރިޔާ ގެންގުޅުނު މީހާ'އެއް ނޫނެވެ. ޖަރީމާ ހިންގި ބަޔަކީ އިންސާނީ ޙައްޤުތަކަށް މަސައްކަތްކުރާ 'މަޖުނޫނުންނެވެ'. ބުލޮގުތައް ހިންގާ 'ހީލަތްތެރިންނެވެ'. ނޫސްވެރިކަމުގައި އުޅޭ ދީނުގެ އަގީދާ ބަލިކަށިވެފައިވާ 'ޅޮހުންނެވެ'.</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-427704196161253618?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-63588715000221437692009-11-24T10:04:00.002Z2010-03-01T20:30:39.314Z<span style="font-size:130%;">މައުޟޫއާއިގެން ކުރިޔަށްދިޔުމުގެ ކުރިން ކުޑަ ވާހަކައެއް ދަންނަވާލާނަމެވެ. މާތްކަލާނގެ ކަލާމްފުޅު ކަމުގައި ޔަހޫދީންނާއި ނަސާރާއިން ދައުވާކުރަމުންދާ 'ބައިބުލް' އަކީ އެބައިމީހުންގެ އަމިއްލަ އެދުމާ އެއްގޮތަށް ބަދަލުކުރެވިފައިވާ ފޮތެއްކަމުގައި އަޅުގަނޑުވެސް ކުޑައިރުއްސުރެ އަހަމުއެވެ. ނަމަވެސް އެއީކީ އަޅުގަނޑަކާ ބެހޭކަމެއް ކަމަކަށް ނުހަދަމެވެ. އަދި އެކަމަކަށް ސަމާލުކަމެއް ވެސް ނުދެމެވެ. ދުވަސްތަށް ފާއިތުވަމުންގޮސް، ކުރިސްޓިއަންދީނަކީ ޙައްޤު ދީނެއްތޯ ނުވަތަ ނޫންތޯ ބަލަން އަޅުގަނޑުގެ ޟަމީރު އަޅުގަނޑަށް މަޖުބޫރު ކުރުވާފިއެވެ. އެއީ އަވައްޓެރި ލަންކާގައި އަޅުގަނޑު ކިޔަވަން އުޅެނިކޮށެވެ. ކޮލެޖުގައި އުޅުނު ނަސާރާދީނުގެ ކުއްޖަކު އެދީނުގެ ދައުވަތު އަޅުގަނޑަށް ދިނުމާހަމައިންނެވެ.<br /><br />އޭނާގެ ބޮޑުދައްތައަކީ ރާއްޖޭގައި 20 އަހަރަށްވުރެ ގިނަދުވަހު ކުރިސްޓިއަން ދީނުގެ ދައުވަތު ދިނުމަށް ޓީޗަރެއްގެ ގޮތުގައި މަސައްކަތް ކޮށްފައިވާ މީހެއްކަމުގައި އޭނާ ބުންޔެވެ. ކޮންމެއަކަސް މީނާގެ ދައުވަތުގެ ސަބަބުން އަޅުގަނޑަށް ކޮންމެވެސް ވަރެއްގެ އުދަގުލެއް ކުރިމަތި ވިއެވެ. ސަބަބަކީ އަޅުގަނޑަށް އޮތީ 2 ގޮތުންކުރެ 1 ގޮތެވެ. އެއީ އޭނާގެ ކިބައިން 'ރެކި'ގަތުމެވެ. ނުވަތަ އޭނާގެބަސް ޤަބޫލުކުރުމެވެ. އޭނާއަކީ 'ކުލާސްމޭޓް'އަކަށްވުމުން ރެކިގަތުމަކީ ފަސޭހަކަމެއް ނޫނެވެ. އޭނާ ބުނާބަހުގެ ޙަޤީޤަތް ނުބަލާ އެބަސް ޤަބޫލުކުރާކަށްވެސް ބޭނުމެއް ނޫނެވެ. އެހެންކަމުން ކުރިސްޓިއަންދީނަކީ ކޮބައިތޯ ބަލަން އަޅުގަނޑަށް މަޖުބޫރުވިއެވެ. އޭގެފަހުން އަހަރެންގެ ކިބައިން ރެކެން މަސަތްކަތްކުރީ އޭނާއެވެ. އެވާހަކައިގެ ތަފްސީލު އެހެން ލިޔުމެއްގައި ﷲ އިރާދަކުރެއްވިއްޔާ ގެންނާނެމެވެ. ކޮންމެއަކަސް މައުޟޫއާއިގެން ކުރިޔަށްދާނަމެވެ.<br /><br />ނަސާރާއިން މާތްކަލާނގެ ކަލާމްފުޅުކަމުގައި ދައުވާކުރާ ބައިބުލްއާއިމެދު އަޅުގަނޑު ކުރި ދިރާސާތަކުން އެންމެ ފުރަތަމަ ސާބިތުވީ ކަމަކީ، ބައިބުލްއަކީ ޙަޤީޤަތުވެސް ބަދަލުކުރެވިފައިވާ ފޮތެއްކަމެވެ. އެއީކީ ހަމައެކަނި މުސްލިމުން ޤަބޫލުކުރާ ގޮތެއް ނޫންކަންވެސް ސާބިތުވިއެވެ. އަދި ކިއެއް އެއީ ކުރިސްޓިއަންދީނުގެ ޢިލްމުވެރިންވެސް ޤަބޫލުކުރާ ކަމެކެވެ. ޢީސާއަލަހި ސަލާމް ވާހަކަފުޅު ދެއްކެވި އަސްލު ބަހަކީ ހިބުރޫ ބަސް ކަމުގައި ވާއިރު، ހިބުރޫ ބަހުން ނިއު ޓެސްޓްމެންޓްގެ އަސްލު ފަތްފޮތްތަށް ފެންނާކަށް ނެތެވެ. މިއަދު ނިއުޓެސްޓްމެންޓްގެ އަސްލުފަތްފޮތްތަށް ކަމުގައިބުނާ ފޮަތްތަށް ފެންނަންހުރީ ގުރީކް ބަހުންނެވެ. އަދި އެފޮތްތަށް ލިޔެވިފައިވަނީ އެކަނލޭގެފާނު އުޑަށް އުފުއްލެވިތާ އެތަށް އަހަރެއްވީފަހުންނެވެ. އެޔައްފަހު އެފޮތްތަކަށް ނަންދެވިފައިވަނީ އެހެން ބަޔަކަށް ނިސްބަތްވާ އެއްޗެއްގެ ގޮތުގައެވެ. މިސާލަކަށް 'ގޮސްޕެލް އޮފް ލޫކް' ނުވަތަ ލޫކްގެ ގޮސްޕެލް އަދި 'ގޮސްޕެލް އޮފް ޖޯން' ޖޯންގެ ގޮސްޕެލް މިފަދަ ގޮތަކަށެވެ. 'ގޮސްޕެލް އޮފް ޖީސަސް' ނުވަތަ އީސާގެފާނުގެ އިންޖީލު މިހެންނެއް ނޫނެވެ. މިއީވެސް އަޖައިބެކެވެ. އެއީ ޢީސާ އަލަހި ސަލާމްގެ މައްޗަށް ބާވާލެއްވުނު ފޮތެކެވެ. އެހެންނަމަވެސް، އެކަލޭގެފާނު ވާހަކަފުޅު ދެއްކެވި ބަހުން އެފޮތުގެ އަސްލު ފެންނާކަށް ނެތެވެ. އަދި އަދި އެފޮތުގެ ނަންވެސް ދެވިފައިވަނީ އެހެން މީހަކަށް ނުވަތަ ބަޔަކަށް ނިސްބަތްވާ ގޮތަށެވެ.<br /></span><span id="fullpost" style="font-size:130%;">ބައިބުލްގެ 'އޯލްޑް ޓެސްޓެމެންޓް' އަކާ 'ނިއު ޓެސްޓްމެންޓް' އެއް ވެއެވެ. އޯލްޑް ޓެސްޓްމެންޓްގައި ވަނީ ޢީސާ އަލައިހިސަލާމްގެ ކުރިން ޔަހޫދީންގެ ގާތަށް ވަޑައިގެންނެވި ރަސޫލުންގެ ވާހަކަފުޅުތަކެވެ. ނިއުޓެސްޓްމެންޓްއަކީ ޢީސާ އަލަހިސަލާމްގެ ވާހަކަފުޅުތަށް ބަޔާންކުރެވިފައިވާ ފޮތްތަކެވެ. މި ދެ ޓެސްޓްމެންޓްއާމެދުވެސް ނަސާރާ ދީނުގެ ބޮޑެތި ޢިލްމުވެރިންގެ މެދުގައި ހިލާފު އުފެދިފައި ވެއެވެ. ބައިބުލްގެ ބަޔެއް ފޮތްތަކަކީ މާތްކަލާނގެ ކަލާމްފުޅުކަމުގައި ނަސާރާ ދީނުގެ ބަޔެއް ޢިލްމުވެރިން ޤަބޫލުކުރާއިރު، އަނެއްބައި ޢިލްމުވެރިން އެފޮތްތަކަކީ ސާބިތު ނުވާ ފޮތްތަކެއް ކަމުގައި ބުނަމުން ދެއެވެ.<br /><br />މިސާލަކަށް، ކެތޮލިކު ނަސާރާއިން (ނަސާރާއިންގެ ޤުރޫޕެއް) ޤަބޫލުކުރާ ގޮތުގައި، މުޅި ބައިބުލްގައި 73 ފޮތް ވެއެވެ. އެއީ އޯލްޑް ޓެސްޓްމެންޓްގެ 43 ފޮތާ ނިއުޓެސްޓްމެންޓްގެ 27 ފޮތެވެ. އެހެންނަމަވެސް ޕްރޮޓެސްޓެންޓް ނަސާރާއިން (ނަސާރާއިންގެ ޤުރޫޕެއް) ޤަބޫލުކުރާގޮތުގައި މުޅި ޖުމްލަ ބައިބުލްގައިވަނީ 66 ފޮތެވެ. އެއީ އޯލްޑް ޓެސްޓެމެންޓްގެ 39 ފޮތާ، ނިއު ޓެސްޓެމެންޓްގެ 27 ފޮތެވެ. އެމީހުން ޤަބޫލުކުރާގޮތުގައި ކެތޮލިކު ނަސާރާއިން ޤަބޫލުކުރާ އިތުރު 7 ފޮތަކީ އެއީ އެ ފޮތްތަކާމެދު ޝައްކުހުރި ފޮތްތަކެވެ. އެހެންގޮތަކަށް ދަންނަވަނީނަމަ، އެއީ އިލާހީ ވަހީބަސްފުޅުކަން ސާބިތުކުރެވެން ނެތް ފޮތްތަކެވެ. އެޔަށްވުރެވެސް ސާފު އިބާރާތުން ދަންނަވާނަމަ އެއީ ހަދާފައިވާ ފޮތްތަކެވެ.<br /><br />އަދި މީގެއިތުރުން މި ދެޓެސްޓްމެންޓްގައިވެސް އެކިކަހަލަ ކުށާއި، އެއް އާޔަތާއި އަނެއް އާޔަތް ފުށޫ އަރާ އެތަށް ތަނެއް ވެއެވެ. ލިޔުން ކުރުކޮށްލުމުގެ ގޮތުން އެހުރިހާ ތަފްސީލަކަށް ނުގޮސް މައުޟޫއާއިގެން ކުރިޔަށް ދާނަމެވެ.<br />މި ފަހުގެ ތާރީޚެއްގައި ބައިބުލްއަށް އެންމެ ބޮޑު ބަދަލެއްގެނެސްފައިވަނީ 1973 ގައި ޝާއިއުކުރި 'ނިއު އިންޓަނޭޝަނަލް ވާޝަން' ގައެވެ. މިބައިބުލްގެ އިމްލާ ކުށްތަށް ރަގަނޅުކުރުމަށްފަހު ރަސްމީކޮށް ޝާއިއުކޮށްފައިވަނީ 1978 ގައެވެ. އަދި އޭގެފަހުން 1983ގައިވެސް ރިވައިޒްޑް ކުރެވިފައި ވެއެވެ. އަދި މިއަހަރު، 2009 ވަރަ އަރުގެ ސެޕްޓެންބަރ މަހުގައިވެސް މި ބައިބުލް ރިވައިޒްޑް ކުރެވިފައި ވެއެވެ. މި ބައިބުލް ވުޖޫދަށް ގެނައުމަށްޓަކައި، ނަސާރާއިންގެ ތަފާތު 20 ޑިނޯމިނޭޝަނަކުން (އަޤީދާގައި ކުދި ނުވަތަ ބޮޑެތި ތަފާތުތަށް ހުރި ނަސާރާއިންގެ 20 ޤުރޫޕަކުން) ބައިވެރިވެފައި ވެއެވެ. އަދި ދުނިޔޭގެ އެކި ކަންކޮޅުތަކުން 100 އަށްވުރެގިން ނަސާރާއިންގެ ޢިލްމުވެރިން ބައިވެރިވެފައި ވެއެވެ. މުރާޖައާކުރުމަށް މައިގަޑު 15 ޢިލްމުވެރިންގެ ކޮމެޓީއެއް އެކުލަވާލާފައި ވެއެވެ.<br /><br />ފާހަގަ ކޮށްލަންޖެހޭ ނުކުތާއަކީ މި ނިޔު އިންޓަނޭޝަނަލް ވާޝަން ވުޖޫދަށްއައި އިރު، ކުރީގެ މަޝްހޫރު ބައިބުލްގެ ވާޝަންތަކުގައިވާ 17 އާތަށް ވަނީ އެއްކޮށް ފުހެލެވިފައެވެ. ފުހެލެވުނު ސަބަބެއްކަމަށް ބައިބުލްގެ ޢިލްމުވެރިން ވިދާޅުވަނީ، ގުރީކުބަހުން ހުރި ބައިބުލްގެ އަސްލު ފަތްފޮތްތަކުން، އެ އާޔަތްތައް ސާބިތުވާން ނެތުމެވެ. (އޭގެ މާނައަކީ އެއާޔަތަކީ ހަދައި އިތުރުކޮށްފައިވާ އާޔަތެކެވެ.) މި ފުހެލެވުނު 17 އާޔަތުގެ ތެރޭގައި ދިވެހި ބަހަށް ތަރުޖަމާ ކުރެވިފައިވާ ބައިބުލްގެ ބަޔެއް ކަމުގައިވާ ގޮސްޕެލް އޮފް ލޫކްގެ 2 އާޔަތް ވެއެވެ. އެއީ ލޫކާސް 17ވަނ ބައިގެ 36ވަނަ އާޔަތާ، ލޫކާސް 23ވަނަ ބައިގެ 17ވަނަ އާޔަތެވެ. މިސާލަކަށް (އެތަރުޖަމާ ކިޔުމުގެ ފުރުސަތު ލިބިއްޖެނަމަ) ލޫކާސްގެ ދިވެހި ތަރުޖަމާގެ، 17ވަނަ ބައިގެ 36ވަނަ އާޔަތް ފެނިލައްވާތޯ ބައްލަވާށެވެ. ނުފެންނާނެއެވެ. 35ވަނަ އާޔަތާ ޖެހިގެން އިންނާނީ 37ވަނަ އާޔަތެވެ. އެއީ ނިއުއިންޓަނޭޝަނަލް ވާޝަންގައިވެސް ވާގޮތަށެވެ. އެހެން ނަމަވެސް އެއީ އޭގެއަސްލު ފެންނަންނެތް ހަދާފައިވާ އާޔަތްތަކެއް ކަމުގައި ބުނެ ނިއު އިންޓަނޭޝަނަލް ވާޝަންއިން ފުހެލެވިފައިވާ ލޫކަސް 23ވަނަ ބައިގެ 17 ވަނަ އާޔަތް ދިވެހިތަރުޖަމާގައި ހިމަނާފައި ވެއެވެ. ނިއު އިންޓަނޭޝަނަލް ވާޝަން ނެރުއްވި ބައިބުލްގެ ޢިލްމުވެރިން އެއާޔަށް ފުހެލާފައިވާއިރު ދިވެހިބަހަށް ކުރެވުނު ތަރުޖަމާގައި އެފަދަ ސާބިތު ނުވާ އާޔަތެއް ހިމެނީ ކީވެގެންބާއޭ ހިތަށް އަރާފާނެއެވެ؟ ޖަވާބު އިގިލައްވާނީ ހަމަ އެތަރުޖަމާ އެކުލަވާލެއްވި ބަޔަކަށެވެ.<br /><br />މިތާނގައި ލޫކަސްގެ ދިވެހި ތަރުޖަމާގެ ވާހަކަ މިގެނައީ ވަކިބަޔަކާ ޖައްސާލުމުގެ ނިޔަތަކު ނޫނެވެ. މަޤްޞަދަކީ ނަސާރާއިންނާއި މުސްލިމުންނަށްވެސް، މި ބަދަލުތަކުގެ މަޢުލޫމާތު ދިނުމެވެ. ސަބަބަކީ ނަސާރާދީން ފަތުރާ ގިނަމީހުންނަށްވެސް މި ބަދަލުތަކުގެ ޙަޤީޤަތް ނޭންގެއެވެ. އަދި އެގުނުކަމުގައިވިއަސް އެހެންމީހުނަށް އޮޅުވާލައެވެ. އެހެންކަމުން ނޭންގިތިބެ ނަސާރާދީން ފަތުރާ މީހުންގެ މަޅީގައި ވަރަށްގިނަ ދިވެހިން ޖެހެމުންދެއެވެ. ޙަޤީޤަތަކީ، މާތްރަސްކަލާނގެ ބަސްފުޅުތަކަކީ އެއްދުވަހު އެކަލާނގެ ބަސްފުޅެއްގެ ގޮތުގައި ސާބިތުވާން އޮވެފައި، އަނެއްދުވަހު އެކަލާނގެ ބަސްފުޅެއްގެ ގޮތުގައި ސާބިތުވާން ނެތުން ނޫންކަން، ކިރިޔާވެސް ބުއްދިއެއްހުރި (ކަމުގެ ދެކޮޅުބަލާ) އިންސާނަކަށް އެގެންވާނެއެވެ. އެގޮތަށް އެއްދުވަހު އިތުރުކޮށްފައި އަނެއްދުވަހު ފުހެލުމުން ދޭހަވަނީ އެއީ މާތްރަސްކަލާނގެ ފުރިހަމަ ކަލާމްފުޅެއް ނޫންކަމެވެ. މީހުން ހަދާފައިވާ އެއްޗެހިކަމެވެ.</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-6358871500022143769?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-16530047483660510722009-11-23T11:24:00.001Z2009-11-30T00:21:49.494Z<span style="font-size:130%;">ރަލަކީ އިންސާނާއަށް ގެއްލުން ދޭއެއްޗެއްކަމީ އެއްވެސް އިންސާނަކު ދެބަސްވާކަމެއް ނޫނެވެ. އެއީ އެއްއިރެއްގައިވެސް އަބުރުވެރިން ކޮއްއުޅުކަމެއް ނޫނެވެ. ސަބަބަކީ އެކަމުންލިބޭ ވަގުތީ ފައިދާއަށްވުރެ އެކަމުންލިބޭ ދާއިމީ ގެއްކުން ބޮޑުކަމެވެ. އަދި ފަރުދީ ގެއްލުން ތަކުގެ އިތުރުން އެކަމަކީ މުޖުތަމައުގައި ފާހިޝްއަމަލުތަކަށް މަގުފައި ކޮއްދޭ ވަސީލަތެކެވެ. ތަޅާފޮޅުމަށް މަގުފައިކޮއްފޭ ނުބައި ހަތިޔާރެކެވެ. އަމަން އަމާންކަން ގެއްލުވާލާ ވަބާއެކެވެ. އެހެންކަމުން އެކަމުން ލިބޭ ފަރުދީ ގެއްލުމުގެ އިތުރުން އެކަމަކީ މުޅިޤައުމަށްވެސް ހުރި ބޮޑު ވަބާއެކެވެ.<br /><br />އެމެރިކާގައި ކޮއްފައިވާ ބަޔެއް ސަރވޭތައް ދައްކާގޮތުން އެޤައުމުގައި ކޮންމެ އަހަރަކު އެވްރެޖުކޮށް 25000 މީހުން ރާބުއިމާއި ގުޅިގެން ދިމާވާ އެކި ހާދިސާތަކުގައި މަރުވެފައި ވެއެވެ. އެއީ އެވަރެޖުކޮށް ދުވާލަކު 6 މީހުން ނުވަތަ 7 މީހުނެވެ. އަދި މީގެއިތުރުން އެމެރިކާގައި ދުވާލަކު 1870 އަންހެން ކުދިން ރޭޕުކުރެވޭއިރު، އެމެރިކާގެ އެފް ބީ އައި އިން ނެރިފައިވާ ރިޕޯޓެއް ބުނާގޮތުން ރޭޕްކޮއްލެވިގެން ރިޕޯޓްކުރެވޭ 60-85% ހާދިސާތަކާއި ގުޅިފައިވަނީ ރާބުއިމެވެ. އެއީ އަންހެން ކުއްޖާ ރާބޮއިގެން ހުރުން ނުވަތަ ރޭޕުކުރާމީހާ ރާބޮއިގެން ހުރުމެވެ. ދެންވެސް ދުނިޔޭގައި ރާވިއްކުން އާންމުވެފައިވާ ޤައުމުތަކުގެ ކުރިމިނަލް ރިޕޯޓްތަކަށް ބަލާލާއިރު، ދައްކުވައި ދެނީ މިފަދަ ނަތީޖާތަކެވެ.</span><span id="fullpost" style="font-size:130%;">ދުނިޔޭގެ ސިއްހަތު ޖަމިއްޔާ ޑަބްލިޔު އެޗް އޯ އިން ރާބުއިމާ ޖިންސީހާނިއްކަ މި މައުޟޫގެ މައްޗަށް ދުނިޔޭގެ ތަފާތު 8 ގައުމެއްގައި ހަދާފައިވާ ރިސާޗެއްގެ ރިޕޯޓް 2005ވަނަ އަހަރު ޖެނީވާގައި ނެރިފައި ވެއެވެ. މި ރިޕޯޓްގެ 7 ސަފްހާގައި ބުނެފައިވާގޮތުން 'ގްރޫޕް ސެކްސް' އާއި އެދުން ފުއްދުމުގައި ފުރަގަސްފަރާތް ބޭނުންކުރުމާއި، އެއްޖިއްސުން ގުޅުންހިންގުންފަދަ ނޭދެވޭ ޖިންސީ ގުޅުންތަށް އެޤައުމުތަކުގައި ހިންގާފައިވަނީ ރޯބޮއިގެން ތިބެ ކަމުގައެވެ. ނުވަތަ ކުދިންނަށް ރާދީ މުސްތު ކުރުވައިގެން ކަމުގައެވެ. އަދިވެސް އެ ރިޕޯޓްގެ 8ވަނަ ސަފުހާގައި ބުނެފައިވާ ގޮތުން ރޭޕުކުރުމާއި، އެހެންވެސް ޖިންސީ ގޯނާކުރުންތައް އެންމެ ގިނައިން ހިނގާފައިވަނީ ރާ ވިއްކާ ބާރ ނުވަތަ 'ބްލެކް ރޫމް' ނުވަތަ ނައިޓްކުލަބު ތަކުގައި ކަމުގައެވެ. ނުވަތަ އެތަންތަނާއި ކައިރި ހިސާބުތަކުގައެވެ. އެހެންކަމުން މިފަދަ ކަންކަމާއި އެ ޖަމިއްޔާއިން ކަންބޮޑުވާކަމުގައި އެރިޕޯޓްގައި ބުނެފައި ވެއެވެ.<br /><br />ދުނިޔޭގެ އެކި ޖަމިއްޔާތަކުގެ ރިޕޯޓުތަކާއި ސާވޭތައް ރާބުއިމުގެ ނުރައްކާތެރިކަމުގެ ސިގުނަލްތައް މިއަދު ދެމުންދާއިރު، އޭގެމާކުރިން ދުނެޔޭގައިވާ އެންމެހާ ދީންތަކުގައިވެސް އެކަން ވަނީ ގޯސްކަމެއްގެ ގޮތުގައި ބަލާފައެވެ. ދުނިޔޭގެ ވަރަށްގިނަ ދީންތަކުގައި ރަލަކީ އެދީންތަކުގެ އެންމެ ބޮޑު 5 ފާފައިގެ ތެރެއިން 1 ފާފައެވެ. ރާބުއިމާއި އެވިއްކުމަކީވެސް އެ ދީންތަކުގައި މަނާކަމެކެވެ. މިއަދު ރާ އެންމެގިނައިން ބޭނުންކުރަމުންދާ ޔޫރަޕުގެ މައިގަނޑު ދީންކަމުގައިވާ ނަސާރާ ދީނުގައިވެސް އެކަން ކުރުމާއި އެކަން ފެތުރުން ވަނީ މަނާކޮށްފައެވެ. އެމީހުންގެ މުގައްދަސް ފޮތްކަމުގައިވާ ބައިބުލްގައި އައިސްފައި ވެއެވެ. "(ތިޔަބައި މީހުން) ވައިން (ރާ) ބޮއިގެން މަސްތުނުވާށެވެ. (އެހެނީ) އެކަމުގެ ސަބަބުން އެންމެހާ ފާފަތަކަށް (ނުބައިކަންތަކާ ފަސާދައަށް) މަގުފަހި ކޮއްދެއެވެ." (އެފެސިއަންސް 5ވަނަބައި 18ވަނަ ވާސް)<br />އަދިވެސް އައިސްފައި ވެއެވެ. "ވައިންއަކީ (ރަލަކީ) މަލާމާތްތެރިއެކެވެ. އަދި ބިޔަރަކީ (ރަލަކީ) ތަޅާފޮޅުންތެރިއެކެވެ. (އެބަހީ ރަލަކީ އެފަދަ ކަންކަމަށް މަގުފަހިކުރާ އެއްޗެކެވެ.) ފަހެ އެތަކެތީގެ ސަބަބުން މަގުފުރެދިގެންދާ މީހުންނަކީ ބުއްދިވެރިންނެއްނޫނެވެ." (ޕްރޮވާބްސް 20ވަނަބައި 1ވަނަ ވާސް)<br /><br />ރާބުއިމަކީ މިފަދަ ގޯސްކަމަކަށްވާއިރު، މިއަދު ދުނިޔޭގެ އެންމެ ކުރިއަރާފައިވާ ގައުމުކަމުގައިވާ އެމެރިކާގައި، 1920– 1933 އަށް ރާ އުފެއްދުމާއި، ރާވިއްކުމާއި ރާބުއިންވެސް މަނާކޮއްފައި ވެއެވެ. އަދި ދުނިޔޭގެ ކުރިއަރާފައިވާ ޤައުމެއް ކަމުގައިވާ ކެނެޑާގައި 1917 – 1919 އަށް ރާ އުފެއްދުމާއި، ރާބުއިމާ، ރާވިއްކުންވަނީ މަނާކޮއްފައެވެ. އަދިވެސް ދުނިޔޭގެ ވަރަށްގިނަ ޤައުމުތަކުގައި އެކިދުވަސްވަރުމަތިން ރާބުއިމާއި ވިއްކުން މަނާކޮށް އަދި ހުއްދަކުރަމުންވެސް ދެއެވެ. މިހިސާބުން އުފެދޭ ސުވާލަކީ، ދުނިޔޭގެ އެންމެހާ ބޮޑެތި ދީންތަކެއްގައި ހަރާމް ކުރެވިފައިވާ މިފަދަކަމެއް، އަދި ދުނިޔޭގެ އެންމެންވެސް ޤަބޫލުކުރާ ގޮތުގައި އެބޯ މީހާއަށާއި، އެއާންމުވެފައިވާ މުޖުތަމައަށްވެސް ނުރައްކަލާއި ގެއްލުންދޭ މިފަދަވަބާއެއް، ގިނަ ޤައުމުތަކުގައި މިއަދު ހުއްދަކުރެވި އާންމުވެފައިވަނީ ކޮންސަބަބަކާ ބާވައެވެ؟ ތާރީޚަށްޖެހިލާއިރު، ޤާނޫނީގޮތުން އެކަން ހުއްދަ ކުރެވި، އާންމުންގެ ތެރޭގައި އެކަން އާންމުކުރެވޭ މައިގަޑު 3 ސަބަބެއް ވެއެވެ. އެއީ:<br /><br />1- އިންސާނުން މާއްދިއްޔަތަށް ބޯލަބާފައިވާލެއް ބޮޑުކަމުން، އެކަމަކީ ގޯސްކަމެއްކަން އެގިތިބެވެސް، އެކަމުން ލިބޭ ވަގުތީ އަރާމަކަށްޓަކައި ނުވަތަ ދުނިޔެވީ ވިޔަފާރީގެ ފައިދާއަކަށްޓަކައި އެކަން ކުރަނީއެވެ. ރާބުއިމަކީ ފާފައެއްކަން އަންގަވާ ކީރިތި ޤުރުއާނުގެ ބަގަރާސޫރަތުގެ 219 މާތްﷲ ވަޙީ ކުރައްވާފައި ވެއެވެ. "... އެދެކަމުގައިމެ (ޖުވާކުޅުމާއި ރަލުގައި) ބޮޑުވެގެންވާ ފާފަ ވެއެވެ. އަދި އޭގައި މީސްތަކުންނަށް ފައިދާ ވެސް ވެއެވެ. ނަމަވެސް އެއިން ލިބޭ މަންފާއަށްވުރެން ލިބޭ ފާފަ މާބޮޑެވެ..." އިންސާނުން މާއްދިއްޔަތަށް ގޮސްފައި ތިބޭވަރުން، އޭގައިވާ ގެއްލުމުގެމަތިން ހަދާން ނައްތާލަނީއެވެ. ވިސްނެނީ ހަމައެކަނި އޭގައި އެކުލެވޭ ދުނިޔެވީ ފައިދާގެ މަތިންނެވެ.<br /><br />2- ދީނާއި ސިޔާސަތާ ވަކިކޮއްލުން ނުވަތަ ދީނާއި ދިރިއުޅުމާ ވަކިކޮށްލުން. އޭގެސަބަބުން އިންސާނުން ރޫހާނިއްޔަތުގެ މަތިން ހަދާންނެތި، ހަމައެކަނި މާއްދިއްޔަތަށް ބޯލަބަންފެށިއެވެ. އެހިސާބުން އިންސާނާ މަރުމަތިން ހަދާން ނެތެއެވެ. ކުރިން މިދެންނެވި ދުނިޔެވީ ފައިދާ ހާޞިލްކުރުމައްޓަކައި ވަގުތީ އަރާމަކަށްޓަކައި އެކަން ކުރަނީއެވެ.<br /><br />3- އޭގެއިތުރުން ތާރީޚު ހެކިދޭ އެންމެބޮޑު އެއްސަބަބަކީ ވެރިންގެތެރޭގައި އެކަން ކުރަންބޭނުންވާ ބޭފުޅުން އުޅުއްވުމެވެ. އެހެން ގޮތަކަށް ދަންނަވާނަމަ ވެރިންގެ ތެރޭގައި އަބަދު ހަމާގައި ތިބެން ބޭނުންނުވާ ބޭފުޅުން އުޅުމެވެ. އެހެންކަމުން އެކި ދީންތަކަށް ނިސްބަތްވާ އެކި ޤައުމުތަކުގެވެރިން، އެބޭފުޅުން ނުވަތަ އެބޭފުޅުންގެ އަރިހުގައި އުޅުއްވާ ބޭފުޅުން އެކަންކުރަން ބޭނުންވާތީވެ، ކޮންމެވެސް ނަމެއްގައި ޤާނޫނީގޮތުން އެކަން ހުއްދަކުރަނީއެވެ. މިއީ ރަލުގެ އިތުރުން އެއްޖިއްސުން ގުޅުން ހިންގުންވެސް ޤައުމުތަކުގައި ހުއްދަވީ ގޮތެވެ. އެއްޖިންސުން ގުޅުން ހިންގުމަކިވެސް ދީނީގޮތުން މަނާ އަދި ސިއްޙީގޮތުން އެތަށް ގެއްކުމެއްހުރި ކަމެއްކަން އެނގޭއިރުގައިވެސް އެކަން ހުއްދަކުރެވިފައިވަނީ އެޤައުމުތަކުގެ ޕާލަމެންޓްގައި އެކަން ކުރައްވަން ބޭނުންފުލުވާ ބޭފުޅުން އުޅުއްވުމެވެ.<br /><br />ކޮންމެއަކަސް، އަޅުގަނޑުމެންގެ ތެރޭގައި އެންމެ ފުރަތަމަ ރިސޯޓް ތަކުގަޔާއި ޔޮޓްތަކުގައި ރާވިއްކުން ހުއްދަ ކުރެވުނު ގޮތަށް ބެލިޔަސް، ތާރީޚުން ސާބިތުވާ މިހިރަ ސަބަބުތަށް އެ ހުއްދަކުރެވުނު ސަބަބު ތަކުގެތެރޭގައި ވެއެވެ. އަޅުގަނޑު ހިތުން މިއަދުވެސް ކަންވަމުން މިދަނީ އެފަދަ ގޮތަކަށެވެ. މިއީ އަޅުގަނޑުމެން އެކަމާއި ވަރަށް ފުންކޮށް ވިސްނަންޖެހޭ ކަމެކެވެ. ކަންބޮޑުވާންޖެހޭ ކަމެކެވެ.</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-1653004748366051072?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-89266223391694650682009-11-19T11:29:00.002Z2009-12-06T04:07:21.961Z<span style="font-size:130%;"><object height="344" width="425"><param name="movie" value="http://www.youtube.com/v/WLxRb-Tz8Jw&amp;hl=en_US&amp;fs=1&amp;"><param name="allowFullScreen" value="true"><param name="allowscriptaccess" value="always"><embed src="http://www.youtube.com/v/WLxRb-Tz8Jw&amp;hl=en_US&amp;fs=1&amp;" type="application/x-shockwave-flash" allowscriptaccess="always" allowfullscreen="true" height="344" width="425"></embed></object><br />ހުރިހާ ނުބައި ކަމެއްގެ މަންމަ – ރާބުއިން<br />ވޯޑް ހެލްތު އޮގަނައިޒޭޝަންގެ (ރިޕޯޓްތަށް) ބުނާގޮތުން ކޮންމެ އަހަރަކު އެތައް މިލިޔަން މީހުނެއް ރާބުއިމުގެ ސަބަބުމްމަރުވެއެވެ. މަސައްކަތުގެ ދާއިރާގައި އަޅުގަނޑުގެ އެކުވެރި ޞިއްޙީ ޑޮކްޓަރުން ބުނުއްވަނީ ރާބުއިމަކީ (ނުވަތަ އެކަމަށް ދެވިހިފުމަކީ) މިއަދު އެއީ ބައްޔެއް ކަމުގައެވެ. އެހެންކަމުން ވަކި މިންގަޑެއްގެ ތެރޭގައި ރާބޯ ބަލިމީހުނަށް ބަލިމީހުނަށް އަޅާލާފަދައިން އަޅާލަންޖެހޭނެކަމުގައި އެމީހުންބުނެއެވެ.</span> ތަރުޖަމާ:<span id="fullpost" style="font-size:130%;">ރާބުއިމަކީ އަސްލު ހަޤީޤަތުގައި ބައްޔެއްކަމަށް ވާނަމަ:<br />ފުޅިއަށް އަޅައިގެން ވިއްކޭ (ވިޔަފާރިކުރެވޭ) ހަމައެކަނި ބައްޔަކީ ރާބުއިމެވެ.<br />ނޫސްތަކުގަޔާއި، މެގަޒިންތަކުގަޔާއި، ރޭޑިއޯއާއި ޓީވީގެ ޒަރީޔާއިން (ބަލިވުމަށް ގޮވާލައި) އިޝްތިހާރުކުރެވޭ ހަމައެކަނި ބައްޔަކީވެސް އެއީއެވެ.<br />އަދި (ސަރުކާރުތަކުގެ) ހުއްދަ ލައިސަންސް ލިބިގެން ފަތުރައި އާންމުކުރާ ހަމައެކަނި ބައްޔަކީވެސް އެއީއެވެ.<br />އަދި އެބައްޔެއް ފަތުރައިގެން ސަރުކާރުގެ ބައިތުލްމާލަށް ފައިދާ އިތުރުކުރާ ހަމައެކަނި ބައްޔަކީވެސް އެއީއެވެ.<br />އަދި ބޮޑެތި މަގުތަކުގައި އަނިޔާވެރި އެކްސިޑެންޓްތަށް ހިގުމަށް މެދުވެރިވާ ބައްޔަކީވެސް އެއީއެވެ.<br />އެއީ އާއިލާތަކުގެ ދިރިއުޅުން ހަލާކުކޮށް ބަރުބާދުކޮއްލާ ބައްޔެކެވެ.<br />އަދި އެއީ އިންސާނުންގެ ތެރޭގައި ޤަތުލުއާމު އާންމުވުމަށް މަގުފަހިކުރާ ބައްޔެކެވެ.<br />އެއީ ގުޅަބޭހަކުން ފަރުވާނުކުރެވޭ ހަމައެކަނި ބައްޔެވެ.<br />ނަމަވެސް،<br />އަހަރުމެންގެ ނެތުމުގެ ތެރެއިން އުފެއްދެވި ކަލާނގެ، އެކަނލާގެ އެންމެ ފަހުން ބާވާލެއްވި ކީރިތި ޤުރުއާނުގެ ސޫރަތުލް މާއިދާގެ 90 އާޔަތުގައި އަންގަވަނީ:<br />"އޭ އީމާންވެއްޖެ މީސްތަކުންނޭވެ! ހަމަކަށަވަރުން، ރާއާއި، ޖުވާކުޅުމާއި، އަޅުކަންކުރަން ހަދާފައި ހުންނަ ބުދުތަކާއި، ނަސީބު ހުރިގޮތް ބަލަން ގެންގުޅޭ ދުނިދަނޑިތަކަކީ ޝައިތާނާގެ ޢަމަލުތަކުގެ ތެރެއިންވާ މުޑުދާރު ތަކެއްޗެވެ. ފަހެ ތިޔަބައިމީހުން އެކަންތަކާ ދުރުވެގަންނާށެވެ. އެއީ ތިޔަބައިމީހުން ދިންނަވައި ނަސީބު ލިބުމަށްޓަކައެވެ."<br />އެހެންކަމުން ރާބުއިމަކީ ބައްޔެއް ނޫނެވެ.<br />އެއީ ޝައިތާނާ ފަހިކޮއްދޭ ޝައިތާނާގެ ޢަމަލެކެވެ. އެހެންކަމުން ރާބުއިމާ ދުރުހެލިވެގަނަންނާށެވެ. އޭރުން ދިންނަވާ ނަސީބުލިބޭ ބަޔަކަށްވާނެއެވެ.</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-8926622339169465068?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-51619564770579919732009-11-19T11:18:00.001Z2009-11-30T00:14:03.470Z<span style="font-size:130%;">ޔަމަނުގެ ޅައަންހެން ކުއްޖަކު ވިހެއުމުގެ ތެރޭގައި މަރުވި ވާހަކަ ދުނިޔޭގެ މަޝްހޫރު ނޫހެއްކަމަށްވާ ސީ އެން އެން ގެ 'ފަލަ' ސުރުޚީގައި 14 ސެޕެޓެމްބަރުވީ ދުވަހުގައި ލިޔެފައި ވެއެވެ. މިލިޔުމުގައި ދުނިޔެއަށް ދީފައިވާ މެސެޖަކީ، އެ އަންހެން ކުއްޖާ ވިހެއުމުގެ ތެރޭގައި މަރުވުމުގެ ސަބަބަކީ ޅައުމުރުގައި އަންހެން ކުދިން ކައިވެނިކުރުން އިސްލާމީ ޝަރީއަތުގައި ހުއްދަކުރާތީ ކަމުގައެވެ. އެހެންކަމުން ދިވެހި މަޝްހޫރު ނޫސްވެރިޔަކަށް ވެސް މިލިޔުން މާމޮޅު ލިޔުމަކަށްވެގެން އެބޭފުޅާގެ ބުލޮގުގައިވެސް ޝާއިއުކުރިއެވެ.<br /><br />ނަމަވެސް، ހަޤީގަތަކީ ކޮބައިތޯ ބަލާލަމާ ހިގާށެވެ. ޙަޤީޤަތަކީ އެކުއްޖާ މަރުވުމުގެ އަސްލު ސަބަބަކީ އެކަށީގެންވާ ސިއްޙީފަރުވާ ދެވުނުލެއް ލަސްވުމުން ނެވެ. ނުވަތަ ސިއްޙީ ފަރުވާ ނުދެވުމުން ނެވެ. މިދަންނަވާ އާޓިކަލް ވިސްނައިގެން ކިޔާލި މީހަކަށްވެސް އެކަން އެގޭނެއެވެ. ސިއްޙީފަރުވާ ނުލިބިގެން ވިހެއުމުގެ ތެރޭގައި މަރުވަނީ ޔަމަނުގެ މި އަންހެންކުއްޖާ އެކަންޏެއް ނޫނެވެ. އެއީ ކޮންމެ އަންހެނަކަށްވެސް ދިމާވެދާނެ ކަމެކެވެ. އަޅުގަނޑުމެން ނޫނަކަސް 'ދޮންމީހުން' ވެސް އެކަން ޤަބޫލުކުރެއެވެ.</span><span id="fullpost" style="font-size:130%;">ދުނިޔޭގެ ސިއްޙަތު ޖަމްޢިއްޔާ، ޑަބްލިޔު އެޗް އޯގެ ދިރާސާތަށް ބުނާގޮތުން މާބަޑު ދުވަސްވަރު ނުވަތަ ވިހެއުމުގެ ތެރޭގައި ދިމާވާ ކަމެއްގެ ސަބަބުން، ކޮންމެ މިނެޓެއްގެ ތެރޭގައި މަދުވެގެން އަންހެނަކު މަރުވެއެވެ. މާނައަކީ ތިބާއަށް މި ލިޔުން ކިޔާ ނިމެނީ 3 މިނެޓްގެ ތެރޭގައި ކަމުގައިވާނަމަ، ލިޔުން ކިޔާ ނިމުމުގެ ކުރިން މަދުވެގެން 3 އަންހެނުން މާބަޑުވުމުގެ ސަބަބުން ނުވަތަ ވިހެއުމުގެ ތެރޭގައި މަރުން އެކަށީގެންވެއެވެ. އެއީ އަހަރަކު މުދުވެގެން 529000 އަންހެނުން ކަމުގައި އެ ޖަމިއްޔާއިން ބުނެއެވެ. މީގެތެރެއިން %70 މީހުން މަރުވާ މައިގަނޑު 5 ސަބަބެއް ވެއެވެ. އެއީ ލޭ ފޭބުން، އިންފެކްޝަންގެ ސަބަބުން، ރައްކާތެރި ނޫން ގޮތުގައި އެބޯޝަން ހެއްދުން، ލޭގެ ޕުރެޝަރު މައްޗައްދިޔުމުގެ ސަބަބުން ސިކުޑިއަށް އޭގެ ގެއްލުންވެގެން، އަދި އާދަޔާހިލާފު ވޭނާ އުނދަގުލުގައި ވިހެއުމެވެ. ބާކީ %30 މީހުންނަކީ، އެކަށީގެންވާ ސިއްޙީ ފަރުވާ ނުލިބުމާއި، އެކިސަބަބުތަކާހުރެ އެއްގޮތަކަށްވެސް ސިއްޙީ ފަރުވާ ނުލިބުމުން ދުނިޔެއާއި އަލްވަދާއު ކިޔާ އަންހެނުން ކަމުގައި އެޖަމްޢިއްޔާއިން ބުނެފައިވެއެވެ. އަދި މަތީގައި ދެންނެވި މުހިންމު 5 ސަބަބު ދިމާވެގެން މަރުވާ މީހުންވެސް މަރުވާ އެންމެ ބޮޑު އެއްސަބަބަކީ، އެފަދަ ޙާލަތެއް ދިމާވާ ވަގުތުގައި އެކަށީގެންވާ ސިއްޙީ ފަރުވާ ނުލިބުމެވެ. މިއީ އަޅުގަނޑުގެ ނުވަތަ މުސްލިމުންގެ ދިރާސާތަށް ބުނާ ގޮތެއް ނޫނެވެ. ދުނިޔޭގެ ސިއްޙަތު ޖަމިއްޔާގެ ރިޕޯޓުގައި ވާ ނުކުތާތަކެވެ.<br /><br />ވީމާ ޔަމަނުގެ އަންހެން ކުއްޖާގެ ޙާދިސާއަށް އަދުލުވެރި ނަޒަރަކުން ބަލާލައިފިނަމަ، އެކުއްޖާ ނިޔާވުމުގެ ސަބަބަކީ، ދުނިޔޭގައި އެހެންވެސް ގިނަ މާބަޑު އަންހެނުން މަރުވާ ސަބަބު އެކުއްޖާއާވެސް ކުރިމަތި ވީމައެވެ. އެއީ ސިއްޙީފަރުވާ ލިބެންޖެހުނު ވަގުތު، އެފަރުވާ ލިބުން ލަސްވީމައެވެ. ނުވަތަ ފަރުވާ ނުލިބުނީމައެވެ. މިއީ ކޮންމެ އަންހެނަކަށްވެސް ދިމާވެދާނެ ކަމެކެވެ. އެހެން ނޫންތޯއެވެ؟<br /><br />މީގެ އިތުރުން މާބަނޑު ދުވަސްވަރުގައާއި ވިހެއުމުގައި މަރުވާ އަންހެނުންގެ ނިސްބަތް މަދުކުރުމަށް އަޅަންޖެހޭނެކަމަށް އެޖަމިއްޔާއަށް ފެންނަ ފިޔަވަޅުތަކުގެ ތެރޭގައި، ޅައުމުރުގައި ކައިވެނި ނުކުރަން ބާރުއަޅާފައެއް ނުވެއެވެ. އެޖަމިއްޔާއިން ހާމަކުރާ ގޮތުގައި، މިގޮތަށް މަރުވުން ކޮންޓްރޯލު ކުރެވޭނެ މައިގަޑު ގޮތްތަކަކީ ދަރިން ހޯދުމުގެ ކުރިން އެކަށީގެންވާ މަޢުލޫމާތު ހޯދުމާއި، ރަގަނޅު ފެމެލީ ޕުލޭނެއް ރޭވިފައި އޮތުމެވެ. އަދި މައްސަލައެއް ދިމާވެއްޖެ ޙާލަތެއްގައި ލަސްނުކޮށް ސިއްޙީ ފަރުވާ ލިބިގަތުމެވެ. ނުވަތަ ސިއްޙީފަރުވާ ލިބިގަނެވޭނޭ ނިޒާމެއް ޤާއިމް ކޮށްފައި ބެހެއްޓުމެވެ.<br /><br />ދެން މިފަދަ ގިނަ އަދަދަކަށް އަންހެނުން މި މަރުވަނީ އެއީ ކައިވެނި ކުރާތީ ވާކަމެކޭ ކިޔާފައި ކައިވެނިކުރުން މަނާ ކުރަންވީ ހެއްޔެވެ؟ ނުވަތަ ޖިންސީ ގުޅުން ހިންގުން މަނާ ކުރަންވީ ހެއްޔެވެ؟ ނުވަތަ އެ ދެކަންތަށް ކުރިޔަސް ދަރިން ހޯދުން މަނާކުރަންވީ ހެއްޔެވެ؟ އޭރުން ހަމަ ގައިމުވެސް ދަރިން ހޯދުމުގެ ތެރޭގައި މިހާގިނަ އަންހެނުން މަރެއް ނުވާނެއެވެ. ނަމަވެސް ކޮންމެ ކަމެއްގައިވެސް ދެކޮޅު ބަލަން ޖެހެއެވެ. އެކަމެއްގެ ސަބަބުން ނުކުންނަ ގެއްލުމުގެ މިންވަރަކީ ކޮބާތޯ އާއި ފައިދާގެ މިންވަރަކީ ކޮބާތޯ ބަލަން ޖެހެއެވެ. އެގޮތުން ބަލާއިރު ދަރިންވެސް ހޯދަންޖެހެއެވެ. ވީމާ، ވިސްނަންވީ މާބަނޑުވުމުގައްޔާއި ވިހެއުމުގައި އަންހެނުން މަރުވުން ކޮންޓްރޯލު ކުރެވޭނީ ކޮންގޮތަކުންތޯއެވެ.<br /><br />އާއެކެވެ. ޅައުމުރުގައި މާބަނޑު ވުމަކީ ޒުވާން އުމުރުގައި މާބަޑުވުމަށް ވުރެ އެމީހާއަށް ގެެއްލުން ހުރިކަމެއް ކަމަށް ވެދާނެއެވެ. އެހެން ނަމަވެސް އެކަމުގެ އަނެއް ކޮޅަށްވެސް ބަލަން ޖެހެއެވެ. އިސްލާމީ ޝަރީއަތުގައި މަނާ ކުރާ ކަމެއްގައި، ފައިދާއެއް އެކުލެވިދާނެއެވެ. އަދި ހުއްދަކުރާ ކަމެއްގައި، ގެއްލުންވެސް އެކުލެވިދާނެއެވެ. ސަބަބަކީ، އެކަމެއްގައި ފައިދާ އެކުލެވޭ ކަންތައް މަނާކުރެވުނީ، އެކަމުގައި ހިމެނޭ ފައިދާއަށްވުރެ އެކަމުގެ ގެއްލުން ބޮޑުވީމައެވެ. އަދި އެކަމެއްގައި ގެއްލުން ހިމެނޭކަންތައް ހުއްދަކުރެވެނީ އެކަމުގައިވާ ގެއްލުމަށްވުރެ ފައިދާ ބޮޑުވާތީއެވެ.<br /><br />މިސާލަކަށް ބަނގުރަލާއި ޖުވާއަށް ބަލާލަމާތޯއެވެ. އެ ދެކަމަކީ ވެސް އިސްލާމް ދީނުގައި ޙަރާމް ދެކަމެވެ. އެކަމަކު އެ ދެކަމުގައިވެސް ފައިދާ އެކުލެވިގެންވާކަން ކީރިތި ޤުރުއާނުން ސާބިތުވެއެވެ. އަދި އެ ދެކަންތަށް ޙަރާމް ކުރެވުނު ސަބަބަކީ އެ ދެކަމުގައި ހިމެނޭ ފައިދާއަށް ވުރެ އެކަމުގައިވާ ގެއްލުން ބޮޑުވީމަކަންވެސް ކީރިތި ޤުރުއާނުން ސާބިތުވެއެވެ. ބަގަރާ ސޫރަތުގެ 219 ވަނަ އާޔަތުގައި މާތްﷲ ވަޙީކުރައްވާ ބަސްފުޅުގެ މާނައިގައި ވެއެވެ.<br />"އޭ މުޙައްމަދުގެފާނެވެ! ބަނގުރާއާއި މައިސިރު (ޖުވާ)ގެ ކުޅިވަރާމެދު އެބައިމީހުން ކަލޭގެފާނާއި ސުވާލު ކުރެއެވެ. ކަލޭގެފާނު ވިދާޅުވާށެވެ! އެދެކަމުގައިމެ ބޮޑުވެގެންވާ ފާފަ ވެއެވެ. އަދި އޭގައި މީސްތަކުންނަށް ފައިދާ ވެސް ވެއެވެ. ނަމަވެސް އެއިން ލިބޭ މަންފާއަށްވުރެން ލިބޭ ފާފަ މާބޮޑެވެ. އަދި ހޭދަކުރާންވީ އެއްޗަކާމެދު ވެސް އެބައިމީހުން ކަލޭގެފާނާއި ސުވާލު ކުރެއެވެ. ކަލޭގެފާނު ވިދާޅުވާށެވެ! ހޭދަކުރުންވަނީ ތިމާގެ ބޭނުންތަކަށް ވުރެ އިތުރުވާ އެއްޗަކުންނެވެ. ﷲ އެކަލާނގެ އާޔަތްތައް ތިޔަބައި މީހުންނަށް މިފަދައިން ބަޔާންކޮށް ދެއްވަނީ، ދުނިޔެއާއި އާޚިރަތުގެ ކަންތައްތަކާމެދު ތިޔަބައިމީހުން ވިސްނައި ފިކުރުކުރުމަށްޓަކައެވެ."<br /><br />މި އާޔަތް ނިންމަވާ ލައްވަމުން މާތްﷲ އަޅުގަނޑުމެންނަށް ދީފައި އެވަނީ ވަރަށްވެސް މުހިންމު މެސެޖެކެވެ. ކަމުގެ ދެކޮޅު ބެލުމަށާއި، ކަންތައްތަކާއިމެދު ވިސްނާފިކުރު ކުރުމަށް އެގޮވާލައްވަނީއެވެ. މިގޮތުން އަންހެނުން ޅައުމުރުގައި ކައިވެނިކުރުމުން ނުކުންނާނެ ގެއްލުން ތަކެއް ހުރެދާނެއެވެ. އެހެންކިޔާފައި، އަންހެނުން ޅަފަތުގައި ކައިވެނި ކުރުން މަނާކުރުން އެއީ އެންމެ އިންސާފުވެރި ގޮތް ބާވައެވެ؟ ބުއްދީގެ ހަމަތަކުން ބެލިޔަސް ބުނެވޭނީ ނޫނެކެވެ. ސަބަބަކީ، އަޅުގަނޑުމެން އެންމެންނަށްވެސް އެގޭފަދައިން އަންހެނާ ބޮޑުވާ އުމުރު ފުރައަކީ 9 އަހަރާ 15 އަހަރާ ދެމެދު ގައެވެ. މީގެތެރެއިން ކޮންމެ އުމުރެއްގައި އަންހެން ކުއްޖާ ބޮޑުވިކަމުގައިވިއަސް، އެކުއްޖާ ބޮޑުވުމަށްފަހު، 20 އަހަރުގެ އަންހެނުންނަށްވެސް އިހްސާސް ކުރެވޭ އެދުންވެރިކަން، މިދަންނަވާ ކުއްޖާއަށްވެސް ކުރެވެއެވެ. ބަޔެއްފަހަރު އެ އިޙްސާސް ބޮޑުވެސް ވެއެވެ. ނުވަތަ ކުޑަވެސް ވެއެވެ. އެފަދަ ކުއްޖަކަށް، ޖިންސީގޮތުން އެކުއްޖާއަށް ހައްގުވާ އަރާމު ލިބިގަނެވޭނޭ ގޮތެއްވެސް އޮންނަށް ޖެހެއެވެ. ޝަރުޢީގޮތުން ޙަލާލު ގޮތެއްގައެވެ. އަޚްލާގީ ގޮތުން ރަގަޅު ގޮތެއްގައެވެ. އެގޮތަށް އިސްލާމު ދީނުގައި ކިޔަނީ ކައިވެންޏެވެ. ވީމާ އެ އަންހެން ކުއްޖާ ބޭނުންވެގެން ހެޔޮގޮތުގައި ކައިވެނި ކުރުމަކީ އެ އަންހެންކުއްޖާއަށް އިސްލާމު ދީނުގައި ދީފައިވާ ޙައްޤެކެވެ.<br /><br />މިއީ އިސްލާމީ ޝަރީއަތުގައި ނޫނަސް މަޝްހޫރު ޔޫރަޕުގެ ޤައުމުތަކުގެ ޤާނޫނުތަކުގައިވެސް އަދި ޤާނޫނެއްގައި ނެތަސް ދުނިޔޭގެ އެންމެންވެސް އަމަލުކުރާ މިންގަޑެކެވެ. މިސާލަކަށް ހޮލެންޑްގެ ޤާނޫނު ބުނާގޮތުން 12 އަހަރުގައި އަދި އިޓަލީގެ ގާނޫނު ބުނާގޮތުން 14 އަހަރުގައި ޖިންސީގުޅުން ހިންގިދާނެއެވެ. އެއީ އެކުއްޖާރުހޭނަމަ، ފާޅުގައި ކަމުގައިވިއަސް، ސިއްރުގައި ކަމުގައިވިއަސް، ފުރަގަސް ފަރާތައް ކަމުގައި ވިއަސް، ކިތަންމެ ގިނަމީހުންނަކާ އެކީކަމުގައިވިއަސް، ކޮންމެ އުމުރުފުރައެއްގެ މީހަކާއެކީގައި ކަމުގައި ވިއަސް އެންމެ ރަގަނޅެވެ. ސުބުޙާނަﷲއެވެ. ނިކަން ބައްލަވާށެވެ. މިކަމުގައިވެސް ޙަގީގަތުގައި އިސްލާމް ދީން ވަނީ ކުރިހޯދާފައެވެ. ސަބަބަކީ، ބާލިޣުވާ އަންހެން ކުއްޖާކަމުގައި ވިއަސް ފިރިހެން ކުއްޖާ ކަމުގައިވިއަސް، ޖިންސީގުޅުން ހިންގޭނީ ވަކި މިންގަޑެއްގެ ތެރޭގައެވެ. އެއީ ކައިވެނި ކޮށްގެންނެވެ. އެއީ ސިއްޙީގޮތުން އެންމެ މޮޅުގޮތް ދެނެވޮޑިގެންވާ، އިޖުތިމާއި ގޮތުން އެންމެ މޮޅުގޮތް ދެނެވޮޑިގެންވާ، އަދި ނަފްސާނީ ގޮތުން އިންސާނާއަށް އެންމެ މޮޅުވާނެ ގޮތަކީ ކޮބައިކަން ދެނެވޮޑިގެންވާ ކީރިތިވަންތަ ﷲގެ ޤާނޫނުގައި ވާގޮތުގެ މަތިންނެވެ.<br /><br />އަޖައިބެކެވެ! ޅަފަތުގައި ކައިވެނި ކުރުމަކީ ތިމާއަށް ޤަބޫލުކުރެވޭ ގޮތުގައި ގެއްލުން ހުރިކަމެއް ކަމުގައިވާނަމަ އެކަން ނުކުރައްވާށެވެ. ކޮންމެ އަންހެންކުއްޖަކު ޅަފަތުގައި ކައިވެނި ކުރުން އިސްލާމް ދީން ވާޖިބެއް ނުކުރެއެވެ. އެމީހަކަށް އެކަން ކުރަން ފެނުމުން، އެކަމުގެ ޝަރުތުތަކާއި، ރުކުންތައް ފުރިހަމަކޮށް އެކަން ކުރަންވީއެވެ. ކުރަން ނުފެންނަންޔާ ނުކުރަންވީ އެވެ. އިސްލާމީ ޝަރީއަތުގައި ތިމާ އެކަން ކުރާކަށް ވާޖިބެއް ނުކުރެއެވެ. ދެން މައްސަލައަކީ ކޮބައިތޯއެވެ؟ އިސްލާމުދީނާމެދު އޮންނަ ޙަސަދަވެރި ކަމެވެ.<br /><br />ސީ އެން އެން ގެ އާޓިކަލްގައި އިތުރަށް ބުނެފައިވާގޮތުން، ޔަމަނުގައި އަންހެން ކުދިން ޅައުމުރުގައި ކައިވެނި ކުރުމަކީ އާންމު ކަމެކެވެ. އަދި ވަރަށް ގިނަކުދިންނަކީ ގަދަކަމުން ޅައުމުރުގައި ކައިވެނި ކުރުވާ ކުދިންނެވެ. މިއަމަލާ އިސްލާމީ ޝަރީއަތާ ގުޅުވައި އިސްލާމް ދީން ހުތުރު ދީނެއްގެ ގޮތުގައި ދައްކުވަން މަސައްކަތް ކުރެއެވެ. ނަމަވެސް ޙަޤީގަތަކީ ހޯދައި ބަލައިފި މީހަކަށް ވަންހަނާވާނެ އެއްޗެއް ނޫނެވެ. ހަޤީގަތަކީ، ޅައުމުރުގައި ވިއަސް، ޒުވާން އުމުރުގައި ވިއަސް، އަދި މުސްކުޅި އުމުރުގައި ވިއަސް ގަދަކަމުން ކައިވެނި ކުރުވުމަކީ އިސްލާމްދީން ހުއްދަކުރާ ކަމެއް ނޫންކަމެވެ. (ބޮޑުވެ ފުރާ ފުރިހަމަވުމަށް ފަހު) ކޮންމެ އުމުރެއްގައި ކަމުގައި ވިއަސް، އިސްލާމްދީން ހުއްދަކުރަނީ ދެފަރާތުގެ ފުރިހަމަ ރުހުމާއިއެކު، ކައިވެނީގެ މަޤްސަދާއި، ބޭނުން އެނގިގެންތިބެ ކުރެވޭ ކައިވެންޏެވެ.<br /><br />ފަހަރެއްގައި މީހެއްގެ ހިތުގައި ސުވާލު އުފެދިދާނެއެވެ. އިސްލާމްދީން ހުއްދަ ނުކުރާނަމަ އެފަދަމުސްލިމު ގައުމުތަކުގައި އެފަދަކަންތަށް ކުރަނީ ކީވެ ބާވައެވެ؟ ޖަވާބަކީ، އަދި ދެނެގަންނަންޖެހޭ ހަޤީގަތަކީ، މުސްލިމުންގެ ދިރިއުޅުމަކީ އިސްލާމުދީން ނޫންކަމެވެ. މުސްލިމުން ދިރިއުޅެން ޖެހެނީ އިސްލާމު ދީނަށް ކަމެވެ. އެހެންކަމުން މުސްލިމުންގެ ދިރިއުޅުމަށް ބަލައިގެން އިސްލާމު ދީނެއް ނޭންގޭނެއެވެ. އިސްލާމުދީން އެގޭނީ ﷲގެ ފޮތާ ރަސޫލާ (ޞައްލަﷲ ޢަލައިހި ވަސައްލަމް)ގެ ސުންނަތަށް ބަލައިގެންނެވެ. މުސްލިމުންނަކީ އިންސާނުންނެވެ. އެމީހުން ގޯސްކަންތަށް ވެސް ކުރާނެއެވެ. ނުވަތަ ކުރެވޭނެއެވެ. ނަމަވެސް އިސްލާމްދީނަކީ މާތްﷲ ބާވާލައްވާފައިވާ ދީނެކެވެ. އެއީ ޙިކްމަތްވަންތަ އިލާހުގެ ދީނެވެ. އެއީ އިންސާނުންނާއި ޖިންނީން ނެތުމުގެ ތެރެއިން އުފެއްދެވި އިލާހުގެ ދީނެވެ. އެ އިންސާނާއަށް ރަގަޅީ ކޮންގޮތެއްކަމާއި، ގޯހީ ކޮންގޮތެއްކަން އެންމެ މޮޅަށް ދެނެވޮޑިގެންވާ އިލާހުގެ ދީނެވެ. ވިމާ، އެ އިލާހުގެ ޝަރީއަތުގައި ކުށެއް ނުހުންނާނެއެވެ. މައްސަލައެއް ނުހުންނާނެއެވެ. މައްސަލަހުރީ ޙަޤީޤަތް ނުބަލާ ﷲގެ ދީނަށް ފުރައްސާރު ކުރާ މީހުންގެ ކިބާގައެވެ.<br /><br />ވީމާ ޚުލާސާއަކީ، ޔަމަނުގެ އަންހެން ކުއްޖަކު ވިހެއުމުގެ ތެރޭގައި މަރުވުމަކީ އެއީ އިސްލާމީ ޝަރީއަތުގެ މައްސަލައެއް ނޫނެވެ. އެއީ އެކަށީގެންވާ ފަރުވާ ނުލިބުމުގެ މައްސަލައެކެވެ. އަދި އެކުއްޖާގެ ކައިވެންޏާއިމެދު އެ އާޓިކަލްގައި ބުނެފައިވަނީ ތެދެއްކަމުގައިވާނަމަ (އެކުއްޖާގެ ކައިވެންޏަކީ ގަދަކަމުން ކުރެވިފައިވާ ކައިވެންޏެއްނަމަ) އެއީވެސް އިސްލާމު ދީނުގެ މައްސަލައެއް ނޫނެވެ. އެއީ ބެލެނިވެރިންގެ މައްސަލައެކެވެ. ދުނިޔޭގެ ފަނާދަނިވި އެދުމަކަށްޓަކައި މާތްﷲ އެބެލެނިވެރިންނާއި ހަވާލުކުރި އަމާނާތަށް ޚިޔާނަތްތެރި ވުމެވެ. އެއީ ދީން މަނާކުރާ ކަމެކެވެ. މާތްﷲ އެ އަންހެންކުއްޖާއަށް ސުވަރުގެ މިންވަރުކުރައްވާށިއެވެ!<br /><br />މި ލިޔުން ނިންމާލުމުގެ ކުރިން އަދި އެއް ވާހަކަ ދަންނަވާލާހިތްވެއެވެ. އެއީ ޣައިރު މުސްލިމުންގެ މިފަދަ ބުހުތާނު ތަކަށް އަހަރުމެން ހޭލުންތެރިވެ ތިބެން ޖެހޭނެ ވާހަކައެވެ. އެބައިމީހުންނަށް އިސްލާމް ދީނުގެ ހަޤީގަތް އެނގުނުކަމުގައި ވިއަސް ދީނާމެދު އޮންނަ ޙަސަދަވެރިކަމެއްގެ ސަބަބުން، ކަންކަމުގެ ޙަގީގަތް އޮޅުވާލަން މަސައްކަތް ކުރާނެއެވެ. އެއީ އަބަދުވެސް އެމީހުންގެ ގޮތެވެ. ވީމާ އިސްލާމްދީނޭކިޔާފައި ކޮންމެފަދަ ވާހަކައެއް ދައްކާކަށް ފަހަކަށް ނުޖެހޭނެއެވެ. ހިތާމައަކީ އެމީހުންނާއި އެއްސަފެއްގައި އަޅުގަނޑުމެންގެ މިދީނަށް ނިސްބަތްވާ މީހުންވެސް ހިނގަން މަސައްކަތްކުރާކަމެވެ. ޣައިރު މުސްލިމުންނެކޭ އެއްގޮތަށް ތިމާ ނިސްބަތްވާ ދީނާމެދު، ތިމާގެ ހިތުގައި ޙަސަދަވެރިކަން އިތުރުކުރާތީއެވެ. ދެން އެމީހުންގެ މިސާލަކީ، ހަނި ވަޅަކަށް އުފަންވާ ބޮކެއް، ތިމާއަށް ހުރިހާތަނެއް ފެންނަކަމަށް ހީކޮށް އަޑުގަދަކޮށް ހަޅޭލަވާހެން، މިމީހުންވެސް ހުރިހާކަމެއް އެނގޭކަމަށް ހެދިގެން ހަޅޭލަވަން ފަށައެވެ. އަދި ތިމާ ހެއްދެވި ﷲއަށް ވެސް ގޮންޖަހާލަން މަސައްކަތް ކުރެއެވެ.<br /><br />މިގޮތަށް އުޅޭއިރު، ކަމުގެ ދެކޮޅުބެލުމެއް ނޯވެއެވެ. ހަޤީގަތަކީ ކޮބައިތޯ ވިސްނަން މިމީހުންގެ ހިއްވަނީ ގާވެފައި ކަހަލައެވެ. އަމިއްލަ ބުލޮގުގައި ދީން ފަޟީހަތްކުރަން ހުއްޖަތެއްނެތި ވާހަކަތަށް ޝާއިއު ކުރާއިރު، ޔޫރަޕުގެ ޤައުމުތަކުގައި އެތައްހާސް ޅަކުދިންނެއް ރޭޕުކޮށް މަރާލެވޭއިރު، އެވާހަކަތަށް ނުޖައްސަވަނީ ކީވެބާއޭ ހިތަށް އަރައެވެ؟ ޔޫރަޕުގެ ބައެއް ޤައުމުތަކުގައި، ޤާނޫނުތަކުން ހުއްދަލިބިގެން، ޅަ އަންހެން ކުދިން މާބަނޑު ވުމަށްފަހު އެބޯޝަން ހައްދައިގެން، އެތަށް ހާސް ތުއްތު ކުއްޖަކު މަރާލާ ވާހަކަ ނުޖަހަނީ ކީވެގެން ބާވައެވެ؟ ޤާނޫނުން ހުއްދަވީމައި އެއީ މަރަކަށް ނުވަނީ ބާވައެވެ؟<br />އެކަނލާންގެ ބާލެއްވި ޝަރީއަތަށް ނަފްރަތުކުރާ މީހުންގެ ދެކޮޅުނުޖެހޭކަމާއެވެ. ޙިކްމަތްތެރި ﷲ އަށް ޙަމްދު ހުއްޓެވެ. އެކަލާނގެ ހުސްޠާހިރުވަންތަ ކަމާއެވެ! އެކަލާނގެ ވަޙީބަސްފުޅުގައި ވާފަދައިން ހޯދައި ބަލައިފި މީހަކަށް ޙައްޤަކީ ކޮބައިކަން އެގޭނެވެ.<br /><br />މިލިޔުން ކިޔުއްވި ބޭފުޅެއްނަމަ، މި ލިންކު ބައްލަވާލެއްވުމަށްވެސް އެދެމެވެ.<br />http://www.youtube.com/watch?v=lwessrsEqfA</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-5161956477057991973?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-25330660040315429102009-11-18T11:23:00.001Z2009-11-30T00:12:14.857Z<span style="font-size:130%;">އެދުވަސްވަރަކީ އިންޑިއާގައި ނަސާރާދީން ފެތުރުމަށް ވަރަށް ގަދައަޅާ މަސައްކަތް ކުރަމުންދިޔަ ދުވަސްވަރެކެވެ. މިގޮތުން، ނަސާރާދީން ފަތުރަން މަސައްކަތްކުރާ (މިޝަނަރީ) ގުރޫޕުތަކުން، މުސްލިމުންނަށް އަމާޒުކޮށްވެސް އެތަކެއް ޖަލްސާތަކަކާއި ބައްދަލުވުން ތަކެއް ބޭއްވިއެވެ. މީގެ މިޝަނަރީ ގުރޫޕެއް، މައުލާނާ ސާހިބު (އިންޑިޔާގައި އުޅުއްވި ޢިލްމުވެރިއެއް)ގެ އަރިހަށްވެސް އައެވެ. އަދި އެބޭފުޅާ އާއިއެކު ބައްދަލުވުންތަކެއް ބާއްވައި އެމީހުންގެ ދައުވަތަކީ ކޮބައިކަން ވަރަށް ސާފުކޮށް މައުލާނާ ސާހިބަށް ކިޔާދެއްވިއެވެ.<br /><br />އެމީހުންގެ ދައުވަތުގެ ޚުލާސާއަކީ، ކަލާނގެ (ނުވަތަ ކަލާނގެ ދަރިކަލުން)، އިންސާނެއްގެ ސޫރައިގައި ދުނިޔެއަށް ވަޑައިގަތެވެ. އެއަށްފަހު އިންސާނެއްގެ ސޫރާގައި ހުރި ކަލާނގެއަށް (ނުވަތަ ކަލާނގެ ދަރިކަލުންނަށް) ކިޔުނީ މަސީހު ޢީސާއެވެ. ކަލާނގެ (ނުވަތަ ކަލާނގެ ދަރިކަލުން) އިންސާނެއްގެ ސޫރާގައި ދުނިޔެއަށް އައުމުގެ މަޤްސަދަކީ ޤުރުބާންވެ މަރުވުމެވެ. ޤުރުބާންވުމުގެ މަޤްސަދަކީ، އެންމެ ފުރަތަމަ އުފަންވެވަޑައިގެންނެވި 2 އިންސާނުންކަމުގައިވާ އާދަމްގެފާނާއި ހައްވާގެފާނަށް ކުރެއްވުނު ފާފައިގެ ސަބަބުން، ދެން ދުނިޔެއަށް އުފަންވި އަދި އުފަންވާނެ އެންމެހާ އިންސާނުންނަށްވެސް އެފާފަ ވާރުތަވެ، އެންމެހައި އިންސާނުން ފާފަވެރިވެފައި ވާތީވެ، އެފާފައިން ސަލާމަތްވެވޭނެ ހަމައެކަނި ގޮތަކީ ކުޅަދުންވަންތަ ކަލާނގެ ދުނިޔެއަށް އިންސާނެއްގެ ސޫރާގައި އައިސް ގުރުބާން ވުމެވެ. މިއީ އެމީހުންގެ ދެމުން އައި ދަޢުވަތުގެ އަސްލެވެ.މައުލާނާ ސާހިބަކީ ބޮޑު ޢިލްމުވެރިއަކަށް ވެފައި ޤުރުއާނާއި ބައިބުލް (ބަދަލު ގެނެސްފައިވާ އިންޖީލު) ވެސް ދެނެލައްވާ ބޭފުޅަކަށް ވުމުން، މިވާހަކަތަށްވީ އެމަނިކުފާނަށް ވަރަށް ޖޯކު، ހެއްވާ އަދި ތާކުންތާކު ނުޖެހޭ ވާހަކަ ތަކަކަށެވެ. އެހެންކަމުން، ރިވެތި ގޮތުގައި، އެބައި މީހުނަށް ރަގަނޅުގޮތަކީ ކޮބައިކަމާ، ޙައްޤު އިލާހަކީ ކޮބާކަމާ، އަދި ޢީސާގެފާނަކީ ޙައްޤު އިލާހު ފޮނުއްވި މަތިވެރި ރުސޫލެއްކަން ބުނެދީ މިބައި މީހުންނަށް ވިސްނާދެވޭތޯ މަސައްކަތް ކުރިއެވެ. އެހެންނަމަވެސް، އެބައި މީހުނަށް ވިސްނޭގޮތެއް ނުވިއެވެ. ނުވަތަ ވިސްނާކަށް ބޭނުމެއް ނުވިއެވެ. އަދި އެބައިމީހުންގެ ދެކޮޅުނުޖެހޭ ދަޢުވަތު މައުލާނާ ސާހިބު ޤަބޫލުކުރައްވައިތޯ އެކިކަހަލަ ވާހަކަތަށް ދެއްކުން ގިނަކުރިއެވެ.</span><span id="fullpost" style="font-size:130%;">ިގޮތަށް ކުރިޔަށް ދިޔަ ބައްދަލުވުމުއްގެ ތެރޭގައި މައުލާނާ ސާހިބުގެ އަރިހުގައި އުޅުއްވާ ނޯކަރު ކުއްޖަކު އައިސް، މައުލާނާސާހިބުގެ ކަންފަތްތޮށުގައި ސިއްރުން އެއްޗެއް ބުނުއްވިއެވެ. އެވަގުތު މައުލާނާ ސާހިބުގެ މޫނުމައްޗަށް ހިތާމަވެރިކަމުގެ ކުލަވަރު އައެވެ. އަދި އެންމެގެ ތެރޭގައި މައުލާނާ ސާހިބު ބާރަށް ކީރިތި ކުރައްވަން ފެއްޓެވިއެވެ.<br />އެވަގުތު އެތާގައި ތިބި ކުރިސްޓިއަން މިޝަނަރީ ގުރޫޕުގެ ބޮޑުމީހާ، ވަރަށް ކަންބޮޑުވެ، ދެރަވެފައިވާހާލު މައުލާނާސާހިބާއި ސުވާލުކުރިއެވެ.<br /><br />"މައުލާނާ ސާހިބު! އަނެއްކާ ކަމެއް ގޯސްވީތޯ؟ ކޮންފަދަ ހަބަރެއްތޯ އެކުއްޖާ އެގެނައީ؟"<br /><br />މައުލާނާ ސާހިބު ކީރިތި ކުރައްވަމުން ޖަވާބު ދެއްވިއެވެ. "ދިމާވި ކަންތަށް ވަރަށް ދެރައެވެ... ވަރަށް ހިތާމަވެރިއެވެ... އެކުއްޖާ ގެނައި ޚަބަރަކީ.... ވަޙީގެ މަލާއިކަތާ، ޖިބްރީލުގެ ފާނު އަވަހާރަވެގެން އުޅޭ ޚަބަރެވެ."<br /><br />އެހެން ބުނުމާއެކު ކުރިސްޓިއަން މިޝަނަރީގެ މީހުންތަށް ހޭންފެށިއެވެ. މަލާމާތުގެ ހުނުމަކުން ނެވެ. އަދި އެމީހުންގެ ބޮޑުމީހާ ހެމުން ހެމުން ސުވާލުކުރިއެވެ. "މައުލާނާ ސާހިބެވެ! އަޅުގަނޑު ހައިރާންވެއްޖެ! މަނިކުފާނުފަދަ ވިސްނޭ، އަދި ކިޔަވައިގެން ހުންނެވި ބޭފުޅަކު ތިޔަފަދަ ތާކުންތާކު ނުޖެހޭ ވާހަކަވެސް ގަބޫލު ކުރައްވަންތޯ؟... އެޅެ ފަހެ މަލާއިކަތުންނަކީ އެއީ ހަވަހާރަވާ ބަޔެއްހެއްޔެވެ؟"<br /><br />ކީރިތި ކުރައްވަމުން ދިޔަ މައުލާނާ ސާހިބު ޖަވާބު ދިނެވެ. "އަހަރުމެން ނެތުމުގެ ތެރެއިން އުފެއްދެވި ކަލާނގެ އަވަރަވާއިރު، މަލާއިކަތުން އަވަހާރަ ނުވާންވީ ކީވެތޯއެވެ؟"<br /><br />މައުލާނާ ސާހިބު އެހެން ވިދާޅުވުމުން، ކުއްލިޔަކަށް މިޝަނަރީ ގުރޫޕުގެ އެންމެން ހުނުން ހުއްޓާ ހަމަހިމޭން ވެއްޖެއެވެ. ބަސްހުއްޓި ޗުއްޕުވެސް ނުބުނެ ތިބެއްޖެއެވެ. އަދި ލަދުގެންފައިވާ ހާލުގައި، އެތަނުން ނުކުމެގެން ގޮއްސިއެވެ.<br /><br />ނޯޓް: މިއީ ހަޤީޤީ ހާދިސާއެއްގެ މައްޗަށް ބިނާކޮށް ލިޔެފައިވާ ލިޔުމުކެވެ. މައުލާނާ ރަޙިމަތުﷲ ކައިރަނާވީއަކީ (މައުލާނާ ސާހިބަކީ) އިންޑިޔާއަށް އުފަން މަޝްހޫރު ޢިލްމުވެރިއެކެވެ. އެމަނިކުފާނު އުފަންވެ ވަޑައިގަތީ މީލާދީން 1818 ގައެވެ. އަދި އަވަހާރަވީ 1891 ގައެވެ.</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-2533066004031542910?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com1tag:blogger.com,1999:blog-8828534041088672753.post-40182287642433659512009-11-18T11:20:00.001Z2009-11-30T00:11:19.587Z<span style="font-size:130%;">އިންސާނުން ނެތުމުގެ ތެރެއިން ވުޖޫދައް ގެންނެވި، ކާއިނާތުގެ ވެރިއިލާހުގެ ޙަޟުރަތުގައި ރަލަކީ ނުވަތަ މަސްތުވާ ތަކެއްޗަކީ އިންސާނުން ބޭނުން ކުރުން ޙަރާމް ކުރައްވާފައިވާ އެއްޗެކެވެ. އެއީ ހުރިހާ ނުބައިކަމެއްގެ ފެށުމެވެ. އެއީ އަލިފާން ދަރު އަންދާފަދައިން މީހުންގެ ދިރިއުޅުން އަންދާލާ އެއްޗެކެވެ. މި އަލިފާނުގެ ހުޅުކޮޅު 'ބިސްމީގެ ބަރަކާތުން' ރޯކޮއްފައިވާތާ ކިތަންމެ ދުވަހެކެވެ. ނަމަވެސް ބޭނުންވާވަރަށް އެ އަލީފަންގަޑު ނުފެތުރޭތީވެ، މިއަދު ބަޔެއް ލާދީނީ ބޭފުޅުން އެ އަލިފާންގަޑަށް ތެލާއި ދަރު އަޅަން މަސައްކަތް ކުރަމުން އެބަދެއެވެ. އެ އަލިފާންގަނޑު ފުޅާކޮށް ބޮޑުކޮށް ފެތުރުމަށެވެ. މުސްލިމުން ދިރިއުޅެމުންދާ އިސްލާމީ މި މުޖުތަމައުގައި، އެތަކެތި ފަތުރާށެވެ.<br /><br />އަދި އެހިސާބަކުން ހުއްޓާލަނީކީ ނޫނެވެ. ތިމާމެންގެ ފިކުރު ދިފާއު ކުރުމައްޓަކައި އިސްލާމު ދީނުގެ އަސްލުވެސް އޮޅުވާލަން މަސައްކަތް ކުރަނީއެވެ. މިގޮތުން މިމީހުން މިފަތުރަން އުޅޭ ނުބައިވެގެންވާ ކަންތަކާ ދެކޮޅަށް އެއްޗެއްބުނާ މީހުންނަކީ އަފްގާނިސްތާނުގެ މީހުންކަމުގައި ހަދައެވެ. ނުވަތަ ތޯލިބާނުންގެ މީހެކެވެ. ނުވަތަ އަލްޣައިދާގެ މީހެކެވެ. އެކަން މަނާކުރާ ދިވެހި ޢިލްމުވެރިންނަކީ ތާލިބާނުންގެ މުއްލާއިންނޯލަޔޯއެވެ. އަދި މީގެއިތުރުން މިސަރުކާރު އައުމުގެ ކުރިންވެސް އެކަން ރިސޯޓުތަކުގަޔާއި ޔޮޓްތަކުގައި ހުއްދަވެފައިވާ ވާހަކަ ބުނެ ކަމުގެ ހަޤީޤަތް އޮޅުވާލަން މަސައްކަތް ކުރެއެވެ.</span><span id="fullpost" style="font-size:130%;">އާއެކެވެ. މިސަރުކާރު އައުމުގެ ކުރިންވެސް ރިސޯޓްތަކުގަޔާއި ޔޮޓްތަކުގައި ޣައިރު މުސްލިމުންނަށް އެވިއްކުން ހުއްދަ ކޮއްފައިވެއެވެ. އެކަމަކު އޮބޮނީ ހަމައެކަނި ޣައިރު މުސްލިމުން ތޯއެވެ؟ އެގޮތަށް ރާވިއްކުން ހުއްދަކުރުން ވެގެންދިޔައީ ދިވެހިންނަށް ރާބުއިމަށް ހުޅުވުނު ދޮރެއް ކަމުގައެވެ. އަދި ދިވެހިންގެ ތެރޭގައި މަސްތުވާތަކެތީގެ ވަބާ ފެތުރުމަށް ކޮށުނު މަގެއް ކަމުގައެވެ. މިއީ ދިވެހި ޤައުމަށް ލޯބިވާ ކޮންމެ ދަރިޔަކަށްވެސް އެނގޭކަމެކެވެ. އެހެން އެކަންއޮއްވައި މި ސަރުކާރު ވުޖޫދައްއައީ ރައްޔިތުންނަށް އެތައް ވައުދުތަކެއް ވަމަށްފަހުގައެވެ. އޭގެތެރެއިން އެއްވައުދަކީ 'މަސްތުވާތަކެތީގެ ވަބާއިން' ދިވެހިން މިންޖުކޮއްދިނުމެވެ. ސުވާލަކީ ރަލަކީ މަސްތުވާ އެއްޗެއް ނޫންތޯއެވެ؟ ނުވަތަ އިންސާނާގެ ހަށިގަނޑައް ގެއްލުންދޭ އެއްޗެއް ނޫންތޯއެވެ؟ ޖަވާބު ވަރަށް ސާފެވެ. އެހެންކަމަށް ވާނަމަ، ކުރީގެ ސަރުކާރުން އެކަން ކުރުން އެއީ މިސަރުކާރުން އެކަން ކުރުމަށްއޮތް ހުއްޖަތެއް ނޫނެވެ. ސަބަބަކީ މަސްތުވާތަކެތީގެ ވަބާއިން ދިވެހިން ސަލާމަތް ކޮއްދޭނެކަމަށް މިސަރުކާރުންވަނީ ވައުދު ވެފައެވެ. އެހެން ނޫންތޯއެވެ؟<br /><br />ދެންބުނެފާނެއެވެ. ރާލާއި އަދިވެސް ވިއްކުން ޙަރާމްވެގެންވާ އެހެނިހެންތަކެތި ވިއްކުމަށް ހުއްދަކުރަނީ ހަމައެކަނި ޣައިރު މުސްލިމުންނަށެވެ. މުސްލިމުންނަކަށް ނޫނެވެ. ސުވާލަކީ ވިއްކުމަކީ ހުއްދަކަމެއް ތޯއެވެ؟ ޖަވާބު އެންމެނަށްވެސް އެގެނއެވެ.<br />ރަސޫލާ (ސައްލަﷲ އަލައިހި ވަސައްލަމް) ޙަދީޘްފުޅެއްގެ މާނާގައި ވެއެވެ. "ބަގުރާ ބުއިން ޙަރާމް ކުރެއްވި އިލާހުގެފަރާތުން، އެ ވިއްކުންވެސް ވަނީ ޙަރާމްކުރައްވާފައެވެ" (މުސްލިމް 1579)<br /><br />އިއްތިފާގުން ސާބިތުވާ (މުއްތަފަގުން އަލައިހި) ޙަދީޘެއްގައި ކީރިތި ރަސޫލާ ޞައްލަﷲ ޢަލައިހި ވަސައްލަމް ޙަދީންޘްކުރެއްވި ބަސްފުޅެއްގެ މާނާގައި ވެއެވެ. "ރަލަކީ ހުރިހާ ނުބައި ކަމެއްގެ މަންމަ އެވެ...." މާނައަކީ ރާވިއްކުން ތަނެއްގައި ހުއްދަކުރެވިއްޖެނަމަ ހުރި ނުބައިކަންތަށް އެތަނެއްގައި އާންމު ނުވެއެއް ނުހުންނާނެއެވެ. ދިވެހި ރާއްޖެއަކީ އެކަމުގެ ރިވެތި މިސާލެކެވެ. ކުރިންވެސް ދެންނެވި ފަދައިން ރިސޯޓްތަކުގަޔާއި ޔޮޓްތަކުގައި ރާވިއްކުން ހުއްދަކުރުން ވެގެންދިޔައީ ދިވެހިން އެކަން ކުރުމަށް ހުޅުވިގެންދިޔަ ދޮރެއްކަމުގައެވެ. އަދި މަސްތުވާތަކެއްތީގެ ވަބާ ފެތުރިގެން ދިޔުމަށް ކޮށުނު މަގެއް ކަމުގައެވެ. އެހެން އެކަން އޮތްއިރު، ކޮއްފައިވާ ވައުދު އޮތްތާނގައި ބާވާފައި، އެފަދަ ނުބައިކަމެއް މަނާކުރުމަކާނުލާ އެކަން ކުރުމަށް އިތުރަށް މަގުފަހިވާގޮތަށް މީހުން ދިރިއުޅޭ ރައްރަށުގައިވެސް ރާވިއްކުން ހުއްދަކުރުމުން ދެން ނުކުންނާނެ ނަތީޖާ ވަރަށް ހިތިވާނެކަމީ ޝައްކެއްވެސް އޮތްކަމެއް ނޫނެވެ. މިއީ މިއަދުގެ ސަރުކާރުން ދިވެހި ރައްޔިތުންނަށް ކުރި ވައުދާ ކަޑައެޅިގެން ހިލާފުވުމެވެ.<br /><br />މިފަދަގޮތަކަށް މީހަކު ބުނެފިނަމަ، އެއީ ތޯލިބާނުން އަފްގާނިސްތާނަށް ގެނައި ވެރިކަން ގެންނަންއުޅޭ ބަޔެކޭ، ނުވަތަ އަލްޣައިދާގެ މީހުނޭ ނުވަތަ މުއްލާއިންނޭ ކިޔާ ކަމުގެ ޙަޤީޤަތް އޮޅުވާލުމަށްޓަކައި މަސައްކަތް ކުރެއެވެ. ނަމަވެސް ރަލުގެ ޙަޤީގަތަކީ މީހުންނަށް އެޅުވާލެވޭނެ އެއްޗެއް ނޫނެވެ. އެއީކީ ތޯލިބާނުން އެކަނި މާނާކުރި ކަމެއް ނޫނެވެ. އެކަން ޙަރާމް ކުރެވުނީ އަފްގާނިސްތާނުގައި އެކަންޔެއް ނޫނެވެ. އެއީ ދުނިޔޭގެ ހުރިހާ ދީންތަކުގައިވެސް މަނާކަމެކެވެ. އެއީ ދުނިޔޭގެ ހުރިހާ ޑޮކްޓަރުންވެސް އެކަން ނުކުރުމަށް ގޮވާލާކަމެކެވެ. އެއީ، ތިމާ ހެއްދެވިފަރާތާ ބައްދަލުވާންޖެހޭ ދުވަހެއް އޮތްކަން ދަންނަ އެއްވެސް މީހަކު، ކުރަން ނުވަތަ ފަތުރަން ބޭނުންވާނެ އެއްޗެއް ނޫނެވެ.<br /><br />މިއަދު ޔޫރަޕުގެ މައިގަނޑު ދީންކަމުގައިވާ ނަސާރާ ދީނުގައިވެސް އެކަން ކުރުމާއި އެކަން ފެތުރުން ވަނީ މަނާކޮށްފައެވެ. ބައިބުލްގައި އައިސްފައި ވެއެވެ. "(ތިޔަބައި މީހުން) ވައިން (ރާ) ބޮއިގެން މަސްތުނުވާށެވެ. (އެހެނީ) އެކަމުގެ ސަބަބުން އެންމެހާ ފާފަތަކަށް (ނުބައިކަންތަކާ ފަސާދައަށް) މަގުފަހި ކޮއްދެއެވެ." (އެފެސިއަންސް 5ވަނަބައި 18ވަނަ ވާސް)<br />އަދިވެސް އައިސްފައި ވެއެވެ. "ވައިންއަކީ (ރަލަކީ) މަލާމާތްތެރިއެކެވެ. އަދި ބިޔަރަކީ (ރަލަކީ) ތަޅާފޮޅުންތެރިއެކެވެ. (އެބަހީ ރަލަކީ އެފަދަ ކަންކަމަށް މަގުފަހިކުރާ އެއްޗެކެވެ.) ފަހެ އެތަކެތީގެ ސަބަބުން މަގުފުރެދިގެންދާ މީހުންނަކީ ބުއްދިވެރިންނެއްނޫނެވެ." (ޕްރޮވާބްސް 20ވަނަބައި 1ވަނަ ވާސް)<br /><br />މިއީ ނަސާރާއިންގެ މުގައްދަސް ފޮތުގައިވެސް ބަޔާންކޮށްފައިވާ ގޮތެވެ. އެއީވެސް ތާލިބާނުންގެ ނުވަތަ އަލްޣައިދާ މީހުންގެ ފެތެއްތޯއެވެ؟ ނުވަތަ އަފްގާނިސްތާނުގައި އޮތްގޮތްތައް ޤަބޫލުކުރާ މީހުންގެ ފޮތެއްތޯއެވެ؟ މީގެ އިތުރުން، ދުނިޔޭގެ ބޮޑެތި ވަރަށްގިނަ ދީންތަކުގައި، އެންމެ ބޮޑު 5 ފާފައިގެ ތެރޭގައި ރާބުއިން ހިމެނެއެވެ. އަދި އެ ބުއިމާ އެ ފެތުރުމަކީ އެ ދީންތަކުގައިވެސް މަނާކަމެކެވެ. އެ ދީންތަކަށް ތަބާވާ މީހުންނަކީވެސް ތޯލިބާނުންތޯއެވެ؟ ނުވަތަ އެދީންތަށް ފަތުރާ ފާދިރީންނަކީ އިސްލާމުދީނުގެ 'މުއްލާއިން' ތޯއެވެ؟<br /><br />އިސްލާމު ދީނުގައި ރަލާބެހޭގޮތުން މާތްﷲ ވަޙީކުރައްވާފައިވާ ބަސްފުޅާއި ހަމަޔަށް ދިޔުމުގެކުރިން، ތިބޭފުޅުންގެ ހިތުގައި އުފެދިދާނެ ސުވާލަކަށް އިންސާފު ކޮެއްލެވޭތޯ ބަލާނަމެވެ. ސުވާލު އުފެދިދާނެއެވެ. އެހުރިހާ ދީނެއްގައި ރާ ޙަރާމް ކުރެވިފައިވާއިރު ރާ އެހާ އާންމު އެއްޗަކަށްވީ ކީވެބާވައެވެ؟ ޙަޤީޤަތުގައި ރަލަކީ ހުރިހާ ދީނެއްގަވެސް މަނާކަމެކެވެ. ތާރީޚަށްޖެހިލާއިރު، ދީނުގައި އެކަން އޮންނަގޮތް އޮޅި އާންމުންގެ ތެރޭގައި އެކަން އާންމުވެފައިވާނީ ކީއްވެތޯ ބަލާލާއިރު، މައިގަޑު 3 ސަބަބެއް ވެއެވެ. އެއީ:<br /><br />1- ދީނާއި ސިޔާސަތާ ވަކިކޮއްލުން ނުވަތަ ދީނާއި ދިރިއުޅުމާ ވަކިކޮށްލުން. އޭގެސަބަބުން އިންސާނުން ރޫހާނިއްޔަތުގެ މަތިން ހަދާންނެތި، ހަމައެކަނި މާއްދިއްޔަތަށް ބޯލަބަންފެށިއެވެ.<br /><br />2- އިންސާނުން މާއްދިއްޔަތަށް ބޯލަބާފައިވާލެއް ބޮޑުކަމުން، އެކަމަކީ ގޯސްކަމެއްކަން އެގިތިބެވެސް، އެކަމުން ލިބޭ ވަގުތީ އަރާމަކަށްޓަކައި ނުވަތަ ދުނިޔެވީ ފައިދާއަށްޓަކައި އެކަން ކުރަނީއެވެ. ރާބުއިމަކީ ފާފައެއްކަން އަންގަވާ ކީރިތި ޤުރުއާނުގެ ބަގަރާސޫރަތުގެ 219 މާތްﷲ ވަޙީ ކުރައްވާފައި ވެއެވެ. "... އެދެކަމުގައިމެ (ޖުވާކުޅުމާއި ރަލުގައި) ބޮޑުވެގެންވާ ފާފަ ވެއެވެ. އަދި އޭގައި މީސްތަކުންނަށް ފައިދާ ވެސް ވެއެވެ. ނަމަވެސް އެއިން ލިބޭ މަންފާއަށްވުރެން ލިބޭ ފާފަ މާބޮޑެވެ..." އިންސާނުން މާއްދިއްޔަތަށް ގޮސްފައި ތިބޭވަރުން، އޭގައިވާ ގެއްލުމުގެމަތިން ހަދާން ނައްތާލަނީއެވެ. ވިސްނެނީ ހަމައެކަނި އޭގައި އެކުލެވޭ ދުނިޔެވީ ފައިދާގެ މަތިންނެވެ.<br /><br />3- އޭގެއިތުރުން ތާރީޚު ހެކިދޭ އެންމެބޮޑު އެއްސަބަބަކީ ވެރިންގެތެރޭގައި އެކަން ކުރަންބޭނުންވާ ބޭފުޅުން އުޅުއްވުމެވެ. އެހެން ގޮތަކަށް ދަންނަވާނަމަ ވެރިންގެ ތެރޭގައި އަބަދު ހަމާގައި ތިބެން ބޭނުންނުވާ ބޭފުޅުން އުޅުމެވެ. އެހެންކަމުން އެކި ދީންތަކަށް ނިސްބަތްވާ އެކި ޤައުމުތަކުގެވެރިން، އެބޭފުޅުން ނުވަތަ އެބޭފުޅުންގެ އަރިހުގައި އުޅުއްވާ ބޭފުޅުން އެކަންކުރަން ބޭނުންވާތީވެ، ކޮންމެވެސް ނަމެއްގައި ޤާނޫނީގޮތުން އެކަން ހުއްދަކުރަނީއެވެ.<br /><br />ކޮންމެއަކަސް، އަޅުގަނޑުމެންގެ ތެރޭގައި އެންމެ ފުރަތަމަ ރިސޯޓް ތަކުގަޔާއި ޔޮޓްތަކުގައި ރާވިއްކުން ހުއްދަ ކުރެވުނު ގޮތަށް ބެލިޔަސް، ތާރީޚުން ސާބިތުވާ މިހިރަ ސަބަބުތަށް އެ ހުއްދަކުރެވުނު ސަބަބު ތަކުގެތެރޭގައި ވެއެވެ. އަޅުގަނޑު ހިތުން މިއަދުވެސް ކަންވަމުން މިދަނީ އެފަދަ ގޮތަކަށެވެ. މިއީ އަޅުގަނޑުމެން ކަންބޮޑުވާންޖެހޭ ކަމެކެވެ. އަދި ހިތާމަކުރާ ކަމެކެވެ.<br /><br />ސަބަބަކީ ރަލާ ބެހޭގޮތުން މާތްﷲ ކީރިތި ޤުރުއާނުގައި ވަޙީކުރައްވާފައި ވެއެވެ.<br /><br />"އޭ މުޙައްމަދުގެފާނެވެ! ބަނގުރާއާއި މައިސިރު (ޖުވާ)ގެ ކުޅިވަރާމެދު އެބައިމީހުން ކަލޭގެފާނާއި ސުވާލު ކުރެއެވެ. ކަލޭގެފާނު ވިދާޅުވާށެވެ! އެދެކަމުގައިމެ ބޮޑުވެގެންވާ ފާފަ ވެއެވެ. އަދި އޭގައި މީސްތަކުންނަށް ފައިދާ ވެސް ވެއެވެ. ނަމަވެސް އެއިން ލިބޭ މަންފާއަށްވުރެން ލިބޭ ފާފަ މާބޮޑެވެ. އަދި ހޭދަކުރާންވީ އެއްޗަކާމެދު ވެސް އެބައިމީހުން ކަލޭގެފާނާއި ސުވާލު ކުރެއެވެ. ކަލޭގެފާނު ވިދާޅުވާށެވެ! ހޭދަކުރުންވަނީ ތިމާގެ ބޭނުންތަކަށް ވުރެ އިތުރުވާ އެއްޗަކުންނެވެ. ﷲ އެކަލާނގެ އާޔަތްތައް ތިޔަބައި މީހުންނަށް މިފަދައިން ބަޔާންކޮށް ދެއްވަނީ، ދުނިޔެއާއި އާޚިރަތުގެ ކަންތައްތަކާމެދު ތިޔަބައިމީހުން ވިސްނައި ފިކުރުކުރުމަށްޓަކައެވެ." (ސޫރަތުލް ބަގަރާ 219ވަނަ އާޔަތް)<br /><br />ދުނިޔެއާއި އާޚިރަތުގެ ކަންތައްތަކާމެދު ތިޔަބައިމީހުން ވިސްނާށެވެ. ދުނިޔެވީ ވަގުތީ ފައިދާއަކަށްޓަކައި އާޚިރަތް ވިއްކާލުމަކީ ހާދަހާވާ ހިތާމަކުރަންޖެހޭނެ ކަމެކެވެ. އަދިވެސް މާތްﷲ ވަޙީކުރައްވާފައި ވެއެވެ.<br /><br />"އޭ އީމާންވެއްޖެ މީސްތަކުންނޭވެ! ހަމަކަށަވަރުން، ރާއާއި، ޖުވާކުޅުމާއި، އަޅުކަންކުރަން ހަދާފައި ހުންނަ ބުދުތަކާއި، ނަސީބު ހުރިގޮތް ބަލަން ގެންގުޅޭ ދުނިދަނޑިތަކަކީ ޝައިތާނާގެ ޢަމަލުތަކުގެ ތެރެއިންވާ މުޑުދާރު ތަކެއްޗެވެ. ފަހެ ތިޔަބައިމީހުން އެކަންތަކާ ދުރުވެގަންނާށެވެ. އެއީ ތިޔަބައިމީހުން ދިންނަވައި ނަސީބު ލިބުމަށްޓަކައެވެ."<br />"ޝައިތާނާ އެދޭކަން ކަށަވަރީ ރާއާއި ޖުވާގެ ސަބަބުން ތިޔަބައިމީހުންގެ މެދުގައި ޢަދާވާތްތެރިކަމާ ރުޅިވެރިކަން އިތުރުމަށެވެ. އަދި (އެކަމުގެ ސަބަބުން) ﷲގެމަތިން ހަނދުމަކުރުމާއި ނަމާދު ކުރުމަށް ތިޔަބައިމީހުނަށް ހުރަސްއެޅުމަށެވެ. ފަހެ ތިޔަބައިމީހުން ތިޔަތިބީ އެކަންތަށް ހުއްޓާލަން ހެއްޔެވެ؟ (ސޫރަތުލް މާއިދާ 90-91ވަނަ އާޔަތް)<br /><br />ހުއްޓާލަން ތައްޔާރު ތޯއެވެ؟ ނުވަތަ ﷲގެ އެންގެވުން ތަކަށް ގޮންޖަހާލުމަށްފަހު އެކަމަށް ފަށައިގަންނަން ތައްޔާރުވަނީ ތޯއެވެ؟ ކޮންމެއަކަސް މިފަދަ ކަންކަން ކުރުމަށާ ދެކޮޅުހަދާ މީހުނާއި، އެފަދަކަންކަން ކުރުމަށް ވާގިވެރިވާ މީހުނާއި ދެމެދުގައި ހުރި ތަފާތަކީ ޙައްޤާއި ބާތިލާއި ދެމެދުގައިވާ ތަފާތެވެ. މާތްﷲގެ އަމުރުފުޅުތަކަށް ތަބާވާމީހުނާ، އެ އަމުރުފުޅުތަކަށް ގޮންޖަހަން މަސައްކަތްކުރާ މީހުނާ ދެމެދުގައި ހުރި ތަފާތެވެ. ދީނަށްލޯބިކުރާ މީހުނާ، ލާދީނީ މީހުނާ ދެމެދުގައި ހުރި ތަފާތެކެވެ.<br /><br />އިސްލާމު ދީނަކީ ﷲގެ ދީނެވެ. އެދީނުގައިވާ ޙުކުމްފުޅުތަކަކީ ﷲގެ ޙުކުމްފުޅުތަކެވެ. ކޮންމެ މީހަކު ކޮންމެއެއްޗެއް ކީކަމުގައި ވިއަސް، ޙަރާމް ކަމެއް ހުއްދަކަމަކަށް ނުވާނެއެވެ. ރައީސަކަސް، މުއްސަންޖަކަސް، ފަޤީރަކަސް އެކަލާނގެ ޙުކުމްފުޅުތަކާ ދެކޮޅުހަދާނަ އެކަމުގެ ރަހަ ދެކޭނެއެވެ. މިއަދު ނޫނީ މަދަމާއެވެ. މިއަދު އެކަން ކުރެވިދާނެއެވެ. ސަބަބަކީ މިއަދުވަނީ ބާރު ދެއްވާފައެވެ. 'ޗޮއިސް' ދެއްވާފައެވެ. ޤާނޫނަކުން ހުއްދަވެސް ކުރެވިދާނެއެވެ. ޤާނޫނަކޫން މަނާވެސް ކުރެވިދާނެއެވެ. މިއީ އިމްތިހާނުގެ ގޯޗެވެ. "އެކަލާނގެއީ ތިޔަބައިމީހުންގެ ތެރެއިން ހެޔޮއަމަލު ކުރަނީ ކާކުތޯ އިމްތިހާނު ކުރެއްވުމަށްޓަކައި ދިރުމާއި މަރުވުން ލެއްވި އިލާހެވެ..." (ސޫރަތުލް މުލްކު 2ވަނަ އާޔަތް)<br /><br />މަރުވުމަށްފަހުގައި ދާންޖެހޭފަރާތަކީ އެއީއެވެ. އެއީ ކުރެވުނު ކަންތަކާމެދު ސުވާލު ކުރެވޭނޭ ދުވަހެވެ. އެދުވަހުން 'ޗޮއިސް' އެއް ނޯނާނެއެވެ. އެކަލާނގެ ހަޟުރަތަށް ބިރުވެތިވެ އެކަލާނގެ އެންގެވުންތަކަށް ތަބާވުމަށްވުރެ މޮޅުއިތުރު ގޮތެއް އޮންނާނެ ތޯއެވެ؟</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-4018228764243365951?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-15553285188742539212009-11-15T11:21:00.003Z2009-11-30T00:07:50.999Z<span style="font-size:130%;">ގެ ސާދަސަތޭކަ އަހަރުކުރިން، ޢަރަބިކަރާގައި މުނާފިގުންގެ ޢަމަލުތަށް ހުރިގޮތަށް މިއަދު މިރާއްޖޭގައިވެސް މުސްލިމުންގެ ނަމުގައި ތިބިމީހުންގެ ޢަމަލުތަށް ބަދަލުވަމުން އެބަދެއެވެ. ނުވަތަ ބަދަލުވެފައި ވެއެވެ. މިބުނާ 'ޖާރިޔާއިންގެ' މައްސަލައަކީ މިފަދަމީހުން އިސްލާމު ދީނަށް 'ލޯބިކުރާ' މިންވަރު ފާޅުކޮށްދިން އަލާމާތެކެވެ. އިސްލާމު ދީނާއިމެދުގައި މިބައިމީހުންގެ ހިތުގައި އުފެދިފައިވާ ނަފުރަތުގެ ޝުޢޫެރުތަށް ފާޅުވެގެން އަލިގަދަ ހެއްކެކެވެ. އަދި އިސްލާމުދީނުގެ ޢިލްމުން، މިމީހުނަށް އުގެނިފައިވާ މިންވަރުވެސް މިފަދަކަންކަމުން ހާމަކޮށްދެއެވެ.<br /><br />އަޅުގަނޑު މިދަންނަވަންއުޅެނީ ޖާރިޔާއިންގެ ވާހަކަ ނުލިޔާށެކޭ ނޫނެވެ. އެކަމުގެ ޞައްޙަ މަޢުލޫމާތު ދިވެހިންނަށް ފޯރުކޮށް ނުދޭށެކޭނޫނެވެ. އަޅުގަނޑު މިދަންނަވަން އުޅޭވާކަހައަކީ 'ޖާރިޔާއޭ' ބުނުމަށްފަހު ވަރަށްގިނަ ލިޔުންތެރިންނަށް ދެން ފެށެނީ ދީނަށް ފުރައްސާރަކުރާށެވެ. ކަމާނުބެހޭ މީހުންގެ ސިފަތަކާ، ލާހެދުމުގެކުލަޔާ، ތުބުޅިއާ ބުރުގާގެ ވާހަކަތަކެވެ. އެފަދަ އަމަލުތަށް ކުރާ މީހުންނަކާ ބެހޭކަމެއްވެސް ނޫނެވެ. މިއީ މިއަދުގެ ބަޔެއް ލިޔުންތެރިން އެމީހުންގެ ފަންނަށް ތަސައްރަފު ނުފުދޭ ކަމުންވާގޮތެއްކަމުގައި އަޅުގަނޑަށް ޤަބޫލުކުރެވެއެވެ.</span><span id="fullpost" style="font-size:130%;">ދިވެހި ރާއްޖޭގައި ކައިވެނި ކުރުމަކާނުލާ، 'ޖާރިޔާއިންގެ' ނަމުގައި އަންހެން ކުދިންނާއި ނުވަތަ އަންހެނުންނާއި ޖިންސީގުޅުން ހިންގުމަކީ، އެކަމަށް އަޅުގަނޑުވެސް ދެކޮޅުހަދާކަމެކެވެ. އަދި އެފަދަ ކަންތަށް ހުއްޓުވުމަށް ސަރުކާރަށާ ކަމާބެހޭ ފަރާތްތަކަށް އަޅުގަނޑުވެސް ގޮވާލަމެވެ. އެހެން ނަމަވެސް، އެހިސާބަކުން ނިމުނީކީ ނޫނެވެ. ކައިވެނި ކުރުމަކާނުލާ ކޮންމެ ނަމެއްފައިވިއަސް ޖިންސީ ގުޅުން ހިންގުމާއި އަޅުގަނޑު ދެކޮޅުހަދަމެވެ. އެޅުގަނޑުމެން މޭކަރައިގަންނަނީ ޖަރިޔާއިން ކީމައެވެ. 'ގާލްފުރެންޑް ކިޔަސް' އެންމެ ރަގަނޅެވެ. ބޭނުން ކަމެއް ކުރަންވީއެވެ. ނުވަތަ 'ބޯއި ފުރެންޑް' ކިޔަސް އެންމެ ރަގަނޅެވެ. ބޭނުން ކަމެއް ކުރަންވީއެވެ. ނުވަތަ ހަލާލު އަނބިމީހާގެ އިތުރުން 'ސައިޑް ބިޓެއް' ނުވަތަ 'ސައިޑް ބިޓުންތަކެއް' ގެންގުޅުނަސް އެންމެ ރަގަނޅެވެ. ނުވަތަ އެހެންވެސް ނަމެއްގައި އަނބިމީހާފިޔަވައި އެހެން މީހުނާއި ޒިނޭކުރުމަކީ މިއަދު މައްސަލައަކަށް ނުވެއެވެ. ހިތާމައަކީ އެފަދަ ވާހަކަތަށް ލިޔަން މިދަންނަވާ ލިޔުންތެރިންގެ ގަލަމުގެ ދެއްޔެއްވެސް ނުހިނގައެވެ. މިއީ ޙަޤީޤަތުގައިވެސް ދިވެހިންނަށް ހެޔޮއެދިގެން ލިޔާލިޔުންތެރިންބާވައެވެ؟ދާދިފަހުން އައި ޖީ އެމް އެޗުން ހާމުކުރި ގޮތުގައި، މިއަހަރުގެ މިހާހިސާބަށް އައިއިރު 18 އަހަރު ނުފުރޭ 85 ކުއްޖަކު ޕްރެގްނެންސީ ޓެސްޓަށް ޕޮސިޓިވް ވެފައި ވެއެވެ. 85 އެއީ އައި ޖީ އެމް އެޗަށް ދެއްކު ކުދިންގެ އަދަދެވެ. އެ ހޮސްޕިޓަލުގެ ރެކޯޑްތަކަށްނާރާ މާބަނޑުވެފައިވާ ކިތަށް ކުދިންވާނެ ބާވައެވެ؟ އަދި މިފަދަ ކުރިއަރާފައިވާ ޒަމާނުގައި އެކިކަހަލަ 'ހުރަސް' ބޭނުންކޮށްގެން އެ ފާޙިޝް އަމަލު ހިންގާފައިވާ ކިތަށް މީހުންވާނެ ބާވައެވެ؟ ނަމަވެސް، މިފަދަ ކަންތައްތަތް ބޮޑުކަމަކަށް ވާހެނެއް ހިޔެއް ނުވެއެވެ. އަދި ނިމުނީކީ ނޫނެވެ. މިފަދަ ފާހިޝް އަމަލު ތަކުގެ ނަތީޖާ ކުރިމަގުގައި ވަރަށް ހިތިވާނެ ކަމުގެ ސިގުނަލްތަށްވެސް ވަރައް ސާފުކޮށް އެއަންނަނީ ލިބެމުންނެވެ.<br /><br />ރާއްޖެތެރޭ ރަށެއްގައި އެއިޑްސް ޖެހިފައިވާ 26 އަހަރުގެ ފިރިހެނަކު ވަނީ ތަފާތު 4 އަންހެން ކުއްޖަކާއެކީގައި ބަދުއަޚްލާޤީ އަމަލު ކޮށްފައެވެ. މީނާ ލޯބީގެގޮތުން ރައްޓެހިވެގެން އުޅުނީ، ގްރޭޑް 9 ގައި އުޅޭ ކުއްޖަކާއެވެ. އެއަންހެން ކުއްޖާއާއިއެކުގައި ޖިންސީގުޅުން ހިންގާކަމުގައި އަންހެން ކުއްޖާގެ އާއިލާއިން ވަނީ ކަށަވަރު ކޮށްދީފައެވެ. މިދިޔަ އޮގަސްޓް މަހުގައި ފުލުހުން އޭނާ އަތުލައިގަތީ، ފަޅުގެއެއްގެ ތެރޭގައި 18 އަހަރު ނުފުރޭ ކުއްޖަކާ އެކީގައި ޖިންސީގުޅުން ހިންގަން އޮއްވައި ކަމުގައި ވެއެވެ. ނަމަވެސް މިފަދަ ވާހަކަތަށް ލިޔެ، މީހުންގެ ސަމާލުކަމަށް މިކަން ގެނައުމަށް، ދީނާއި ޤައުމަށް 'ލޯބިކުރާ' ލިޔުންތެރިންގެ ގަލަމަކުން ދެއްޔެއް ނުހިގައެވެ.<br /><br />ލިޔުން ތެރިޔާއެވެ! އަޅުގަނޑުވެސް އެއްބަހެވެ.<br />"މީގެ ސާދަސަތޭކަ އަހަރުކުރިން، ޢަރަބިކަރާގައި ކަންތައް ހުރިގޮތަށް، މިހާރު މިރާއްޖެ މިހިރަދަނީ ބަދަލުވަމުންނެވެ."<br /><br />މީގެ ސާދަސަތޭކަ އަހަރު ކުރިން (އިސްލާމު ދީން އައުމުގެ ކުރިން)، އަރަބިކަރާގައި އެމީހުނަށް ލިބޭދަރިން، ޚަރަދު ބޮޑުވާތީވެ، އެމީހުން ދިޔައީ މަރަމުންނެވެ. ނުވަތަ ދިރިތިއްބާ ވަޅުލަމުންނެވެ. އިސްލާމްދީން އައުމަށްފަހު އެކަން ޙަރާމްކުރެވުނެވެ. އެހެންނަމަވެސް އެޒަމާނުގެ އަރަބިންނެކޭ އެއްފަދައިން ދިވެހި ރާއްޖޭގައި މިގޮތަށް ޅަކުދިން މަރާލުން މިވަނީ އާންމު ކަމަކަށް ވެފައެވެ. ނޫސްވެރިޔެއްގެ ޚައިޞިއްޔަތުން ތިބާއަށް އެކަން މާބޮޑަށް އެގިލައްވާނެއެވެ. އަރަބިން ބޯނުކޮށާ، ތުބުޅި ނުބާލާ އަދި ޖަގިޔާ ނުލާވާހަކަ ދެއްކެވި އިރު މިވާހަކަ ލިޔަން ހަދުމަފުޅު ނެތުނީތޯއެވެ؟<br /><br />މީގެ ސާދަސަތޭކަ އަހަރު ކުރިން (އިސްލާމު ދީން އައުމުގެ ކުރިން)، އަރަބި ކަރާގައި މަސްތުވާތަކެތި ބޭނުންކުރުމަކީ އާންމުވެފައިވާ ކަމެކެވެ. އެމީހުނަށް ރަލަކީ ހިތިއެއްޗެކެވެ. އެކަން ޚަރާމް ކުރެވުނީ އިސްލާމުދީން އައުމަށް ފަހުގައެވެ. އެހެން ނަމަވެސް އަރަބިންގެ އެނާތަހުޒީބީ ޢަމަލު މިއަދު ދިވެހިން މިވަނީ ތަހުޒީބީ އަމަލަކަށް ހަދައި ކުރަންފަށާފައެވެ. ނޫސްވެރިޔެއްގެ ޚައިޞިއްޔަތުން ތިބާއަށް އެކަން މާބޮޑަށް އެގިލައްވާނެއެވެ. އަރަބި އެންހެނުން ކަޅުހެދުންލާވާހަކައާއި މަސައްކަތްނުކޮށް ގޭގައިތިބޭވާހަކަ ލިޔުއްވިއިރު، މިވާހަކަ ލިޔަން ހަދުމަފުޅު ނެތުނީތޯއެވެ؟<br /><br />މީގެ ސާދަސަތޭކަ އަހަރު ކުރިން (އިސްލާމު ދީން އައުމުގެ ކުރިން)، ޒިނޭކުރުމަކީ އާންމު ކަމެކެވެ. އިސްލާމްދީން އައުމަށްފަހު އެކަން މަނާކުރެވުނެވެ. ނަމަވެސް ދިވެހިން މިއަދު މިވަނީ އެކަންވެސް ރީތިކަމަކަށް ހަދާފައެވެ. އެކި ނަންނަމުގައެވެ. ނޫސްވެރިޔެއްގެ ޚައިޞިއްޔަތުން ތިބާއަށް އެކަން މާބޮޑަށް އެގިލައްވާނެއެވެ. 'ޖާރިޔާއިންގެ' ވާހަކަ ލިޔުއްވިއިރު މީހުނާ އިދެގެން އުޅޭ ފިރިހެނުންގެ ނުވަތަ އަންހެނުންގެ 'ސައިޑް ބިޓުންގެ' ވާހަކަ ނުދެއްކެވީ ހަމަ ހަދުމަފުޅު ނެތުނީ ތޯއެވެ؟<br /><br />މީގެ ސާދަސަތޭކަ އަހަރަށްވުރެވެސް މާކުރިން (ލޫތު އަލައިހި ސަލާމްގެ ޒަމާނުގައި)، ފިރިހެނުންނާއި އަންހެނުން އެއްޖިންސުން ގުޅުން ހިންގުމަކީ ވަރަށް 'ފޯރިނަގާފައި' ކުރަމުން އާކަމެކެވެ. ލޫތު އަލަހިސަލާމް އެކަން މަނާކުރެއްވުމުން، އެކަލޭގެފާނަކީ 'ހިއުމަން ރައިޓްސް'އާއި ދެކޮޅަށް މަސައްކަތް ކުރަށްވާ ބޭފުޅެއްކަމުގައިބުނެ އެކަލޭގެފާނުގެ އަމުރާއި އެބައިމީހުން ދެކޮޅުހެދިއެވެ. އިސްލާމުދީނުގައި މާތްﷲގެ ވަނީ އެފަދަ ފާހިޝް، ދަށުފަންތީގެ އަމަލުތަށް ޙަރާމް ކުރައްވާފައެވެ. އެހެން ނަމަވެސް، މިއަދު ވަރަށް ގިނަ ދިވެހިންގެ ދައުވާއަކީވެސް އެތައް ހާސް އަހަރެއްކުރިން ލޫތުގެފާނުގެ ޤައުމުގެ މީހުންވެސް ކުރި ދައުވާއެވެ. ނޫސްވެރިޔެއްގެ ޚައިޞިއްޔަތުން ތިބާއަށް އެކަން މާބޮޑަށް އެގިލައްވާނެއެވެ. އަރަބިން ޖަމަލާއި ގާޑިޔާގެންގުޅުނުވާހަކަ ލިޔުއްވިއިރު، މިދަންނަވާލިވާހަކަ އިތުރުކޮށްލަން ހަދުމަފުޅު ނެތުނީތޯއެވެ؟<br /><br />މީގެ ސާދަސަތޭކަ އަހަރު ކުރިން (އިސްލާމު ދީން އައުމުގެ ކުރިން)، އަރަބިންގެ ތެރޭގައި އޮންނަ އުސޫލަކީ ކޮންމެ ގޮތަކުންނަމަވެސް މުދާ އެއްކުރުމެވެ. އެއީ ރިބާ ކައިގެން ކަމުގައިވިއަސް، ވިޔަފާރީގައި މަކަރުހަދާ އޮޅުވާލައިގެން ކަމުގައިވިއަސް، އަދި ނާސިގެތަށް ހުޅުވައިގެން ކަމުގައިވިއަސް ވަރިހަމައެވެ. އިސްލާމުދީން އައުމަށްފަހު އެފަދަ ހުރިހާކަމެއް މަނާކުރެވުނެވެ. އަދި ޒަކާތްނެރުމަށާ ފަޤީރުންނަށް އެހީވުމަށް އެންގުނެވެ. ނަމަވެސް މިއަދު ދިވެހި ރާއްޖޭގައި މުދަލާއި ފައިސާ އިތުރުކުރުމަށްޓަކައި، އެހުރިހާ ނުބައިކަމެއްވެސް ކުރަމުންދެއެވެ. ނޫސްވެރިޔެއްގެ ޚައިޞިއްޔަތުން ތިބާއަށް އެކަން މާބޮޑަށް އެގިލައްވާނެއެވެ. އެވާހަކަ ލިޔުއްވަން ހަދުމަ ނެތުނީތޯއެވެ؟<br /><br />މީގެ ސާދަސަތޭކަ އަހަރު ކުރިން (އިސްލާމު ދީން އައުމުގެ ކުރިން)، އަރަބިންގެ ތެރޭގައި އެއްވެސް ޙައްޤަކާނުލާ މީހުންގެ ފުރާނަހިފުމާ، ކިޑްނޭޕުކުރުމާ، އެއްބަނޑު އެއްބަފާ ދެބެންގެތެރެއިން އެކަކު އަނެކަކު ކަތިލުންފަދަ ކަންކަމަކީ އާންމު ކަންތަކެވެ. އިސްލާމުދީން އައުމަށްފަހު ޙައްޤަކާނުލާ މީހުންގަތުލުކުރުމާ، އެހެންވެސް އެފަދަކަންތައްތައް މަނާކުރެވުނެވެ. ނަމަވެސް މިއަދު ރާއްޖޭގައި އެކަން އެވަނީ އާންމުވެފައެވެ. ނޫސްވެރިޔެއްގެ ޚައިޞިއްޔަތުން ތިބާއަށް އެކަން މާބޮޑަށް އެގިލައްވާނެއެވެ. އަރަބިން ނައަމުސޫފި ހުއިހެއްޕިވާހަކައާއި ކަދުރުހެއްދިވާހަކަ ލިޔުއްވިއިރު، މިވާހަކަތަށް ލިޔަން ހަދުމަ ނެތުނީތޯއެވެ؟<br /><br />މީގެ ސާދަސަތޭކަ އަހަރު ކުރިން (އިސްލާމު ދީން އައުމުގެ ކުރިން)، ވައްކަންކުރުމާ، މީހުންގެ މުދާ ނުހައްޤުން ފޭރުން އަރަބި ކަރާގައި ވަނީ އާންމުވެފައެވެ. އިސްލާމުދީން އައުމަށްފަހު އެކަންތަށް މަނާކުރެވުނެވެ. އެހެން ނަމަވެސް، މިއަދު ވަރަށް ގިނަ ދިވެހި ޒުވާނުންގެ ވަޒީފާއަކީ (ނުވަތަ އާމުދަނީ ހޯދަން ކުރާ މަސައްކަތަކީ) ވައްކަންކުރުމާ، މަގުފޭރުމެވެ. ނޫސްވެރިޔެއްގެ ޚައިޞިއްޔަތުން ތިބާއަށް އެކަން މާބޮޑަށް އެގިލައްވާނެއެވެ. އަރަބިން ޝާމުކަރަޔަށް ވިޔަފާރި ދާވާހަކަ ދެއްކެވިއިރު، މިވާހަކަ ލިޔަން ހަދުމަފުޅު ނެތުނީތޯއެވެ؟<br /><br />އާއެކެވެ! ތިބާއަކީ ނޫސްވެރިޔެކެވެ. އަދުލުވެރި 'ތަސައްރަފު ފުދިފައިވާ' ނޫސްވެރިންގެ ގޮތަކީ ކަމެއްހިނގާއިރަށް ތިމާގެ ހަވާނަފްސާއެއްގޮތަށް، ދިރާސާކުރުމެއްނެތި ލިޔުންތަށް ލިޔެނެގުމެއްނޫނެވެ. އެ މައުޟޫއަކާ ގުޅޭގޮތުން އެކަމުގެ ޞައްހަ މައުލޫމާތު މީހުނަށް ފޯރުކޮށް ދިނުމެވެ. ތިމާއަށް ކިޔޭނުކިޔޭއެއްޗެހި ނޭންގޭވަރަށް ތިމާގެ ދަރަޖަ ދިއުމެއް ނޫނެވެ. އާއެކެވެ. ކުރިންވެސް ބުނިހެން، ކައިވެނިން ބޭރުގައި ޖާރިޔާއިންގެ ނަމުގައި އަންހެންކުދިންނާއި ޖިންސީގުޅުން ހިންގުމަކީ ކުއްވެރިކުރަން ޖެހޭނެ ކަމެކެވެ. އެކަން ކުއްވެރިކުރައްވާއިރު އެކަމުގެ ވާހަކަ ދައްކަވާށެވެ. އެކަމުގެ ޞައްޙަމައުލޫމާތު އާމުންނަށް ފޯރުކޮށްދޭށޭވެ.<br /><br />އޭގެބަދަލުގައި ތި ދައްކަވަނީ، ސާދަސަތޭކަ އަހަރު ކުރިން ޢަރަބިން ޖަގިޔާ ނުލާ އުޅުނުވާހަކައެވެ. އެއީ މިކަމަކާ ގުޅުން ހުރިކަމެއް ނޫނެވެ. އަދި ތި މައުލޫމާތަކީވެސް ޞައްޚަ މައުލޫމާތެއް ނޫނެވެ. އެމީހުންވެސް ޖަގިޔާ ނުވަތަ 'އަންޑަވެޔަރ' ލައިއުޅުނެވެ. އަޅުގަނޑު މިތާނގައި މިފާހަގަކޮއްލި ކުށުގެ އިތުރުން މުޅި ލިޔުމުގައިވެސް ޖުމްލަކޮށް ވަނީ މަޢުލޫމާތުގެކުށެވެ. އަދި ގިނައިން ހަދާފައިވަނީ ބުހުތާނު ދޮގުތަކެވެ.<br /><br />ލިޔުންތެރިޔާއެވެ! މުސްލިމުންނަކީ އިސްލާމު ދީނެއް ނޫނެވެ. އަދި މުސްލިމުންގެ ދިރިއުޅުމަކީވެސް އިސްލާމުދީނެއް ނޫނެވެ. އެކަމަކު މުސްލިމުން ދިރިއުޅެން ޖެހެނީ އިސްލާމު ދީނުގައިވާ ގޮތަށެވެ. އެހެންކަމުން މުސްލިމުންގެ ދިރިއުޅުމަށް ބަލައިގެން އިސްލާމު ދީނެއް ނޭންގޭނެއެވެ. އިސްލާމުދީން އެގޭނީ ﷲގެ ފޮތާ ރަސޫލާ (ޞައްލަﷲ ޢަލައިހި ވަސައްލަމް)ގެ ސުންނަތަށް ބަލައިގެންނެވެ. މުސްލިމުން ނަކީ އިންސާނުންނެވެ. އެމީހުން ގޯސްކަންތަށް ވެސް ކުރާނެއެވެ. ނުވަތަ ކުރެވޭނެއެވެ. ނަމަވެސް އިސްލާމު ދީނަކީ މާތްﷲ ބާވާލައްވާފައިވާ ދީނެކެވެ. އެއީ ޙިކްމަތްވަންތަ އިލާހުގެ ދީނެވެ. އެއީ އިންސާނުންނާއި ޖިންނީން ނެތުމުގެ ތެރެއިން އުފެއްދެވި އިލާހުގެ ދީނެވެ. އެ އިންސާނާއަށް ރަގަޅީ ކޮންގޮތެއްކަމާ، ގޯހީ ކޮންގޮތެއްކަން އެންމެ މޮޅަށް ދެނެވޮޑިގެންވާ އިލާހުގެ ދީނެވެ. ވިމާ، އެ އިލާހުގެ ޝަރީއަތުގައި ކުށެއް ނުހުންނާނެއެވެ. މައްސަލައެއް ނުހުންނާނެއެވެ. މައްސަލަހުރީ އަހަރުމެންގެ ކިބާގައެވެ. ޙަޤީގަތަކީ ކޮބައިތޯ ނުބަލަނީ އަހަރުމެންނެވެ.<br /><br />ވީމާ، މީހަކު ކުށެއްކުރާއިރަށް، އެމީހާ ހުންނަ ސިފައަށް ނުވަތަ އެމީހާނިސްބަތްވާ ދީނަށް އެއްޗެހިގޮވުމަކީ ވަރަށް ދަށުދަރަޖައިގެ ކަމެކެވެ. އަދި އެކަމުން ދޭހަވާކަމަކީ، އެފަދަ ލިޔުންތެރިންނަކީ، ކަންކަމުގެ މަޢުލޫމާތު އޮޅުންނުފިލާ މީހުންކަމެވެ. ލިޔުންތެރިކަމުގެ ދާއިރާއަށް ތަންދޮރު އޮޅުންނުފިލާ ތަސައްވަރު ނުފުދޭމީހުންކަމެވެ. އަޅުގަނޑު މަތީގައި ދަންނަވާފައިވާ، ވައްކަން ކުރުމާ، ޒިނޭކުރުމާ، މަސްތުވާތަކެތި ބޭނުންކުރުމާ، މާރާމާރީ ހިންގުމާ އަދިވެސް މިފަދަ ގިނަކަންތައްތައް ކުރާމީހުންގެ 'ބެކްގްރައުންޑް' ދިރާށް ކުރައްވާށެވެ. އޭގައި ގިނައިންވަނީ ތުބުޅިލީ މީހުންތޯއެވެ؟ ނުވަތަ ކަޅުހެދުންލާ އަންހެނުންތޯއެވެ؟ ނޫނެކެވެ. މިއީ ކޮންމެ މީހަކަށްވެސް އެނގޭކަމެކެވެ. ވީމާ ތުބުޅިލީ މީހަކު ގޯސްކަމެއްކުރާއިރަށް، ތުބުޅިލީ ހުރިހާމީހުނަށް އޭގެ އެތިވަރުގޮވާ، ދީނަށާ ސުންނަތަށް ފުރައްސާރުކުރުމުން ލިބޭފައިދާއެއް އޮވޭތޯއެވެ؟</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-1555328518874253921?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0tag:blogger.com,1999:blog-8828534041088672753.post-45179349808046400562009-11-01T11:15:00.001Z2009-11-30T00:06:46.456Z<span style="font-size:130%;">"އިސްލާމް ދީނަކީ އެންމެ ފުރިހަމަ ދީންކަމަށް ޤަބޫލުކުރެވޭ ސަބަބު" މި މައުޟޫއަށް، ދާދިފަހުން އަޅުގަނޑުމެންގެ ތެރެއިން ވަރަށް މިނިވަން ނޫސްވެރިޔަކު ލިޔުމެއް ލިޔެ ޝާއިއު ކުރިޔެވެ. ލިޔުމުގެ މޮޅުކަމާއި، މުހިއްމު ކަމުން އެއް ބަހަށްވުރެ ގިނަބަހުން މި ލިޔުން ޝާއިއު ކުރަން ޖެހުނުކަމުގައި ވެއެވެ. އަޅުގަނޑުވެސް އެއްބަހެވެ. ޙަގީގަތުގައި މީހަކަށް އިސްލާމް ދީނަކީ އެންމެ ފުރިހަމަ ދީންކަމަށް ޤަބޫލުކުރެވިގެން، އެކަމުގެ ސަބަބުތަށްލިޔެ އެހެންމީހުނަށް އެމަޢުލޫމާތު ފޯރުކޮށްދިނުމަކީ ވަރަށްވެސް މުހިއްމު ކަމެކެވެ.<br /><br />އެހެންނަމަވެސް، މިދަންނަވާ ލިޔުން ރަނގަޅަށް ވިސްނައިގެން ކިޔައިފި މީހަކަށް ދޭހަވާނީ، ސުރުޚީގައިވާ އެއްޗަކާއި ދައްކަވާފައިވާ ވާހަކައަކާއި އެއްވެސް ގުޅުމެއް ނެތްކަމެވެ. އިސްލާމް ދީނަކީ ފުރިހަމަ ދީންކަމަށް ޤަބޫލުކުރެވުނު އެއްވެސް ސަބަބެއް ގެނައުމަކާނުލައި، މައިގަނޑުކޮށް ދައްކާފައިވަނީ ސައުދީ ޚާންދާނުގެ ވާހަކައެވެ. ސައުދީ ޚާންދާނާއިމެދު ލިޔުންތެރިޔާގެ ހިތުގައި އުފެދިފައިވާ ހިތްހަމަ ނުޖެހުމެވެ. ހަސަދަވެރި ކަމުގެ އުދާސް ތަކެވެ. މީގެ އިތުރުން، މިއީ ދިރާސާ ކުރުމެއް ނެތި، ވަރަށް އިމޯޝަނަލްވެ ހުންނަވައިގެން ލިޔުއްވާފައިވާ ލިޔުމެއްކަން ދޭހަވާނެއެވެ. އަދި ލިޔުމުގައި ބަހުރުވަ ގެންގުޅުއްވާފައިވާ ގޮތުން ނޫސްވެރިންނަށްވެސް ހުތުރެވެ. </span><span id="fullpost" style="font-size:130%;">މަޢުލޫމާތެއް ނެތިކަމުގައި މިދަންނަވާ އެއް ސަބަބަކީ، "ތާލިބާން އާއި އެހެނިހެން ހައްދުފަހަނަޅާފައިވާ ޓެރަރިސްޓް ޖަމާއަތްތައް ޕްރޮމޯޓް ކުރަނީ ސައުދު ޚާންދާނުން ކަމީ އެންމެން ދަންނަ ކަމެކެވެ." މިހެން ލިޔުއްވާފައި ވާތީއެވެ. މިކަމުގެ ހެއްކަކީ ކޮބާތޯއެވެ؟ ހެއްކެއް ނެތެވެ. ދުނިޔޭގެ އެންމެ ކުރިއަރާފައިވާ އެމެރިކާއަށްވެސް އެ އުޅެނީ އެފަދަ ޖަމާއަތްތަކަށް އެހީވެ، ޕްރޮމޯޓު ކުރާބަޔަކު ނޭނގިގެންނެވެ. ޝައްކެއްވިއަސް އެބަޔަކުގެ ދުވަސް އެބަ ދުއްވާލައެވެ. އެހެންކަމަށް ވާއިރު މިނިވަން ލިޔުންތެރިޔާއަށް މިކަން އެނގިލެއްވީ ކޮން ސޯސްއަކުންކަން އެބަ އެގެން ޖެހެއެވެ. ނޫސްވެރިކަމުގެ ދާއިރާއިން އޮސްޓްރޭލިޔާގެ ކާޓެއިން ޔުނިވާސިޓީގެ ޑިގުރީއެއް އޮތުމަކީ ތިބާ ބުނާ ކޮންމެ ވާހަކައަކީ ހައްޤު ތެދުކަމުގައި ވުމެއް ނޫނެވެ. ތިޔަފަދަ ދަރިވަރުންގެ ސަބަބުން އެފަދަ ޔުނިވާސިޓީ ތަކަށްވެސް ހުތުރެވެ. މިނިވަން ނޫސްވެރިކަމުގެ މާނައަކީ ތިމާ ހިތްހަމަ ނުޖެހޭ ކޮންމެ މީހަކާމެދު ހިތަށް އެރި ވާހަކައެއް ދައްކައި، ކަމުގެ ހަޤީގަތް ބެލުމެއްނެތި ދޮގު ތުހުމަތުތައް އެޅުވުމެއް ނޫނެވެ. އަޅުގަނޑަކީ ސައުދީ ހާންދާނަށް ސަޕޯޓުކުރާ މީހެއް ނޫނީމެވެ. އެހެން ނަމަވެސް އެފަދަ ވާހަކައެއް ދައްކާއިރު ހުއްޖަތެއް އޮންނަންވާނެއެވެ. މިއީ އެންމެ އާދައިގެ އިންސާނުންނަށްވެސް ޤަބޫލުކުރާނެ މިންގަޑުތަކެވެ.<br /><br />އަދިވެސް ލިޔުއްވާފައިވެއެވެ. "ދިވެހިން މިއަދު “ކިޔަމަންތެރިވަމުން” މި ދަނީ، ސައޫދީ އަރަބިއްޔާގެ ތެލުގެ މުއްސަނދިކަމުގެ އަވާގައި ޖެހިފައިވާ މުނާފިގު ސައުދު ހާންދާނުން، ހަރުކަށި އަދި ހައްދުފަހަނަޅާފައިވާ ވައްހާބީ އެޖެންޑާގެ އެހީގައި، މުޅި ދުނިޔެ އަޅުވެތިކުރަން ހިންގަމުންދާ ނާމާން ޓެރަރިޒަމް އެޖެންޑާ އެވެ."<br /><br />މިއީ މިދަންނަވާ މިނިވަން ލިޔުންތެރިޔާއަށް "އިސްލާމް ދީނަކީ ހައްގު ދީންކަން ޤަބޫލުކުރެވުނު ސަބަބު" ބާވައެވެ؟ ދައްކަވާ ވާހަކައާއި ސުރުހީގައިވާ އެއްޗަކާއި އެއްވެސް ގުޅުމެއް ނެތެވެ. އަދި މިއީ ވަރަށްވެސް އިމޯޝަނަލް ވާހަކަ ތަކެކެވެ. ހިތުގައި އުފެދިފައިވާ ހަސަދަވެރިކަމުގެ އުދާސްތަކެއް ފިލުވާލުން ނޫން އެހެންކަމެއް ނޫނެވެ. ދިރާސާ ކުރެވިގެން ދައްކަވާފައިވާ ވަހަކަތަކެއް ނޫނެވެ. ސަބަބަކީ ސައުދީ އަރަބިޔާއިން ކިޔަވާ ކޮންމެ މީހަކީ ގޯސްމީހެކޭ ނުބުނެވޭނެއެވެ. އަދި ސައުދީ ހާންދާނުގެ އަވާގައި ޖެހިފައިވާ މީހެކޭވެސް ނުބުނެވޭއެވެ. ދުނިޔޭގެ ކޮންމެ ދިމާލަކަށް ކަޅި ހިންގާލިޔަސް ސައުދީ އަރަބިޔާއިން ދީން ކިޔަވަިގެން ތިއްބަވާ ބޭފުޅުންގެ މަސައްކަތްތަށް ފެންނަމުން ދާނެއެވެ. ދުނިޔޭގެ އެކި ކަންކޮޅުތަކުގައި ޚާއްސަކޮށް ޔޫރަޕުގައި އިސްލާމު ދީނުގެ ޞައްޙަ ދައުވަތު ދިނުމަށް އެންމެ ވަރުގަދައަށް މަސައްކަތް ކުރާމީހުންގެ ތެރޭގައި ސައުދީ އަރަބިޔާގެ މަދީނާއިން ކަޔަވައިގެން އަންނަ ދަރިވަރުން އުޅެނީ އެންމެ ކުރީގައެވެ. އެބައިމީހުންގެ އަތްމަށްޗަށް އެތަށް ޣައިރު މުސްލިމުންނެއް އިސްލާމުވަމުން ދާކަމީ ކިރިޔާވެސް ދިރާސާއެއް ކޮއްލައިފި މީހަކަށް ވަންހަނާވާނެ ކަމެއް ނޫނެވެ. އެއީ އެބޭފުޅުން ދީނަށް ގޮވާލުމުގައި ގެންގުޅުއްވާ ޙިކްމަތްތެރި ގޮތްތަކުގެ ސަބަބުންކަން އެންމެންވެސް ދަނެއެވެ.<br /><br />ދެން ދިވެހި ރާއްޖޭގެ ހާލަތަށް ބަލާލަމާތޯއެވެ. ދިވެހި ރާއްޖޭގައި ހައްދުފަހަނަ އަޅާގޮސްފައިވާ މީހުންގެ ތެރޭގައި އެއްވެސް ޔުނިވާސިޓީއަކުން ދީނީ ތަޢުލީމު ހާސިލް ކޮށް ނިންމަވައިގެން އައިސް ހުންނެވި ބޭފުޅަކު ވޭތޯއެވެ؟ ނުވެއެވެ. މީގެ އިތުރުން މިނިވަން ލިޔުންތެރިޔާގެ ލިޔުމުގައި ފާހަގަކޮށްފައިވާ 2 ޖަމާއަތަކީ، ހައްދުފަހަނައަޅައި ދިޔުމާއި ސީދާ ދެކޮޅަށް ވާހަކަދައްކާ އަދި ދިވެހިންނަށް ނަސޭހަތްތެރި ވެފައިވާ ދެފަރާތެވެ. ތިބާއަށް ފަހަރެއްގައި ނޭނގި އޮތީކަމަށްވެސް ވެދާނެއެވެ. ނުވަތަ ފަސް ވަގުތު ނަމާދު ކުރުމަށް ގޮވާލުމާއި، އަންހެނުން ހިޖާބު އަޅަންޖެހޭނެކަމަށް ގޮވާލުމާއި، އަދިވެސް ދީނުގެ ބައެއް މުހިއްމު ވާޖިބުތަކާއި ސުންނަތްތައް ބަޔާން ކޮށްދިނުމަކީ މިނިވަން ލިޔުންތެރިޔާގެ ގާތުގައި ހައްދުފަހަނައަޅައި ދިޔުންކަމުގައި ވެދާނެއެވެ. އެހެން މިދަންނަވަން ޖެހުނީ އެފަދަ ނޫސްވެރިޔަކަށް 'ވައްހާބީ' މި ލޭބަލް ބޭނުން ކުރެވެން ފެށުނުގޮތާއި، ސަބަބުތަކާއި އަދި އޭގެ އަސްލުވެސް އެގިފައިނެތީމައެވެ. އަދި ޓެރަރިޒަމޭކިޔައި، ވަކިބަޔެއްގެ ބޮލުގައި އެކަން އަޅުއްވާއިރު، ޓެރެރިޒަމް ގެމާނައާއި، ޓެރަރިޒަމް އުފެދެން ދިމާވި ސަބަބުތަކާއި، މި މަޢުޟޫގައި ވަކިކޮޅަކަށް ނުޖެހޭ ޣައިރު މުސްލިމުން ލިޔުއްވާފައިވާ ލިޔުންތަށް ކިޔުއްވާފައިވާ ނަމަވެސް، ތިގޮތަށް ވަކިބަޔެއްގެ ބޮލުގައި އެ ތުހުމަތެއް ނާޅުވާނެއެވެ.<br /><br />ޚުދު މިނިވަން ލިޔުންތެރިޔާގެ ލިޔުމުގެ ފަހަތުގައި ދީފައިވާ ލިންކު ތަށް ރަނގަޅަށް ކިޔުއްވި ނަމަވެސް، ޓެރަރިޒަމާއި، އިސްލާމުދީނާއި އަދި ސައުދީ އަރަބިޔާއިން ކިޔަވައިގެން އަންނަ މީހުންނާއި ހުރީ ކިހާ ގުޅުމެއްކަން ފަހުމު ވީހެވެ. މިނިވަން ލިޔުންތެރިޔާ ދީފައި އެވާ އެއްވެސް ލިންކެއްގައި، ސައުދީ ހާންދާނަކީ ޓެރަރިޒަމް ޕްރޮމޯޓް ކުރާބަޔެއް ކަމުގައި އައިސްފައެއް ނެތެވެ. އަދި ސައުދީއިން ކިޔަވައިގެން ވަޑައިގަންނަވާ ބޭފުޅުންނަކީ ޓެރެރިޒަމަށް ހިތްވަރުދޭ ބައެއްކަން އެނގޭނެ އެއްވެސް ވާހަކައެއް އައިސްފައެއް ނެތެވެ. އަދި ކިއެއް އެކަމަށް ބާރުލިބޭކަހަލަ ވާހަކައެއްވެސް ސީދާކޮށް އައިސްފައެއް ނެތެވެ. އެ ލިންކު ތަކުގައިވާ ވާހަކަތަކަކީ ޖުމްލަކޮށް އަޅުގަނޑުވެސް އެއަށް ތާއީދު ކުރާ ވާހަކަތަކެވެ. ހިތާމައަކީ، އެލިންކު ތަކުގައި ހުރި ވާހަކަތަކާއި މިނިވަން ލިޔުންތެރިޔާގެ ލިޔުމާއި އެއްގޮތަކަށްވެސް ދިމާނުވާތީއެވެ.<br /><br />ކޮންމެއަކަސް، ކިޔަވައިގެން ތިއްބަވާ މިނިވަން ލިޔުންތެރިންގެ ލިޔުންތެރިކަން މިފަދަ ދަށު ދަރަޖައަށް ގޮސްފައިވާތީ ހިތާމަކުރަން ޖެހެއެވެ. ޙައްޤު ބަޔާންކޮށްދިނުމުގެ ނަމުގައި، ތިމާގެ ހިތުގައި ބަޔަކާމެދު އުފެދިފައިވާ ހަސަދަވެރިކަން ފިލުވާލުމަކީ ލިޔުންތެރިކަމުގައި މަކަރުވެރިވުމެވެ. ދިރާސާއެއް ނެތި ހިތުހުރި ގޮތަކަށް، އިމޯޝަނަލްވެ ހުންނަވައި، ސާބިތުކުރުމެއް ނެތި މީހުންގެ ބޮލުގައި ބޮޑެތި ތުހުމަތުތަށް އެޅުވުމުމަކީ ތިމާ އުގެނިފައިވާ ޢިލްމުގައިވެސް ކޮޅުފައިން ޖެހުމެވެ. އަދި ސުރުހީގައި ދީނުގެ ނަންޖަހައިގެން ލިޔާ އެފަދަ ލިޔުންތަކުގައި 'ބާޒާރުމަތީގެ' ބަހުރުވަ ހުރުމަކީ، ތިމާގެ އިއްޒަތާއި ގަދަރު މީހުންގެ ކުރިމަތީގައި ކުޑަވެ، މީހުންގެ އިޙްތިރާމު ގެއްލޭނެ ކަމެކެވެ. ސަބަބަކީ މީހުން އިޙްތިރާމު ކުރާނީ ކުޑަވެގެން ދީނަށް އިޙްތިރާމް ކުރަން ދަންނަ މީހުންނަށެވެ. ވީމާ، ލިޔުންތެރިކަމުގެ މަޝްހޫރުކަމާއި ހުނަރު، ޒާތީ ހަސަދަ ފިލުވާލެވޭ ހަތިޔާރެއްގެ ގޮތުގައި ބޭނުން ނުކުރައްވާށެވެ. އެއީ ދީނާ ޤައުމަށް ފައިދާހުރި ގޮތުގައި ސާބިތު ހުއްޖަތާއެކީގައި ބޭނުންކުރާއެއްޗެއް ކަމުގައި ހަދަމާތޯއެވެ.</span><div class="blogger-post-footer"><img width='1' height='1' src='https://blogger.googleusercontent.com/tracker/8828534041088672753-4517934980804640056?l=dhonveali.blogspot.com' alt='' /></div>dhonvelehttp://www.blogger.com/profile/10391974428613966340noreply@blogger.com0